رنا- اباوع لسانه اي ها على خدها شكد جانت متحمسه للحنه خطيه. كمت كتلهم كومو يله عالبيت خل نكمل شغل كومي لج سوي جسمج نخلص شغل ونجيج نساعدج باوعتلي سانه ونصت راسها ببرود
سانه- بطل واهسي
كومي عاد مضل وكت اهووو سانه
اي يله كمت كمت كمت فتت للغرفه مال بيبي وقفلت الباب وهمه طلعو عالشغل
رنا- شيرين تشتغل وتوكف على صفحه تخنكها العبره وتكمل شغل لحد ماكملنا شغل رشا منزلت ولا ساعدت امي تحضر تمسح ويانا بالمراسي وشلان عالبردات ووسام كالعاده الرصيف والحديقه ورائد كمل الطرمه وكعدنا يم سانه نسوي جسمنا وياها اني وشيلان راحت امي عزمت الجيران وجتي شوي وطبت رغيد كيفنا بيها بقينا كلما بغرفه امي ومهند والولد يحضرون بيت مهند لان يباتون اهله لفراس بي من يجون بالحنه وبالزفه بالفندق يباتون سانه وفراس وثاني يوم من الصبح يطيرون لدهوك. جنت اباوع بعيون مهند الالم البيي ميباوع لسانه وشيلان هم قدر الامكان تبتعد وحتى رائد عصبي كلش وسانه تاصفن بين نارين ضلت واجه يوم الحنه هالمره شسورت شعري ومن حوه لفلفته وقبل يومين صابغته عسلي لاكلي هواي رغم رشا تروح وتجي تكولي
انتي زركه وتصبغين هاللون
عاجبني
ههه الحمد لله اني مااحتاج اصبغ اني من الله شكره
هو وينه شعرج طاكه مبي كل فرك هالعرضه ودرت وجهي معجبني هالمره اسكت لبست فستان احمر قصير والحذاء كعب احمر الكعب جان رفيع. وذهبي لبسته جتي رفيف كيفت بقت تباوعلي وتتنهد
شبيج لج
ادري مو حرام عليج هالجمال اخويه محروم منه
عهههه الله كريم حبيبي
خليت مكياج خفيف بعيني وبشفتي احمر بينت بروز شفتي اكثر اجتي خالتي سعاد حضنتني تبجي تتوسل
خاله فدوه لعينج انطرنا مجال
ابني ديموت والله تعبان وبس ضايج
ميخالف خاله شبي صار 3شهور مات كلشي مابي عوفي
والله يمه بس عصبي وضايج ومن انام اسمعه يفتر بالبيت لو بالحديقه ولا يمجنام مرتاح ابد
بقيت ساكته جريت نفس ميخالف خاله الله كريم تركتها وبلشت الحفله مكعدت وياهم وياهم ركصنا اغلبيه الاغاني كردي. وخاله الولد وحمواتها مقصرو طبت سانه تخبل طالعه ام فراس تبوس بيها طايره كامت لبستها ذهب تلبس وبعد تلبس وبعد باوعت لشيلان
بتج بيها بوكه الا ثري دي
ههههه ادري شعدهم لا ويكولها تره حالتنا مو كلش خاف متتحملين وبتي تكوله اتحمل اثاري تدري الدكه
هههه كمت اركص براحتي كمت كلسا انتبه رفيف تصور ومن انتبه تسوي روخا تلغعب بالفون عفتها براحتها تصور هناك ونزلت رشا لابسه ثوب. اسود كلش كصيف وقصير حيل وكلش مشخلع ومسشوره شعرها ومخليه كومه مكياج على كوله وسام خبلتها لروحها الحوارين ضلو صافنين على جمالها سالو امي عنها كلتلهم صارت مشاكل هناك ورجلها يشرب متحملت تطلكو شتكولهم صخام وجههه التهينا وي سانه وفرحتها ركصنا وتونسنا اهل الولد ينحطون بالكلب كمل الحفل وراحو اهل عمر وفرشنا للخطار فراس مجاي لان الحنه هناك مسويها بقاعه بدهوك كالو باجر بطياره يجي الصبح راحت سانه للصالون واحنا كمنا عالبيت وسوينا ريوك جوي اهل فراس تريكو عدنا وراها كامو ويانا عالبيت اشوف كلمن لزم صفحه حتى لغرفه بسام صعدو ترتب الفرش وانسلت وانغسل ورجع كلشي بمكانه وفد ترتيب حتى الزوالي شالوها فرشوها بالطرمه وفرجوها بمي ومعطر زاهي وفرجه كامت تبرج وعافوها تشمت ساعه ورجعو فرشوها بالصاله والهول بعدما انمسح البيت الفرفوري مال مطبخ مع العلم احنا منضفي بس هم مسحو لان قبل بيوم الهوسه صارت واليوم الريوك فصارت هوسه البيت كام يلمع واخر وخده فاتت للحمام ضلت ساعه يله. طلعت من طلعت الحمام جالفته من فوك ليحوه فد خجلنا يابه ليش هيج
لا احنا صرنا اهل صار بيننا ملح وزاد
