تعزف علي البيانو 🎹
كأنها ترسم أجمل اللوحات 🎨
تتناغم الأحلام مع الكلمات بين أطراف أناملها التي تمررها برقي غير معهود👑
علي أصابع البيانو🎹
وكأنها تكتب أول سطور لحكاية الزمان كما تريدها هي وحدها 🎬
بحثت العالم عن امثالك 🔭
لم أجد...
فأنتي مميزة...
حطيت يدي عالباس ....بصح برك سييت نفتح .. مقدرتش...علاش راني نحس هكا ؟؟؟؟ كلي فقدت قاع قوتي..و فجأة جاتني الدوخة و راسي بدا يوجع و كنت نشوف الدنيا قاع دور حتى ..نحس روحي تخبطت فلرض .... *بعد مرور ساعة* نحس في روحي ضعيييفة بزاف و تعبانة ...فتحت عينيا بالسيف ...كنت في غرفة بزااااف شابة ... ياربي وين راني...وعلاش منيش قادرة نتحرك قاع ياربيي راسي راح يترتق راني بزاف عيانة و جسمي ني حاساتو ثقيل غير لمشاكل في حياتي...شديت روحي بسيف و سييت نوض حتى نسمع وائل : ملقيتيش وين تموتي غير فداري درت خزرت فيه بزربة مشوكية ...و بلا ما نفيق لينة : علاش مت ؟؟؟؟؟ *بالخلعة* انا برك قلت هكاك هو طرطق بالضحك ...و انا وليت حبة طوماطيشة...يسود سعدك لينة هاه زدتي بهدلتي روحك ....فرحتي؟؟ حبطت راسي لخطرش رح نموت .... هو ناض و جا وقف قدامي وائل : معرفتكش غبية لهاد الدرجة خزرت فيه تع فشلتني خزرت في يدي صبت تع السيروم لازم نروح منا باسرع وقت خلاص يكفي تبهدايل لليوم...بدون اي تفكير قلعتها بقوة و بالتأكيد جرحت روحي :)....برافو لينة برافو لينة : اااي قلت بصوت خافت ...برافو لينة كملي هكا ...ياربيي وش خداني ليوم جاني الغباء المفاجئ ولا وش درت يدي وين تجرحت ...ياربي توجع حتى نحس عبد شدني من يدي ....وائل كان شايدني من يدي ...شاف الجرح و راح جاب علبة الاسعافات كانت فوق الطابلة و بدا يداويلي فالجرح انا كنت مشوكية كليا ...ماذا يحدث في هذا العالم ...شكون هذا لي راه قدامي ياناس راكو سور هذا وائل ...بالاك شبيه تاعو ...لالا سور شبيهو مستحيل هداك المتعجرف يكون هكا -_- قاعدة نخزر فيه بكل شوك و برك كمل ...شاف فيا وائل : مهبولة نتي ...وش بيك ليوم جاك الغباء...هكاك ناس ينحوها ...حبيتي تموتي موتي بعيد مشي في داري هو برك قال هكاك انا عاودت رديت الخزرة لي تعيي ...و تأكدت كليا انو وائل هدا مكاش بغل من غيرو لينة : راني رايحة و جيت نايضة حتى نشوفو خزر فيا بطريقة متعجبش قاع و بزاف منحرفة وائل : ههه راكي رايحة هكا ؟؟؟ نروح هكا ؟؟؟ علاش وش قصدو راني مليحة .... ااااوووه مااااااي قاااااااااااااد لينة وين راه عقلك وييييييين وشبيك ليوم هكا ... مكنتش لابسة تريكو لي كنت لابساتو مقبيل...و كنت لابسة تريكو بزاف عريان ....يا ارض باليز ديري هدة في حياتك و انشقي و بلعيني والله راني بلا فايدة فهاد العالم والله ايا انشقيييي ...انشقي نعل نهار لي شفتك فيه انشقي :) بيان سوغ كنت نستنا فالارض تنشق بصح حرقتني كيما موالف حتى بلا ما نفيق نضت نعيط لينة : ااااااي دوووور دددووور والله نضربك اجججري دور السيد مسكين *يسكنو فالسكينة * تشوكا ما فهم فيها والو بصح مدارش لينة : قتلك دددووور *بصراخ* و رفدت الغطاء لي كان قدامي و غطيت بيه روحي هو دار بزربة لينة : وين راه تريكو تااعي وين ؟؟؟؟؟؟؟*بصراخ* وائل : عبالك بلي خلاص شفتك و كملت راكي تزيدي تبهدلي في روحك برك لينة : دور و بلع كان يهدر و هو كاااااالم حسبتلك انا راني متوترة و مقلقة و قاع لعفايس لي يخلاصو ب ة اااايه انقلبت الموازين وليت انا لي نغلي و هو الهادئ شاطرة لينة شاطرة راكي في تطور ملحوظ جدا دورت راسي بزربة نحوس على تريكو تاعي صبتتو مرمي فالارض ...