فصيلتي العنودية

البارت العاشر

ايلا دخلت للغرفة بس سديت الباب درت وجهي ما احس الا نضربت راجدي قوي
ايلا : اه
ازاد جريتها من شعرها
ايلا : اه ... شكو شبيك
ازاد : كل بسببج اني اعلمج
ايلا : شمسوية ممسوية شي
ازاد : لا كلشي ممسوية مو و ضربيتهة راجدي اقوى
ايلا 😭😭 ازاد شعري دتوجعني
ازاد: بعدج مشايفة شي
ايلا و رجع ضربني راجدي و ثاني وتلاثة و اربعة و بعدين بد يضرب بالحزام اني حابسة صرختي عمود لحد يسمع و ضرب ضرب لحد ما تعبت من المقاومة و ضليت اون كمل ضرب و دخل يسبح كمل و طلع من الغرفة واني ضليت ع نومتي بالكاع ما بية احرك ساكن من الوجع
ازاد : صار مثل ما قريتوا فوك ☝️ و ضليت اضربها لحد ما تعبت و دخلت سبحت  ا و عفتها وراية نايمة و بس تون كملت طلعت من الحمام بعدها ع نفس النومة و بس تون طلعت نزلت جوة شفت الكل رايح كلت لسجى
ازاد : صبيلي غذة
سجى : حاضر بس وين ايلا
ازاد : فوك نايمة لا تصعدين عليها
سجى : حاضر
ازاد تغذيت وكملت و طلعت رحت  للديوان يم ابوية و طلع اكو فصل و مشكلة كعدنا نحلها و نسولف و نسيت ايلا او الاصح اتناساها
............................................................................
ايلا : كمت واني ادوس ع وجعي دخلت اسبح بلكي يهدء الوجع بس بالعكس احس المي نار ينزل ع جسمي
وضليت كاعدة بالحمام ابجي اوف كملت وطلعت وحتى ما مشطت رحت كبل ع السرير و نمت واني اون ورة شكد حسيت ع شخص يمشي ايدة ع شعري بس عيني من النعاس ما اكدر افتحها و رجعت نمت لحد وين كعدت شفت الساعة ب 12 عزة اني شكد نايمة درت وجهي لكيت ازاد يلعب بالموبايل كمت من السرير دنزل جوة اروح اكل جان ازاد يكول
ازاد : صح النوم مدام جان ضليتي بعد
ايلا ما رديت دامشي ما احس الا نسحبت من ايدي قوي واشوف ازاد كدامي ولازم ايدي قوي حيل كمت اموت من ايدي منا هي توجعني ومنا لزمها قوي احس روحي تتطلع بس ما خليتة يحس جان يكول
ازاد : من احجي وياج تجاوبين اني مو كرسي عمود احجي وياج تعوفيني و تمشين افتهمتي وهسة وين رايحة
ايلا ما جاوبت
ازاد : اني شكلت ستوني ها مو كتلج جاوبي
ايلا : يعني وين رايحة غير جوة وين اروح مثلا
ازاد : لج لا تعلين صوتج عليه
ايلا : يعني شتسوي مثلا تضرب عادي اضرب
ازاد : ...
ايلا : نزلت جوة الدنيا ضلمة الكل نايم دخلت للمطبخ فتحت الثلاجة سويت لفة جبن و صعدت فوك لكيت ازاد كالعادة يلعب بالفون بس لو اعرف شيسوي بي المهم رحت ع السرير كعدت واخذت الموبايل و اكل و العب كملت كمت غسلت و رجعت كعدت شوية وهم كمت طلعت حبشكلات من الثلاجة مالتنا وكعدت اكل اسمعوا بية صفة انو من ازعل اكوم اكل هواية و انام فا اضل اكل 😂😂 المهم كملت اكل الحبشكلات هم كمت غسلت و رجعت مددت و العب بالموبايل نام ازاد و اني ضليت العب بالموبايل صارت ساعة 3:30 نمت و حسيت ورة شوية نسحبت بس عفت و نمت كعدت الصبح ساعة 8:00 لكيت نفسي نايمة بحضن ازاد زين اني شلون نمت بحضنة ما اذكر نمت بحضنة المهم رفعت راسي شفت ازاد يباوع علية اريد اكوم ما يقبل ما يخليني كتلة
ايلا : ازاد
ازاد : ها
ايلا : وخر اريد اروح اسبح
ازاد: لا
ايلا : شنو لا
ازاد : ما تكومين
ايلا : نضل هيج مثلا
ازاد : اني ما عندي شي بكيفج عادي نبقى
ايلا : لا والله
ازاد : اي
ايلا : اوف ..... ازاد انت ليش ضربتني
ازاد : عوفج من هذا الموضوع
ايلا : لا كول ليش ضربتني شنو سويت
ازاد : كافي كلت
ايلا : لا يعني لا اريد اعرف
ازاد : اخ منج يالعنودية راح احجيلج
ايلا : اي يلا
ازاد : من رحت للمستشفى وكال الدكتور انو مصطفى .... و حجالها شكال الدكتور ع وضعه وكاللها اني من شفت مصطفى بهاي الحالة حملتج الذنب مالتة
ايلا : بس اني ما دخلني وانت لازم تعرف انو الصار قضاء و قدر و الله كاتبة والمكتوب لازم يبان و حتى لو ما صار هذا الشي فا مصطفى كان راح يدخل غيبوبة بأي سبب واني و تنهدت  ابتعد عن اهلي بأي سبب و انشالله يصير زين مصطفى و تزوجوا
