ولاد الحومة

40

#الحلقة_40:
لحق احمد ومرتو ..نزلو
احمد شاف فيها وتبسم ..يطمن فيها محبش يخوفها باش ينقص المشاكل..
هي شافتو تبسمت معاه حساتو يطمن فيها ويقولها راني معاك متخافيش..
...
سميرة ختو وزوج خياتو لخرين شافوهم مالتاقة
سميرة: شوفي شوفي كيفاه يضحك معاها هذي باين عمرتلو راسو علينا وضرك يبدا يفتي
سهام : وي هاني نشووف بففف منعرف واش عجبو فيها ..
سلمى: امشو راهو يعيطلنا.
سميرة: هانا جايين..
...
راحو قعدو فالصالون ..زينب راحت بدلت ورجعت ..
لقاتهم كامل ثم سلمت عليهم وتبسمت من فوق قلبها مام هو كيفها خاطر واحد مايحمل لوخر..
زينب قعدت قدام راجلها ..سميرة غمزت ختها معناها شوفي ..ختها عوجت فمها..
...
احمد: اليوم لايمتكم باش نتفاهمو..المشاكل تاعكم هذيك تاع كل يوم وبلا سبة منحبش نزيد نشوفهم..هي في حدها ونتوما في حدكم ..والشغل تاع الدار بالدالة ويما تقسملكم ...
زينب خزرت فيه : بصح احمد انا راني مريضة منقدرش نطيب ولا نخدم حاجة ثقيلة..
باية: بوه علاه متقدريش وعلاه مولدناش هنا...ياك كنا نخدمو كلش ونولدو ونربو لباس بينا..
زينب : هذيك بكري ..
سميرة: تلعبو فيها تخدمو كلش وعلاه انا معنديش ولادي ؛! نخدم كلش..
زينب استغفرت تقلقت..جات تهدر
واحمد عيط عليهم: بلعوو انا نهدر ونتوما تهدرو ؟!! لميتكم باش نتفاهمو ماشي باش ندوسو. والله تنطق وحدة نصرفقها..
باية: خلص اسكتو نتوما...وانت احمد مانيش نشوف حل ..يا تخدم كيفنا يا خليها تكمل مرضها في دارهم
احمد: مترجعش لدارهم...انا مجبتهاش باش تبقا في دارهم..واذا بيكم على الشغل ..خلاص ناكل برا وهي نجيبلها من برا . هكا مطيبولنا متحاسبونا على لماعن..
سميرة: ديما دافع عليها..
احمد: اسكتي..متحشميش ...ديجا المشاكل هذو من تحت راسك كون تتلهاي بدارك خيرمن كل يوم طلي فيا
باية: بووه دار باباها تجي وقت لي تحب ولا مرتك حلال وختك حراام..!!!
احمد: جي على روحها متخلقش المشاكل ومتدخلش في حاجة خايطتها..
وهاني فهمتكم وحدة متلحق وحدة منحبش نزيد نسمع الهدرة هذي فالدار..
وكل وحدة تروح شوف شغلها..
هيا افرقو السوق
خرجو خياتو وزادت زينب راحت لبيتها..
بقا احمد مع يماه..
احمد: يما ارحموني ونقصو عليا المشاكل لي فيا يكفيني..
باية: روح ترقد وليدي ووسع خاطرك..
احمد: هيا تصبحي بخير...
. ....
راح احمد يرقد وباية راحت عند بناتها..
سميرة: والله مليحة السي الشباب قالك يجيبلها من برا..ونتوما كولو ماكلة الدار يالجايحات..انا والله ناكل واش ياكلو نس داري ..تاع وجهي يجيبلي من برا .
باية: واش تحبي ..يدبر راسو مرتو وهو حر فيها
سهام: يمشي بهدرتها ظل تحرش فيه علينا يا نهار تديه وتخلينا ..
باية: هذو هوما عرايس درك..
سميرة_: انا حاابة نفهم واش دارتلو انا علااه راجلي ميديرليش هااك..نحير فيهم النسا هذو كيفاه يخلو رجالهم يديرولهم رايهم..
انا كون نبات نهدر منهموش.
سلمى: قالتنا يحبها يابعدي ههه
سميرة: تحبها لفعى تديها نشالله علينا