#البارت الثالث والعشرون
# اين انت
#Rozaya
ظلمتني...
بكيت كثيرآ تركت لي اثرآ لم انساه...
زرعته في أحشائي
أثر الجروح لم تشفى بعد💔 ياساكنآ قلبي اليتيم...
رغم اوجاعي واحزاني...
آهاتي ومأساتي...
لازلت اهواك كيف لي ان انساك....
وانت عالمي ومأواي...
بقلم المتابعهTaapaa❤
بعد ما كال خلي نحجي قبل لا انهي كلشي حسيت بدوار فضيع...
منيلي كلب يتحمل كل هالعذاب وتريدني افاركك...
كام للكنتور جاب علاكه وخلاهه كدامي..
اول ماطلع التليفون النوكيا وفتحه رجع على الرسائل وحده وحده ...
كلهن مضبوطات بيوم خفارته مراسلته وكايلتله... الاثول رجلي خفاره اليوم وغير اكو شغلات وكفت شعر راسي...
جان حيل هادئ من يناقشني ما ادري شنو سره؟ يمكن من الصدمه الي بيهه ...
..كتله عمار خلي احجيلك..
... احجي اسمعج؟
... اني كلشي احجي لسرى والله بيوم خفارتك ابقه اراسل بيهه وكلشي نسولف يوميه.. تعرف بكل تفاصيلي صديقتي المقربه
... ما اريد الومج هسه بس شكد حذرتج ماسمعتي؟ خلي نفرض سرى .. شنو غايتهه تدرين اني ماشايفهه غير شكم مره وبالصدفه ولاشفت منهه نظره اوشي حتى اكول بالهه يمي...
ردت احجي ماقبل كال خلي اكمل ودافعي عن نفسج"
بعدهه شوفني محادثات واتساب بأن اني ادز صوري وهن نفسهن الي بتليفوني اني احب الصور دائما اخذ سلفي لو البس شي جديد واصور..
وهذني براعم شتفسريهن عرضي الي حامي بدمي هيج صورج فرجه صارت ..
تذكرت سالفه موبايلي اول ماداومت حجيتله
حسيته ماصدك ... ولاعلق ولاحجه
اخر شي واخر دليل هو عنده معارف مطلع الرقم وطالع بأسمي ...
هنا انتهيت حسيت لاحول ولاقوه بيش ادافع عن نفسي شنو هالظلم كمت ابجي بحركه كلب واشهك بصوت عالي...
خله ايده على كتفي وكالي .. رغم السويتي بس ماكرهتج الله يسامحج براعم
لادكولين اتخلى عني بس بعد ما اكدر اعيش وياج ... اني اأمن مستقبلج وارجعي كملي دراستج وعيشي الحياة الي تريديهه بس بعيد عني ....
ماتحملت كلامه كعدت بالكاع صرت يم رجليناته احجي وابجي ...عمار حتلو تريد تعوفني بس صدكني اني بريئه والله انظلمت وروح ابوي...
انطيني دليل يبرئج اشو كلهه تثبت ادانتج
اخر شي ختمهه الرقم وباسمج شلون تقنعيني العقد يحتاح صور ومستمسكات... هم سرى طبت للغرفه واخذتهن؟ منين جابت صورتج؟منين جابت جنسيه وبطاقه تموينيه شو فهميني براعم ..
رحمه لاهلج لاتراوغين وياي...
...خلي احجي واسمعني مره وحده...
انت موعقيد ومدير مركز الشرطه ودوله وكلشي تعرف جيب الولد وحقق ويا ويعترف...
.... هو وينه الولد اني اعرفه وماجبته وماعلكته على حبل المشنقه هذا تليفونج مادك بعد من يوم كشفته ...
YOU ARE READING
#اين أنت
Romanceقصةٌ تذوب الروح فيها وتولد من جديد.. قصةِ سقم ودواء..فرح وبكاء..عتمة ونور.. كل شيء في تضاد والفرحة مخدر وقتي فيها.. يتم..ظلم..عتمة ثم نور..فهل يبستم الحظ لها ياترى!! #Rose
