🎹مَا بَيْنَ الأَسْوَدِ وَ الَأبْيَضِ 🎹 ( باللهجة الجزائرية🎶)

🎲بارت 21 🎲

*بعد مرور شهر*
الوقت راه يجري...الشهر رجع كلي ساعة ....برمشة عين ...يمر اليوم
واو ...كأنو لبارح ..دخلت نقرا سنة أولى ابتدائي
و دك راه عندي باك
كانو مقبيل برك ..دخلت لهاد الليسي ...و راو جاز العام الدراسي ...
واو
عندو الحق استاد امين كي قالي روحي و اضمني مستقبلك لانو العام الدراسي يدوز برمشة عين
و صح ....جاز كأنو ولا شي
صراو بزاف احداث ...صراو حتى بزاف تغيرات لي خلاتني نتعلم كثر و كثر و ندي دروس قيمة نستفاد منها محياتي
تعرفت على ناس من طبقة جديدة و من مجتمع مختلف كليا عن اللي عشت فيه انا ...قلت انو عمري مراح نتفاهم ولا نتكلم معاهم ...و صح متفاهمتش معاهم و تلقيت منهم معاملة مهينة ...لكن اكثر شخص مكنتش نتوقع نكون متفاهمة معاه صرنا أصدقاء
ايييه مرات يصراو عفايس في حياتك متكونش قاع مخططلهم بصح يصراو رغما عنك
هادي هي الحياة ... و هدا هو القدر...لي لازم نتقبلوه مهما يكن
غدوة ان شاء الله راح نكون في طابلة وحدي ... و قدامي الاختار لي قادر يغير حياتي كليا
غدوة الباك
صراحة عمري ما توقعت انو نخاف ....لكن كي وصل خفت ...و بزاااف قاع
لكن مزلت واثقة من نفسي ... انا متأكدة انو نقدر ...نقدر ننجح و نقدر نوصل لواش راني حابة
ههههههه بما انو ليوم اخر يوم قبل لباك
طلب مني وائل انو نخرجو ...مقدرتش نرفض صراحة ...و دك نقللكم علاش
صح انو انا و وائل كنا بدينا نتفاهمو قبل هاد الشهر ...بصح هاد الشهر شيء اخر كلييييا
من هداك النهار وائل ولا المعنى الحرفي تع ملاك معايا
السيد رجع يقطر بالرومنسية و رجع كيوت تان...كل يوم يسقسي عليا و فالليل يبعتلي بونوي و الصباح يبعتلي بونجوغ وش نقللكم عمري ما تلقيت اهتمام كيما هدا صراحة
هاد الشي خلا قلبي يزيد يتقرب ليه كثر
لكن مع كل هدا ...معباليش علاش مي مرانيش راضية نحبو
مرانييش قابلة
كل ما نجي نتقرب منو كيما هو ...عفسة في قلبي تقولي نن لينة ...نن نتي جيتي باش تقراي مشي باش تلعبي
و صح ...انا عمري ما فضلت أشياء هكا على مستقبلي
كان دايمن مستقبلي هو الأول بالنسبة ليا
هاد الأشياء يجي وقتهم
و تان ....مشي كي يسأل عليا و يهتم بيا معنتها راه معجب بيا
مزال كاين شيء اسمو نهاد
و انا مستحيل يحبني ...السيد من نهار فتح عينو يقابلوه غير الوريثات و الناس المرفهة لي كل يوم لبسة مصممة خاصة ليها و منعرف واش
مانيش نحبط من قيمتي ولا لانو انا متأكدة انو افضل منهم كلهم لانو انا عندي عقلي و انا أي شي تحصلت عليه فحياتي تحصلت عليه بعد تعب و معاناة مشي كيما هما يزيدو يصيبو كلش واجد كيما يقلك عبز يسيل ...لكن انا راني نهدر على حساب ما هما الأغنياء يخمو ...
فبما انو مشاعري مانت مخلطة كليا قررت انو منخممش بزاف و نكمل حياتي نورمال و لي جابو ربي مرحيا
المهم كيما قتلكم طلب مني نخرجو و انا نخير المكان ههههه
خزرت فالساعة صبتها ال9
هههههههه واو خمرت لبارح رقدت عربعة تع لعشية
والله عندو الحق وائل كي قالي بلي انا شكارة تع رقاد هههههههههههههه
المهم نضت رايحة نغسل وجهي حتى يصوني تلفوني ....رفدتو صبت وائل يعيط
رديت
وائل : صباح الخيير
لينة : صباخ النور ههه
وائل : واش راكي واجدة
لينة : وشنوو؟؟؟ هدا وين نضت
وائل : ياربي قولي والله ؟؟؟ رقدتي عالربعة تع لعشية و هدا وين تنوضي
لينة : و لوكان مشي لخرجة كنت قادرة نكمل نهار كامل راقدة حتى لغدوة
وائل : ياخاه ربي يهديك ابنتي
لينة : اسمع شوف البس لبسة نورمال مكالاه الخالوطة تاعك
وائل : وشنوو ؟؟؟ انا وائل اكبر المصممين في العالم يحللوني باش نلبس حوايجهم نتي تقليلي خالوطة
لينة : هه هنن والله صح البس عفسة نورمال بلا لي مونتو هادوك تع ريش و سوايع تع ملاين و منعرف واش
وائل : علااااااش بصح
لينة : هكا ممبعد تفهم
وائل : شوفي رح ناخدلك رايك برك باغسك نعزك ههه و نشالله متخرجيش بكاش خرجة غريبة
لينة : اووه تهدر بزاف روح خليني نروح نلبس ههههه
وائل : اوك ازربي شوية
كوبيت من وائل و رحت ندير روتيني اليومي حمدالله من نهار عطاولنا عطلة باش نراجعو المندبات سلمى و حنان ديسباراو تهنيا خلاولي البيت ليا لقيت راحتي باكمل وجه ههههههه
المهم رحت درت روتيني اليومي
لبست هكا