ابـــن الــعم (نـــهـوه عـــشگ)

❤البارت الثالث ❤

صكر جنه كاعدين انسولف وجدي الشيخ كال مشتاق لحفيتي وصاحله عمي علي شمس شمس الله اشكد حبيت اسمهه مثل ماحبيت شكلهه ونزاكتهه واخلاقهه

شمس :طبيت جان الديوان مليان بس عمامي ولد عمامي هذا لعرفته طبيت وشفت جدي كاعد يمه محمد ورحتله حسيت الكل يباوع عليه وعل لبسي
الشيخ الجد :رويحتي تعالي مشتاقلج تعالي اكعدي يمي وكعدت يمه صفه كاعده يمه اني وصفحه الثانيه محمد وجدي بناص
الشيخ الجد :شلونج رويحتي
شمس بصوت هاده :الحمدالله جدو
صكر :شلونج بت العم
شمس :ضليت ساكته
الشيخ الجد :شمس هذا ابن عمج صكر
شمس :الحمدالله
الشيخ :شمس راح اعرفج عل ولد عمج
هذا سيف وحسام وعلي هشام وخالد
شمس :كال الاسماء ونصهن نسيتهن
الشيخ الجد :اريد كدام الكل اكول باج راح اسلم لمشيخه لصكر لان كافي اني تعبت واريد صكر يستلم الامور اصلن اني كل هل مشاكل يحلهن صكر ودور صكر هسه

صكر :تدلل شيخنه لتريده يصير
عمي حسين ومحمود :الف مبروك شيخنه
حسام :الف مبروك شيخنه
ولد عمامي بفرح :سيف هشام وعلي ومرتضى :مبروك شيخنه

الشيخ الجد :اي شمس شوكت ازوجج
شمس بصدمه :اني جدو
الكل :هههه
سيف :لعد منو
عمي حسين :بنتي احنه ماعدنه بنات تزوج غربه خلي هاي الفكره ابالج بس من ولد عمهه تزوج
شمس :بعدني عمو غير اكمل دراسه يله (من حجيت هيج الكل ضل صافن عليه عبالهم ابطله)

الشيخ الجد بستغراب :شمس انتي ادرسين جدو
شمس قبل ماحجي بابا كال
ابو محمد :اي شيخنه شمس مرحله ثانيه جامعة بغداد بل جادريه
صكر :اشكد معدلج شمس بلسادس
شمس :98
سيف :حلو شطوره بت عمي

شمس :كامو يحجون بعدين طبت ماما ونور وسلمو عليهم وام صكر وزوجات عمي وبنات عمي بس اكو شي غريب الكل يباوعلي بس  صكر مانزل عيونه عني يحجي ويباوع هليه بصرحه ارتبكت حيل بعدين سوه غده وتعدينه ورهه العشه وبعدين كل واحد راح لغوفته اني وانام ويه زهراء ابغرفتهه وطبعا عجبني بيت جدو هواي مزرعه داخل البت وكل خضار والبيت جبييييير حيل يمكن اتيه بي ومحمد ومرته ابغرفه بس اتعجبت عل غرفه صكر حيل جبيره حته بيهه مطبخ وحمام كلش حلو غرفه تركيه سوده ورصاص حفضت الون هههه
بعدين صعدنه اني وزهراء للغرفه انان حيل تعبانين طبيت سبحت وبدلت ولبست اتراك وردي وكصيف اشويه وشعري محلول طبعا شعري حلو وطويل ماما متخليني اكصه اتموتني 
زهراء كالت راح انزل امهه صاحتهه
وبفيت وحدي كاعده عل جربايه العب موبايلي

صكر بعد ماتعشينه وراحو عمامي كلمن ابيته بقو عمي علي ابيتنه ومستحيل اخلي عمي ينام يم عمامي لان اني احبه حيل واعزه مثل ابويه وجنت تعبان رحت لغرفتي ردت اسبح دورت عل منشفهه ماكو رحت لغرفه زهراء فتت بدون مادك الباب وياريت مافتت شفت ملاك متمدد عل جربايه والشعر اخ ربي والرجلين كيمر بيض ثلج والتراك وردي ولخدود والحلك وردي شافتني وكفت عل حيلهه

صكر :اسف عبالي زهراء وحيدهه
شمس :عادي مصار شي زهراء جوه عمه صاحتلهه ونزلت جوه بلمطبخ تلكاهه
صكر جنت واكف مقابيله بعد اشكم خطوه اتقدمت عليه وهيه انصدمت ضل واكف اتقدمت حيل صار وجهي امقابيل وجهه :شنو هل كيمر لكدامي انتي اسويتي بيه شمس حركتيني
بعدين ماستحملت ومديت ايدي عل شعرهه مو شعر يخبل سرح مي وهيه منصدمه

صكر بحب :شبيج شمس ليش متحجين بيج شي
شمس بعصبيه :انته اشكعد اسوي وخر يدك عني يبدو اطيتك عين زايده وحترمتك
صكر بعصبيه وعيونه صارت حمر :شنوووو احترمي نفسح لو اهينج افتهمتيي
شمس بدموع :اسويتلك تغلط عليه ليش
صكر بعصبيه :لان متعرفين تحجين باعي هاي المره سماح لان متعرفيني من اصير عصبي ابويه ماعرفه افتهمتينييي
شمس بجي غزير خافت منه :اااا اي
صكر :طلعت واني دمي فاير ولا بنت اجرءت وحجت ويايه هيج كل بنات عمي يتمنن بس اباوع عليهن بس اعتبرهن اخواتي مثل زهراء اختي طلعت بسيارتي  طبعا اني عندي سيارتين مالتي رانج  وجكساره   طلعت رحت عل شط كعدت على مسطبه باوعت عل شط وذكرت وجهه وضحكتهه وجمالهه وشعرهه وعيونهه وكلشي بيهه جذبني كلت هاهيه هاي صارت ملكي ملكي اني عشكته لهاي لبنيه وكلت بصوت هاده
صكر :شمس عشكتج
رجعت للبيت وصعدت نمت

شمس :بعد ماطلع بجيت اشويه بعدين حسيت صوت سياره شفتهه من شباك نزل طبعا ملابسه كلش حلوات الدشداشه والساعه والشماه ولعكال وكلش حلو لبسه هو الوحيد الحلو .يااا شمس اسكتي طالعه عينج وبعدين نمت ماحسيت غير عل صوت زهراء اتكعد بيه .