تضحية للكاتبة وردة

٢٧

تضحيه
الحلقة 27 

فرحة : ازيك ي رانيا عامله ايه

كمال باصص ليها باستغراب

رانيا : يعني كل صحابي سابوني واتهموني اني فرقت بينهم وانتي ي فرحة اللي تسالي عني

فرحة : انا متاكده انك كان نيتك خير وان شاء الله الزمن قادر يحل اللي بينهم وانتي متبعديش عنهم وهما فتره والكل هيجي بنفسه يعتذرلك

رانيا مسحت دموعها : ربنا يخليكي ي فرحة بعد اذنكوا هدخل لعمر

فرحة تجاهلت كمال ودخلت عند مكتبها علشان اضايقت من معاملته لصديقته بالشكل ده .....

عند عمر ....

عمر : اهلا ي رانيا اتفضلي

رانيا : ميرسي ي عمر ارجو اني مكنش ضايقتك

عمر : ايه الهبل ده ي بنتي لا طبعا انتي تنوري في اي وقت طبعا... بقالي كتير مشغول اعذريني معلش مش بسأل بس في قضيه صعبه ماسكها

رانيا : ربنا معاكم ....بصراحه انا جايه علشان اصلح سوء التفاهم بينك وبين نرمين

عمر : بصي ي رانيا الموضوع ده اتقفل بالنسبالي خلاص انا مكنتش بحب نرمين كنا مخطوبين عادي بنحاول نقرب من بعض وانتي ملكيش اي دعوه بالموضوع ده ربنا جعلك سبب علشان افوق

رانيا : تفوق !!!

عمر : اها افوق متستغربيش كده انا مش هتجوز الا البنت اللي قلبي هيدقلها خلاص مش هفكر تاني في موضوع الارتباط بالعقل انا اللي كسرني شريف ازاي يكون عارف وميقوليش ازاي ازاي ي رانيا

رانيا : هو بيحبك اوي والله علشان كده مقلش حاجه ومرضاش انه يضايقك ومن يومها وهو مسافر اساسا مش عايز يشوف حد هو مش قابل فكره انه خسرك صدقني

عمر : انا لحد دلوقتي بتمني لو كان كابوس ياريت كان حد تاني بدل شريف لكن شريف ده صاحبي ده انا عمري ما جرحته بكلمه يجي هو ويضربني بضهري

رانيا : معلش ي عمر انا هحاول اتكلم معاه

عمر : ارجوكي بلاش انا مش قادر اشوفه معلش

رانيا : خلاص اللي يريحك انا همشي بقي قولت اجي اسلم عليكوا وابارك لعلا وادهم

عمر : انا اسف انا السبب في كل ده

رانيا : لا ولايهمك المهم انتوا متزعلوش مني انا همشي بقي

(وراح عمر يوصلها وشاف فرحة و كمال ماسكها من ايديهااا .....قبلها فرحة قامت تجيب حاجه من عند مني وكمال كان هناك فافرحة تجاهلته و كمال راح مسك ايديها علشان يكلمها )

كمال : انا اسف مش قصدي

فرحة : انت ازاي تمسكني كده

كمال : معلش ي فرحة والله اسف غصب عني