حكايات حوا

رحمه

بعد ان مر اسبوع اخر...
كان جمال منشغلا به فى اعماله ومشروعاته ولكنه لم يكن ينساها ولا ينسي وجهها الخائف امامه بعد تلك الرسالة فبعد خروجه من البنك ترك فريد وعادل بدون ان ينطق معهم بحرف وتوجه لاحد اصدقائه القدامى وكان يملك احد اكبر شركات للحراسة ....

##فلاش باك##

دلفت السكرتيرة الى مكتبه وهى تحدثه:_مستر مهدى فى واحد برا اسمه جمال الجيزاوى عاوز يقابل حضرتك..

مهدى سلام شاب بالعقد الثالث من العمر ذو بشرة قمحية وزوج من العيون البنية الواسعه وشعر اسود حليق طويل القامه وذو جسد رياضى كان يعمل ظابط بالشرطه ولكنه استقال بعد اصابته الاخيرة وذلك كان بناءا على رغبة زوجته فهى من طلبت منه ذلك ليفتتح بعدها شركه للحراسات الخاصه لتصبح من اكبر شركات الحراسات الخاصه بمصر ...
دخل جمال مبتسما لصديقه ليهتف مهدى بمرح:_جيمى يااااه ده انا حاسس ان انهارده عيد ياراجل اخيرا شرفت مكتبى المتواضع وحشتنى يا وحش.

جمال بابتسام:_وانت اكتر والله يامهدى قولى اخبارك ايه واخبار سلمى ايه.

مهدى:_كويسين الحمد لله وسلمى كانت بتسألنى عليك من فترة وجيمى الصغير كمان.

جمال بفرحه:_جيمى انت خلفت ولد.

مهدى:_طبعا خلفت ولد وسميته جمال كمان عشان يطلع زى عمه صاحب ابوه الجدع.

جمال:_ياشيخ قول ربنا يجعله احسن منى ومنك ،المهم انا كنت عاوزك فى موضوع كده.

مهدى بانتباه:_خير موضوع ايه ده اللى عايزنى فيه هو فى حاجه حصلت ياجمال.

جمال:_اطمن مش ليا ده لحد يهمنى اوى يا مهدى .

مهدى بارتياح:_الحمد لله قول يا سيدى انا معاك.

بعدها قص جمال كل ما حدث مع رحمه من الالف للباء حتى انتهى ظل مهدى مستمعا اليه وابتسامه تظهر تدريجيا على وجه ..

جمال:_بس ياسيدى هى دى كل الحكاية ايه مالك مبتسم كده ليه زى ما تكون قاعد بتسمع نكته او بتشوف فيلم كوميدى.

مهدى:_لاء وانت الصادق ده انا بسمع اغنية رومانسية وبشوف فيلم رومانسي كمان.

نظر له جمال بغيظ وبعدها تحرك من كرسيه وكان سيترك له المكتب ولكن لحقه مهدى سريعا وهو يضحك ليغتاظ جمال اكثر ليهتف مهدى وهو يحاول كبت ضحكاته:_ استنى بس يااخى خلاص خلاص ياجمال انا اسف يااخى متبقاش قماص كده تعالا اقعد بس ونتكلم.

جمال:_اقسم بالله لو مابطلت ضحك وغلاسة لهسيبك وامشي.

مهدى:_لاء خلاص سكت اهوه تعالا بس اقعد وبراحه كده عليا وقولى الحقيقة هو اهتمامك بيها ده طبيعى بزمتك.

جمال بعصبية غير مبررة:_هو ايه اللى مش طبيعى يعنى بزمتك وبعدين ما انت تعرف عنى انى بساعد كل الناس و......