اول حب بعمرك اني

جسد بلا روح الجزء الثاني

اسفة حبايب طولت عليكم
مرت الأيام وجلنار بدت بعلاجهة واحنة كلنة بجانبهة حلا احمد مقصر ابد يروح ويجي ابد ماعافهة ثبتلي هالشي انو شخص محترم وطيب الله يوفقة
اختي علاجهة صعب جدا تجيهة الحالة تصرخ وجسمهة يبرد ويصير مثل الثلج مابيه دم  ولاروح تصير مثل الخشب احاول اخفف من المهة اخذهة بحضني اريدهة تهدأ ماكو بس تصرخ بناتي اريد هم الله يخليكم اووف شنو بيدي يروحي واضمهة بحضني لحد مياخذ مفعول الإبرة وتهدا وتنام يربي شوكت ترجع اختي لطبيعتهة والله تعبت طلعت استراح بالحديقة اختنكت من المستشفة حيل طلع بوجهي احمد هلو ست حلا بشري متحسنت جلنار شوي
حلا لا..والله احمد حالتهة د..تزيد اختي راح تضيع احمد ضميت وجهي باايدي استحيت نزلت دموعي كدام احمد
احمد اوووف اسكتي ست حلا انتي قوية
لاتضعفين
حلا موبيدي والله واشوفهة تذبل بعد مكانت وردة مفتحة
احمد ممكن نروح نكعد هناك عندي استفسار منج
حلا هزيت براسي امم تفضل
احمد كعدنة وطلبتلهة عصير حتى تهدأ اعصابهة
حلا ميحتاج احمد
احمد لا مو وياي عل الواهس مااعرف اشرب وحدي
حلا اذا هيج ماشي شتريد تسال
احمد اريد تحجيلي شلون ادمرت علاقة كيان ب.. جلنار
حلا اممم اني راح اخبرك بكل الي صار
احمد حلا تحجي واني صرت بركان اريد انفجر لاياكلب طلعت انت وراهة والله لااندمك والله
حلا... اختي ضحية لعبة وسخة ومدبرة
احمد ماشي والله لااخذلك حقهة منة
حلا ليش تعرفة
احمد اي تعرفت بيه بالفاتحة مال ابو كيان وتجاوز علية بالكلام وضربتة وصار بيناتنه
مشاددات اني من البداية ماارتاحيتلة
حلا اوووف الله لايوفقه
احمد بس الغلط من جلنار هية الي مكنتة منهة بالخوف منة
حلا اختي جانت بيت ابوية شخصيتهة قوية ومحد يكدر يتكلم معاها بس للاسف
من اخذت كيان شخصيتهة ضعفت لأن كسرهة حيل وبهواي شغلات حطم ثقتهة بنفسهة احمد الزواج مبني علة الحب والتفاهم الاهتمام حتة تنجح العلاقة
بس كيان عندة حب التملك السيطرة الأنانية ويحب محد يكلة لا كل اوامرة مجابة
احمد ياااه واني عبالي سعيدة بحياتهة وهية عايشة بجحيم
حلا اختي تحملت لأن تحبه اني كنت ماارضة علة تصرفاتة بس هية موافقة تكول اليحب يتحمل كل شي يجي منة
احمد ااااه نيالك كيان عندك هيج حب وضيعتة والله حرام عليك
حلا...وهسة شراح تسوي احمد
احمد اولا راح اسافر للسويد اصفي الأمور وارجع للعراق اريد استقر
ثاني شي اريد اكون بجانب جلنار مااعوفهة بعد
ثالث شي اريد اطلع عيونة ال...ليث وااخذ حقهة
رابع شي حلا لاتفهميني غلط اريد ارجع ثقة جلنار بنفسهة واريد اتقرب منهة اكثر صدكيني حلا العمر د..يجري بينة واحنة انحرمنة سنين كافي لحد هالحضة صابر بعد ماكو صبر حبيبتي واني احق بيهة راح اسندهة واحتويهة وانشالة موبس هيج اريد ارجع بناتهة لحضنهة واحاسب كل واحد اذاهة وجرحهة
حلا نزلت دموعي مسيطرت عليهن
احمد حلا حجيت شي غلط اسف
حلا لااحمد بس انقهرت اختي ضاع عمرهة علة حب فاشل ليش مااخذتهة من البداية كان مصار بيهة هيج
احمد حلا اني متاكد انو جلنار تحبني بدليل انو من تريد الامان تلمس الكلادة حتة تحس بيه حلا اختك تحبني بس هية نفسهة متعرف هالشي فهمتيني بس اني راح اخرج هاذة الحب المدفون بااعماقهة
وراح اخليهة تحبني ونعوض سنين فاتت
من عمرنة
حلا واني وياك مااعوفك ولااعوفهة لحتة اشوفكم مجموعين بيت واحد
احمد اشكرج علة موقفك هاذة
حلا لاتشكرني احمد هاذة المفروض يصير من زمان بس انتة الي سكتتني ومخليتني اتكلم احمد اسالك سؤال
احمد جواب
حلا راح تكوللهة انو انت احمد صديق الطفولة
احمد لا مااكوللهة هالشي مااريدهة تكرهني
حلا امم فهمتك تريد تتقرب منهة وتخليهة تحبك يالله
احمد مااعرف انشالة الايام تثبت هالشي
هسة اترخص اريد اشوف حبيبتي واسافر
اكمل شغلي وارجع
حلا الله معاك بالتوفيق
احمد اشكرج
كيان من يوم الي طلقت بيه جوجو واني محروم من النوم الكابوس نفسة ينعاد كل يوم اشوف جوجو بحفرة وتستنجد بيه واني واكف
بس هم نفس الشخص يخرجهة وياخذهة واني اركض نادم وراهم وافز واكعد
ااااخ تعبت ياناس اريد انام مثل البشر
كمت سبحت وبدلت اريد اروح للشغل بلكي انسة وارتاح صبحت علة امي كاعدة تقرأ قرآن بستهة من راسهة
يمة كيان تعال اكل وياي
كيان لايوم مااريد مااشتهي
الام براحتك ابني الله يوفقك
كيان ربي يخليج الي طلعت لشغلي داادخل للمكتب شفت عماد انقهرت مهما يكون هوة صديقي رحت سلمت عليه رد السلام بس ببرود مومثل قبل مالحيت عليه عفتة براحتة
تسريع الاحداث 👈👈👈👈

