اليتيمات

بارت2

مرت الايام والسنين وبابا وعمو مكاطعين أهلهم حاولو يصالحوهم بس ماكو
احنة صرنة بالمتوسطة وهاي مرحلة جديدة جسمنا يتغير هرمونات
من صرنا بالمتوسطة تحجبنا ومستوانا عالي وكلها تضرب الأمثال بجمالنة
فديوم بابا وعمو كالو نروح لاهلهم  احنا مرحنا لأن منحبهم
تحججنا عدنا امتحان

براء:بابا والله عدنا امتحان ما اكدر اروح

بابا:إني اروح للمدرسة واحاجيها

اسراء:مو هية كالت اجيب الاسئلة سهلة والي يأجلن صععبة نار بابا واحنة بكلورية

محمد:خلص ابقن يم بيت جدجن والتاب خلية يمجن ناخبركم

براء:اوكي بابا الصبح ودونة ودعتهم احضنهم واحد واحد عبالك راح افارقهم رحنة للمدرسة
رجعنة للبيت جدي مرت خالي كالبة خلقتها

اسراء:شبيج اكو شي

ليلى:لا ماكو شي

براء:عبالي طبينة جوة ابوية داك علينا دكينة على بابا رد شفت ولد كاعد يمة
لبسنة حجاب ضل يحجي ويانة شلونكم شوفنة جدو وبيبي سلمنة على امي وخالتي طفينا كعدنا نقرة نقرة هم خابرتة بابا

اسراء:عمو شوكت تجون

احمد:انشالله عمي باجر

براء:بابا حيل ليش مو اليوم

احمد:بت الاوادم إني اليوم جاي

براء:على راحتكم مرت يومين واحنة ننتضر راح يجون اليوم رجعنة للمدرسة طبينة اكلنة
للعصر طب خالي عيونة حمر

اسراء:شبيك خالو

خالي:لمن ملابسجن يلة الي جبتوها وغراضكم عدكم بيت أهلكم شي

براء:لا خالو بس شكو راح تطرندة

خالي:امشن

اسراء:صعدنة بالسيارة ودانة للسوك نزل جاب شي اسود ما اعرف شنو
ضل يمشي واحنة الطريق كلة نايمين كعدنة خالي يكعد بينة نزلنة شفنة جادر اجة علينة واحد هذا عمي شوفنيا ابوية اجة يبجي

:يابوية اخواني راحو يابوية

براء:شبيك عمو منو راح

:اهلكم ماتو ماتو ولا واحد

اسراء:اباوع على براء وكعت من طولها إني شفتها هيج هم تخربطت كعدت لكيت روحي بالساحة وبراء يمي تبجي وحدة كابلت الثانية ونبجي ونعيط طلعو دافنيهم ومغسليهم

براء:رحت على عمامي وعماتي انتو السبب كلة من وراكم عينكم ورانة شتردون منة ليش دزيتو عليهم ليش

اسراء:اي كلة من وراكم اكيد كلتو شوفو للسهم عايشين شرياحلهم يلعبون بالفلوس لعب
همة يبجون واحنة نبجي بعدين سكتنا سألتهم شلون ماتو

:من طلعو منا الفجر رايحين عل جسر فالت التاير وضالة السيارة تتكلب وواكعين بالنهر خلصت الفاتحة جابو غراضهم إني واسراء حاضنيهن ونبجي
طلعناهن فوناتهم امي وخالتي و ابوية وعمي ملابسهم ضلينة نبجي جان يجي ابن عمي جبير مهند

مهند:نقال عمي إني آخذة

اسراء:عوف فون ابوية لا أكسر ايدك مال ابوية
مهند:جا مال عمي

براء:انتة هي لا عبالك بنات ما نكدرلك ادوس رأسك عوف مال ابوية هسة تذكرت عمك سنين يريد يصالحكم مترضون والله ما اخليكم تحصلون شي من غراضهم

عمي:انتي هي بالفاتحة سكتنة كلنا مصدومات بس هسة لا

اسراء:كول والله مرتين أنريد غرفة نحط بيها غراضنة

عمي:تنامون وية البنات

براء:لا غرفة وحدنا إني مو سمعت انتو مترضون نروح نبقى يم خوالنا تريدنا سويلنة غرفة احنة عدنة كومة غراض غرفة وحدنا لو نرجع لبيتنا

بيبي:لا يمة بس انتو ضليتن من ريحة ولدي يمة سولهم غرفة
اسراء:ها ويكون بيها حمام داخل الغرفة مثل الي بغداد

عمي:بس احنة ما عدنة هيج غرفة

براء:ما عدكم ابنو ها ويا ريت سيراميك احسن

عمي:تامرن بنات الغوالي

اسراء:تسلم مرت 3ايام سوو غرفة جديدة بيها سيراميك م نفس غرفتنا الي بغداد بس عادي

براء:عمو غراضة الي بغداد نريدها جرابي ميز تواليت

مهند:انة اروح اجيبهن

اسراء:تصدك انتة الوحيد الي ما حبيتك يا الله ثكيل عل معدة

براء:لا احنا نروح نخابر خالي يجي يأخذنا ونجيب الغراض

عمي:مثل متردون بس غراض اخواني

اسراء:معليك بيهن نطيهن صدقة لروحهم ماكو غير حجي بيبي بس انتي أكثر وحدة حبيتج راح انطيج بطانية بابا ودشداشة مالتة
وانت عمو انطيك الساعة ومحبس أما البقية ما الهم شي

براء:اي صحيح

عمتي:ليش مرت اخوي والله حبابة

براء:اي حبابة وين لحكتي تشوفيها كومي حبي كومي نقرة قرءان
قرينا قرءان وصلينا
اكلج اسراء هاي مدرستنا شلون بابا وعمو جانو دائما يكلولنا كملو دراستكم
اسراء:يسون النة نقل هنا حرامات تروح سنة
من جاي ننزل اسمع عمي يكول البيت وكاع عدهم بس البنات الهم شلوون

براء: إني اكلك شلون بيتنا وتأجرة والكاع تنباع منها 100 متر تسدد بيها ديون ابوية وها الايجار مال البيت النا

اسراء:اي ونقل مال المدرسة مالتنا

عمي:مدرسة ماكو تكعدن بالبيت تزوجن ولد عمجن

براء:لا والله النقل يصير يعني يصير اذا ما نقلتونة والله احرك روحي وابليكم

اسراء:لا عليمن إني اشرد من البيت واجيبلهم العار لا عبالك بنات ما بينا خير ترى نطببكم بالمي نطلعكم ناشفين الأسبوع اليجي نداوم وباجر نروح لبغداد