حكايات حوا

أمل حياتى

بعد مرور سته اشهر...
كانت تجلس حزينه ودموعها على خدها تتذكر حينما فاقت من اغمائتها لتنتفض واقفة وهى تصر على ان تذهب لترى جثمانه وبالفعل وصلوا بعد دقائق للمشرحه لتتمسك أمل اكثر بيد اخيها وعمرو يمشي ورائهم ينظر لها بأشفاق وحزن،دخلت امل للمكان لترى اذا كانت تلك هى جثة زوجها ام لا وعندما خطت بقدمها للداخل سرت رعشة قوية بطول جسدها وظلت ترتعد من الخوف حتى ان اخيها همس لها بان يذهبوا ولكنها تحاملت على نفسها وقررت ان ترى الجثة ليكشف عنها وقتها لم تتحمل كل مارأته لتقع مغشيا عليها فاقدة للوعى لتفيق بعدها لتجد امها بجوارها تحتضنها وتمسح على رأسها بحنان لتحتضنها امل بشده وهى تبكى لتظل امها تمسح على رأسها بحنان وهى تهمس لها :_عيطى خرجى كل اللى جواكى خرجى كل سنين عذابك كل سنين حبك وألمك منه عشان تعرفى بعدها تربى ولادك من غير ذرة كره ولا حقد له عشان انتى لسه قودامك الطريق طوووويل اوى حمل تقيل تربى وتكبرى وتعلمى واهم حاجه تحصنيهم من الوقوع فى الغلط والحرام ربيهم زى ما اتربيتى عشان يطلعوا ينفعوا نفسهم وينفعوا الناس مش عاوزه استسلام ولا خنوع عاوزة اشوف بنتى اللى ربتها القوية اللى ما بتستسلمش خدى وقتك فى حزنك عشان لما تخرجى من ازمتك ترجعى امل ،امل بتاعه زمان بنت شكرى الرفاعى اللى عمره ما هزمته احزان ولا هددته اوجاع سامعه ياأمل واعرفى ان ابوكى الله يرحمه وافق على كرم لما لاقى انتى كمان موافقه عليه سامعانى يا أمل.
افاقت من شرودها لتقرر بعدها ان تستمر بحياتها يكفى لهذا الحد لابد ان تخرج من عزلتها تلك وترى طريقها وحياتها مع اطفالها هم الان كل مالها بالحياة لتبدا رحلة البحث عن عمل لتتفاجئ بهاتفها يرن برقم غريب لترد لتجدها صديقتها بثينه تتصل بها وتعتذر لها كثيرا عن عدم مجيئها لعزائها بزوجها وتطلب منها ان تأتى لتراها وافقت امل بترحاب فهى عزمت الامر على ان تبدأ من جديد وتكمل حياتها.
~~~~~~~~~~~~~~~~~~~~~~~~~~~~
فى صباح اليوم التالى....
استيقظت امل لتحضر الافطار واخذت اولادها بعدها ليذهبوا لمدارسهم ثم عادت لمنزلهم من جديد لتقابل صديقتها بثينه كما اتفقا سويا ...

بعد مرور ثلاث ساعات....
وصلت بثينه وبعد ان جلسا سويا يتذكروا ايام ماضيهم لتسألها امل عن حياتها..
بثينه بابتسام:_مافيش انا ياستى زى ماانتى عارفه ابن عمتى شغال فى دبي فى شركه انتاج هناك وهو كان قايلى انه ممكن يساعدنى انى اشتغل هناك خصوصا ان صاحب الشركه كان عاوز يفتح محطه اعلامية هناك وبس ياستى فعلا سافرت بس بدل مااشتغل فى محطه اعلامية اشتغلت فى محطه اذاعية ولماقرر انه يفتتح محطة فى مصر اقنعته انها تبقى اذاعية وفعلا وافق بس تعرفى وقتها افتكرتك...

امل بدهشة:_افتكرتينى واشمعنا انا يعنى!!!!

بثينه:_عشان انتى كان حلم حياتك انك تشتغلى فى محطه اذاعيه وكان عندك فكرة لبرنامج كان نفسك تعرضيه..

امل بابتسامه بائسة:_ياااااه انتى لسه فاكرة الموضوع ده انا نسيته من زمان.

بثينه:_امم ويمكن جه اوان اننا نصحيه دلوقتى.