مالك:هيا تعرف شنو دايره انا سألتها فيه علاقات قالت لا ليش تكذب ليش وهيا عندها راجل اختها تحبه ويحبها ومصوره معاه اخس عليكم متخافو ربكم شويا .
انا يسكر عليا التافه هذا انا ..لو يعرف انه ظلمها ليش نشعر بالفرحه بدل ما نحزن حرام مروه اكيدا تو هيا تستنه فيه شنو ندير.
..
مروه
..
قاعده انا في الصاله والكل حولي لنحق عمتي طلعت بعدها ردت ووجها اصفر لتوقف قدامي وتقول: مالك مش رح يجي .
انا: كيف ياعمتي
عمتي: مالك حاق صور لكي مع واحد شويا وقف الفرح
بديت نبكي والكل يبحت فيا قتلها بهمس: والله مدايره حاجه
عمتي : عارفه احمد قالي من فتره
انا وعمتي نحكو شويا سمعنا صبايا يحكن: والله قتلكن شكلها متاع علاقات حقيتو راجلها طول شكله سيبها ....لا لا وين يسيبها يوم فرحها معناها دايره حاجه كبيرة .......ممكن طالعه ولا والله اعلم تقعد.... ومصورها
لنبكي اخرا شويا عمتي قلتلي: توافقي علي احمد
انا: اهه!
عمتي: توافقي علي احمد ياخذك بدل الفضيحه هذي
انا: كيف
عمتي : تو يجي احمد يجوزك بدال مالك تقبلي
انا هذي الكلمه كانت حلم حياتي لكن تو منبيش احمد يجوزني علي شان الفضيحه .
..
..
محمد
..
انا اول مره نحكيلكم انا محمد صاحب احمد و وزوج مرام المستقبلي .
مرام(هااي متخربش الحبكه يا محمد😡)
😅المهم نعودو لموضوعنا كنت برا مع الشباب ورجاله لنسمع واحد يكلم فيا :انت هاا
انا:نعم ...صالح
صالح:انت خذيت مرتي من بيتي صح
انا ببتسامه استفزيته بيها:اها
صالح:بكرا جيب المدام وانت معاها للمحكمه باهي
انا بضحكه:باهي باهي
صالح:والله نا مندورش في المشاكل معاك بس لكن بعد ناخذ الي نبيها تو نعطيك اختها
انا :كيف اخت من انت تبي انت حتى الحيوانات مضني يقبلاً بيك.
صالح:باي بكرا نتلاقو
..
..
..
احمد
..
انا:امي قوليلها ناخذك نا بداله
امي:بارك الله فيك يا وليدي تضحي علي شان امانت عمك الي خلاها لنا
انا: تو احكيلها وانا تو نجهز روحي
امي: تمام
عدت امي وانا جهزت روحي وقاعد احر من الجمر بس نعرف شنو تقول زعما توافق ولا ترفض يا ربي توافق .
بعد استنيت ساعه لتجيني امي : خش يا وليدي ربي يحميك وافقت خش نقرو الفاتحه
انا: جد يا امي
امي : اها ياوليدي
خشيت والكل يصفق والكل فرحان وقرينا الفاتحه قعدت راجلها قدام الناس تو قدام ربنا .
عديت انا وياها في السيارة لعند فندق نزلت حجزتلنا غرفتين انا عارف مروه واكيد هيا خايفه ومتوتره قلت نخليها ترتاح كل واحد منا خش لداره وانا اول ما خشيت رقدت .
..
..
..
مروه
..
حتى كلام ما كلمني من اول ما صار الموضوع كله منك يا سارة وحتى انت مالك وصالح حسبيا الله ونعم الوكيل فيكم ورقدت وانا دموعي علي خدي من يسيب عروسته يوم الفرح لدرجه هذي ميحبنيش رقدت بفستان الفرح لاني مقدرتش نفكه .
..
..
محمد
..
في الصبح نضت ودرت روتينه كله بعدها رنيت علي مرام قلتلها اطلعي طلعت وحكيتلها موضوع المحكمه بعدها مشينا لنلقو صالح يستنا فينا واول ما خشينا بدو اسئلة وبعد عرف القاضي بالتعنيف والضرب الي يسبب فيه لمرام صالح علي طول حكم علي حبس كم سنه وطلقها لتقعدلي مرام ليا بس اول ما طلعنا من المحكمه قتلها : توافقي تتزوجيني
مرام :تو اطلقت خليني شويا
انا:انا لكي في اي وقت قولي موافقه بس
مرام ووجها احمر:موافقه
..
..
مرام
..
اول ما وصلت للبيت طول قلت لعمتي علي الطلاق ومحمد زغرتتلي:ربي يخذ حق كل مظلوم يبنيتي مبروك
انا :الله يبارك فيك..باهي احمد ومروه امتى يجو .
عمتي : تو خليهم علي راحتهم بعد يجو يجو
انا: اها
..
..
..
سارة
..
