جيتك ابــي الحنان تكفى لا تردني

البارت الثالث

بالجــــامعه

خلصت المحاضره وكان بياخذ اوراقه

قال لهم بيلتقون قريب ويحضرون زين للمحاضره الجايه

رفع راسه عليها لقاها تناضره بعيون تلمع /اتذكرتك يازيزفون اتذكرتك ي زيزو وينك صرتي ماعاد تزورينا من يوم توفى ابوك ليش ماشتقتي لخلود كنت اشتريلك حلاوه الي انتي تحبيها ليش نسيتي كل هذا كنتي تتهاوشين مع ندى وهدى تجين لعندي ادافع لك اه بس غمض عيونه بقوه وشد ع كف ايده ع الاوراق حس بيهن بينشقن

طلع من دون اي كلمه

طلع وكأنها قرت افكاره ليش رحت ي خالد ليش ماني ناسيتك بس من بعد الوالد مابي شي يالغالي كنت لي اغلى ما املك اشتقت لعيونك يالغلا كنت ماجيكم ماازوركم حتى لو احتجت ندى او اشتقت لها بوقف لها برا وحتى اتحاشاك وتحاشى نضراتك اذا بتجي يمين بروح يسار اه ي خالد والله ماني ناسيتك ي لغلا مانسيتك

تحررت دمعه دافيه وحيده موجعه ع خدها اليوم التقت بفارس احلامها مرتين والضاهر مراح تشوف غيره كانت تنادي انت حبيبي وزوجي مستقبلا كانت اذا تبي شي اول مابتقول لخالد الي كان اكبر منها واوعى بكثير تحبه تعترف دق له قلبها بشوفته من زمان مو شايفته تتحاشى كثير تحس حالها كانت طفله ومراهقه ماتعرف شي بس اللحين كبرت وايد وعت ع حالها ماتبي استعطاف احد ماتبي حنان احد راح ابوها الي كان لها شي مثالي قدوة حياتها بقت لها امها الي مو مهتمه لها كل يوم بحفله كل يوم بأاجتماع مليت ابي اشوف حنانها ناقصني حنانها تحسها مو امها لو تروح لجهنم ماتهتم لها

كل هذا تحت انضار ريم وندى لي نزلن دموعهن مع
صديقة عمرهن وروحهن صديقة طفولتهن كل وحده راحت من جهه وحضننها بقوه لعلها تصبر وتقوى وتنسى شي بس لا والف لا كيف تعيش كذا وهي تحس كأنو عايشه يتيمه ماعدها احد لولا ريم وندى حضنتهم مع بعض وبكت خلاص مو متحمله
كان ناسي جواله يمشي بسرعه وتو بيدخل وقف وهو يشوف دلوعته طفلته الي ياما عاش معاها كل طفولته تبكي وحاضنه اخته وصديقتها الثانيه ويبكن معاها وجعه قلبه ليش تبكين يالغلا ليش حس بضيق مايدري ليش شفيني اليوم غمض عيونه بقوه ورجع يمشي بسرعه خطواته اسرع من دقات قلبه قعد بغرفته الي فيها هو واحمد ع مكتبه ورسل لندى تجيب له جواله

وصل لها المسج بعدت عنها ومسحت دموعها واخذت جواله قالت
ندى :خالد ناسي جواله هني بروح اعطيه ايا
زيزفون بألم هزت راسها بطيب روحي
ريم قالت لها تعالي بالكافتريا بننطرك
هزت راسها وقالت اوك

طلعن للكافتريا طلبت لهم عصير وبسكوت

وقعدو ياكلو واجت ندى وشاركتهم

وهي بالها عند خالد شفي مضايق ليش كذا احسه معصب شفي طلع ماحسيت في شي ولا حتى بوقت المحاضره
-------------------------------------
امــــريــــكااااااااا &&&&&

صباح امريكا بارد الجو كله غيم

قامت بكسل هالات سودا تحت عيونها

تروشت ولبست لها بلوزا طويله حمرا مع بنطلون جينز شسورت شعرها الطويل ولفته ع شكل كعكه
ولبست حجابها بترتيب خلت ميكب خفيف ناعم روج احمر هادئ ع شفايفها التوت شكلهن يذوب لبست جاكيتها الطويل
واخذت جوالها والهتفون وخلته بأاذنيها شغلته بأاغنيه اجنبيه i love you وطلعت بسيارتها البناتيه السمائيه بلون سما امريكا وتمشي بسرعه متوسطه متوجهه للجامعه

وصلت ونزلت من السياره للشاب الي قاعد طول هالسنين ب مكان تعودت تلقا في بكل صباح وقت ماتجي للجامعه

رفعة له حاجب هي تحترمه كثير من دون البقيه مايدخل فيها كثير علاقتها مو قويه مرا متوسطه
هي ماتلتقي فيهم ماتحب تتكلم مع احد بس صديقتها الي معاها من السعوديه وصديقه امريكيه
تعرفت عليها وقت مااجتي تدرس اول سنه بأامركيا

دخلت عليهم والقت السلام وردو عليها

سلمت ع صديقتها السعوديه اسمها وتين

وصديقتها الامريكيه اسمها جوليا .

جلست وطلبت لها كوفي لعل يدفيها شوي

جوليا;لماذا كذا شارده ما الامر افنان

افنان:لا شي عزيزتي لا تقلقي فقط اشعر بصداع

جوليا:حسنا

وتين:هي ستبدأ المحاضره الاولى لنقوم

جوليا وافنان:حسنا هيا

وقفه نتعرف ع افنان و الشاب المجهول وصديقات افنان

افنان:22 سنه حلوه وجميله للغايه شعرها طويل عيونها عسلي وبتتعرفو ع احداث قصتها مع البارتات الجايه عرفتو طبعا قصتها فوق 👆👆👆

جولي: 21جميله سمراء اوصافها بسيطه طيبه كثير
وبتحب افنان وتين وايد
وتين:22 صديقة افنان من الابتدائيه حلوه عيونها زرق شعرها ذهبي امها برطانيه وابوها سعودي طويله لها شخصيه وعصبيه وايد بس طيبه وحنونه كثير

وسيم:22 سنه طيب وحنون وايد يدرس مع افنان ب نفس القسم والاختصاص يحبها يحترمها يعرف مدا حزنها وده يعرف قصتها بالتفاصيل وده ياخذ كل حزنها وناوي ع شي بتعرفو قريب حلو كثير عيونه وساع رموشه كثيفه طويل وايد وجسمه معضل وخاقات عليه البنات

توقعاتكم للبارت الجاي

ادري انه قصير بس تعبانه وايد وعندي اختبارات كملته لعيون وحده احبها وايد Mjnoona 💙😍😍