تضحية للكاتبة وردة

٥

تضحيه

الحلقة 5

لمست فرحة جبين اختها اذا كانت حرارتها مرتفعه

فرحة : ما انتي كويسه اهو امال ايه الهبل اللي قولتي ده

نرمين : هبل !!! انتي مش حاسه بيا علشان عمرك ما حبيتي ولا تعرفي يعني ايه حب عمرك سبيني بقي

فرحة بحزن : الله يسامحك ..... طيب هتقولي لماما وبابا ايه بعد ما اتعرفوا علي شريف انتي واخده الموضوع من ناحيتك انتي وسايبه اللي حواليكي

الاب وجدهم يتحدثون في الصاله ...

الاب : صوتكوا عالي كده ليه ي بنات

فرحة و نرمين : صباح النور ي بابا

الاب : صباح النور ي ولاد ... مالبستيش ليه يا فرووحة علشان تروحي مع اختك

نرمين بقلق : نروح فين ي بابا ؟؟؟؟

فرحة : معلش ي بابا نسيت اقولها .. اصل عمر استأذن بابا انه يخرجنا النهارده

نرمين : لا مش قادره تعبانه

الاب : انا قولتلوا انكوا رايحين وبعدين لازم تتعرفوا علي بعض واختك اهئ معاكي

نرمين باستسلام : اوووووف ... حاضر يلا ي ستي خلينا نروح

الاب : اتكلمي باسلوب احسن من ده

نرمين : اسفه ي بابا اصل كنت رايحه مع بنت زميلتي مشوار

فرحة : ربع ساعه واجهز ان شاء الله كلمي عمر وشوفي هيستننا فين

كلمت عمر فعلا واتفق معها عمر ان ياتي للمنزل
نرمين : يلا يا فرحة عمر بيرن

فرحة : خلصت اهو خدي امسكي الشنطه دي لحد ما اعدل الشوز بتاعي

فرحة مندهشه : ايه ده ؟؟؟

نرمين بقلق : ايه في ايه

فرحة : الاسوره دي بتاعت شريف اللي جبهالك لابسها ليه

نرمين بتوتر : اصل ..عمر قالي انه هيجيب شريف معاه

فرحة : ليه بقي

شريف بفرح : مش عارفه كان نفسي اشوفه

فرحة : حرام كده ي نرمين مش هينفع

نرمين: يلا عمر تحت سبيني براحتي

عمر مبتسم امام السياره : السلام عليكم ... ازيكوا ي بنات

فرحة و نرمين : وعليكم السلام ..الحمد لله

نرمين برخامه : هنفضل واقفين

عنمر : اتفضلي يا نرمين وفتح الباب لها وبعدين لفرحة

عمر بحب : جميل الفستان ده اوي ي نرمين

نرمين : بجد ده عندي من زمان وبطلت البسه بس لبسته النهارده

عمر بفرح: اكيد غالي عندك