Oops! This image does not follow our content guidelines. To continue publishing, please remove it or upload a different image.
ᴅʀᴇᴀᴍs ᴄᴏᴍᴇ ᴛʀᴜᴇ ᴀᴛ ɴɪɢʜᴛ
Зохиогчийн талаас
Нарны туяа улбартан шаргалтаж нар доош буухад өрөөнд уйтгарлаж сууж байсан охин ухасхийн бослоо. Тэр шатаар гүйн буухдаа золтой л тээгэлдээд уначихсангүй. Буйдан дээр суун сонингоо шимтэн уншиж байсан нас тогтсон эр баярлаж хөөрсөн охиноо харан "Ямар нэгэн юм болоо юу?"
"Ааваа өнөөдөр та надад пицца авч өгнө гэсэн шүү дээ. Гуанз руу явцгаая"
"Ээж чинь ирээгүй байна шүү дээ хонгор минь. Түүнийг ирэхээр хамтдаа гарцгаая"
"Ямартай ч би хувцсаа өмслөө шүү. Та мэдэж байгаа биз дээ би их хүлээсэн" гээд хоёр гараа зүрхэн дээрээ тавин инээмсэглэн дэвхцэхэд түүний аав дулаан инээмсэглэл тодруулан толгой дохилоо. Охин өрөө рүүгээ гүйн шүүгээгээ ухан хэдхэн хоногийн өмнө авсан цэцэгтэй даавуун даашинзаа өмсөв. Ээж нь түүнд маш сайхан зохино гэж хэлсэн нь биелэлээ олох шиг.
Нахигийн талаас
Толь руу харж байхдаа инээмсэглэсээр "Төрсөн өдрийн мэнд хүргэе Ким Нахи" гээд даашинзныхаа туузыг эгдүүтэй гэгч нь уялаа. Доор хаалга дуугарах чимээ гарч би бушуухан хайрцагнаас кетээ авчхаад доош буухад тэр хоёр намайг хүлээж байв. Би инээмсэглэсээр "Явцгаах уу?" гэхэд тэд толгой дохин "Тэгье ээ гүнж минь" гэлээ. Би гар цүнхээ аван "Бурхан минь би 18нас хүрч байна шүү лээ. Үнэхээр догдолж байна. Та хоёртой хамт тэнд хооллоно гэдэг бол их том бэлэг. Гэхдээ та хоёрыг надад том бэлэг барих байх гэж бодож байна шүү" гэхэд тэд инээд алдан ээж бүсээ зүүсээр "Харин л дээ чиний хүлээгээд байгаа тэр бэлэг мөн юм болов уу даа"
"Надад юу ч байсан хамаагүй ээ гэхдээ надад дахиад нэг тэмдэглэлийн дэвтэр, нотын дэвтэр хэрэгтэй л байгаа"
"Чиний санааг ойлгож байна аа гүнж минь. Гэхдээ эхлээд энэ 3 хоосон ходоодыг дүүргэх хэрэгтэй"