رأفت ونرجس اعتنو بماريا وتوتة بس مكدرو يشيللون الحزن المرسوم بوجهن
ما يمر يوم اذا مايسمعون بكاءهم علة امهم
رأفت اني اتكطع من اشوفهم هيج نرجس ممقصرة وياهن بس مومثل الأم
هسة دخلن مدرسة ويرادلهم متابعة
كيان نفذ اوامرة وجابلهن مربية
اشوف صحت البنات جاي تدهور
اني اتصلت علة حلا لحتة اطمئن علة جوجو بالي يمهة ردت حلا انصدمت من كالت علة حالة جوجو طلبت منهة تسمحلي ازورهة وااجيب البنات مقبلت الطبيب مانع
عنهة الزيارة لأن حالتهة متسمح انو تشوف احد سديت الخط انقهرت حيل شنو ذنبهة
سولفت لاامي علة حالتهة وبجت يمة بنيتي كل هاذة صاير بيهة واني ماادري اوويلي بنيتي يمة
رأفت اسكتي يوم الله يخليج لاالبنات يسمعن
الام موبيدي يمة هاي بنيتي
رأفت ادري والله ادري شنسوي لاابنج الي ركب راسة وكسر البنية ورماهة
الام رأفت الله يرضة عليك صالح اخوك والله جاي اموت من وراكم اخوك يمة تعبان ادري بيه غلطان بس ميمنع انو نكف وياه
رأفت تريدين نكف وياه عل الغلط يوم
الام مكلت عل الغلط بس اريدكم ترجعون مثل كبل يمة
رأفت تنهدت بحسرة انشالة يوم مايكون خاطرج الة طيب ادللي يلة اسمحيلي اوصل البنات للمدرسة واطلع للشغل
الله وياك ابني دربالك علة نفسك

ليث اني من يوم الي انفصلو كيان و جوجو واني بغير عالم كضيتهة اشرب وفرحان والعب اقمار ويومية بنت شكل بس مكدرن ينسني عيونهة اريدهة ولايمكن اتنازل عنهة ااااخ يعيونهة مشتاقلهن اني لازم اروح اشوفهة اليوم اخذت بطلي وطلعت بالسيارة اشرب واسوق متعلم
وصلت لبيت اختهة بس شلون اشوفهة
امم جتني فكرة لفيت وجهي بحيث بس عيوني مبينة ودكيت الباب طلعتلي حجية جبيرة يبووو بس لاخربطت بالبيت
ام عماد منو بالباب
ليث اني خالة استاذ عماد موجود عندي امانة الة
ام عماد  لايمة مموجود بالشغل
ليث زين زوجتة
ام عماد والله زوجتة بالمستشفة
ليث ياه خير خالة اكو شي
ام عماد والله اختهة مريضة وهية يمهة داريهة
ليث بكلبي بس لاانتحرت بنت اللذين
زين خالة ممكن عنوان المستشفة اني اعرفهة لست حلا وااريد اقوم بالواجب انطتني العنوان وطلعت بوجهي اريد اشوفهة وصلت للمستشفة ماخليت احد يلمحني سألت عليهة واندليت الغرفة تسحبت علة كيف شفت اختهة ب.. . الاستراحة  فرصة دخلت واشوف الشرسة نايمة
لهنا نتوقف حبايب اتمنة البارت يعجبكم ولاتنسون التصويت اوالتعليق فوديتكم 😘😘😘😘
  تحياتي أميرة الأحزان