ولاد الحومة

92

.#الحلقة_92: سمير نزل يجري سبق امير للدار ...لقا سارة واقفة ومشنشفة وتبكي وحاطة يدها على فمها ومهدي طايح فلرض وراسو فيه الدم... دخل امير موراه مخلوع ..شاف فيه... سارة شافتهم في زوج يشوفو فيها وفي مهدي وهي تقوولهم براسها لالا... مهدي فلرض شاد في راسو...والدم سايح.. امير راح ليه  امير: مهدي مهدي...واش صار هنا ..؟؟  وشاف في سارة.. سارة: ك...كان..راح يدنا ليا..دافعت على روحي ماشي بلعني ...ضربتو بالفاز لقيتو قدامي...مقتلتوش انا والله مقتلتو.. امير وقف شاد في راسو هو وسمير.. سارة شافت في سمير تبكي وراحت عند و عنقاتو وتبكي... وامير شد صاحبو وقفو يسحب فيه يدي فيه للسبيطار ...وعينو على سارة وسمير...هبط عينيه ودا صاحبو وخرج... سارة تهدر وترجف : مقتلتوش..سمير...ياك ميموتش..انا ...انا.. دفاعت على روحي برك...ماشي قصدي..والله مقصدي..ياك ميموتش سمير ميموتش.. سمير: متخافيش سارة خليه يموت الله لا يردو. سارة: بصح...بصح. سمير: بصح واش ؟؟ اسكتي راني معاك متخافيش... سارة شوف فيه مستغربة: ك..كيفاه...درك يشتكي بيا..واش ندير؟؟  سمير: قتلك اسكتي مدمت معاك متخافيش.. سارة: واش راح دير؟؟ سمير مقلق وعيط عليها: نندب...ندخل للحبس في بلاصتك.مليحة هكا باش مرة وحدوخرا متمشيش من رايك سمعتي ؟؟ وتروحي وحدك...فهمتي ؟!!  سارة: بصح... سمير: بلعي ...روحي اغسلي حالتك... راحت سارة غسلت وخرجت ...قعدو شوية..ثم حتى تريح سارة ويشوفو واش صار مع امير خاطر السبيطار قريب... شوية هكا عيط امير عند سارة راحت رفدت.. سمير نحاهولها  سمير: الو.واش صار؟؟  امير: متخافش خيطوه راهو مليح .. سمير: امممم واش راح يشتكي ولا كيفاه؟؟  امير تنهد تفكر صورة سارة مع سمير : لالا متخافش ...وصيتو..وحتى اذا شكا انا عندي كاميرا فالدار للسراقين تبين كلش.. سمير تبسم: مممم مليح... امير : استناوني راني جاي نتا وسارة.. سمير: مطولش امير: اوك.. .... سارة ريحت شوي من الهدرة تاع امير.... شوية هكا جا لقاهم فالدار.  راح قعد مقابلهم وحشمان من سارة لي محبتش شوف فيه.. امير: ع...عارف صاحبي غلط.. سمير عيط: غلطة حياتو...عند الزهر كان مبليسي ..اما والله نقتلو.. امير: المهم ...سارة متقوليش لباباك يقول لبابا و تعرفي تكبر الحالة... سارة: اممم خفت ينحيلك الرزق؟ متخافش مانيش مهبولة.... وشدت خاتمو نحاتو وحطاتو على الطابلة.... سارة: حتى نتا غدوة جي تبطل دبر راسك منين جيب السبة..ولا نشتكي بصاحبك... وجبدتلو التسجيل. تاع الكاميرا..وخباتو في صاكها... وخرجت يدها في يد سمير يتبسمو... امير حط يدو في يد راسو حاصل واش يقوللهم سبة سارة خرجت مرتاحة هي وسمير كلها ثقة.وراحة وفرحة حاسة الدنيا ماشي سايعتها واخيييرا تهنات من امير