طكني وتلاوه وياي جار ويه الايام
وانه الحسبته سناد كل ضنتي حزام
٠٠٠٠٠٠٠
طكك يخويه تهون شوف الجره وياي
توجه بيه وكام يطعني بجلاي
٠٠٠٠٠٠٠٠٠٠٠٠٠
متعجب انته بهاي يطعن يموجوع
حز الكلب والنوب كسرلي الضلوع
٠٠٠٠٠٠٠٠٠
يكسر ضلع ضلعين هم لابد تفوت
بالكسر مايرتاح سلمني للموت
٠٠٠٠٠٠٠٠٠٠٠
انتهت
٠٠٠٠٠٠٠٠٠٠٠٠
تكسر مجان البي جنت اكعد ويا
ياعاذلي شخليت تحرمني ذكرا
٠٠٠٠٠٠٠٠٠٠٠٠
صافي النبع لهواي نيتي ابتديه
يكرف بديه تراب ويخل عليه
٠٠٠٠٠
فك ياخه مني وجوز بايع عشرتك
تذكر بعتني بيوم هسه انه بعتك
٠٠٠٠٠٠٠٠٠
صح التراك اليوم يبرز حلاتج
بس عندي حلوه هواي لفة عباتج
٠٠٠٠٠٠٠٠٠
لاتصفن بدنياك خله اعله ربك
ولاتجزع من الصار لابده تنفك
٠٠٠٠٠٠٠٠
طك القلب طكات طكطك براكين
نار وجمر واحزان فجره بالعين
٠٠٠٠٠٠٠٠٠٠
بالجف احط دموع بيه اترس البير
لن جفوة المحبوب مااله تفسير
٠٠٠٠٠٠٠٠
بالجف ترست البير من كثر الدموع
وانه اليطك بجفاك من عيني ينبوع
٠٠٠٠٠٠٠
شو جنه غصن الروح تهزه الاشواك
وقلبي استعر نيران من انار الفراك
٠٠٠٠٠٠٠٠
وج واستعر نيران قلبك يمحبوب
انه انصهر بجفاك من لوعة يذوب
٠٠٠٠٠٠٠٠
قلبي ارد اذبه بهيم لو حدر التراب
من شفت خانو بي الجانو احباب
٠٠٠٠٠٠٠٠٠
ماشفت من فركاك بس الاذيه
يمته تحن يهواي وتعود اليه
٠٠٠٠٠٠٠
حسدوني عالتابوت صابوني بالعين
ماكملو تشييع انكسم نصين
٠٠٠٠٠٠٠٠
مثل النخل ضليت طروني بحجار
ماطلع مني الشين بس حلو الاثمار
٠٠٠٠٠٠٠٠٠٠
ترست وجهي خطوط واني بشبابي
يادهري مامليت بس تدك بابي
٠٠٠٠٠٠٠٠٠٠٠٠
بسك يدهري وياي ماضل بعد راي
العندي اغله الناس لن صارو اعداي
.....
:جانت بيوت الطين كلها محنه
هسه المباني قصور بس موش اهلنه
....
طكطك دليلي بنار طكطك براكين من خويه وكت العوز داعاني بالدين
.....
الهيبه للدينار مو لليفهمون
دنيانه هيج تصير ويه اليضلمون
.....
:جار الدهر وياي خلاني بس عود
صكني وعماني البين ماجني موجود
.....
يادهري ماخليت شعملت بيه
صفيت احن للموت من الاذيه
.....
الهيبه للدينار مو لليفهمون
دنيانه هيج تصير ويه اليضلمون
....
:متربيه وتربات المعدن الزين ماتمشي بين الناس الا. بعباتين
......
ويه الملح والزاد خليت العيون
كرفو رمل ورماد بيها يخلون
.....
واصفينه لوحدنه انه وي ربي
امد ايديني وادعي وهو للي يلبي
.....
كون الدخل ياناس چاتل چتل حگ
بالروح انه افديه لوصارت بطگ
.......
لو يكتل اعله الحگ ویطفي ناره
مایوصلون حذاه للوفى ثاره
....
الجنت اضنه حزام والضهري حماي
هداني وكت العوز يطعني بجلاي
:طفله واجاها الذيب وترجت انذال
دنيانه صارت هيج ماترحم الحال ابن امی بالکلفات هوای وفای
ذكرني بالعباس من ماشرب ماي
...