نعللل علاش شافو زبل يرميه فالارض خلاص كالمي روحك ... رحت نجري لبستو بزربة كي المهبولة و هو كان مزالو داير واو بيزار لينة : راني رايحة جيت رايحة و برك خلاص قربت للباب وائل : ماكيش حابة تعرفي وش صرا وش بي جدو هدا كل ما نجي رايحة ينطق و يحبسني درت ليه صبتو يخزر فيا ملفوق للتحت بطريقة بزاف منحرفة .... كنت راقدة في دارو...و بلبسة الله يبارك لينة : وشنوووووو *بصراخ* ياماااا يا ناس عاودت جاتني الدوووخة يايربي استر ياربييي خزرت فيه و انا مشوكيييية رحت بزربة عندي و بلا اي تفكير شديتو من الشوميز تاعو بقوة لينة : يالخمااااج يالمنحرف *بصراااخ* اهدر وش درتت ...والله غير تموت على يدي قاعدة نغلي وحدي و هو كاااالم ....راو يخلف ولا واش ؟؟؟ و انا نغلي حتى نشوفو حكم يديا و نحاهم بقوة و بعدني عليه قريب جبتها فالارض حتى نشوفو ناض و برك وقفت اضطريت نطلع راسي وائل : هههه واش لالة وين راح عقلك ؟؟؟ واقيل هبلتي ..انا ...وائل ***** معاك نتي ؟؟؟ههههههه غير انساي و نحي هاد العفسة من راسك لانو مستحيل تصرا هو برك قال هكاك ...حسيت روحي والو ....خلاص راحت الهيبة :) راحت و متعاودش تولي :) وليت حبة طوماطيشة و قلبي بدا يخبط ...ليوم ديت التبهديلة تع حيايت ...راح نموت بلحشمة ..ياربي دك يقول بلي انا خامجة و نخمم فهادوك العفايس ....تمنيت هديك الدقيقة تصرا كاش معجزة و نختفي منزيدش قاع نبان خلاص كرهت كرهت :) و بيان سوغ فهداك المومون تع تورتر و حشمة لازم نزيد نفتح فمي باش نكمل التبهديلة ...مشي جاية تبهديلة ناقصة لينة : انااا ؟؟ ههه وقتاش هدرت عفسة هكا ...لالا كان قصدي...اممم كان قصدي وش صرالي...ايييه سبحان الله طولت لازم نروح ..عندي دك موعد ااااه قصدي نروح لدار عييت ..لازم هدوك لي سوجي تحلهم مفيدين كي شفت روحي بلي بديت نخلط في جدها و نزيد نروبلها بلعت فمي و حبطت راسي خلاص راح نموت حتى نشوفو بدا يضحك ...هو برك ضحك انا غست فيه كي الحيوان ...ياخاااه لينة وشبيك ....ابتسامتو بزاف بريئة ....أاااااااه زمرة نحي هاد الافكار من راسك وائل : فحصك طبيب العائلة...و عندك نقص فالتغذية ...راكي تعبي روحك بزاف و مراكيش تاكلي مليح علابيها مقبيل دختي و جبتك لهاد الغرفة و نحالوك الخدامات تريكوك باش يفحصك الطبيب...بون مشي عفسة كبيرة يلزم برك تاكلي بزاف باش تستردي طاقتك و متعبيش روحك... هو يهدر و انا غايسة فيه ...قتلكم يا انا ...يا هو ..وحد فينا مراهش مليح ليوم ....علاش راو يهدر معايا هكا بكل اهتمام و هو معندوش بزاف كان يكرهني ...بصح نن ني شافية اخر مرة كان معايا لطيف و عاقل وش صرا صافيك مكاش ثقة محبيتش نقعد لتم بزاف صافيك ليكيديت لحالة بعدت عليه لينة : اوك ميرسي و اسفة عالازعاج كان لازم نطلب سماح لانو صح ازعاج ...انا نبقا مربية عليه المهم درت و ضربت الريح لرجليا لازم نخرج قبل ما يفتح فمو الهربة تسلك برك فتحت لباب ... خلاص ارتحت ....لكن لازم تفسد وائل : ايه متنسايش تقلبي تريكوك راكي لابساتو بالغلط تبلوكيت فبلاصتي مجددا ...