Short Stories

24

" I dare you to kiss the first man who enters that door," said the girl they called Kira.

"Deal!" the girl with the glasses quickly replied.

After a few minutes, a middle age man entered the café. He is a decent looking tall guy. Then, the girl with glasses stood up from her chair and walked towards the man. Without hesitation, she kissed the man. Of course the man was dumbfounded by her action, and after kissing the man, she just returned to her seat like nothing happened.

Seriously, what kind of stupid game was that? Pinaglalaruan nila ang mga taong walang kamalay-malay. Hindi naman sa may pinanghuhugutan o pinagdadaanan, pero ayaw ko sa mga ganiyang klase ng tao. No choice naman ako na manood at making sa kanila, ilang table lang kasi ang layo ng pwesto ko sa kanila. Bakit ba kasi hindi ako sinipot ng kaibigan kong si Jhay? Dapat ay magkikita kami dito sa café, pero dahil abala siya sa bago niyang nililigawan na si Yam, mag isa tuloy ako ngayon dito.

Ala una na ng hapon at hindi pa ako kumakain ng tanghalian kaya naisipan ko na dito na rin kumain. May mga pasta at sandwiches naman sa menu. Kung alam ko lang na mabibingi ako sa ingay ng mga babaeng ito na pinaglihi sa mega phone, hindi na lang sana ako dito umorder ng makakain. Daig ko pa ang nakikinig ng rally sa lakas ng boses nila. Para silang nalipasan ng gutom sa ingay.

Hindi naman ako sobrang suplado, sadyang hindi lang ako sanay sa marami at maiingay na tao. Hindi naman sa usisero o chismoso ako, sadyang hindi lang maiwasan na mapakinggan ko ang pinag uusapan ng mga babae sa kabilang lamesa.

"O ikaw naman Nick, I dare you na gawin mong boyfriend sa loob ng 24 hours ang unang lalaking lalapit sa counter," hamon ng babaeng tinatawag nilang Sammy.

"Grabe naman kayo, bakit ang hirap ng dare ninyo sa akin?" reklamo naman ng hinamon na babae na nag ngangalang Nick.

"Hindi mo ba kaya? Mamili ka, gagawin mo iyong dare, o tatawagan mo ang ex-boyfriend mo na si Jay-ar?" buwelta naman ng babaeng tinatawag nilang Kira.

"Gagawin ko na lang ang dare kaysa makipag usap muli sa ex ko," malungkot na tugon ni Nick.

Natatawa na lang ako sa mga kalokohan ng mga babaeng iyon. Akalain mo nga naman makikipag relasyon siya sa lalaking hindi niya kilala sa loob ng 24 hours. Mabuti sana kung mapapayag niya ang sino man sa ganoong kondisyon. Hindi ko alam kung kanino ako maaawa sa babae o doon sa walang kamalay-malay na lalaki na mabibiktima ng pustahan nila.

Ilang saglit pa lang ay...

"Number 26... order number 26, please proceed to the counter," Tawag ng babae sa counter.

Ayan na, sino kaya ang malas na tao na pupunta sa counter? Kahit ako ay hindi ko mapigilan ang mag abang sa taong lalapit sa counter. Hanggang sa ilang beses na inulit-ulit ng crew ng café ang order number ng customer. Bigla kong naalala na may order pala ako at pagtingin ko sa number ko...

"Shit! Sa akin pala ang order number na iyon! Patay ano na gagawin ko?" bigla akong kinabahan, nanlamig ang buo kong katawan.