اول حب بعمرك اني

ضلمتني ياحبيبي

اي ست جلنار ذب السويج مال السيارة عل الميز ونزع السترة وذبهة ويفتح بدكم قميصة شلون المخنوك منة احجيلي
شششنو كيان شااحجيلك لاتلفين وتدورين
احجي لاتخليني اشوفج كيان الثاني
هاشبيك كيان والله مدااعرف شتقصد
فدوة بس اعصابك فهمني شمسوية اني
ولج لاطلعيني من طوري انتي وحدة حقيرة ورخيصة مع الاسف انتي بنت
عمي ابوعصام مع الاسف الحمدلله مات
كبل ميشوف المدللة شداتسوي بضهر رجلهة
شدتحجي كيان فدوة
اسكتي ماحسيت الة كف علة وجهي
خلة شفتي تنزف دم
لزم شعري حيل جرة اااخ كيان لاتسوي هيج وآلله ممسوية شي اني
ولج لاتكذبين وضربني حيل ودفعني عل الحايط خنكني من ركبتي ادفع بيه ماكو
اشوف عيونة هاذة مو كيان مستحيل
هاذة زوجي ضليت ادفع بيه كوة وخر مني
كمت اشهك اخذ نفس وااكح دمي يجري من شفتي باوعتلة بتوسل كيان بس كولي
شمسوية اني ولج بعدج تنكرين والله لااربيج من جديد ولج اني كيان وحدة
مثلج تخلي سمعتي بالكاع ياسا......
ضميت وجهي باايدي حتة اتفادة ضرباتة
بس مطلعت صوت
اووون وابجي بدون صوت
ارحمني كيان الله يخليك
والله انتي متستاهلين الرحمة
انتي حرامات واحد يحطج ابيتة
مع الاسف ختلت بالزاوية الي بصف
الكنتور اريد انقذ روحي منة
صار مثل الوحش
مديكدر يسيطر علة نفسة
موتني ضرب واهانة
اني من كد ماجسمي تبنج من الضرب ك
كمت مااحس بس الكلام والاهانة يخليك
تكره حتة نفسك
كعدت بالكاع موتتهة ضرب واحس
كلبي ميبرد اريد اموتهة
واخلص من عارهة
كمت اخذ النفس كوة التفتت
عليهة شفتهة خاتلة بالزاوية
هاي العيون الي يشوفهة يكول
شكد بريئة بس موعلية والله لاانتقم منج
كمت كوة اخذت التلفون وفتحتة رحت عليهة جريتهة من شعرهة شوفي شوفي يابنت الأصول
هاذة منو عشيقج هسة تنطيني
اسمة وعنوانة لا اموتج هنا والله
شفتة كام وجاب التلفون وفتحة شوفني صور كرهت حتة نفسي
والله كيان مضلومة والله هاي ا لصور
كذب والله جرني من شعري وضرب راسي بالكنتور حيل وجان اصيح بعلو صوتي
والله مضلومة والله بريئة زاد يضرب براسي فقدت كمت اصيح حرام عليك
كيان عوفني دفعتة وانهزمت منة فتحت الباب وطلعت اركض اريد احد استنجد بيه
هوة صار يصيح رج البيت
طلعت عمتي والبنات يبجن شافني بمنضر
يكسر الخاطر عمتي حضنتني ولك ليش هيج شمسوي
بالبنية متخاف من ربك
يوم اسكتي لاتدافعيلهة
ولج يوم متدرين شسوت
علكيفك ابني هية شمسوية
اكعد اتفاهم موهيج انتة بناتك
كبار ويفتهمن شوف حالهن
التفتت علة بناتي وحدة حاضنة الاخرة
ويبجن والله مردت يشوفن هيج موقف
بس هية الحقيرة الي خلتنة
بهيج وضعية  طلع ابوية علة صياحي ركضت لحضنة جلنار
عمو وآلله اني بريئة والله مضلومة
اشششش بنتي هوة كوة يحجي
حضني وكام يبجي شاف حالي
كام يصيح علة كيان
ولك هاي بنت الغالي هيج تسوي بيهة
يانذل اسكت يابة رحمة لاالله
انتو لوتدرون شسوت جان موكفتو بوجه ابنكم من ورة وحدة ساق.....
اسكت هية اشرف من الشرف ولك هاي بنت ابو عصام
ولك هاي ام بناتك شدتحجي انت
ادري يابة واني لوما بناتي ولوما منطي
وعد احافض عليهة جان
سحلتهة للشارع
جان فضحتهة يم اخوانهة
واخليهم يذبحوهة ويخلصون
من عارهة اني اسمع وساكتة محجيت شي
لأن ماعندي اي اثبات
محد يصدكني بهالحضة هاي دكت الباب
اششش ابني خلي اشوف منو لاتفضحونة
هاي اكيد الجيران سمعو صوتكم
والله خزيتونة طلعت عمتي وفتحت الباب
هلو خالة شلونج هلة بنيتي فوتي
الله يسلمج جوجو وين اووف حلا تعاي فوتي جوة
وشوفي
شكو خالة خوفتيني صاير شي
دخلتني جوة وشفت منضر عمري ماانساه
اختي حبيبتي بحضن عمهة تشهك وتبجي
البنات يبجن عمي ابو كيان دموعة تجري
تفاجأت هاي شبيكم جوجو شبيج هية سمعتني اجت تركض لحضني حضنتهة  ولج هاي شمسوين بيج
شفت الدم يجري من راسهة وشفايفهة
والكدمات تارسة ايديهة والله اليعلم
جسمهة شلونة وجهة ازرك من الضرب
ومورم صايرة تخوف كتلهة ولج شكو
صاح كيان شتريدين تكولج ها
هية الهة عين وتحجي
والله حلا مضلومة اني
ادري حبيبتي ادري
اجيت وكفت بوجهة ورفعت اصبعي
بوجهة اسمع دااكولك اختي و اعرفهة
كلش زين مااسمحلك تحجي عليهة
فاهم حلا بصياح
اسمعي حلا خليني محترمج لاتجاوزين
وياي
هوة انت خليت احترام سيد كيان
ولك العدو هم ميسون بيه هيج
شنو من بشر انت
اني غصبن عليكم يبقة راسي مرفوع
سمعتي موتجي اختج هسة
وتخلي راسي بالطين
موعلية اني كيان فهمتي
والله مع الاسف عليك زين اكدر اعرف
شنو الذنب الي سوتة اختي
قبل مااخذهة
اي طبعا هاج شوفي واحكمي
شفت الصور انجنيت
هاي الصور شايفتهة بجهازهة
بس منو هاذة الي وياهة تخبلت
ماكو غيرة يسويهة الحقير ليث
التفتت علة اختي كتلهة ارتاحيتي
موكتلج احجي شوفي
وين وصلتي نفسج
كامت تبجي شااسولف حلا
والله محد يصدكني ولج ليش
خليتهم يحطون الحق براسج
انتي بريئة صاح بية كيان
كافي تمثيليات شبعنة
اخذي اختج واطلعي
ورقتهة هية توصلهة
واي حق ماالهة عندي
كيان اسمعني لاتتتهور
هاي لعبة والله حتة يفرقوكم
عمي ابو كيان وكف ويانة ضد ابنة
اي يابة خلي نفتهم
لاتتسرع
يابة شتفتهمون الة اكوللكم
خابرني ويكولي احبهة وتحبني
عوفهة انتة معقدهة
الخانم منطيتة معلومات كاملة علية
اني بس ابجي مرديت حلا هية بمكاني
واكفة تحجي
اسمع كيان لااخر مرة اكلك لاتتهور
اني اعرف الشخص الي سوة
اللعبة اي ست حلا هاي فكرة جديدة
حتة تسترين علة اختج
بس اسمعني كيان