مكفاش تبهديلايشن لي صرات زيد هادي دكا مي هاد المرة مدرتش قاع رحت نجري خرجت و غلقت لباب و قاعدة نجري فهداك القصر لي تبحرت فيه تالمون كبير يالبقرة يا لينة هاه عجبك لحال هكا بهدلتي روحك حتى شبعتي مبروك من اول يوم مبروك صبت كوانة بزربة قلبت فيها تريكويا لخطرش كنت نبان اطفال ...و كملت الجولة فهداك القصر باغسك معرفتش الخرجة حتى الحمدالله تلاقيت باحدى العاملات هنا وراتلي الخرجة برك خرجت وش نقللكم كلي جبل و نحيتوه فوقي...اخيييرا ...انا حرة ....خلاص تبهدايل لليوم و خلاصت الهيبة تاعي تان معاهم معباليش علاه ...بصح كنت قاعدة نجري كي البقرة فهاديك الحديقة لمهم نوصل للباب بأسرع ما يمكن انا نجري ونقرب مالباب كلي راني نقرب مالشيء لي راح يردلي حياتي مسقمة حتى ..... بووووووووووووووووم و نجيبها فالارض طحت طيحة تع الكلاب سواسوة قدام لباب يعني كون قربت شوية كون راني ضربت راسي الله الله وش نقللكم اسمي و ننساه هكاك لينة ختامها مسك....هاد الدار منحوسة حلفت فيا منقعدش نورمال و سلمية كيما مظاهرات الشعب الجزائري حتى اخر خطوة فيها لينة : اااااه ....خرا عليك يا وائل و على القصر تاعك تع الزمر قاعدة نتألم وحدي...حتى نسمع وائل : متزيديش تجري ردي بالك تزيدي تطيحي تانيك ...ااايه و حبيتي تقولي عفسة عليا ولا على دارنا قوليهالي في وجهي انا برك سمعت هكاك لينة : ااااااااااه *بصراخ* ضربتها بعيطة الكرة الارضية قاع سمعت ....قلبي قريب حبست كنت قاعدة نورمال حتى نسمع صوت الرخص هداك...طلعت راسي قاعدة نحوس عليه ياربييي بالاك راني نتخيل فيه ...راني نهترف بيه ؟؟؟ حتى نشوف الانتر فون لي كان فوقي برك ...و الكاميرات قدام لباب ....فهمت كلش عمل جيد لينة ختمتيها بتبهديلة اخرى برافو كملي هكا :') نضت و انا محبطة راسي خلاص راح نموت بالحشمة رفدت كرطابي مالارض و نضت بكل هدوء ...و خرجت مالقصر الملعون هداك و انا خلاص حا نبكي هدا قاع على جال ميليسا الكلبة الرخيصة هي لي قاتلي تكري و دخلتلي الخدمة في راسي والله غير تموت على يدي والله ما تسلك مني....بصح مشي ليوم غدوة نشالله لخطرش خلاص سي بون ...يكفي لليوم تبهرلت تصرعت صراو بزاف عفايس راني حاسة بلي انا اميرة و فرقوني على اميري لي هو الفراش و انا دك راين نواجه صعوبات الحياة باش نروح ليه حسيت الطريق طويلة بزااااف لكن وصلت الحمدالله للاقامة رحت نجري للغرفة و برك شفت فراشي جاوني دموع الفرحة بلاك كي نجيب الباك و منفرحش كيما راني فرحانة دكا ...بسرعة البرق بدلت حوايجي و جيت راح نرقد.... و انا حا ننتاقل لعالم احلامي نسمع تدقديق صافيك منرتاحش انا ليوم؟؟؟ تسما انا ماشي بنادم ؟؟؟ نضت و دمعة في عيني ... فتحت ...صبتو العساس تع الاقامة العساس : بنتي جابولك هدا دكا شفت في يديه صبتو صندوق تع اكل لينة : راك متأكد هدا ليا هههه العساس : وي راني متأكد...مم اصلا بنتي غير نتي لي راكي قاعدة فالاقامة لينة : ممم صح هههه ايه صح غير انا لي معنديش عائلة :) الينة : اممم مشفتفش شكون ؟؟ العساس : قالت وحدة اسمها ميليسا و كانت مزروبة علابيها مقدرتش تطلع لينة : اااااااااه اوك هاد الشي ميليسا الكلبة سبحان الله حست بلي راح نقتلها ناضت تشيت ديت صندوق الاكل هداك و العساس راح هههههه اخيرا صلحت في حياتها ميليسا والله كنت محتاجة ماكلة فتحت هداك الصندوق داني شوك تع حياتي فيه بزااااف اطباق و قاع بعفايس غاليين ياخااه منين جاوها دراهم باه شرات هادو قاع يادرة وش صرالها و وش مالمعجزة طاجت عليها رفدت مغرفة و بدون اي تفكير نضت لهفت لهفت ...