شكد حبابين وبسيطين نفس سانه كملنا وبدلنا ننتضر سونه وجتي حبيبتي اباوع مهند فتح الباب الجبيره كلها وطبت ببدلتها عبالك اميره منصي راسه ابوها وجهه عابس حضنته كمنا نباوع عليه كام جسمه يختض بجانه كلنا هاي شحيسوي من تجي المزايق وياخذوها رائد وجهه احمر من البجي شيلان. بس صافنه وخانكتها العبره وسام بصفي. واكف صافن عليها
وسام- يصير واحد يبطل باوعت لرغيد باوعتلي ابتسمت
شيلان- اي والله يمكن راح ابطل
ام مهند- يمه ميصير تحجين عيج مو خوش فال
وسام- دتروح رغيد وره شيلان جريتها
بس احاحيج
هممم
مو هنا بغرفتي
لا والله باوعتله رافعه حاجبي
وسليمه تطمج قابل راح اكلج
اي والله تاكلني،هااا رغيد خزرتها
هههه مااجي وستجام احد يشوفني اخاف استحي البيت مليان،ها يعني من يفرغ
لااع وسام روح عفته ورحت جر ايدي كرصني قوي من جف ايدي اباوع سننونه طك سن بسن بقيت صافنه عليه غمضت عيني متالمه اي
اوووف ربي روحي من يمي حبتلي بيج
رنا- سانه كيمر وشعرها الذهبي نازل خصلات على مرمره ضهرها وام فراس كاعده وتقره تخاف عليها وجتي المزايق بس كرديه وبقو ساعه يدكون بالباب طيجبو ركصو كردي بالطرمه والزي الكردي وطب فراس لابس زي كردي. اسود ولاف براسه مثل العمامه كرديه يخبل والزنجيل الذهب نازل ويركص كردي وطب بوس مهند وحسام ووسام ورائد ودلشاد خال سانه وفات سانه لازمه ايد امها شالت امها ايدها خلتها بايده باسها لشيلان من ااسها كامت تبجي ضحك ونصه راسه شاورته هز راسه وكلها بعيني اشر على عيونه شال بركع سانه جانت امها مخليه جوه البزكع وصله حمره شالها بقه يباوع بعينه باسها. من راسها بعمق وجر نفس مغمض احنا مكدرنا نسكت بعد كلنا كمنا نبجي
شيلان- تصوير حياتي من جبتها بيدي من المستشفى عمي من تلكاني من الباب يركض شالها ليفوك يكول مو بنيه ذهب على شكارها مهند ودمعه عيونه من شافها اول رضعه اول صرخه بجي اول ضحكه اول مشيه اول يوم اسجلها بي اول شهاده لحد اخر شهاده كلها كدام عيني مشت وي دموعي ودموع مهند تنزل. وكفو نصه باس ايد مهند وسانه باست ايدي وايد ابوها رائد مكدر يتحمل طب جوه طلعت سانه واخذت كلبنا اخذوها وراحو بقينا ماعدين حسنا مطلع
سانه- مكدرت اسكت بس ايده اللازمتني عصرتني حيل
فراس- حبيبي لتبجين
بابا كام يبجي
ميخالف هسه من يصير عدنا جاهل تفرحي بطبتج بستها من راسها طلعنا للفتدق وصلنا وامي ويايه صعدنا وراحت اني بقيت وحدي وياها تقربت نزعتها البركع بين وجهاا هاي شمسويه بيج ام الصالون
كومه خلت مكياج
تذجطبين كله تغسلي اريد حبيبتي اني
اوك طبيت غسلته وطلعت تقرب مني ينشف المي عن وجهي برقه بالمنشفه وصل لشفافي جر نفس
كال صار سنه ونص اتحلم بيها
نصيت راسي رفعه برقه باسني واني صرت طيره بيده لمساته على ركبتي بطرف اصابعه حسيت بي ذب اللي براسه ونزع الزي بقه بالشرول اخذ ايدي واني منصيه ميته خجل مشاها على صدره واستقرت يم كلبه
حيوكف كلبي سانه
اسم الله همست
اموت عليج حبيبي
اني هم ونصيت رجع باسني بلهفه مشتاق راح خوفي منه بكلامه
حبيبي اخذتي كلبي بالثوب الاحمر من دتروحين بالعرس وشوفتي لابوج واخذتي كلبي من تعاركتي وي رائد ولبستي الحجاب وسمعتي كلامه اسيرج صرت من تموليلي باباتي جنت اتخبل ومن امولج بابا تي احس بيها من كلبي
سانه- يباوع بعيني مدمعه عيونه ويحجي ويتلمع خصله شعري همس
بالبدايه عبالي طفله واني شلت هم هاي شحيخلصها بعدها من شفتج اول مره تخبلت اتذكر جنت واكف وكعدت اكبر واصغر واكول لا ميصير هاي عرضه حرام عليه بس مكدرت سانه مكدرت دلالج ودلعج وغنجج تمنيتج عدي وادللج
اني صرت عدك
