عايز تحب صلاتك؟ ❤😍

182 19 5
                                    


عايز تحب صلاتك؟ ❤😍
بص امشي بمبدأ إن الصلاة دي مش حاجة روتينية إنت مجبر تعملها .. لاء خالص علي فكرة إنت رايح تقعد مع ربنا شوية .. تقعد معاه خمس دقايق .. كتير عليه؟ كتير علي اللي خلقك؟ اللي إداك كل حاجة؟ :)❤
إستعد للصلاة كإنك رايح تقابل حد بتحبه .. روح و إنت متلهف أووووي .. الي يسألك رايح فين قوله (رايح أقعد مع ربنا شوية) .. خليه إحساس داخلي جواك .. 😊
أول ما ترفع إيدك و تقول الله أكبر .. إبتسم إبتسامة متلهف بيقابل حد بيحبه .. قول الله أكبر .. و جواك صوت , "جتلك يا حبيبي خمس دقايق أصلك واحشني," .. علي فكرة مش جنان إنك تكلم ربنا .. ده الي خلقك .. ده أقرب ليك من أبوك و أمك .. إقراء كل كلمة بالراحة أووووي "الحمد لله رب العالمين" فحبيبك الي خلقك يرد عليك يقولك "حمدني عبدي - عبدي شكرني و عرف إن النعمة الي معاه من عندي، خد يا عبدي نعم كمان" الله :)) تكمل .. "الرحمن الرحيم" حبيبك يرد يقول "شهد لي عبدي إني رحمن رحيم خد يا عبدي من رحمتي كمان" و إسمع ربك بيرد عليك فتبتسم و تكمل طب "مالك يوم الدين" ربنا يتباهي بيك قدام الملايكة يقولهم "عبدي شهد إني مالك يوم الدين - خففوا عنه في يوم الحساب حسابه. "إياك نعبد و إياك نستعين" .. يرد ربنا "صدق عبدي .. عبدي صادق هو بيعبدني .. خد يا عبدي حسنات .. و بيستعين بيا؟ أنا معاك يا عبدي" .. فتبتسم أكتر و تيجي لآخر جزء "إهدنا الصراط المستقيم" فحبيبك يرد "بس كده يا عبدي؟ عبدي طلب مني طلب و له ما طلب .. الصراط المستقيم ده الي هتمشي عليه يوم القيامة كلما كان مستقيم كان وصولك للجنه أسهل فتخيل ربنا بعزته و جلاله يرد يقولك حاضر يا عبدي لك ما طلبت" الله :))
إقراها بالراحة .. إسمع صوت بيهمس جواك .. ❤😊
بعدين في مرحلة الإعتدال من الركوع لما بتقول (سمع الله لمن حمده) إحمده إنت بطريقتك .. قوله (ربنا لك الحمد و الشكر كما ينبغي لجلال وجهك و عظيم سلطانك .. شكراً علي كل النعم الي مديهالي) كلمه بطريقتك ده ربك ..
وقت السجوووود .. لما تهمس في بطن الأرض فيسمعك من في السماء .. قوله (أنا بحبك) قوله (خليك معايا في المحنة الفلانية) قوله (أنا محتار) قوله (عايز أقولك حاجة و فضفضله . 😍❤
أيوا والله إحكي مع ربك و كلمه باللغة العامية (بص يارب عايز أحكيلك حاجة أنا حصلي موقف .. )
مفيش احن من ربنا عليك قرب منه مش هتلاقي غير كل حاجه حلوه بتحصلك 😍❤

You've reached the end of published parts.

⏰ Last updated: Dec 11, 2018 ⏰

Add this story to your Library to get notified about new parts!

الصلااةةWhere stories live. Discover now