زواج مصونات

الحلقه الثالثة

وبسرعه البرق اخدت سعاد ابنها وطيران على بيت ام كريم ودقت الجرس وفتحت لها ام كريم : اهلا يا ام مصطفى اتفضلى .. اتفضلوا ازيك يا مصطفى ياابنى

مصطفى باحراج : احم الحمدلله على كل حال

سعاد : ايه ياام كريم مش هندخل ولا ايه

ام كريم : لا ازاى اتفضلوا اختى مستنياكو جوه فى الصالون

واخدت ابنها فى ايدها ودخلت بيه الصالون : السلام عليكم

الكل : وعليكم السلام ورحمه الله وبركاته

سعاد جلست على كنبه الصالون : اقعد يا مصطفى ياابنى امال فين العروسه مش شيفاها كانت هنا من شويه

ام كريم تنظر الى اختها التى كانت مندهشه من تصرفات سعاد : جوه ثوانى وجايه

طيب بصى بقى ياام وائل مش ابنك الكبير برضه اسمه وائل

تلتفت الى ام كريم ثم الى سعاد : ايوه يا ام مصطفى

انا شوفت بنتك واعجبت بيها واهو ابنى زينه الشباب وزى ما انتى عارفه انه وحيدى ومليش فى الدنيا غيره يعنى هيورث كل حاجه بعدى وبعد ابوه ولو ما تعرفيش نعرفك انا كاتبه له عماره فى المنيل بيع وشر من زمان ده غير ميراثه منى ومن ابوه بعد ما نموت

ام كريم وام وائل : العمر الطويل ليكو .. ثم تتجه نحو ام كريم وتهمس : ايه الوليه دى

ام كريم بنفس الهمس : اسكتى لتسمعك

سعاد : انتو معايا ولا مش معايا

ام كريم : لا معاكى ياام مصطفى كملى كلامك ياختى

ليه شقه لوحده فى البيت بتاعنا يعنى مش هنضايقو هو وعروسته ولا حاجه وام كريم عارفه كل حاجه عننا ها قولتى ايه يا ام وائل

ام وائل تنظر الى اختها

فى غرفه داخل هذه الشقه كانت توجد بها فتيات كثيره يتحدثون الى بعض بخصوص حضور عريس لاحدهما

بسمه : ممكن اعرف بس انتى مالك

ولاء بسخريه  : نعم مالى ... هههههههه ضحكتينى طبعا مالى ازاى عاوزه افهم عاوزنى اقبل اتجوز بالطريقه دى ليه يعنى من قله العرسان ولا من قله العرسان