دار الأيتام

بارت 14

#الكاتبة_نبأ
#دار_الايتام
.................................
*سامر*
كعدت الصبح
فتحت عيني اني وين
بغرفه شهد
وعلى جربايتها ..شصاير
درت وجهي
فركت عيني
دا احلم لو شنو
شهد لازمه ايدي ونايمه بصفي
لا حلم حلم اكيد
رمشت عيني اريد اصدك ما اكدر
صبحت بوجهه
ملاك ونايم بت اللذين
جانت زلوفها نازله على وجهه
مديت اصابعي ووخرتهم
صدقة لله
طفلتي الاحبها
باوعت للساعه ب10
لازم أكوم
بس الواحد حتى ما يريد يصحى
سحبت نفسي على كيف
رجعت غطيتها واني اباوع عليها
ما شلت عيني ابد
جانت رموشها نازله على خدها
باوعت على نفسي
بعدني لابس القاط يحظي
رحت لغرفتي وبدلت
لزمت تلفوني
لكيت عمي فاضل مخابرني
رجعت خابرت عليه
سامر📞: صباح الخير عمو لكيتك داك علي خوما محتاج شي
فاضل📞: لا هيج بعد عمك ردت تجي عود تاخذنه من المستشفى لان ايمن طلع اليوم
سامر📞: والله جنت نايم تعذرني شلونه هو
فاضل📞: نوم العافيه والله الحمدلله زين
سامر📞: محتاج شي حاضر اني وتدلل
فاضل: لا بعد عمك ما تقصر ما يدلل عليك ظالم
سامر: دير بالك على سجى.. الله وياك
طلعت من الغرفه
نزلت جوة
صح جانو عائلتي كلهم موجودين
بس ابويه كالب خلقته علي من حادثه أمس
وسجى اوف يا سجى مكانها خالي
امي كاعده تنضف هيه والخدامه
صبحت عليهم
بس امي ردت
ابويه كاعد ويكلب بموبايله
عفاف: سامر ما تريد اكل
سامر: خل تكعد شهد وناكل اني وياها
باثناء هل حجي
ودخلت علينه الأميرة النعسانه
تتثاوب وتفرك بعينها
سامر: صباح الخير الأميرة الناعسه
شهد: صباح النور عمو
عفاف: هاك باوع سمعت ببطنك جوعانه واجت
سامر: هههههه
عفاف: هسه اسويلك واكل انت وياها
سامر: يحلوة كومي غسلي وجهج يلا حتى تصحصحين
شهد: ما بيه حيل بس يلا لخاطرك
اكلنه وخلصنه
طلعت بالحديقه مال البيت
كعدت على المرجوحه
واجت شايله بيدها صندوق زغير
شهد: عمو ممكن طلب
سامر: امري عيوني الج
شهد: سمعت بمعو سيف مريض عادي تأخذني اله
ضليت صافن عليها شجاوبها
لا اني اريد اروح ولا اني اريد ابقى
شهد: هااااا شكلت حبااااب
سامر: ديلا اوك بدلي وتعاي
شهد: ووووووووي راح نروح هلااا
راحت وهيه تكمز صدك مخبله
اوف شهد منين طلعتيلي بهل سالفه
ما اريد اشوفه ابد
مشتاقله حيل بس يا حيف
يجي الموضوع الي صار والمشاكل كلهن براسي ويغيرن مشاعري 180 درجه
وأصير اكرها وما أطيق اشوفه
صرت اتمشه بالحديقه وافكر
وقطعت افكاري صوتها وهي تركض
شهد: بدلت ولبست حجابي وجبت الهديه واهمشي السويج حتى ما تتحجج اعرفك زين
سامر: هههههههه تعرفيني والله يلا امشينه
صعدنه بالسيارة
وطول الطريق اباوع عليها شلون صافنه على الشارع
فكرت يمكن مشتاقه لأصدقائها الي بالدار
سامر: اكلج حبيبي شهد ما مشتاقه لأصدقائج
شهد: مشتاقتلهم كلش هوايه بس جنت استحي اكلك
سامر: باجر نروح الهم من الصبح واخليج هناك طول النهار شتكولين
هاي كمزت وكامت تصفك
شهد: صدووووك يااااااي واخيراً
سامر: خبله واللهي هههههه
وصلنه للمستشفى
مشينه بالممر
وصلت يم الباب وما دخلت
شهد: مراح تدخل وياي
سامر: لا دخلي وحدج ما اكدر
راحت دخلت وضليت انتظرها
طلعت سما من الغرفه