ازاد : صفنت واني اشوف هاي البنية بصغر سنها كلامها الا معنى و مفهوم و يريح المهموم ابتسمت من كملت كلامها وكتلها
ازاد : اسف
ايلا بصدمة : ها 😶😮
ازاد : اسف
ايلا : ازاد انت مصخن لو بيك شي من الصبح
ازاد : ههههههه لا ما بية شي هسة صافي يا لبن 
ايلا : لا ما رضيت
ازاد : شنو
ايلا : مممما رضيتت يعني لازم ترضيني
ازاد : اي وشلون ست ايلا ترضين
ايلا : امممممممممم اريد حلويات و اريد طلعني من البيت
ازاد : ههههه بس هاي سهلة
ايلا : اي يلا وخر اريد اكوم اسبح
ازاد : لا
ايلا : ازادد وخر
ازاد : ههههه وخرت يابة وخرت
ايلا كمت سبحت و بدلت لبست دشداشة ماروني مخصرة ع الجسم كلش حلوة و بيها فتحة من الجانب
طلعت من الحمام مشطت بشعري و رجعتة ليورة داشوف شكد طولان جان شديتة ذيل حصان و حطيت الشال ع راسي ونزلت جوة شفت عمتي و عمي كاعدين كلت
ايلا : صباح الخير
الشيخ و ام ازاد : صباح النور بنيتي
ايلا : لعد سجى وين
ام ازاد : تسبح
ايلا : ها شتحبون تتريكون
الشيخ : اي شي نعمة من الله
ايلا : حاضر
الشيخ : يلا روحي بنيتي مو متت جوع
ايلا : هههههه يخسي الجوع
ايلا سويت بيض و طلعت قيمر و كاهي و قشطة و عسل و اجبان كملت نقلت الاكل ع الميز و صحتهم جان تنزل سجى كعدوا اني رحت للمطبخ صاحني عمي
الشيخ : تعاي اكلي بنيتي وين رايحة
ايلا : ما احب الريوك
الشيخ : ما يصير بنيتي هاي وجبة مهمة
ايلا : والله ما اعرف يا شيخ من جنت صغيرة ما احب الريوك
سجى : عوفها يابة هي ما تحب تتريك من جتنة لهسة
الشيخ : بكيفج بنيتي
ايلا رحت للمطبخ نظفتة لما كملوا اكل سجى كالت انتي غسلي المواعين واني انظف البيت كتلها اوك غسلت المواعين و غسلت الطرمة و رشيت الحديقة و كملت سجى تنظيف البيت سوت عمتي الغذة تشريب احمر
و تمن اني غسلت الاشياء الي استخدمتهن و سجى سوت الزلاطة و صعدت غسلت و بدلت لبست دشداشة زيتوني وبيها بيجي و نزلت عمتي تقرة قرأن و سجى تلعب بالموبايل كعدنا نسولف لحد ما دخل شاب و ازاد للبيت احنه و كفنا بس اشوف سجى فرحانة شكيت هذا صكر
صكر و ازاد : السلام عليكم
ايلا و سجى : و عليكم السلام
صكر :  شلونج اختي اني صكر ابن عم ازاد
ايلا : اهلا وسهلا زينة الحمدلله وانت خوية شلونك
صكر : الحمدلله بخير شلونج سجى
سجى : زينة
ازاد : احم يلا صبوا غذة
البنات : هسة دقايق و يجهز
طلعت عمتي كعدت يمهم تسولف وعمي هم اجة كتلها ل سجى
ايلا :احم ع كيفج لا تبتسمين هلكد لا شفايفج طك ههه سجى: ايا حقيرة تنجبين لو اهفج بالجفجير
ايلا : ههههه استري علينا لا تضربين ولا شي خاف صكر انوب ميخطبج يكول خاطب بنية لو جون سينا
سجى : ايلااا 
ايلا : اتشاقة وياج حبي هو يلكة وحدة مثلج
سجى : غير طالعة ع صديقتي الكمر
ايلا : ههههه صدك شنو شعورج
سجى : ما ادري فرحانة وخجلانة و اريد اطير بالجو
ايلا : معقولة هاي بس لان شفتي
سجى : اوف هو بس صوتة يخليني اطير مو اشوفة انشالله يوم الج ولازاد
ايلا : ااا يلا امشي نودي الاكل
ودينا الاكل و اكلنا كملنا سويت جاي و سجى غسلت المواعين و ديت الجاي و كعدوا يشربون جاي ويسولفون و يحجون بامور الديوان و ما كال راح صكر ازاد راح يودي كلمن صعد لغرفتة اني صعدت بدلت و لبست دشداشة سودة قصيرة فوك الركبة بيها دلعة و فتحت شعري و نمت ع السرير العب بالموبايل دخل ازاد كال
ازاد : ايلا طلعيلي هدوم اريد اسبح
ايلا : اوك
كمت طلعت ملابس لازاد من الكنتور نداريت لكيت ازاد و راية وقريب مني حيل كلت
ايلا : ازاد
ازاد : هاا
ايلا : شتريد
ازاد : .......
ايلا : 😳

............................................................................
هلو شلونكم اخباركم

احبكم حلوياتي ❤😻

#مريم_الربيعي