تضحية من أجل الحب للكاتبه ايمان أبو أحمد

الحلقة الثالثة عشر

بعد مرور 6 سنين.
فتاة فى منتهى الجمال تنزل من سيارتها وتدخل الشركة بكل أناقة إلى ان وصلت لمكتبها وقفت لها السكرتيرة باحترام..
ندى بصرامة : هاتيلى الملف اللى كنتى بتراجعيه وتعالى ورايا حالا .
السكرتيرة : أمرك يافندم .
دخلت وراها وخدت منها الملف ورجعته فجأة صوتها على.
ندى بعصبية : هو انا مشغلا معايا أغبياء الملف لتانى مرة ييجى بنفس الغلطة..ورمت الملف بكل عنف ......الشغل ده ماينفعنيش....ياتشوفى شغلك ياتتفضلى من هنا.
وأثناء صراخ ندى فتح الباب ودخل أليكس مسرعا .
أليكس : ايه اللى حصل ....ليه صوتك عالى اوى كده ومتعصبة .
وبص للسكرتيرة: اخرجى دلوقتى على مكتبك.
أليكس : حبيبى زعلان ليه.
ندى بصتله وسكتت : مافيش ..مخنوقة شوية ....آدم مغلبنى وصعب التعامل معاه......هو فين صحيح
أليكس : وديته النادى وانا جاى.
ندى بامتنان: شكرا ياليكس على كل حاجة عملتها معايا .....كنت علطول واقف جانبى وماتخليتش عنى ابدا.
اليكس: بطلى سخافة ...انتى ماتعرفيش انتى غالية عندى ازاى.
...............................................
يزيد: قولتلك مليون مرة مش هعمل عمليات عجبك تفضلى معايا من غير اطفال أهلا وسهلا ....مش عجبك يبقى اطلقك وتشوفى نفسك مع واحد تانى .
ياسمين :علشان خاطرى ياحبيبى ..المرة دى وبس ...ومش هطلب منك تانى .
يزيد : انتى مابتفهميش ....انا عقيييم ...عقييييم..مابخلفش عمرى ماهبقى اب ابدا افهمى .
ياسمين : خلاص ياحبيبى .. أهدى انا كمان مش عايزة أطفال ...كفاية انت فى حياتى . انا ماقدرش استغنى عنك ....
يزيد : خلاص يبقى ماتفتحيش الكلام فى الموضوع ده تانى....قولتلك هطلقك بس انتى رفضتى ...وأنا بسبب وفاة باباكى ..سيبتك على ذمتى .
انا خارج رايح الشركة ....أرجع الاقيكى فى البيت لو عرفت انك خرجتى من غير إذن هتعرفى ان هعمل فيك ايه.
ياسمين : حاضر ..مش هخرج..بس انت متتاخرش.
يزيد : ده شئ مايخصكيش خليكى فى نفسك.
بعد ماخرج ياسمين قعدت تعيط: الله يرحمك يابابى ..شوفت بنتك واللى حصلها ...بقت بتتضرب وتتهان .كنت مفكرة انه مع الوقت هينساها ويحبنى ....بس علطول بيفكر فيها وبينادينى باسمها بيبقى معايا وبيشوفنى هى بملامحها طول الوقت بيحب فيها وبيوصف ملامحها .....انا انكسرت من بعدك اوى .
----------------------------------------
فى الشركة
أليكس وندى قاعدين بيتففوا على أكبر شراكة هتم مع شركتهم ووقتها هتكون من أكبر الشركات فى انجلترا للحديد والصلب .
ندى : اتحادنا مع بعض هيخلينا الأقوى فى السوق وبالتأكيد هنوصل للعالمية ...انا اختارتكم لأنكم من أحسن الشركات المصرية اللى ليها فروع فى كل الدول .
الشريك: طبعا ..احنا كمان الشرف ان نتعامل معاكم لأننا دائما نسمع عنك وعن ذكاءك .
ندى : شكرا ليك دى شهادة أعتز بيها.
الشريك : بس فى مشكلة هتواجهنا
ندى بانتباه : مشكلة ايه.
الشريك : لينا شريك تالت فى مصر وهو ماعرفش يحضر معانا ......هو بصراحة كان رافض لأنكم مبتدئين من كام سنة بس وخايف تكونوا مش فاهمين السوق كويس.
ندى : طب حدد لنا معاه ميعاد ونقابله .
الشريك : هو اكيد هيطلب تنزلوا مصر.
ندى بسرعة : مصر لا اتحجج له باى سبب وخليه ييجى هنا 24 ساعة بس نتفق معاه ويمشى تانى ...انا صعب انزل مصر ...لأن ورايا شغل كتير جدا.
الشريك : هنحاول ....بعد اذنك وهقولك على الميعاد.
ندى واليكس : واحنا فى الانتظار ...مع السلامة.
ندى: أليكس ..انا رايحة النادى لادم علشان أجيبه .
أليكس : هاجى معاكى.
