انا: القرار هو طردك من خدمتك وضروري من الحبس.. القاضي هو لي غيتكلف بهادشي
ريم(بترجي): الحبس لا عفاك
انا: علاش عطيني سبب واحد
ريم: (حدرات راسها) مكاين حتى سبب.. الغيرة والحب عماوني ومعرفت مندير كنعتادر
انا: (شفت فالرئيس) القرار كيرجع لسيادتكم
الرئيس: غادي تحولي للمحكمة باش تكوني عبرة.. نور تبعيني..... خرج وانا نتبعو خليت ريم منهارة والضباط شادينها.. دخلنا للمكتب
الرئيس: انا مموافقش على استقالتك
انا: علاش
الرئيس: ميمكنش التنين الاسود يستاقل من هاد الخدمة
انا: احم مي انا بغيت نبعد على هادشي ومتنساش بلي انا كونت عائلة.. مبغيتش نهدم هادشي
الرئيس: (بعد تفكير) نقبلها فحالة وحدة
انا: شناهيا
الرئيس: الى كانت شي قضية صعيبة غادي تشديها
انا: (بفرحة) صافي وخا اي حاجة حتاجيتوها انا في الخدمة
الرئيس: الله يعاونك... خرجت مشيت نيشان للبيرو ديالي دخلت وبديت كنجمع حوايجي حتى دخل جاد
جاد: (معنقني من اللور) حبيبتي
انا: (درت لعندو وبقا محاصرني بيديه) وي حياتي
جاد: علاش معاودتليش على ريم وكيدرتي لقيتي سيدي
انا: احم عقلتي فاش...
#فلاش_باك
فاش فهد تهجم على نور وحيد حوايجو.. وهو يدخل جاد بدا كيضربو.. انتابهات لسيدي فجاكيط ديال فهد وهي تهزو بقات مخبعاه حتى لبسليها حوايجها وهي تحشيه فصدرها.. وفاش مشات للكلينيك حطاتو فالمجر لي حداها حتى رجعات للدار وهي تشوفو وقررات حتى تسترجع عافيتها عاد تنفذ قرارها...
#الحاضر
جاد: وعلاش موريتيهليش
انا: حيت عارفاك غتمشي ضربها.. وهدا هو الغلط ديالك نتا كتسرع.. خاصك تتحكم فاعصابك وتدرس الموضوع من gاع جيهات.. فنظرك علاش مضربتهاش.. حيت الى بالصح كتبغيك دونك غادي نعذرها.. مي هذا مكيعطيهاش الحق انها تتهرب من العقوبة.. وهي دبا غادي تمشي للمحكمة تتحاكم هي وداك فهد
جاد: ممم اوكي.. دبا نتي استاقلتي
انا: لا مقبلش الرئيس مي غادي نشارك غير فالقضايا الصعبة
جاد: هي دبا غادي تجلسي غير فالدار
انا: لا منقدرش هههه.. قررت نخدم مع بابا فشريكتو
جاد: وشكون قاليك غادي نقبل
انا: (بستو جنب فمو) انا عارفة حبيبي مكيخسرليش خاطري
جاد: (بابتسامة شريرة) مي ماشي فابور ضروري من الخلاص
انا: هههه بااز.. صافي وخا اسيدي جاتك
جاد: (باسها فعنقها) يخليلي لي كيفهم
انا: هههه ياله نخليك دبا غنمشي عند بابا نهضر معاه.. نتلقاو فالغذا
جاد: اوكي حياتي😙😙😙
يتبع
التفاعل ناقص
الى مبقاتش عاجباكوم القصة قلوها باش تا أنا منتعدبش على والو
