جنون العشگ~*
واقسم اني سابقى احبك
حتى يضع الكفن على جسدي
شمس:سوتلي عمه لممه مال يوسف واخذته وصعدنا انام باوعت هدومي بعدهم بل جنط حطيت يوسف عل جربايه شربته الممه وكعدت ارتب هدومي طلعت الصيفيات كولهم رتبتهم والشتائيات هم رتبتهم ومال مدرسه وجنط المدرسه وجنط الطلعه بين مكملت صارت اساعه بل 4 وطار النوم من عيني رحت تمددت عل جوربايه واخذت يوسف بحضني وضليت العب بشفايفه لو اسد خشمه وافتحه شويه جان يكعد ضليت متمدده عل جوربايه وهوه نايم عله بطني بس هوه لو يضربني بوجهي لو يجر شعري اني اخرب من الضحك واني من اضحك افقد صوتي يصير عالي لل5 ضليت بس اضحك وماشوف اله باب الغرفه نفتح عليه
يوسف:فزيت عله صوت شمس عبالي تعيط طلعت تضحك باوعت الساعه بل 4 وربع رجعت اريد انامن ونفس الشي ضليت مثل السمجه المزوهره بل فراش اريدن بس تسكت ماكو طكت روحي ونعسان كمت رحت لغرفتها فتحت الباب وطبيت حته مدكيته
شمس: فات يوسف انوب ملابس شي فوك كتله شبيك هوه هيج ليفوت عندك مداهمه
يوسف:شنهي سالفتج اريد انامن صوتج
شمس:جايه يمك اني متروح تنام
يوسف:شلون انامن وصوت ضحكج زرف اذاني زرف
شمس:راح انصي
يوسف:بعدين شعندج كاعده مو وراج طلعه اصبح
شمس:وين اطلع
يوسف:اوديج باجر تسجلين بل مدرسه
شمس:من الفرحه معرفت شسوي ذبيت يويو عل فراش وطفرت عله يوسف حظنته كتله كول والله
يوسف:هههه والله
شمس:فدوه لگلبك شكرا
يوسف:هسه فدوه لگلبي
شمس: وخرت منه كتله لعد غير من تصير زين اكولك فدوه الگلبك اذا موزين عليش داكلك
يوسف:يعني هسه اني مو زين
شمس:اي
يوسف:خلف الله عليج مو صوجج صوجي انه
شمس:راد يطلع لزمته من ايده كتله لا انته زين بس ذاك اليوم جنت مو زين
يوسف:مو انتي لسانج جسر خليتيني اصير وياج مو زين وهسه روحي نامي والصبح ب7 كعدي بين منبدل ونتريك ونطلع
شمس:هوه يحجي ويايه واني صفنت عله عضلات بطنه وايده كولش كبار
يوسف:احجي وياج وين صفنتي
شمس:تلعب حديد
يوسف:رفعت حاجي وابتسمت كتلها وين عقلج ولج
شمس:انتبهت عله نفسي بس كولش خجلت كتله هااا متروح انته شجابك هنا بعدين متستحي جاي بدون تشيرت
يوسف:كمت وبعيوني لنوم شتردين اكعد البس
شمس:بعد مكدرت احجي من الفشله والمستحه
يوسف:ضحكت عليها بگلبي وكتلها تصبحين عله خير وطلعت لين شفتها خجلت خطيه
شمس:كبر شبيج فاهيه ضليتي صافنه هسه من حلاته رحت تمددت بفراشي بس منمت لل6 كمت غسلت ومشطت شعري وسويته ذيل حصان عالي ونزلت كوذله من عدام ولبست بدي اسود نص ردان حذاء سوده بس الجنط مالاتي مال مدرسه وحده ورديه والثانيه سوده وبيها دمارات ازرك كلت خاف ميصير البسها كلت اسال عمتي رشيت ريحه باوعت الساعه 7 وربع اخذت الجنطه ورحت عله غرفت يوسف دكيت الباب
يوسف:فوتي
شمس:فتت لكيته يمشط بشعره عل مرايه كتله صباح الخير
يوسف:صباح النور كلت مراح اتكعدين لين نمتي متأخره
شمس:اصلن منمت
يوسف:نداريت عليها باوعت عليها من فوك ليجوه كتلها ليش منمتي
شمس:مادري
يوسف:اكلج
شمس:ها
