جانت المزرعة تخبل صايرة دائرية وبالنهاية صاير بيت كلش حلو
نزلنة من السيارة ضلينة إني وبراء تباوع عل مكان كلش حلوة الطبيعة طبينة للبيت حيل جبير اكو غرفة جبيرة صايرة بالطابق الأرضي كلش حلو شكلها
براء:هاي الغرفة النة نكعد بيها
سلمان:لا انتن البنات فوك
اسراء:يختي اصمالله اكولك لتحسسني انو إني من العصر الحجري شنو بنات وفوك اشو هنا نام يعني هنا
سلمان:تكسرن كلمتي شايفات كم حايط هنا
براء:أربعة حياطين وانتة خامسهم كلهم كامو يضحكون
طبينة للغرفة حطينة غراضنة لبسنة تراكات بس محتشمات لفينة الحجاب مبهذل شلون ما جان وطلعنة لكيناهم كاعدين عل حشيش ويمهم ترمز مال جاي جان يكوم علاء
علاء:اليوم راح نسوي أطيب عشة بغدادي من ادينات الشيف براء واسراء
والشيف علاء وعمار
اسراء:شنو نسوي عشة
براء:يي اليوم نسوي عشة بغدادي راح نسوي بيتزا وسمبوسة وصاج ولحم بعجين
عمار:بس البسبوسة وصاج يراد عجين جاهز
اسراء:ليش يابة مو بعينك منعرف نسوي العجين مالتهن
عمار:تعرفن بنات بغداد؟
براء:اني ما أدري ليش ماخذين فكرة انو بنات بغداد مايعات وكل شي ماكو يلة امشي للمطبخ
رحنة للمطبخ عمار وعلاء يسون حشو السمبوسة ولحم بعجين
واحنة نعجن العجين بس لابسات كفوف
علاء:اكول مين اتعلمتن تسون العجين
اسراء:من جنة نجوع بنص اليل إني وبراء نروح للمطبخ نلكة كلشي ماكو ناكل تفاحة ونام ثاني يوم بحثنة بالنت على اكلات حلوة مثل الي جاي نسوي حضرنا وضمينا من نجوع باليل نروح ناكل
براء:يعني الله يخلي النت
عمار:عدجن نت
اسراء:لعد ليش ربنا وحد
عمار:اها عدجن فيس
براء:يي عدنة وانستا وسناب وواتس وتلي وفايبر
علاء:كل هذن عدجن
براء:يي
عمار:وتنشرن صورجن
اسراء:شايفنة نطك صور ونحطها بتلفونات الولد لا طبعآ مننشرهن
عمار:شنو قصدج خاف مسوياتها
علاء:عمممااار شنو هل حجي كمل واسكت
كملنة الأكل وبقت بس الزلاطة
اسراء:نسوي سلطة البيذنجانية
براء:اوك
وااخييرآ كملنا هفف تعبت
راح اروح ابدل واسبح واصلي مو تصبون
اسراء:يلة الكل نماز نماز
YOU ARE READING
اليتيمات
ChickLitتحسون بشعور من تصير يتيم ومنبوذ محد يحبك يحوم على الفلوس راح نشوف قصة البنات براء،اسراء شلون يلعب الزمن دور بحياتهم?
