القصة بدت مني انا اسمي سلافة احمد علي خريجة جامعة الخرطوم كلية الاقتصاد ـ محاسبة شغالة في شركة معروفة جدا الحمد لله يعني راتب كويس جدا وعمري 22 سنة عندي توأمتي اسمها سلمي طبعا بتشبهني شبه مبالغة يعني نسخة من بعض بس هي متزوجة وعايشة مع زوجها في السعودية وعندها علا وعمار توأم 😅 وامي اسمها اميرة بتدرس في مدرسة ثانوية اما ابوي تاجر في السوق يعني نحن بنات ابونا الوحيدات وماعندنا اخ ابدا مع انو كان منانا يكون لينا بس الله ماراد, عبد الله زوج اختي كان في بيناتم قصة حب طويلة انتهت بالزواج وحاليا هو شغال في السعودية ومستقرين هناك
الصبااح صحيت بدري لاني مداومة طبعا اتصل علي مؤيد من الصباح طبعا دا خطيبي لينا زي 5 شهور مخطوبين ولسا ماحددنا العرس بالرغم من انو خطبتنا كانت تقليدية وعادية جدا يعني امو الاختارت ليو وكدا بس البشوفنا اسي بقول كان في بيناتنا قصة حب طويلة الاتنين اتوقعنا نفركش الخطوبة بعد كم يوم طبعا عشان نطلع لينا اي عيوب ونتخارج من الموضوع لانو من مضغوطين من الاهل بس حصل العكس الماكنا متوقعنو ابدا ..
صبااحو .. اهلين صباح النور .. كيف اصبحتي .. الحمد لله كيف انت .. بخير الحمد لله .. اهاا طالعة .. لسا يادوب صاحية .. طيب مااعطلك بتصل ليك بعدين .. طيب اوكي ..
اتجهزت وطلعت شربت الشاي سريع وركبت العربية ومشيت ..
وصلتا ولا قتني سارة في الرسيبشن زميلتي في الشغل وبقينا صاحبات سلمت علي ودخلنا مع بعض بنتونس لحدي ماوصلنا المكتب حقنا اللي هو فيو انا وهي ومعانا واحدة تالتة اسمها جيهان لقيناها قاعدة شكلها جاية من بدري ماكنا محتكين بيها شديد لأنها النوع المفتري وشايف نفسو داك , سلمت علينا سلام باارد كدا البت دي غايتو مستحيل يجي يوم وتتغير وشايفانا مامن مستواها خالص مع اننا كنا اكتر من بسيطين معاها ماركزنا معاها شديد وبدينا شغلنا علي طول ومع انو الشغل مرهق شديد ومتعب بس بالنسبة لي كان اكتر من حلم من كنت صغيرة كان نفسي اكون محاسبة والحمد لله قدرت احققو
اها اثناء ماانا في شغلي كدا اتصل لي مؤيد وقال عازمني عشاء اليوم
طبعا وافقت علي طول وكنت مبسوطة شديد مع انو دي مااول مرة اطلع فيها معاو طبعا هو دارس هندسة كهربائية وحاليا شغال
بعد ماخلصنا الساعة كانت 5 ونص تقريبا طلعنا انا وسارة طبعا بوصلا معاي بالعربية لانو بيتها في طريقي وصلتها ومشيت البيت هلكانه امي ماشفتها مشيت نمت طوالي ...
يتبع....
