كان جمالها مربكاً بطريقة تجعل حديثي الذي رتبته لأسبوع يتلاشى بثانية!
ترتيل_كعدت ع صووت شمس تهز بية اكعد واني احس بحرارة بجسمي وعركانة وحلكي يابس ودموعي تنزل اتخيلت صدك حسبالك مو حلم حقيقة راح آخسر شاهين كمت - ﺄﺄﭘـِٰ̲ـﭵـُّﻲ بحركة احضنتني عشق وكامت تبجي ماتحملت كمت اريد اروحلة فدوة شمس كولي الفهد يوصلني المستشفى نزلت ابجي اتلكاني فهد حضني
فهد_اشش كاافي تبجين والله مابي شيء وشاهين سبع وراح يتخطاها ابو اسد سبع وانتي تدرين اشش كافي موزين هلكد تبجين
ترتيل_ حضنتا وزدت البجي عفية فهد وديني للمستشفى خل اشوفة فددوة بس اشوفة
فهد_وين اتريدين اوديج للموصل مااكدر الطريق بعيد وخطر ومن اشش كافي
.............................................................
صخر_صاار فوك الساعتين من دخلوو شاهين للعمليات وماندري شيصير وكلها كاعدة ع نار طلع الدكتور كلها تقدمت اححجي ومبين ع دكتور التعب من العملية
دكتور_الحمدالله نجحت العملية بس وضعة مامستقر تمر ٢٤ ساعة ونحدد وادعولة
صخر_الحمدالله وشكر مشكور دكتور
ذياب_ الحمدالله
بعد ماامرت ١٠ ساعات بين القلق والخوف والسهر اجة الدكتور كال
دكتور_ الحمدالله استقر وضعة اشوية الحمدالله بس يرادلة يصحة اشوية من البنج بس مالازم يتحرك اهواي لان العملية تنفتح وع اغلب ايصير التهاب اذا هيج انتضروة يكعد واجيك وضعة الصحي
وبعد مااضل شاهين اكثر من اربع اسابيع باالمستشفى استقرت حالتة يلا كدرنا انطلعة من المستشفى اجة جدي وابوية وعمي وكم شيخ وبكر وابوو اترست المستشفى
.............................................................
ترتيل_كضيت ايامي بدون شاهين بين السهر والشوك والخوف والحزن واهواي بجيت صرت جني عجوز بكولة شمس واخيرا اليوم حبيبي يطلع من المستشفى وانكلب البيت من عمامي وخوالي وكرايبنا وكضيتها شغل خلصت صعدت الغرفتي جان اتجرني شمس
شمس_اووف ترتيل كاافي تشتغلين شوفي شكلج كومي غيري ملابس شوفي حالهن راح يجي اليوم رجلج اتعدلي اشوية
ترتيل_ اووف والله مابية تعبانة فرد نوب
شمس_كومي يلا جرتني حجية شوفي حتى هالات سود جوة اعيونج من قلة النوم وعيونج مورمات
ترتيل_دخلت سبحت وغيرت ملابسي لبست فستان بينصل بنفسجي فاتح مااحطيت مكياج لان ادري بي هو ميقبل ويضوج فمااخلي عدلت شالي ونزلت لكيت البنات كاعدت يسولفن ويضحكن كعدت وياهن ورة نص ساعة اجوي رحت ردت اشوفة بس راح يم الززلم لان اهواي جاايين خطار علمودة وصحبانة الضباط وكرايب جدي ضليت افتر وكلبي ماامرتاح الا اشوفة ضليت اشتغل بس بالي مو يمة اريد بس اشوفة ورة الغدة مشة الخطار يلا اجة اني كلبي كام يدك مشتاقتلة رحت ركض دخل وعماتي اتلكنة بجكليت وهلاهيل السلامتة شفتة تعبان وضعفان ولازم صفحتة وساندة ضااري وفهد نزلت دموعي من شفت حالتة والحمدالله الله رجعلية سالم سلمت علية عمتي وتحمدتلة بسلامة اتقدمت انا نزلت دموعي واني احاجي
ترتيل_بين ادموعها الحمدالله ع سلامتك واني امسح ادموعي بس ماادري ليش تنزل .
شاهين_الله يسلمج وهو يباوع عليها اشلون متغيرة
YOU ARE READING
عشق الشيخ صخر
Romance-ياحقير مو اني كلتلك تبتعد ولا تقترب منـِْهـا. "هه مو هي بكيفك هي الي مو الغيري - اقترب منا وطاة وضربة وصار واحد يضرب الخ "ههه ضربتك مو قوية هه بَـس اذكر هي اتحبني الي مو الك والدليل المنظر الشفتني بي اني وياها هي تخاف مـڼـڱ. ماتحبك ياغبي _اا...
