بالضلمه تلضم خيط عميه وعجوزه
روحي اصبحت هالحال من جته عوزه
٠٠٠٠٠٠٠٠٠
بالضلمه تلضم خيط روحك يمضيوم
مخيط يغز بجلاي من كثر الهموم
٠٠٠٠٠٠٠
مخيط واضنه تهون تعبر يموجوع
حبسه ومرض والموت من طفلك يجوع
٠٠٠٠٠٠
طفلك يجوع تحير كل ضنك هواي
باعونه جمله وحيف ما النه شراي
٠٠٠٠٠٠٠
تمت
.....
ماضل نبي ومرسول الى وندبته
ماردت جنه وحور بس شوفك انته
......
مساجله
....
كورونا ويه الموت شلهن ردنهن
اتحزمن عالناس زاهي وكتهن
.......
مو لعبه يل متعوب يل بيه مصيوب
كورونا هيه الموت ماتلحك تتوب
......
طركاعه مامش هين بين اهلك تموت
لاغسل لاتكفين لاحتى تابوت
......
بيت الله هالمسدود حتى المزارات
كورونا حبست ناس فرقت جماعات
.......
مامش وليمه اليوم مامش فواتح
وكورونه بين الناس تغدي وتراوح
.......
طكهه الفلك هي نوب كورونا بلوه
وكفت رزق هالناس كعدته كوه
.....
كعدت رزق هالناس ضرته كومه
ركضت على المضيوم ويه الحكومه
......
كمامة عالوجنات جن زي موحد
كورونه ما ترضاش ينزعه احد
....
كورونه بالخضراء بلكت لفيتي
كل برلماني يبوك بيدج خذيتي
.......
كل برلماني يبوك وبكل فاسد تصير
كورونا تبقى وياه وتفارك
الغير
......
دليلي من لهيب الوكت هالشاب
وراسي قبل وكت الشيب هالشاب
سعير الغدر بين الناس هالشب
حركهن يابس واخضر سويه
