طاقة تحمل

16

الــسـلامُ عليكـم

طاقة تحمُـ،،ــل
الـعـبـاديــــ،،ـــه
البارت//16//

زهراء

اتصلت بيبي گالت خل تبقى إسبوع علما تهدأ الاوضاع يله ترجع للبيت استغليت الفرصه لان من اجي لبيت عمتي استمتع بالاجواء المبنيه ع المحبه والهدوء مو مثل بيتنا صاير عبارة عن هوسـه وجهال

عمتي نصبت الغدة ومحمد ماكو مانزل دزت ضحى تصيحه كالت ( يگول خل تجيبه لهنا !! )

ام محمد _ معقولة گاللچ جيبي هنا ؟

_اي هو گال

زهراء _ عمه ليش مستغربه

_محمد ميقبل ناكل بالغرف لان تصير ريحة بالغرف .. وهسه يريد هو ياكل بالغرفه دائما اذا احد يجوع مياكل بالغرفه ياكل بالمطبخ اذا ينجبر بس هسه معقوله !

عرفت محمد ميريد ينزل لان اني موجودة يستنكف اشوف وجهه !

حبيت اني اصعدله الغده باوعت لضحى كتلهه

_ ضحى انطيني الغده اني اخذه

_ لا لا محمد گال انتي صعديه

_ لا انطيني اني اخذه انتي كلساع تصعدين وتنزلين تعبتي

_ لا زهراء خاف يعصب عليه

_ ميعصب لتخافين بس انطينياه

_ مااشي

جهزت الصينيه وخليت بيهه الغده ونواشف والمقبلات وصعدت دگيت الباب گال (تفضل) دخلت لگيته لابس تراكسود لون اسود وبيه خط ابيض وشعره مبلل وواگف ع المرايه يعقم بالجروح

اول مادخلت التفت على اتجاه الباب شافني فزز وعاط

_ هاي شنوو .. شصعددججج ؟

_ اني صعدت اجيبلك الغدة

_ اني مو گلت لضحى تصعده ليش جبتيه انتي ؟

_ ضحى خطيه تعبت ف اني صعدته

_ معليج بيهه تعبت وإلا ماتعبت ....هيه تصعده ليش تتدخلين بشي ميخصج؟

_محمد معقوله هذا انته .. شبيك ويايه صارلك يومين ؟

_ كافي زهراء رجاءً لتصعدين لغرفتي رجااااءً كم مره انبهج

حسيت غصه ببلعومي من گال هيچ

_ اوك هاي هيه مثل متريد

عيوني قرقرت دموع بسبب إسلوبه بالفتره الاخيره خليت الغده على الميز الصغير عيوني دمعت وهو عيونه تتفحصني .. نظراتة عبالك ندمان لو مجبور يعاملني بهيج اسلوب !

اول ماطلعت من الغرفه بجيت بغزاره ممتعوده على صياحه اريده محمد الهادئ الحنون صعبة فجأة شخص يتغير عليك بعدما كان هو احسن بشر بينهم ..