يوسف:شوفي راح اكلج شغله وعتبريها طلب مو امر لين ماريد مشكله من الصبح
شمس:شنو
يوسف:ملابسج كلش ضيكات والبدي مالتح قصير رجاءآ روحي بدليهن
شمس:بس
يوسف:رحمه لبوج ماريد بس كلش ضيكات روحي بدليهن بعد وكت
شمس:اووووف
يوسف:افافه تافف ضلعوج
شمس:يااا
يوسف:وجعاا روحي بدلي
شمس:يعني انته منو سامحلك تتحكم بلبسي
يوسف: انه كتلج عتبري طلب وذا تردين امر بعد بكيفج
شمس:لا رايحه ابدل رحت لبست بنطرون اعرض من هاذ الي لابسته ولبست بدي طوله ويه الكمر مال بنطرون ونفس الحذاء ورشيت ريحه ورحت لكيته نازل جوه نزلت
يوسف:شغيرتي
شمس:والله غيرت شوفهن اعرض
يوسف:امرنه لله روحي جيبي يوسف وين عفتي
شمس:نايم
يوسف:ميخالف جيبي
شمس:لا عوفه من نجي اكعده
يوسف'انتي غير خبله ليروح يوكع يكعد جوعان وين عايفته وحيده
شمس:هم صدوك هسه اجيبه صعدت جبته واجيت
يوسف:نطينيا وسوي ريوك
شمس:شتريد اسوي
يوسف:سويلي بيض وطماطه ولحم ونتي شوفي شتردين
شمس:منو ياكول هيج اصبح بعدين الريحه كولها تلزك بهدومي
يوسف:جاوبته واني كاعد العب ويه يوسف كتلها لا متلزك
شمس:ضليت اباوع عليه هوه شال راسه وباوع عليه كال خير
شمس:ماسوي
يوسف:كتلها سويلي اي شي
شمس:شسويلك
يوسف: تنهدت كتلها بابا امشي حته ريوك ماريد
شمس:ليش خل اسويلك
يوسف:امشي شمس
شمس:رجعنه يوسف لبيتهم وصعدنه بسياره كتله ردت اسأل عمه عل جنطه خاف ميصير بيها الوان
يوسف:لا عادي
شمس:اكيد
يوسف:شمدريني
شمس:رفعت حواجبي لعد ليش تكول عادي
يوسف:عبن مابيه حيلج
شمس:درت وجهي منه عل جامه باوعت عل طريق مشينه تقريب ربع ساعه كتله شنو بعيده
يوسف:تبعد نص ساعه
شمس:اووو هواي
يوسف:صدك اكلج انتي ليش مالبستي صدريه مال مدرسه
شمس:مو ليوم بس سجلني وباجر اداوم لين منايمه وكولشي ماستوعب....ضلينه ساكتين الما وصلنه نزلنه طبينه للمدرسه سجلني وكمل وخله رقمه يم الحارس مال مدرسه وكله اي شي يصير خابرني وطلعنه
شمس:ليش عود انطيته رقمك
يوسف:علمود شيصير يخابرني
شمس:قصدك علمود شسوي يكلك
يوسف:لا غلطانه
شمس:لا مغلطانه بعدين شنو ماعندك ثقه بيه وتخلي عليه مراقب
يوسف:كتلج غلطانه اني مو ماعندي ثقه بيج انما ماعندي ثقه بل ناس الي راح تتعرفين عليهم
شمس:تره المدرسه بس بنات
يوسف:مدرست الولد قريبه عليكم وشايفهم شلون يلتمون عل حله مال مدارس البنات
شمس:واني شعليه
يوسف:بابا حطيت الرقم مو خوفن منج لا والله خوفن عليج خاف احد يتحارش بيج يتعرضلج يخابرني واجيج
شمس:يعني فترض الحارس هوه الي اتحارش بيه شلون منو راح يخابرك
يوسف:والله شمس هاذ خوش سؤال وعندي الحل مالته
شمس:شنو بله
يوسف:تكعدين بل بيت وتنجبين
شمس:ههههههه اشاقه وياك شبيك
يوسف:لتشاقين
شمس:سكتت بعد محجيت الما وصلنه طبينه سلمنه ورحت كبل نمت....................
YOU ARE READING
جنون العشك
Romance........عندما تصبح القلوب مرتبطه ببعضها لحد الجنون ويكون هناك الم الفراق والخيانه هل سيدوم هذا العشق المجنون ام لا.......جنون العشك
