Unfamiliar Feeling Called, Love?

Chapter 04

THIRD PERSON'S PoV

     "We are now on the final round of the 97th Provincialwide Media Quiz for elementary category," sabi ng host sa harap ng camera.

     The said contest is the biggest annual contest in the province and is broadcasted throughout Negros Oriental, kaya todo tutok sa TV screens ang mamamayan ng N. O.

     Nagsalita pa ang host, "The final two contestants are Zaxisha Lurrhaine Amatong from Dumaguete Elementary School..."

     "Whoooooo!!!" pagchi-cheer up naman ng mga batang kaklase ni Kisha sa room nila habang nanonood ng TV with Kisha's face on the screen.

     "Go Kisha, best friend ko yan!!!!" cheer pa ng isa sa mga bata.

     "... and Xian Jhared Xu from Siaton Elementary School."

     "Whooooh! Go Jhared!!!" pagcheer naman ng mga kaklase ni Jhared habang nanonood sa TV with Jhared's face on it.

     Lahat ng rooms sa school ng bawat parties ay nanonood ng TV to witness the battle of minds between the two TOP STUDENTS of their schools.

***

     Samantala...

     Ngiting confident naman ang makikita sa labi ni Kisha habang nakaharap sa live audiences ng naturang contest. Kompyansa siyang matatalo niya ang rival na si Jhared.

     Simula nung araw pa ay di na niya ito nagustuhan, anak ito ng kaibigan ng mama n'ya at kagaya niya ay top student rin ito. At sa pagiging matalino nito, kahit pa nakikipagkaibigan ito sa kanya ay hindi niya ito matanggap.

      'Dapat ako lang ang matalino, dapat ako ang number 1!' ito palagi ang nasa utak ni Kisha.

     Naiinis nga siya dahil di niya inakalang pati sa contest na ito ay magiging ka-kompetensya niya ang batang lalaki.

     Nahuli ng batang si Kisha na nakangiti si Jhared sa kanya at exposed ang nakabraces nitong ngipin. Sa halip na ngitian niya ito ay ginantihan niya lang ito ng irap, malditang bata talaga.

***

     Nang nagsimula na ang final round ay nagpalitan ng sagot ang dalawang bata.

     Manghang-mangha naman sa pagtutok hindi lang ang mga live audiences kundi pati na rin ang nanonood sa T. V lalo na ang mga schoolmates at guro ng dalawang studyante.

     Imagine, kahit pang-high school level ang mga tanong ay nagawa pa nila iyong sagutin sa murang edad pa lang?

     "Whooooooh!" pag-chi-cheer ng mga tao sa bawat palitan ng sagot.

     Sa di inaakala ay pareho ang puntos ng dalawang bata bago pa ang last question sa nasabing round. Ibig sabihin, kung sino ang makakapagsabi ng tamang sagot sa magiging tanong ay siyang mananalo, kaya naman ay inis na inirapan ni Kisha si Jhared dahil sa nangyari. Ang mga supporters naman ng dalawa ay kinakabahan na sa loob ng classrooms nila while nakaabang sa susunod na mangyayari sa TV.

     Ang batang si Kisha ay namataan ang ama na tumayo at nagmadaling lumabas habang may katawag sa cellphone, marahil ay may urgent business call na naman ito.

     Ito lang naman ang kasama niya ngayon dahil may business trip ang mama niya.

     Palagi nalang ganito, palagi nalang wala ang dalawa sa kanya...