فصيلتي العنودية

البارت الرابع

الشيخ : سجاوي تعالي اخذي البنية
سجى : ها بابا تفضلي
ايلا : وصلني الشيخ وصاح لبنية اسمهة سجى اجتي اخدتني و كالت
سجى : هلو اني سجى انتي شسمج
ايلا : هلاوات ايلا
سجى : تشرفت حبي
ايلا : اني الاشرف حبيبتي
سجى : شكد عمرج
ايلا : اني 18
سجى : يايي بعمري ههه  واخيرا بنية راح تعيش وياية
ايلا : ههه حبيبتي شكرا
سجى : تعالي اعرفج على ماما
ايلا : يلا اخذتني سجى  لمراة يطلع عمرها بنهاية الاربعينات اني من شفتها ذكرت امي بجيت
ام ازاد : يمة حبيبتي شبيج تبجين
ايلا : هيج عمة ذكرت ماما من شفتج
ام ازاد : اني هم اعتبريني امج حبيبتي رفعي راسج خلي اشوفج
ايلا : رفعت راسي جان تكول
ام ازاد : اللهم صلي على محمد واله محمد ماشاء الله تبارك الخالق يمة تخبلين بنيتي
ايلا : لان عيونج حلوة وانتي حلوة تشوفيني حلوة
ام ازاد : يمة اني صرت عجوز يا حلوة بعد
سجى : اي وهلكدا يومية بابا يتغزل بيج مو
ام ازاد : نجبي ولج طولان السانج
ايلا و سجى : هههههههه
ام ازاد : يمة سجى اخذي ايلا وديها لغرفتها
سجى : حاضر ماما
ايلا : اخذتني سجى لغرفة حلوة تجنن مساحة كلش جبيرة وهذا الحلو بالغرفة ومرتبة ونظيفة و لونها اسود مطعم بماروني وراحت طلعت كالت اخذي راحتج اني اول ما طلعت سجى اخدت ملابس بجامة لون اسود والتيشيرت مالتها يصير طويل فوك الركبة بشوية ودخلت للحمام سبحت وكملت طلعت نشفت شعري ومشطة وشديتة بقراصة و رتبة الملابس بالكنتور كلهن جان تدخل سجى تكول الشيخ اجة يعقدلكم لبست عباية و شال ونزلنا لكينا عمة و عمو وتلاث ولد وشيخ كعدنا وكام يحجي الشيخ عن الزواج وسئلني
الشيخ : ايلا تقبليني تزوجين ازاد احمد
ايلا : ن.. نعم وانت وكيلي
الشيخ : ازاد تقبل ايلا
ازاد : نعم
وكاموا يحجون خلص العقد صعدنا فوك اني وسجى وكعدنا نسولف و نضحك ومر الوقت صارت ساعة 11:30
سجى : يلا باي لولو اروح لغرفتي انام
ايلا : بايات حب
ايلا راحت سجى كعدت ضايجة وحدي اباوع للغرفة وانوب نسيت اكوللها تكنكلي ضليت كاعدة جان ستوني كمت جان تنفتح الباب ودخل شاب للغرفة
ازاد : هلا بعدج كاعدة يالبغدادية
ايلا : اي بعدني ليش شنو تشوف كدامك نايمة
ازاد : لسانج طويل بعد
ايلا : اي لساني طويل عندك مانع
ازاد : اي طبعا بس مو علية هاذا اللسان اكصة مرة الخ سمعتي
ايلا : ....
ازاد : وين صوتج راح انخرستي جاوبي افتهمتي بعصبية
ايلا : اي افتهمت
ازاد : المهم اهدومي و اكلي و ملابسي كلهن عليج مسؤوليتج انتي واي واحد يسوي بمكانج او نقص شي بالغراض انتي التتحاسبين
ايلا : اوك
ازاد : دخلت للغرفة جانت بيها بنية يو هاي الفصيلة المهم حجيت وياها بس طلع السانها هم طويل فوك ما هية طركاعة من الجمال دخلت سبحت و طلعت مشطتت و نمت على السرير العب بالموبايل وهاية كاعدة على القنفة وتبوع عليها جنهة تريد تسئل شي كالتلها
ازاد : شنو عندج احجي
ايلا : عزا شلون عرف اريد احجي شي بكلبي طبعا
ازاد : مو احجي وياج انتي
ايلا : اا..اريدك تكنك الي
ازاد : جيبي الموبايل كنكت الها وطيتة الهة وكعدت تلعب بي جان ورة اشوية تكول
ايلا : اني وين انام
ازاد : يعني وين مثلا غير هنا وأشرر على السرير
ايلا : ها اني وانت يعني
ازاد : لا اني انام بالحمام وانتي هنا بابة انتي بيج شي يعني غير اي هنا انام اني و انتي
ايلا : اوي عيني على كيفك هو سؤال اكلتني بكشوري ونمت بسرعة على سرير و تغطيت بالبطانية
ازاد : ضليت صافن عليها بعدين ضحكت لان خافت ونامت بمكانها
ازاد : هههههه
ايلا : كالتلة الفوك قريتوا ونمت بمكاني و تغطيت جان اسمعة ضحك ضحكت جوة البطانية بدون صوت جان ورة شوية نمت لان جنت نعسانة و قبلها بيومين منايمة ونمت ما حسيت بشي 😴😴
ازاد : ضليت كاعد العب بالموبايل و ورة شوية طفيت الموبايل ونمت 😴

......................................................................................
هلو هلاوات هلاوز هاي هههههه هاي تعبر للكل اول اسبوع ما نشرت جنت مريضة فلاونزة وما كدرت ثاني اسبوع يا حبايب جان عندي امتحانات شهرية و اني عندي دراستي اهم شي للحقيقة يعني ههه المهم اشتاقيتلكم هواية هواية وانشاللة هاي اخرى مرة اتاخر بيها هواي يلا باي حبابات