جبروت الشيخ وقلبي

البارت السادس والعشرون

البارت السادس والعشرون ..
مساء الخير حبايب ..
صح انشر بين يوم ويوم ..بس البارت راح يكون عبارة عن بارت ونص ..
يعني يشبعكم ويرضيكم مااشي الحال هيج بس لاتنسوا صوتوا اذا عجبكم البارت ..
متابعه طيبه حبايبي
بنين الطائي ❤ 🦋 ....
.........................

شهاب ..
بعد ردها علي ..مااطخيت راسي ورحت اسال عنها ..اصلا ماحسبت حسابي ..اخذت مانع ومن وراي ..يعني هاي شكبرها سواتهه..واحد غيري والله مايخليها على ذمته ..وفوكها هي جاي تتركني وتروح ..لمت كل غراضها وطلعت ..
بس والله خليج تتندمين ياغاليه ..
سمعت الباب ندكت ..حجيت تعال ادخل منو ..
امل ..اني ..شهاب ..اريد احجي وياك
شهاب ..ماتحجين ..منو كاظج
امل ..شنو رايك ..انقل غراضي وملابسي وغراض ابنه هنا يمك ..حتى خاف نحتاج شي شياتين ..نلكيك قريب منه ...
شهاب ..لا ..وانتي قابل وين بحزيزه ..وهاي بصفي غرفتج ..هاي الغرفه مو الج ..ولاتحلمين يوم تصير الج
امل .. شنو شقصدك ..اذا هي صاحبته مااتريدك بعد شنو جلب بيها قوه ..لو تتوسل بيهاا..
وكتها عصبت بس هديت نفسي شكد ماكدر..شوفي ..ما اريد اسوي شي اتندم علي ..سالفه تخص غاليه انتي لاتحجين بيها ولا تدخلين بيها سمعتي ..الي بيني وبينها مايخص احد غيرنه سمعتي لو اعيد ..

امل بصوت وعصبيه.. لزم تحبها هلكد ..شبيها مميز عن الباقين ..بشنو احسن مني ..كل وكت اتحملك ..واتحمل كلشي منك ..وعفت كلشي الخاطرك ..وقدمتلك كل الحب ..وحتى ابنك شلته الك ..الي هي قررت تحرمك منه ..

شهاب بصوت.. كافي خربطه ..انتي تردين واحد بي حيل لغوا وياج ..اكوم اطلع احسلي البيت صاير جحيم بس المشاكل ..
عفت واخذت غراضي وطلعت ..مارجعت تالي الليل ..
اول ما دخلت ..طبيت سبحت ..وجاي ابدل ..
حسيت باامل دخلت علي ..وهي تبجي وتحجي ..
امل ..شهاب ..الحكني ..راح اموت ..الم بطني ..الحكني ..
ركضت عليها بخوف ولزمتها وحجيت ..شنو شبيج خاف جاي تطلكين ..
امل ..ماادري ..بس دكتوره كالت مااتجيبين طبيعي ..لزم عمليه ..ااخ ..الحكني ..شهاااااب
رجعت اركض لبست شلون ماجان ..وصحت رقيه ..كمت اصيح ..
اجتي تركض ..هي وغاليه
شهاب ..بسرعه حظري غراض امل ..وجيبي عبايه خلينا على راسها ..بسرررعه
دكيت على امي واني مخبوص اول مره اصير بهيج موقف
دك ..وطلعت امي كالت الوو يمه خومااكوا شي
شهاب ..يمه تحظري بسرعه ..راح اجيج هسه ..هاي امل جاي تطلك يمكن
امي ..يالله على كيفك لاتنخبص ..هي بجر ..ماتجيب بسرعه ..جيبها وتعال على كيفك من الطريق ..
سديت ..واخذت اكود بيها بعد مالبست عباته وشحاطتها ..ونزلت رقيه تركض خلت غراض الطفل بالسيارة ..
طلعت على امي كبل ..وامل تصرخ وتبجي .. تضرب بالكشنات ..
وصلنه لامي ..واخذته وطلعنه للمستشفى خاصه
هناك عدنه هواي عرف ..وصيتهم بيها ..
ودخلوا ..كالوا  بعد ساعه وتجيب ..
بس قبل ماتخلص الساعه صاحوا امي ..واخذ ملابس منها ..
اجتي كتلها ..هايمه ..كالت مبروك يمه اجاك ولد ..
صدك وكتها فرحتي ماتنوصف ..شكرت الله الف مره ..