#قتلوو_برائتي
#الحلقة_الرابعة"""
يمكن بعد ماطلعتي صايرة عركة جبيرة بيت اهلج وابوج متخربط وماخذي للمتشفئ صايرة بي جلطة وجسمة ماتحمل وماااات الله يرحمة
---اني ماستوعبت الي كالة عبالي ديجذب كتلة جذاب انتة شنو مصلحتك تجذب هيج جذبة جان مها تكلي
---يلة حبيبتي ميخالف هاذة امر الله ملازم تعترض علي اترحميلة
---اباوع عليهم متفاجئة ضلو يصبروني علي هوة وياهة اني من دريت صدك انجنيت فقدت ضليت الطم واصرخ وابجي ملخت روحي تملخ وهمة بلكوة لازميني جاان كتلة الله يخليك وديني الهم ضليت اتوسل بي بس،ياحياة لمن تنادي ماقبل ابد
---بس اهدي اني اقنعة واكلة
---فدوة روحي هسة كليلة
---راحت مهااا اني كعدت انووح وابجي ع بابا ترة موشوية افقد ابوي وهوة جان سندي يوم من اليام جان مدللني ويحبني اكثر من روحة بس بسبب مريم الله لايوفقهة كلة بسببهة الله ياخذ حقي منج شوية واجت مها كتلهة بلهفة هاا شكلج كالت
---يكول شلون تروح وهية اهلهة باعوهة ميردوهة فمقبل
---سكتت من كال اهلهة باعوهة حسيت سجين ودخلت بكلبي شوية ودخلت عمتي كالت
---يلة شسوين هاذة امر الله ماكوو اعتراض علي
---عفتهم وصعدت الغرفتي ضليت ابجي بنحيب وكسرة وكتهة جان الضهر ضليت بلغرفة لثاني يوم الساعة بل عشرة بس ابجي جان يجون علي هوة وامة جان امة تكوول
---يعني شلون تضلين كالبتهة علينة فااتحة
---كتلهم يعني انتم متحسون بية هاذة ابوي تعرفون شنو ابووي،جان هوة يحجي ويكول
---ابوج لوهوة صدك ابوج ميبيعج هل بيعة وينطيج النة وشمرج علينة مثل الخدامة ع اساس كسرتي وجهة هوة لوصدك جان كال هاي تربيتي اني اوثق منهة يلة كومي كالبتهة مناحة علينة اضاهر احنة دللناج زايد جنج بوومة لضلين تنوحين براسي وتفكرينة
---سكتت ماحجيت شي جان يعيط بية
---اني ويامن داحجي شو كومي يلة كومي
---اجة جرني حيل من جتف دشداشتي ودفعني لبرة عدلت روحي ونزلت جوة كمت اشتغل بلبيت متت من التعب البيت شكبرة بس اني اشتغل بي حسيت ضهري حينكسر هوة جان كاعد بس،يصخر بية موتني مخلاني ابد اكعد حسيتة جاي يعذب بية بهاي الطريقة صبينة الغدة وتغدينة وكملنة اسمع عمتي تكل السهئ غسلي المواعين هية تكللهة ليش،اني انتم موجبتوو هناا خدامة مو وفضلتوهة ع اختي بس انتم كسرتو بية وباختي سمعتهم بس سكتت جان تجي وتكلي يلة اغسلي المواعين اني لميتهن وغسلتهن بلاكلام بس اغسل بيهن ودموعي تجري مقهورة بابا ماات ماما وين حتروح ومنو الهة كاتلني القهر فاتت عمتي من يمي جان تكوول
