جنون العشك
شمس:كتله شنو البقيه بحياتج كال والدج توفه بحادث اليوم ضليت ساكته ماحجي والرجال يصيح الو بس اني ماكو ولا كلمه سده من عندي ضليت ادوك والطم بل كاع تقريبا نص ساعه بعدين اخذت التلفون دكيت عله عمي شويه واجه اخذ تلفوني دك عل الولد الي اتصل عليه وعرفو المكان بيا مستشفه
ام علي:كومي بنتي غسلي وجهج كومي
شمس: تره هوه ممات عايش ادري بي والله عايش
ام علي: تبجي
شمس:ليش تبجين مميت يشاقه ويايه والله هوه يحب يشاقه بس مو هيج شقه هسه يجي وزعل علي لتبجين
ام علي: الله يصبرج بنتي
شمس:تبجي بس هوه كايلي ماعوفج ابد ليش جذب عليه تذكرين من كتله ليش مجبتولي اخ شكال كال اني ممكفيج اني اخوج وابوج وامج واختج وهسه راح يروحون كولهم بيوم واحد ليش والله ممسويه شي بحياتي ماعندي غيره بس هوه امي عافتني وهسه ابويه يعوفني متكوليلي شبقالي
ام علي: الله واحنه وياج بنتي
شمس:ماريدكم انتو اريد ابويه اريد رب العالمين يرجعليا ليش ياخده مني يدري اني ماعندي غيره لا حوله ولا قوه بدونه بس هوه سندي خل ياخذني ويااا الله عليج والله احبه صح مرات اضوجه ومرات اعاند وماسمع كلامه بس احبه امي راحت ماريد ابويه يروح
ام علي:تبجي الله يرحمهم بنتي
شمس:هاي ماما اخذته هسه تشوفني هيج وترجعه هسه تشوفين اذا مرجع ترجعه صدكيني ومسحت دموعي ورحت لغرفتي تمددت بفراشي صعدو بنات عمي ومرت عمي ورايه كتلهم راح انام من يجي كعدوني اسويله غده همه كولهم ضلو يبجون اني كتلهم ههه راح تفاولون عله ابويه عوفوني انام من يجي كعدوني نمت ومكعدت اله ثاني يوم لكيت البيت متروس بيت عمي وبيت عمتي وبيت عمي الثاني و ولدهم وبناتهم ولابسين اسود كولهم بس اني لابسه تراك ماروني من نزلت اجوي كولهم كالو البقيه بحياتج اني بس اهز براسي عاد عمتي كالت الله يكويج بنتي كتله بعياط والله مماااات ممااااات عايش لضلون كولسع واحد كايل البقيه بحياتج وروحو نزعو الاسود همه كولهم ضلو صافنين عليه كتلهم واني ابجي عمه مو كتلج ماما اخذته من تشوفني زعلانه ترجعه ليش تسوون هيج حرام عليكم والله
ابو رائد:بنتي ميصير هيج تسوين مو زين هاذه امر ربج ولكاتبه يصير هاذ المقسوم بعد
شمس:يعني مقسوم ابويه يروح
ابو رائد:لارد
شمس:ليش مجاوب جاوبني الله يخليك ماعندي غير بابا
ام رائد:امشي ماما خل ابدلج راح يجون العالم ونتي ملابسه اسود كومي بنتي
شمس:كمت وياهة رحت لبست اسود ونزلت جابو التابوت ضليت كاعده بل كراج يم التابوت ابجي اجه عليه يوسف كال كومي فوتي كافي ميصير هيج حته مو زين عليج حجيت واني ابجي بهدوووء يعني يادوب يسمع صوتي كتله شنو الي ميصير عوفني الله يخليك خل اريح قلبي واشبع منه
يوسف:حيل انقهرت عليهة تكسر القلب وحقهة بس ابوهة الهة من الدنيه وراح نزلت كعدت يمهة كتلهة شمس هاي قسمت ربج ماكو عتراض عليهة كومي جوه توضي وروحي صلي ودعي الله يصبرج
شمس:باوعت بوجهة شويه وتمددت بصف التابوت وتكورت عله نفسي مثل الطفل مهتميت لا للعالم الي واكفه ولا لاي احد مجنت رايده بذاك الوقت غير بس ابويه يكوم ويكعدني من هاذه الكابوس جنت اتمنه لو هاذه حلم وانام وانتضر احد يكعدني والكه كولشي ماكو بس الي جنت افكر بي هوه الحلم غمضت عيوني وضليت ابجي بشهكه واحجي ويه ابويه كتله والله اريدك ويايه بهاذه الوقت وبكول وقت ليش هيج سويت بيه احجي بهمس وابجي
يوسف:متخيلت فد يوم اشوف هاي شمس ام السان وصوتهة الي يهرج البيت هرج بهيج موقف وجهة ذبلان وصفر وجوه عيونهة كله اسود تمددت بصف تابوت ابوهة وضلت تحجي بحس ناصي اسمع حجيهة وعيني دمعت عليهة لين موقف كلش صعب والعالم منا وماكدر اكله كومي منا العالم لين اتوقع منه اي ردت فعل كتله شمس كومي تره ابوج مايرتاح اذا يشوفنج هيج
شمس:رفعت راسي باوعت عليه بعدم فهم
يوسف:تره هسه جاي يسمعج ويتعذب تقبلين هيج
شمس:يعني يسمعني هسه
يوسف:اي
شمس:لعد ليش اكوله ارجع وميرجع اذا يسمع
يوسف:شمس حرام هيج تسوين الله كتب علي يروحن بهاذه اليوم
شمس:احبه
يوسف:ادري والله يابنتي كومي فوتي خل انروحن
ابو رائد:ادري ابوج ومالج غيره بهل دنيه وهوه جان نعمه الاب وياج مدللج ومامگصر وياج بس بنتي هاي قسمتج من الدنيه الله ماكاتبنلج ابوج يضل بگربج طول العمر
شمس:حضنت عمي وضليت ابجي اجت عليه مرت عمي ابو رائد طببتني جوه
ام رائد:شمس اخذنج تسبحين حته يروحن التعب
شمس:هزيت براسي اي لين خطيه شفتهم تعبو ويايه اخذتني للحمام وملت البانيو مي دافي وحطتني بي
ام رائد:ابگي بملابسج الداخليه لا تستحين مني
شمس:هزيت راسي ب اي
ام رائد:شويه واجيج
شمس:تجيت راسي عل حايط وضليت ابجي ونمت كعدت لكيت نفسي بعدني بل بانيو وبل حمام متحركت من مكاني ضليت كاعده ومتجيه راسي عل حايط لشويه اجتي عمتي
ام رائد:ها بنتي كعدتي
شمس:هزيت راسي ب اي
ام رائد:اجيت شفتنج نايمه كلت اعوفنهة ترتاح
شمس:تخيلتهة امي واكفه اداري بيه صح هيه مرت عمي بس كولش طيبه وحنينه الحنيه والطيبه العدهة بشكل مو طبيعي
ام رائد:كومي بدلي جبتلج ملابس
شمس:كمت بدلت ونزلت جوه ونفس الشي بجي وساكته ماحجي واكل ما اكول صدوك ادمرت نفسيتي
أنت تقرأ
جنون العشك
Romance........عندما تصبح القلوب مرتبطه ببعضها لحد الجنون ويكون هناك الم الفراق والخيانه هل سيدوم هذا العشق المجنون ام لا.......جنون العشك
