98 انا: هههه باسل... جاد حشا وجهو فعنقها كيبوس فيه وهي شداتها التبوريشة.. هز راسو شاف فيها وهوما يغوصو فعالمهم... طلعها فالدروج وشفتيهم ملتاحمين وصلو للبيت وهوما يسدو عليا الباب😤😤 صبح الصباح فقت لقيت جاد ناعس على صدري بقيت كندوز يدي على شعرو... شوية وهو يزير عليا انا: فقتي جاد: (طبع بوسة ففمها) وي حياتي... ناضو دوشو ولبسو حوايجهم ونزلو صاوبو الفطور بجوج... كلاو ومشاو جهة البحر كيتمشاو... هكا دازت 2 سيمانات كلها حب وغزل واليوم عندها موعد مع الطبيبة باش تعرف جنس المولود.. فاقو وجدات الفطور كلاو ومشاو... من بعد دقائق كانو عند الطبيبة الطبيبة: سلام مرحبا بيكم انا: شكرا الطبيبة: هدا اب الطفل جاد: (شد يديها) اه.. شفت فيه زاد كبر فعيني مشيت تكيت وبقات كدوزلي على كرشي الطبيبة: مستاعدين تعرفو جنس المولود انا: اه😀 الطبيبة: مبروك عليكم عندكم ولد جاد: بالصح وكيدايرا صحتو مزيانة الطبيبة: وي هانا نسمعكم دقات قلبو... بديت كنسمع وهوما يهبطولي الدموع شفت فجاد لقيت عينيه عامرين بالدموع.. سلات الطبيبة عطاتني كلينيكس ومشات للبيرو.. شد جاد كلينيكس مسحلي وهبط لعندي باسني جاد: (بصوت خافت) مبروك علينا احبيبة... رجعنا هو مشا للخدمة وانا بقيت جالسة فالدار قررت حتى نولد عاد نخدم... نضت بديت كنوجد فالغدا ساليتو وجلست كنرتاح حتى جا حبيبي تغذينا فجو ديال الضحك والحب... رجع هو لخدمتو وانا طلعت لبيتي نعس هكا دازت 4شهور تقريبا يعني عندي دبا 8شهور مبقاليش بزاف باش نولد... شحال من مرة فيقت جاد فالليل مسكين باش يجيبلي شي حاجة مشهياها ودايرلي الخاطر.. دبا تقاليت كنتحرك غير بزز فقت الصباح كيف العادة خذيت سيلفي
Hoppla! Dieses Bild entspricht nicht unseren inhaltlichen Richtlinien. Um mit dem Veröffentlichen fortfahren zu können, entferne es bitte oder lade ein anderes Bild hoch.
.. فطرت وجمعت دار شوية وهي طيحلي فكرة فراسي انني نمشي نشوف حبيبي طلعت لبست حوايجي ونزلت ركبت طموبيلتي وديماريت.... بعد دقائق وصلت للمركز وانا داخلة تلاقيت ولد عمي حمزة حمزة: اهلا ختي لباس عليك انا: سافا حمد الله ونتا حمزة: وي بخير جيتي عند جاد انا: اه حمزة: راه هو المكتب ديالو انا: ميرسي... غادا للمكتب ديالو حتى وقفات عليا وحدة ...: السلام انا: وعليكم السلام ...: معقلتيش عليا انا ريم لي تلاقيتك ديك المرة جهة البحر انا: اه وي ريم: كيغادا مع الحمل انا: الحمد لله هاد الساعة.. سمحيلي انا زربانة نخليك دبا ريم: نو صبري بغيت نقوليك شي حاجة انا: شنو ريم: دبا نتي معرفناك منين حملتي وماشي شغلي مي باش تفرقيني على حبيبي حشومة وبزااف انا: كيفاش مفهمتكش ريم: انا وجاد كنبغيو بعضياتنا ونتي جيتي ديتيه انا: (تفكرت فاش قالي متيقيهاش) اوكي ياله بسلامة ريم: (تعصبات) صبري الى متيقتينيش انا غادي نبينليك.. هانتي صبري انا ندخل عندو وسمعي من فمو... مشات كتجري دخلات عندو فاللول خفت مي تشجعت وانا نمشي كان الباب غير مردود وبديت كنسمع جاد: لا غادي نحاول نتهنى منها بالزربة باش نعيش حياتي او واش غنبقا حاضيها غير هي..... تصدمت والدموع تحجرو فعيني رجعت كنجري للدار طلعت لبيتي بديت كنجمع حوايجي سمعت الدقان وانا نزل حليت وانا نتصدم جيت نسد الباب مي دفعو انا: (بخوف) اش بغيتي عندي ...: انا جيت نديك اليوم انا: (كنرجع باللور) عفاك بعد مني وخليني عليك... بقا كيقرب وانا كنبعد حتى زلقت وانا نطيح من تما مابقيت عاقلة على والو.....
