عشق الشيخ صخر

♥24

‏"ولو سألتني عن الحُب؛ سأخبرك عن عدد المرات التي أقسمت فيها أن لا أعود للحديث عنك؛ وعدت عن عدد المرات التي ظننت فيها أنني نسيتك وهزمني صوتك، وصورتك، ورسائلك، هزمتني كلّ أغنية، وهزمتني القصائد والنوافذ، والطرقات، هزمتني كل التفاصيل التي لم تكن تنتبه لها، وكنت أمرض بها."

عشق_كاعدين اني وشمس يم عشق اخذت شمس المشط وكامت اتمشط الترتيل بس صار يومين ترتيل ماتنطق باي كلمة  حالتها صعبة خفت الكدمات البوجها اشوية بس البجسمها بعدهي تمشطلها وتحجي وياها هي ماانحجي ابدا شعر ترتيل كلش حلوو كستنائي مايل للشكار وطويل اهواي  اجت عمتي سعاد للبيت اليوم
شمس_اهوو هم تجي عمتي اليوم وآلله بزعت اشوكت اتزوج زهراء
عشق_بضحكة اشبيج دخل تسمعج  خالتي الا تشلع اذانج ع هاي حجايتج
شمس_هاا اي والله بعد مااحجي ترتيل تذكرين من جنة نعيب ونحجي ع عمتي وجانت امي تركض ورانة بصوندة ههههه عاينت ع ترتيل ماكو اي ردة فعل هزت راسها شمس بحزن انتبهت ع صوت عمتها سعاد وهي تحجي بصوت عالي
سعاد_ياا أم صخر اسوت بتج ترتيل  هاي هل مرة وخلت رجلها هيج يكتلها ويشمرها حتى مااسال عليها 
انتبهت شمس ع ترتيل الدموعها نزلت لا ارادين مسحت ادموعها وراحت للجرباية تمدتت مشت شمس غطتها  طلعنا اني وشمس من يمها  حجت شمس بعصبية اوووف يعمتي ابدا مااتعرف تسكت اجابها  اليوم نزلنا جوة لكينا عمتي ام شاهين وازل جايات سلمنا عليهن
ازل_بحزن اشلونها ترتيل اريد اشوفها
عشق_لا زينة شوية يلا كومي  رحنا اني وازل وشمس فتحنا الباب اول مافتحنا شفنا ترتيل كاعدة ع جرباية ولازمة بيدها مقص وحاطتة ع اوردة ايدها
شمس_بعصبية وخي اجر المكص من ايدها وتضربها راشدي
عشق_ حطت ايدها ع حلكها بتفاجئ ششمس
شمس_لج غبية اتريدين اتموتين نفسج ع شنو غببية انتي مايستاهل كل هذا  بهاي اسوايتج دليل ع انتي جبانة وضعيفة وماعندج شخصية للمتى تبقين هيج لاتحجين وية احد الاكل وشرب كوة  عليج ليش اصيرين ضعيفة عووفي كل هذا فكري بس بنفسج صيري انانية انسي عيشي مثل ملتردين انتي رجعي الحياتج الدراستج ضحكتج مايستاهلج هو الخسران  ادموع ترتيل صارت تنزل عشرة عشرة  جرتها شمس وحضنتها كاافي حياي لاتبجين اشش ورة اشوية غطت ترتيل وهي اشوفها بدت تغفة  الله لا يوفقك شاهين حقير من انكسرت ايدك النمدت عليها ياا حقير مليق اناني
ازل_كاافي شمس لا تدعين علية ايضل هو زوجها وسوء تفاهم صار بينهم و ان شاء الله ينحل
شمس_هاا جااي دافعين ع اخوج لج شوفي شسوة باختي لج ضاريها ضرب مال حيوانات وتؤمينا اخوو وزوجها الله لا يوفقة والله ضرب صخر قليل بي
ازل_كاافي كاافي شمس تحجين وتغلطين علية مااسمحلج يبقى اخوية حتى لو غلط وعيب هذا الحجي هسة
شمس_شووفي اني اخوج كرهتة من هااي الحضة لج تنسين ترتيل بس علمود اخوج هذا فد واحد اناني وقاسي وجنت لعرف بعلاقتة برسل وتعاملة ورة اختي بقساوة المعتبرها خدامة الة مليق بس العتب عليج لنتي هم مثل اخوج انانية رغم تعرفين بالصار بينهم بس ماتدكولين الاحد جاان ماوصلنا الهذا الوضع جان من البداية طلكنا اختي منة بس حسافة
عشق_اشش كاافي اشبيجن اتخبلتن عيب هذا الحجي