عندي 3 ايان نمليتش كي ناس و اعبت حتى طبيب و قال بلي عندي نقص التغدية قاعدة ناكل و نزيد ...امممم هدا افضل شي كليتو فحياتي قاع ...يادرة وش مالحاجة لي صرات لميليسا باش شرات هكا قاع كيما قتلكم قاعدة ناكل و نستبن حتى خلاااااص كرشي تعمرت ..مقدرتش نزيد ناكل كثر يعني كملت الصندوق وش نزيد هههه بصح خلاص ني حاسة روحي حامل بتوأم التعب قاع راحلي فجأة رفدت تلفوني ...والله نعيط لميليسا بطات باش ريبوندات بصح ردت اخر دقيقة لينة : سلام ختي لعزيزة ميليسا : سلاااام لينة : اول مرة قستيها فحياتك عبالك ...الصندوق تع الطعام لي بعتيهولي يقتل افضل شيء كليتو فحياتي قاع ميليسا : وشنووو ؟؟ انا بعتلك ؟؟ وقتاش ...يا كفلة هبلتي واقيل ؟
لينة : الصندوووق تع الطعام لي بعتيه ليوم ميليسا : يابنتي انا هدا وين نضت مالرقاد تقليلي صندوق طعام و منعرف واش هي برك هدرت هكاك انا جاني الشوك....بدون اي تفكير كوبيت عليها .... و قاعدة نخمم ....ياخاااه يادرة شكوون...ني نشوف ..ميليسا متقدرش تشري هداك قاع ياخااه بالاك يكون فيه كاش حاجة و انا رحت لهفتو برك سي بووووون كرهت كرهتتت نروح نرقد نعل بوها ...وش يصرا يصرا خليه رحت ديراكت رميت روحي فلفراش و انتقلت لعالم احلامي .... *في الصباح * نضت مع صباح جوايه ال11 لازم نوجد روحي بلخف و نخرج نفطر برا باش نروح للقصر الملعون هداك تفكرت هداك الصندوق....لازم نسقسي العساس شكون جابو رحت درت روتيني و لبست هكا
Oops! This image does not follow our content guidelines. To continue publishing, please remove it or upload a different image.
و طلقت شعري لانو راني مزروبة رفدت كرطابي و جيت خارجة حبطت صبت العساس قاعد حمدالله مراحش لينة : صباح الخير عمو *بابتسام* العساس : صباح النور بنتي لينة : كي صبحت العساس : ههه رانا الحمدالله و نتي ؟؟ لينة : الحمدالله هههه عمو حبيت نسقسيك ...تقدر توصفلي لي جابت هداك الصندوق لبارح العساس : بالتاكيد ....كانت طفلة فالعشرينات و باين بلي مسكينة تخدم عاملة عند كاش شخص ثري لينة : تقدر توصفلي لبستها العساس : كانت لابسة .......*وصف الطفلة* هو يوصف و انا مشوكية كليا ... وصفو كان يطابق لبس العاملات فقصر وائل خلاااااااص فهمت ككلللللش لينة : ميرسيي بزاف عمو ...انا نروح صحا فطورك
العساس : الله يسلمك بنتي نتي تان تبسمتلو و جيت رايحة ....رحت لاقرب مطعمك فطرت ...مخصنيش يصرالي يكما لبارح و برك كملت خلصت و جيت رايحة للقصر الملعون مفقتش كيفاش حتى صبت روحي قدامو .... دخلت و مشيت هديك الحديقة قاع رجليا فشلو و ردلت للقصر....تبحرت كي لعادة بصح شفيت شوية ملبارح ...وصلت تقريبا لوين كنا بصح كنت حايرة اما غرفة و الله يبارك 100 الف غرفة قاعدة نخزر و انا في حيرة ياربييي وين وين خزرت خزرت حتى خيرت غرفة نسيي زهري و خلاص رحت و حطيت يدي عالباس و جيت ندخل ...حتى وائل :*****************************
STOOOOOOOOOOOOOOOOOOOOOOOOOOOOOOOOP
هاااي هههه كيما وعدتكم بارت في نص الليل كيما لعادة نشالله يعجبكم ههههه حقا عجبوني توقعاتكم لي فاتو ..قاع راح تخممامكم لبعيد كي انا نصفي النية نتو تخلطوها ...و كي نتو تصفو النية انا نخلطها ♥♥♥
