العشق المبعثر

العشق المبعثر ❣💞 البارت 2

احمد قعد يوصل في من المدرسه كل يوم مرة الايام وجاء يوم وقالتلي ساره :مروه انا اليوم نبي نمشي معاكي في السياره 😲
انا:انتي كنك فيش تحسي حلي عني
ساره :انا نبي نكلم حبيبي شنو داخلك 😏
انا :هو مش حبيبك 😡
ساره: اهو جاء احمد انا ماشيه
احمد: اهلا ساره شو اخبارك
انا : انا شنو قتلك يا ساره مفش مشي معاي
احمد :لا مروه انا منعرفكش هكي
ساره :حقيت يا احمد انا قتلها الجو حار خليني نمشي معاكي حقيت شنو قالت 😢
احمد :غريبه يا مروه هذي صاحبتك
انا : 😢😢باهي يا احمد خليكم فيها انا ماشيه علي رجليه
احمد :لا وسعي بالك يا مروه تعالي امشي معايا علشاني
انا : علي شانك بس
...
..
..
..
احمد ..
غريبه اول مره نحق مروه هكي مع صحبتها ساره معرفتهاش كنها ساره قعمزه جنبي و مروه خلفي المهم وصلت ساره و مروه و مشيت للبيت لقيت البنت الي مرة حليتلها المشكله دازتلي طلب صداقه ورساله في الماسنجر
البنت كاتبه :اهلا احمد انا حسيت انك شاب خلوق حبيت نتعرفو انا ريهام هاني عمري 17 سنه وانت
انا بديت ارسلها
انا : انا احمد بالقاسم شاب عمري 19 سنه
ريهام :☺ طيب شنو اخبارك و اخبار اهلك
انا :😊 الحمد لله وانتي شنو اخبارك واخبار امك وابوكي
ريهام :😢😢😢😭😭
وسكرت النت انا استغربت كنها البنت ليش سكرت انا عمري ما كلمت بنت غريبه وانا منعرفش نتعامل معاهن و مشن الايام وانا نفس اليوم يتكرر عليا مغر التاريخ يتغير من الجامعه للبيت من البيت للعمل من العمل نعدي نوصل مروه و ساره ااااااه وخلاص
اليوم مشيت نوصل في البنات من المدرسه جيت نوصل في ساره لبيتهم شويا قالتلي: معلش احمد وصلني قدام الباب حبي 😗
انا:شنو!!!!!!!حبي شنو تقولي انتي يا ساره انتي كيف اختي كيف تقولي هكي وانتي تربيتي بينا كأخت
ساره :😢😢😢 شنو يا احمد انا نحبك ونمووووت فيك وانت تقول هكي فيا 😭😭😭😭
انا وصلتها قدام الباب شويا لقيت خوها و بوها و خوالها وعميمها كلهم قدام الباب 😕
ابو ساره : انت عليش توصل في بنتي 😠
انا :هي و مروه يمشاً مع بعضهاً معايا
ابوها : من طلب منك يا .....كذا حل عني وهذي اخر مره نحقك قدام بيتنا 😡
انا :شكرا بارك الله فيك يا عمي بدال ما تشكرني علي توصيل بنتك
امجد خو ساره : كذا حل عنا اصلا انت اخر واحد في الدنيا يحاول ايتقرب من اختي يا بنت
انا :😠 شنوووو!!قلت بنت تو نوريك من اللي بنت
..
..
..
..
مروه ..
..
انا كنت في السياره و حقيت احمد يضرب في امجد من الخوف معرفتش شنو ندير شويا اتصلت بالشرطه الشرطه جو و خذو احمد علي المغفر وقالو ضروري يقعد الليله هنا في الحبس انا كنت خايفه وصلني شرطي اسمه مالك للبيت لكن انا طوال الطريق كنت خايفه ومالك قالي : انتي يا مروه بنت طيبه اعتبريني كيف خوكي احمد
انا : هو مش خوي هو ولد عمي
ووصلني للبيت لقيت امي قدام الباب قالت :😡وينك من الظهر ...
انا :😣 احمد حبسوههه😢
امي :كنه هضي شنوو داير !!!
انا :🤐 شنو دراني
امي :خشي جو يبنت الكلب
انا : 😐إلا ابوي يا امي
امي: امشي داخل تو نوريكي انتي معش فيه مدرسه ولو قريتي نغضب عليكي ليوم الدين
انا :لا ياامي الا قرايتي 😭
امي :انا حلفت خلاص
انا قعدت نبكي و حابسه روحي شهر لا ناكل لا نشرب 😭😭 وتلفوني موخوذ مني
..
..
..
..
..
احمد..
..
قعدت محبوس الليله هذكي بعدها طلعت للبيت لقيت امي تبكي قالتلي: نحساب روحي خسرتك 😢😭
انا :لا يا امي مغر صاحبي قالي تعالي نكسدو شويه نعست رقدت معاها . اكيد طبعن منقولش لامي اني انحبست ترعنه شنو يسير فيها دوشت وصليت وكسدت علي النت لقيتها ريهام دزتلي رساأل كاتبه:انا انعيش مع خالي اسمه مالك عمره 25 سنه امي و ابوي وخوي واختي كلهم متوفين في قصف الجوي وانا كنت قاعده عند جدي وقتها فهما ماتو و انا قعدت حيه 😢😢😢 وجدي مات بعد مده فقعدت انا و خالي بس .
انا: ان شاء الله مثواهم الجنه يارب
ريهام : ان شاء الله
ريهام :شنو اخبارك احمد
انا :الحمد لله و انتي
ريهام :😶الحمد لله
وبدينا نحكو للصبح لكن انا خفت ريهام تحس ناحيتي بشي وانا معتبرها كيف اختي
انا :ريهام نقولك
ريهام :نعم احمد
انا : انتي احسن اخت حقيتها في حياتي
ريهام :وانت بمثابت خوي الكبير 😊
اااه حسني تريحت انخاف نكسر قلبها بعدين