لااسمع ولا اي حرف اخذي اختك وبرة
بصياح عمي يصيح وعمتي كذالك البنات
يبجن ويصيحن
حلا والله راح تتندم كيان صدك
اذا طلعت اختي من البيت
والله لتدمرون لأن ضلمتوهة
اسكتي ويلة برة برة
ميشرفني هيج نماذج
لا كيان ابوس ايدك بناتي لاتحرمني منهن
كيان الله يخليك وكعت علة رجلة ابوس بيهة
واتوسل دفرني برجلة
وين جان عقلج من كمتي تتمعشكين
هسة فكرتي بناتج
كيان والله مضلومة ابوس ايدك لاتطلعني
اموت بلياكم اني كيان اسمعني
كام يجر بيه يريد يطلعني
واني لازمة الباب مااريد اطلع
واتوسل كيان لخاطر الايام الي بيناتنة
كيان اسمعني بناتي كياااااااان
جريتهة للحديقة وهية تتوسل ولارف
كلبي عليهة وحدة خاينة
ماما ماما لاتعوفينة يجرن
بثوبي منا ومنا
وهوة يسحب ايدي ديطلعني برة
حلا اني واكفة وشفت اختي وكعت وتتوسل
شكد ضالم لعد
رحت دااكومهة مخلتني ضلت تبوس بايدة
ورجلة كلبي انمرد عليهة
شفتة سحبهة ديطلعهة برة
وهية معاندة بناتهة يركضن وراهة ويبجن
ويتوسلن طلعت اريد الحك باختي اريد
اخلصهة من ضلمة بس مكدرت
هية لحضات كدامك بس تحسهة دهر
من الصدمة جسمي وعقلي انشلو
اشوف اختي المدللة مذلولة كدامي
وماكدرت اسوي شي
طلعت وراهم شفت ابوه يصيح عليه
مايكدر يوصللهم كيان عوف البنية
كيان والله ماارضة عليك
اذا طلعت جوجو
كياااااان شفتة عمي لزم كلبة خالتي راحت تركض عليه
وكع بالكاع وهوة ياشر ولكم هاي بنت الغالي
لاتذلوهة بس هيهات كيان الي براسة يسويه
ميسمع لااحد جيت سحبت اختي بعد ماطلعهة بالشارع كتلهة كافي فضايح كومي
لاتتوسلين حلا بناتي الله يخليج
اششش كافي جوجو
والله ميستاهلوج
ولج لا   مااعوفهم ضليت ادك بالباب تهسترت
كيان بناتي اسمعهن يبجن ماما لاتعوفينة ماما

ماما
كيان افتح الباب كيان لاتضلمني كيااااااااان
ماحسيت بشي وكعت بس اتذكر حلا تصيح
جوجو الله يخليج كومي اني مغوشة عيوني
ماشوف افتح واغمض
حسيت احد شايلني فتحت عماد شايلني
ويركض كتلة بناتي اريد بناتي وبعدهة فقدت

✋✋✋✋هاذة بارت لعيون احلة متابعين واروع قراء يستاهلون
حبايبي اتمنة انو نال رضاكم شكرا
تحياتي الكاتبة أميرة الأحزان
ياريت تتحفوني باراءكم حتة لوتنتقدوني
فديتكم