#البارت الثاني والعشرون
# اين انت
#Rozaya
لا اعرف ماذا اقول
ولا اعرف من اين ابدي
نفذت مني الحلول وصبري صاح حدي
يادمعي كفاك نزول
وياروحي جراحيكي شدي
صعدت بسياره وعين تراقب منا ومنا خاف عمار يلحكني ابتعدت السياره شوي ارتاحيت
علاوي كعد يبجي اسكت بي والسايق عينه عليه سألني ليش وحدي ماجاوبته وسكت...
طلعت قوطيه الحليب سويت ممه لعلاوي الطريق وعر كله طسات وهذا يجي لحظه ماسكت عبالك كلبه يعلم مهزومين ...
ماعندي تليفون اخابر خاله نهله تتلكاني ضليت لحد ماوصلت لراس شارعهه..
انطيته كروه ونزلت بيت خالتي داخل الفرع نزلت امشي وحايره بالجنطه وعلاوي اول مره اطلع وحدي امشي منزله راسي
ماحسيت غير واحد لزم زندي... كلبي وكف بهاي اللحظه رفعت راسي ..
عمار كدامي عزا بعيني شلون شافني وعرف
انترس عيوني دموع صاك على اسنانه ويحجي بعصبيه ... هاست براعم ماكفاج اصخام الوجه تريدين تكمليهه ..
بعده يحجي واجت خالتي زهره تركض اخذتني من ايده الشارع فارغ لان الساعه تقريبا ب6
طببتنه لبيت خاله نهله الظاهر عدهم علم تلكتني خاله حضنتني وشافتني شلون متغيره وصايره عظم ضلت تحجي على عمار بس هو ضل بلحديقه يدخن
خاله اخذت علاوي من عندي بس يبجي واني ساكته ما اعرف شحجي وشراح يسوي بيه عمار خاله نهله ماتدري شصاير بس عبالهه زعلانه
عمو موفق برا يحجي وي عمار ...
سوت ريوك خالتي بس ما اكلت ...كلبي يرجف من الخوف شراح يسوي بيه عمار سوده بوجهج براعم تكومين من عثره توكعين بالثانيه ...
افكر على ساعه يجي يكتلني شعجب سكت يجوز استحه من عمو موفق لان يحترمه ...
شوي واجه عمار كال كومي يمه اوصلج وراي دوام وانتي ابقي هنا مااريد اشوف وجهج...
جريت علاوي لحظني كتله ما انطي ابني..
تقرب عليه وجرني من زندي وضغط علي بقوه
انطي علاوي لامي لا اكسر راسج هنا !!
ضليت متمسكه بي وهويبجي ...
همست على كيف ..عمار لاتحرمني منه الله مايرضى بالي تسوي ...
ترك ايدي ومشه كدامنه بسرعه خاله زهره شالت الجنطه وجرتني سلمت على خاله نهله بس كالت امر عليكم وافتهم السالفه موخاليه...
صعدت بسياره وكلساع يخزرني بالمرايه ...
كالت خاله زهره... براعم بنيتي راح احجي كدام عمار غلط الي سويتي شلون تنهزمين والوضع موامان وعندج طفل وتدرين عمار عنده اعداء ورتبته عاليه ...
يمه الله يرضى عليج انتبهي زين مالنه خلك فضايح...
... خاله ليش هيج تعاملوني حتى انتي تغيرتي والله بريئه ومظلومه ماعاد اتحمل بعد عمار شبع بيه كتل وحط من كرامتي تدرين اخاف انام خاف ابلل نفسي حالي حال الاطفال حرام عليكم كولو يتيمه ماكو رحمه بكلوبكم
YOU ARE READING
#اين أنت
Romanceقصةٌ تذوب الروح فيها وتولد من جديد.. قصةِ سقم ودواء..فرح وبكاء..عتمة ونور.. كل شيء في تضاد والفرحة مخدر وقتي فيها.. يتم..ظلم..عتمة ثم نور..فهل يبستم الحظ لها ياترى!! #Rose