اي حبيبي بين ايدي صرتي بستها من راسها بس الي وراح اكون ابوج واخوج وامج وكل اهلج اني سانه
همم
تحبيني كلتها وحسيت خنكتني العبره سانه حبيبي افراحي قليله بهالحياه يمكن اكبر فرحه عدي تخرجي ودموع امي وانتي الفرحه الثانيه صيريلي فرحه وعاونيني عالدنيا ادري بيج مدلله وهالشي صعب
سديت حلكه برقه باصابعي غمض --- وياك يسهل الصعب فراس خليت ايدي على كلبه بتلمس رقيق جر نفس يرجف
وكلبك طيب حبيبي بابا حجالي كلشي كلي شون خليتني احاجي من جان محبوس كلي شون اسعفته وركضت وانت خفت عليه اعرف كلشي
ابوج دره ولو اضل طول عمري اتاسف واتوسل بي يسامحني مااعجز وفوك كلزهذا انطاني جزء من كلبه. شون اجازي لتبجين فدوه اني مااتحمل اشوفج متاذايه من ورايه شوون اخذج كعيدي هه
لا اريد اروح وياك وين متروح
اوف يابه الف الحمد لله سانه حبيبتي انحرمت من ابويه من الصغر من بعدها محسيت بطعم الفرح دائما فرحتي ناقصه بس اليوم جريت نفس طويل اليوم حسيت روحي كامل بيج سونه والله حسيت نفسي كلشي ماريد بعد
اني بيك اكتملت فراس
اروح فدوه لحلكج انتي نعمه من الله انتي دعاء امي المستجاب وكت الفجر
حبيبي فدوه لكلبك على هالحجي
ماوصيج بامي تعبت علمودي هواي سونه
بعيوني اخليها انشاء الله
انشاء الله جريت نفس اريد ابدي حياتي وياج بله خوف
مخايفه ادري بيك تخاف عبيه اكثر من ماخاف عروحي
اي والله العضيم
لتحلف خليت ايدي على شفته غمض مره ثانيه باس اصبع اصبع يباوع بعيوني الذايبه. ليلتنه انتهت بحب وحضن
سجنيني موبد بين اديج------
رنا- كمل العرس والعرسان الصبح طارو بقينا يومين بس سامتين ونتصف مكان صبا وسانه حيل فارغ صوت ضحكهم وصياحهم يرن باذني شيرين بس تبجي شكد ماحاول اسد مكان صبا مااكدر بدت جامعتنا والدوام باجر ادوام شايله هم للقاءه ماريد احن اله ابد بس هو مداير بال مكلف روحه يوصل للبيت ماصدك حجي اليجون يتوسلون هيج عزه نفسه متتحمل يوصل يتوسل هيج مااستاهل هاهي بعد ملازم الميريدني ماريده اباوع لبطني طوبه صغيرونه قويه وسام كلما يفوت يكولي. تشبيهين التليتابيس يضحكني وبده الدوام حسام حبيبي منعزل صار عشر ايام صبا ممتصله بي. اتصل بيها مغلق ميقبل لايروح لايوصل ورافض انه يتصل كلما نحجي يكول هي تكعد وي روحه وتعرف الصح من الغلط بس شيرين اكلتها وعلى غفله اجتي عمتها لصبا ببيتنا خطار رحبنا بيها كالت اريد شيرين اخذها امي سالتها عن صبا كالت شوي الحجيه مريضه ومكدرت تعوفها ونفسيتها تعبانه بعد اعدام احمد فشويه شيرين وياها هي متعلقه بيها
حسام- يعني انعدم فكيت حلكي شون تلفت الخبر وحدها شصار بيها فركت وجهي بايدي
اي الله يغفر اله هو جان من اول اعوج هواي حجه وياه ابوه من قهره مات وامه هم وهالمسكينه وكعت بي
خو ما تاذت
اي والله تحطمت ايام تبجي ومتهدا الا تتعب والحجيه تعبت لتعبها
تالي مناويه ترجع وكفت اني اوصلج حتى اشوفها
لالا دكتور فدوه خل ترتاح هالفتره واني اخابرك انسب شي
اوك هاهي جريت نفس كعدت الاشتياق اخذ من عمري بداخلي كلتها
بس اذا ممكن شيرين اخذها
مهند- والله شكو منها. بس شنو رايها هي
شيرين- عمو اريد اروح مشتاقه لعمه
عمه صبا- وهي هم حتداوم بالجامعه ياريت تسمحولي بهالاجر اني متكفله كل مصاريفها ماعدي بنيه اني واتمناها تضل
مهند- والله براحتها ضلت بعد وشتكول تدلل
ام مهند- يمه صدك ترحين وتعوفيني
خاله والله كل فتره اجيج بس اريد ابقى يم عمه صبا من ترجع ارجع وياها
ماشي
شيرين- كمت ركض لميت هدومي بوست رنا وخاله وعمه شيلان وطلعت بعدما سلمت
رنا- كلبي انقبض هالمره صدك بقيت وحدي وهاي عشرتها تشيب الراسسس----------
-------
رنا- مكان 2خالي