سما: هلاو سامر شلونك
سامر: هلا بيج سما الحمدلله بخير انتو شلونكم سيف شلونه
سما: والله اليوم يطلعوه على مسؤوليته المفروض يبقه اسبوع بس معاند
سامر: من كل عقله يحجي شعنده طالع
سما: ما اعرف والله وضعه محير
سامر: الله كريم
راحت تمشي بالممر والتفت ورجعت كملت مشيها
البارحه واليوم تباوع بنظرات متقاطعه
شردت الأفكار من بالي
بقيت انتظر وتأخرنه
جان الباب مسدود
حجيت من وره
..يلا شهد تاخرنه
فتحت الباب فجأة
وصارت عيني بعين سيف
نزلت راسي راسن واخذت ايد شهد ومشيت
رجعنه للبيت
طبكت بالباب
شفت سياره واكفه
هاي سيارة ايمن
شعدها هنا؟
تفاجأت بوجود ايمن وعمي وابويه بالاستقبال وصايرة هوسه بيناتهم
ثائر: ما عندي بنيه الك فاهم لو لا
ايمن: عمي رحمه لأهلك والله بتك هيه لسانها طويل واني مو المريه الي تتجاوز علي
سامر: هاي شصاير هناا وَيَا هيه الي لسانها طويل ولَك ترة اكسره الراسك والله
ايمن: ما حاجي شي غلط هيه تتجاوز بالحجي وحتى ما خلتني المسها واحد بليله عرسه غير يتونس مو يشبع غلط ومسبه وتشميت مو حجي هذا ميصير
فاضل: ترة ابني وياه حق واني شفتها شلون ما تحترم واني ما اقصد بتقليل قيمه تربيتك بس البنيه لسانها طويل وما تنحمل وابني من ضربها هيه ما تفاهمت وياه وهم ضربته راشدي وجبناها الكم حتى تشوفون حل
سامر: مال تشوفون حل وعبالكم الحل الي براسكم وتريدون تسوون اختي مطلقه تحلمون بيها هسه تأخذها وتروح وما اريد مشاكل واذا اسمع مرة لخ ضاربها اكسرها لايدك
ايمن : خوش حل ولخاطرك ولخاطر عمي راح انطيها فرصه ثانيه
رحت دخلت للصاله
جانت امي كاعده وحاضنه سجى وتسمح على راسها
سامر: خيرج يبعد اخوج؟
شالت راسها وشفت وجهه مزورك
سجى: ما رايده شي منكم كفوني شركم يا خوة الي تحجي عليها راحت واخذتها الايام
سامر: سجى؟!
رجعت حضنت امي وما ردتلي
انقهرت كلش
وصعدت فوك
دخلت لغرفتي ضليت افتر بيها ما اعرف شسوي
غمضت عيني
تذكرت من جنه نسهر اني وياها وناكل حلويات
اكعد الصبح اكعدها براشدي
نروح اني وياها للجامعه
من جانت تحجيلي اسرارها واحجيلها أسراري
خبالاتنه سوة
من نتفق باليل وينام الكل
نحتل الثلاجه وناكل شكو شي بيها
وتكعد امي الصبح وتكول منو مأكل الريوك
وواحد يإشر على الثاني ويبتلي عليه
من تجيني ما مفتهمه الماده واكعد اتفلسف عليها
وهيه تعرف غلط بس تمشيها الي وتضحك
من نشغل الديجي بنص الليل ونركص ونزعج الموجودين وما نهتم الهم
وبهذا عمرهم ونلعب ختيلان
جنت اتذكر كلشي وكإنما مرت علي سلسله من الأحلام
فتحت عيني وتذكرت هاي كلها جانت ذكريات
وحالياً الواقع صرنه اعداء
وتكلي ما عندي خوة وياك
كلامها لچم جرحي
جروح من الطرفين سيف وسجى
صارت نار بيه ما اعرف شيطفيها
فكرت اروح يم شهد على الاقل خبالاتها تلهيني
رحت عليها
جانت بالحمام وتكح قوي عبالك مخنوكة
خفت ورحت عليها
دكيت الباب بس تكح وما تفتحه
ضليت اصيح عليها
اخير شي كسرت الباب
جانت متمدده بالحمام وحلكها دم!
.................................................
يُتبع♥️
البارت قصير اعرف والله
هو اصلا بارت مفاجئ الكم لان كتبتولي هواي نزلي
وارجع اعتذر منكم♥️