-----------------------------------------
فى النادى
ماااااااامى هييييه
ندى : حبيبى ماامى اللى بحبه قد الدنيا دى كلها . عملت ايه يابطل .
آدم : الكابتن بيقولى ان احسن واحد بيلعب كارتيه .وانى قوى جدا.
ندى : ماشاء الله ..حبيبى البطل.
آدم : مش انا قوى ذى بابى يامامى..
ندى :: اكيد ياحبيبى..
آدم : هو هييجى امتا.
ندى بصت لاليكس ومش عارفة ترد.
أليكس : انت طالع ندل لمين ياادم ...عايز اعرف ..مش انت دايما تقولى انك بتحبنى وانى ذى بابى......عقابا ليك مافيش ملاهى النهاردة .
آدم : مانا عارف انك رايح تقابل خطيبتك ومش فاضيلى اصلا
أليكس وندى ضحكوا....ايه الواد اللي سابق سنه ده ..
ندى: يالا نروح نتغدى لانى مش قادرة خالص وعايزة انام.
-----------------------------------------
يزيد فى الشركةبيتكلم فى التليفون
يزيد : تصدق انا مخنوق اوى وعايز اغير جووو ....من زمان مسافرتش
المتصل: ..........
يزيد : انا مش هقول رأى غير لما أشوف كل حاجة قدام عنيا.ولو معجنيش الوضع مش هوافق.
المتصل:.....................
يزيد : تمام ...على بكرة الصبح هكون عندكم ....ابقى عرفني المكان وأنا هاجى.
يزيد خلص شغل وروح كانت ياسمين نايمة ...دخل وقفل الباب بعنف: قومى جهزيلى شنطتى علشان مسافر.
ياسمين باستغراب: مسافر فين وهتسيبنى لوحدى ...خدنى معاك.
يزيد : تيجى معايا تعملى ايه....مسافر شغل وبعدين انا مش فاضيلك ....خلصى بسرعة طيارتى الساعة 11 بالليل.
ياسمين : حاضر .
****************************
ندى : بجد ..لا ده واجب علينا ...انا هحجز فى أحسن مطعم وابعتلكم عنوانه فى رسالة...والميعاد.
المتصل : ..............
ندى : طبعا مع السلامة.
ندى اتصلت على أليكس وقالتله على الاتفاق وهو حجز احسن طاولة فى المطعم وحدد ميعاد العشاء.
تانى يوم الصبح .
يزيد وصل انجلترا كان صديقه مستنيه ...خده فى العربية ومشى.
الشريك: وحشتنى جدا يازيزو ...بقالنا كتير ماتقابلناش .
يزيد : مشاغل الدنيا انت عارف ان كل حاجة انا المسؤل عنها من وقت تعب بابا وكله فوق دماغى.
الشريك : اه ألف سلامة عليه ...هو عامل ايه دلوقتى .
يزيد : ذى ماهو والله ..لسه مااتكلمش وكل مايحاول يتكلم يقولى سامحنى
الشريك : تسامحه على ايه.
يزيد : صدقني مش عارف .
الشريك : صحيح الجماعة حجزوا والميعاد الساعة 7 فى مطعم ......
يزيد :كويس ودينى بقى الاوتيل علشان انام ..لانى لسه مانمتش من امبارح.....مين اللى هيحضر معانا هنكون كام شخص على العشا.
الشريك : احنا أربع اشخاص. انا وانت واليكس وشريكته بس ايه يايزيد البت قمر جميلة اوى
يزيد بسخرية : علشان كده مصمم على الشراكة.
ههههههههه ابدا والله انا بقولك يعنى أن جنب ذكاءها قد ايه هى جميلة
................................................
الساعة 6:30
ندى بعصبية : انت بتقول ايه يااليكس ..يعنى ايه مش هتعرف تيجى انت عايزنى أروح لوحدي.
اليكس: ...........
ندى : هخاف من ايه ...بس اكيد هكون محتجالك ...خلاص ماتزعلش انا آسفة ابقى طمنى على مونيكا وسلملى عليها.
اليكس: اه هقابلهم بقى وامرى لله .. سلام بقى لانى اتأخرت عليهم زمامنهم وصلوا .
كانت ندى ترتدي فستان باللون الأحمر مع لون شعرها الأشقر وعيونها الزرقاء والفستان عريان نوعا ما فكانت جميلة على حق .
ركبت عربيتها وساقت بسرعة إلى ان وصلت المطعم.
يزيد : هما اتاخروا كده ليه ...لا واضح أنهم ملتزمين ..المفروض هما الل يستنونا مش احنا
الشريك : انا كلمت أليكس قال ان خطيبته تعبانة ومش هيقدر ييجى بس شريكته على وصول ...اهيييه جات.
يزيد كان قاعد ظهره لندى ومش شايفاه ولا هو شايفها
ندى : انا آسفة جدا على التاخير اعذروني.
الشريك : ولا يهمك ...أحب أعرفك على شريكنا التالت
يزيد قام علشان يسلم عليها : أهلا انا يز............
ندى😲...