ازل_لا خليها تحجي بعد اني مو انانية مثل اخوية وحسافة لان بت عمها موو كملي حجيج دفعت شمس وركضت تبجي وصلت الباب الخارج وهي حاطة ايدها ع حلكها وتبجي وتشهك  نضربت بأحد رفعت راسها اجت عينها بعيونة وهي اتشوف الخوف بلامح وجها
حجة ذياب_ بالخوف وقلق واضح اشبيج  ازل ليش تبجين احجي
ازل_هي وتبجي مابية...شي.... عوفني
ذياب_بعصبية  لاتخبليني سحبها من ايدها وجرها بالحديقة الورانية دفعها ع حليط وهو يحجي احجي اشبيج خبلتيني شصاير وياج
ازل_وهي تحضنة قووي  وهي دموعها بلللت دشداشتة  بادلها الحضن وضل ايوسد ع راسها اشش كاافي تبجين خلها تشبع بجي وتخلص ادموعها يلا حجة وياهة
ذياب_ طاح حضج اذا ع هااي تبجين لج شصاير وياج انتي لازم تتفهمين حجيها لان بحالة عصبية ونقهرت ع اختها وحجت هيج هي صديقتج وبت عمج هاي خلافات صغيرة مالازم تأثر عليجن وانتي مااعليج بشاهين لادافعين علية
ازل_اذياب انت هم ضد شاهين ليش هيجي والله شاهين ايحب ترتيل
ذياب_ اعيونة للذياب انا مو ضدة بس راح يعرف غلطة  حضن وجها بيدة ومسح ادموعها بصابعة وحجة بهدوة قلب كيانها مااريدج بعد تبجين مااحب ادموعج اتعودت ع حبيبتي  قوية جريئة المغرورة ومستحيل ادموعها تنزل ع هيج شي  يلا شوفيني الرصعة وهو يغمزلها ضحكت ودنكت بخجل
ذياب_ ههههه ايروح ذياب وعشيرتة ع هاي الضحكة 
ازل_بتوتر احم شكرا ع كلامك خفف علية
ذياب_ ولو بت العم احنا بالخدمة جرر حسرة ااااه بس من يخفف علية يلا امشي هسة امج  اتروح
ازل_هههه شخفف عليك هاا اتريد تملص مني
ذياب_وهو يهمس يم اذنها خلاها اتذوب بكلامة من اليريد يخلص منج لج اتمنى هسة اضمج بحضني وضلين طول العمر وياي وماكو احد يفركنة بس راح اؤويها عن قريب ضحك يلا يحلووة امشي
ازل_هااه ضحكت ومشت
..............................................................................
عشق_ مرت الايام صار هذا اليوم السابع بوجود ترتؤل بالبؤت ورة كلام شمس خلها تصحة اشوية كامت تحجي وتضحك  وتنزل تكعد ويانة اتغيررت اهواي  شمس حاجت فهد وصخر وقدمولها ع كلية الطب كاامت اداوم كلية  صارت بنت قوية
اتغيرت تضحك وتسلوف اهتمت بنفسها اهواي  ورة مادخلت كلية وشاهين ماكو احد جاب طارية التحق للموصل لان ايضل عشرة ايام اهناك  ادري ترتيل ماانستة ابدا لان دائما اسمعها  تبجي وحدها واكول الله يساعدها لان هي مااتكدر تنسى وهي كضت سنتين وياة وعشرة عمر  ان شاء الله تنحل
 ورة فترة اجة عمي قاسم وعمتي أم شاهين  علينة حتى ايردون ترتيل لان شاهين كايل هيج وكايل مااطلكها وتبقى ع ذمتي بس  عظي قبل ايرجعها بس صخر رفض كال مطلوني اشتم الهواء مستحيل لاعد اخلي اختؤ تتاذا اكثر اما ترتيل فهي بجهة حضكت وسوللت ومهتمت الحجي بس هي دائما تبجي وحدها  متبين الحد وانا علاقتي بصخر نفسها بعدها محدودة قررت اعترفلة   لان مااتحمل جفاة بس اخاف ايصدني لان متأكدة هو بطل ايحبني مثل قبل وهذا الخايفة منة
…………………………………………
هلاو اعذروني ع تاخير ادري قصرت وياكم والبارحة وعدتكم بارت ومانزلتة بَـس جنت مريضة صارلي يومين بالفراش حتى قرايتي مااكعدتلها
واخيرا غلسوو ع الخطاء