شمس :جنه كاعدين فوك اني وزهراء انسولف
ونضحك حييل فجئت سمعت اصياح امي وام صكر
اتهدي بمي وامي اتعيط نزلنه اني وزهراء بل عجل جوه رحت لمي وشفتهه تبجي وتكول
ام شمس :حسبي الله ونعمه الوكيل عليكم من سابع المستحيلات ازوج بتي سمعتوني
شمس :ماما حبيبتي شكو كولي ليش تبجي عليج
الله لتبجي ماما لخاطري حبابه
ام صكر :يمه شمس راحو للديوان يسلمون لمشيخه وبعد ما سلمو اجوي ولد اخواني بت اختي انعجبت
بيج بس كتلهه اهلهه مبقبلون وجوي الزلم عليج بس صكر كام يصيح وكلهم اني ناهي عل شمس
شمس بدموع خارج عن الصيطره :شششششنووووووو لا لا ماما عليج الله لتخلين بابا يزوجني من صكر الله يخليج اه ا اه اه اه اه اه
زهراء ببجي :شمس كافي بجي تعاي فوك يله كافي راح اتموتين
ام شمس :يمه شمس من سابع المستحيلات اخلي ابوج يزوجج من صكر اصلا هوه ميقبل
طبعا هذا الحجي كله بل مطبخ
بل ديوان
ابو محمد :محمد يله امشينه بويه بعد ماعدنه كعده اهنه خل نرجع لبغداد
الشيخ صكر :عمي من رخصتك اذا اتريد اتروح الله وياك بس بل نسبه لشمس تبقه يمي يمه زوجهه
محمد :انته اشكعد تحجي من كل عقلك
طلع محمد وابو محمد للبيت وطبوه للمطبخ
ابو محمد :يله حضرو الجنط راجعين ابغداد
شمس بدموع وفرح :اي بابا هسه . صعدت فوك وحضرت الجنط اني ونور اتهدي بيه
نور بجي :شمس الله يخليج لتبجي وداعت اختج
كافي راح نرجع لبغداد وابوج قرر هاهيه ماشي يله
حبيبتي مسحي ادموعج
شمس :ماشي :نزنه اني ونور ونزنه الجنط ومحمد وداهن بلسياره واجه كال ابويه امتانبنه يله وطلعنه
محمد جان واكف اكبانه اني وماما ونور واحنه وراه وعمامي وولد عماي وصكر ابنصهم واكف اكبال الباب
الشيخ صكر بعصبيه :عل خيررررر وين رايحين انشالله
الجد بعصبيه :ممنوع حفيتي شمس تطلع من بيت جدهه وصار رجلهه
شمس .من سمعت جدو يحجي هيج كلبي وكع
وصرت صفره يمكن لو يذبحوني ميلكون قطره دم
بيه وكمت ابجي لصمت ودموعي مانشفن ابجي بدون وعي
محمد بعصبيه وصياااح :باعو والله العضيم اذا
ماوخرتو من طريقنه :قاطعه
الشيخ صكر بعصبيه وصيااح :باع لتهدد شمس
ممنوع اتعتب الباب هذا الا عل جثتي واذا تطلع منه شمس اكتله والله العضيم
أنت تقرأ
ابـــن الــعم (نـــهـوه عـــشگ)
Romance-عمامي وخوالي وكدام الكل اني ناهي عل بت عمي افتهمتتتتتتوني لو لا عمي حسين : ابني البنيه الك صارت هاهيه انته بعد نهيت عليهه هاهيه
