السلام عليكمطاقة تحمُـل
العـباديـــه
البارت //27//الجد : انتي ماتعقلين لو اخر يوم بحياتج ف هسه كومي حضري نفسج راح انطيج هديه بالمضيف اليوم عدنه كعده واهديج هذا احسن حل الزواج علاجج
رديت بصوت عالي متفاجئه
سارة : شنو شنو شنو ؟
تهسترت
هههههههههه اكيد تتشاقىالجد : ماكو شقى بالموضوع يلا بسرعه كومي
ساره : انتحر والله
ركعني راشدي وكعني بالكاع
الجد : انه اخاف منج من تكولين انتحر انتحري نحرتهم اي والله هم تخلصيني من ضيمج وهم اتدخلين النار شو انتحري خلصيني كلما حچيتي وگلتي انتحر اي انتحري كافي مللتيني
بقيت ابجي
ساره : انته تعرف الهديه يعني فصليه لو ماتعرف
الجد : اي اعرف انه اريدهم يأدبوج شويه بلكي تچنين مو بنت طرگاعه ونزلت على راسي
كل الحلول ماتفيد وياج الا الهديه يربونج
ساره : ليش بس اني تسوي بيه هيج ماتتحكم بهيفاء ماعاقبتهه ع السوته بعلوش لو بس اني تركض عليه
الجد : انتي ماتدرين بالامور تسرعتي وضربتيهه اني اليوم دزيت على اهلهه جابوهه اريد انطيهه عقابهه بس انتي خربتي كلشي وهسه صار الحق علينه مو إلنه
ساره : قابل شتسويلهه تعاقبهه ؟
الجد : چنت مقرر اعاقبهه عقاب محد شايف مثله بس خربتي كلشي برعنتچ
ساره : وهسه تريد تعاقبني مو ؟
الجد : شيء اكيد واليوم عدنه ديوان مال شيوخ اشوفلي شيخ وانطيج هديه
ساره : هو هذا حرصك علينه هيه هاي كلمتك مال ماتنذلن مادام انه عايش!!
الجد : انتي بتصرفاتج جبرتيني اسوي هيج
ساره : مو عذر هذا
انته انسان ظالم والله ع الظالمالجد : تدعين عليه ؟!!!
چا خوش انه اعلمج منا وهيج انه دواچساره : مو شيء جديد هو هذا التگدر عليه انته
خلاني وطلع بقيت ابچي وازلغ بخدودي ع الكارثه الي راح تحل عليه تعبت من البواچي ماعدت اتحمل
عيوني ورمن وراسي حينفجر من الالم حاولت أنام ..
تمددت بالكاع وغمضت عيوني وابچي دموعي ميوگفن .. شگد حاولت اتوقف عن البجي بس بدون جدوى ! شويه وسمعت بره گبت العيطه وصوت كرار يعيط وصوته طالع تقريباً انفضحنا طفرت للباب اتصنت شيعيط وسمعته يگللهم_والله العظيم متتزوج لو هسه على جنازتي
فرحت حيل گلت اخيراً حيخلصني
مااريد اتزوج لان اني اصلا ماناسيه بلال حتى اتزوج صح مشتاقتله وميته على شوفته بس كل مااريد اراسله اتذكر وعدي لـجدو واتراجع عن قراري وابطل
يوميه اطلع صورته وحسابه ع الفيس وابقى ابچي !
مشتاقتله موووت
اريد بس اسمع صوته
الصور صح ماتنفع بس مصبره عليه عالاقل .
صوت كرار بلش يعلى وصوت جدو كذلك اني بالنسبه الي تطمنت مادام كرار موجود وهو سابقاً معترفلي بحبه ف اكيد ميخليهم يزوجوني
تفاجئت بدفره قويه ع الباب !
انرگع قوي مره ،، مرتين ،، بالثالثه وگع الباب وكرار دخل !!
وگفت مذعوره
YOU ARE READING
طاقة تحمل
Mystery / Thrillerقصة عراقيه حقيقيه تتحدث عن فتيات وتحملهن المسؤلية والتعب من عمرهن الصغير مشهد للبطله الاولى صحت وراه (كرار) بقى واگف بمكانه جامد ،، وبدون ميلتفت گال (هـاا) سارة : اريد اشوف علوش كرار : ممنوع خلاني ومشى ! بقيت اهز برجلي من الحرگه شلون هيچ يتجاهلني...