لا لا كيف يجوزها هيا انا نحبه هي متحباش لا كيف صار هكي انا نبعدها عن سعادتها مع مالك هي تاخذ سعادتي مع احمد ليش ليش.
امي: ساااارة تعالي هنا
انا: نعم يا حاجة
امي: 😠حاجة شنو يا بنت انا امك امك
انا:😞 باهي اختصري يا امي
امي: هاتي تلفونك وافتحيه ليا
انا:😕 كيف كيف لا هذا خصوصي
امي: هاتيه هنا را باتك الي ياخذه مش نا
انا: باهي هاكي
امي: افتحي كل الارقام السريه
انا: لا لا يا امي ميسيرش
امي: ساااارة
عطيتها التلفون وجريت لداري وسكرتها لنسمعها تشتم خلاص نهايتي شنو خطرها عليها امي تفتش التلفون .
بعد شويا نسمع فيها تدق الباب بقوه : يا بنت تعالي هنا تو تحقي من باتك اتصلت بيه تو يجيك الخبر هذا شنو ..انا كذبته احمد و يطلع كللمه صاح كيف تخربي بيوت العرب انتي والله حسابك مع باتك .
انا نهايتي .
..
..
احمد
..
جيت الصبح فتحت دار الدار لقيتها راقده بفستانها الابيض هذي حبيبتي مروه جمالها مفش منه لمست خصله من شعرها البني الحريري ومشيت اصبعي من شعرها لخدها ونشوف لوجها كانت تبكي قبل ما ترقد شكلها عليش ..اكيدا لاني سيبتها بروحها سامحيني يا مروه بس قلت انك تتحشمي مني قلت نعترفلك قبل .
فتحت عيونها وانا قاعد يليها وإيدي علي خدها ناضت وجلست يلايا قتلها: صباح الخير
لتقول بصوتها الناعس: صباح النور
انا: ليش مش مغيره الفستان
مروه: تو نغيره بس اطلع شويا
انا: ومن قالك نبي نطلع عادي انا راجلك
وجها انصبغ بالاحمر : 😶...با..هي ..
هيا صبت وطلعت دبشها من الشنطه وانا نتفرج عليها وبعدها بدت تحاول تفتح السحار حاولت حاولت مقدرتش شويا قربت من ظهرها وفتحته لها.
..
..
مروه
..
بدا يفتح في الفستان وانا ساكته شويا باسني علي ظهري وقالي: تعرفي نقولك حاجه..
انا: شنو.
احمد: 😗انا نحبك ونحبك واجد احسن حاجه صارتلي في الدنية ان مالك سيبك بيش انا ناخذك كنت نحساب روحي خسرتك لكن ربي يعطي الواحد علي قصاد نيته.
انا مقدرتش نمسك دموعي :😢 وانا نحبك ونموت فيك اخرا نحبك والله نحبك ❤
(الي يصير بين المتزوجين انتو عارفينه 😇😂)
..
..مرام
..
بعد مرور سنه جابت مروه بنوته حلوه اسمها هيفاء وفي هذا الوقت كان فرحي انا ومحمد الي طال انتظاره.
محمد: وينك يا بنت
انا: اهو تو نطلع تو
طلعت من المزينه ركبت معاه :😐 ليش مستعجل يا راجل قريب ضربتني المزينه من كثرة ما نقوللها هيا
محمد بضحك:😁 خلاص قريب ناكلك تو نا .
انا:😶هيا بسرعه للصاله
محمد: 😎للبيت طول فوتوهم العرب فاتحتنا وقارينها من زمان
انا: حمادى😲
محمد: نعم عيونه
انا: للصاله
محمد: 😈باهي باهي للصاله ولا دار النوم كله واحد
انا: 😨 حمادي قصدي صاله الافراح
محمد: اهو وصلنا للصاله نا نبصر بس تو بعدين الجد 🙃
خشينا للصاله وصورنا و ضحكنا كان يوم خيالي ياريتني من الاول كنت خضيت محمد را مصارلش الي صار
..
..
مروه
..
انا: يا احمد وين هيوف
احمد: ياربي البنت هذي طالعتلك عياطه وضروري تتحرك ستين حركه في الثانية ما شاء الله عليها وخلاص
انا: وين تو هيا
احمد: عند امي في الصاله
انا: ليش ما جبتهن لعند تو امبدري ماشيين العرسين
احمد: امي و هيوف عندهن شغل
خشيت لداري لقيتها مظلمه فتحت الضي لتطلعلي عمتي وهيوف والمكان كله بالونات وفيه كيكه .
انا: اليوم شنو.
احمد: عيد زواجنا يا حبيبتي
انا: انا نسيته بكل مجبتش هديه
احمد: انتي اكثر هديه حصلتها في حياتي
(النهاية)
आप पढ़ रहे हैं
العشق المبعثر
किशोर उपन्यासعندما تعشق شخصاً بعيداً عنك لا تعرف حت شكله فقد اسمه وطيبة قلبه هل ستنجح العلاقه ام سوف تمر مع الهوا لنعرف معاً
