مساء الخير حبايبي اسف ع التاخير 😘
#قتلوو_برائتي""الجزء الثاني
#الحلقة_الرابع والعشرون
جان حيدر يدك عليه سلمت عليه
حيدر...شلونج حبيبي مشتاقلج ام جفصه
فرح... يبووو شنو كلساع تكلي ام جفصه
حيدر...بضحكة وي ديري بالج و وازني حجيج لتروحين تجفصين ويه اهلي وتصير عركه
فرح... اني مااجفص اني حجيي ذهب صافي
حيدر... غير انتي كل كلمه تكوليه انقى من الثانيه بستهزاء فرح...ضلينه نسولف
حيدر... اليوم شسويتي ما سويتي
فرح...والله كلشي ماسويت يوم عادي اي شوكت تنزل
حيدر...والله بعد10 وانزل
فرح...يبووو حيل هواي
حيدر... صدكي بسرعه يجن غمضي فحتي متحسين الا اني يمج
فرح... الله كريم لعد شوكت يزوج رضا
حيدر... من انزل ان شاء الله
فرح...ان شاء الله
حيدر...يله باي
فرح... وين مشبعت منك
حيدر... هاي شنو اريد اروح اريد اطلع تفتيش
فرح... هاهيه باي حيدر حبيبتي من افرغ اخابرج
فرح... اوكي سلم عليه وسوالي بوسه وسد التلفون نمت شويه وكعدت سبحت وبدلت مشطت شعري ونزلت
نزلت كعدنه بالحديقه شويه وجان اسمع رضا يعيط وعصبي
رضا....مااريدهه شنو انتم تجبروني قابل اني مرة
عمي...ماكلت من البدايه بعدين شويه وهدء
فرح... الي عرفته اتوقع رضا ميريد خطيبته مهمني الامر لان هذا شي ميخصني شويه وكمنه سوينه عشه تعشينه غسلنه المواعين وصعدت لغرفتي ضليت اتفرج ع التلفون شويه ودكيت ع ضلينه نسولف اني ويا وكتله اكول حيدر شبي رضا
حيدر... كلشي مابي
فرح...شنو ميحب خطيبته
حيدر... هاي منين جبتيهه
فرح... مو مساع سمعته هيج حجه
حيدر... وانتي شعليج انتي ملج علاقه ابد ممنوع اشوفج تدخلين بواحد من البيت الشغله المتخصج ممنوع تدخلين بيهه يحتاج اعيد
فرح...بضوجة ماشي ضلينه نسولف ونشاقه وضليت اكله اني بالعرس هيج البس وهيج وهو يشاقيني
حيدر... انتي شنو بنيتي تدلع عليه
فرح....ضحكت لشويه وكتله يله عيني نعست اريد انام
حيدر... ماشي نوم العوافي تصبحين ع خير حبيبتي
فرح...وانتة بالف خير حبيبي وسده نمت ماحسيت الا الساعه 7 واني عبالي 12 الا ثلث كمت مفزوعه اركض يربي شنو اني معقوله اخذتني نومه غسلت ومشطت ونزلت شو ماكو احد بعدهم نايمين شفت الساعه يبووو 7 واني ممنتبهه كمت سويت ريوك كعدو تريكنه وكمت ع شغلي كملت شغلي وصعدت لغرفتي دا اكوي الملابس اباوع ع ملابس حيدر يماي فدوه لكلبه😍 شكد مشتاقتله يربي كويت ملابسه وكملت ضليت شويه كاعده اتفرج بالتلفون وصاحوني ع الغده نزلت تغديت كملنه صعدت نمت شويه وكعدت لكيت حيدر داك عليه يبووو ناسيه التلفون صامت نزلت جوه جان الكه الدنيا مخبوصه جايبين غرفه لرضا الغرفه محلوه حيل عن نفسي معجبتني عاديه اتوقع هاي اردء غرفه بالسوك مشتريهه نصبوهه التهينه بيهه وسوينه عشه واحنه دنتعشه جان يكولون باجر خطيبة رضا تجي هي واهلهه يشوفون الغرفه جان يقين تكول يجون ع الغده عمي كال اي ع الغده ان شاء الله تعشينه كملنه رتبنه البيت نمنه من وكت وكعدنه من وكت لان عدنه عزيمه اجوي اهلهه من وكت حيل التهينه خبصه حيل جان اني مو احجي مثل يسالون واجاوب او مثلا اسولف ويه البنات اهلهه يباعن عليه ويكليلي هاي شلون تحجين تكولين لعد هاي هيج يحجون اهل بغداد واخت ابتهال تكلي انتي اصلج من بغداد يعني بغداديه اني اكلهه اي اي بغداديه واصلي بغدادي حتى اهلي منشائهم بغداد وكلما احجي يكولن فدوه شلون تحجي طبعا الي اجوي علينه ابتهال وامهه وابوهه واخواتهه 2 فاتن وزهراء سوينه غده وصبينه تغدينه اني استحي اكل لان كاعدين اهلهه اكلت بس قليل كملنه ومواعين العزيمه كوووومه كلهن اني غسلتهم تركبن براسي واني اغسل المواعين جان حيدر يدك عليه الووو ها حبيبي اكمل الشغل الي بيدي واخابرك من اصعد وفعلا سديت التلفون ورجعت ع المواعين جان اسمعهم يكولن حياخذنهه للصالون يصبغلهه ويسولهه ترتيبات مثل اي عروسه كملت وصعدت لغرفتي خابرت حيدر ضلينه نسولف اني ويا فتح وياي كامره راواني غرفته ضلينه نحجي صارت الساعه 5 العصر كتله اني حنزل سبحت وبدلت مشطت وجان انزل لكيتهم ماخذيهه للصالون تاخرت هواي ضلت للمغرب هواي تاخرن كمنه سوينه العشه اجني شفتهه مسويه صبغ وميش وتنظيف بشره بس شفتهه هي هي متغير بيهه شي عن نفسي الصبغ والميش ابد معجبني المهم سوينه عشه وصبينه مدينه سفره ع طول الاستقبال اشكال والوان بيهه كعدنه تعشينه كملنه هم نفس الحاله المواعين كلهن تركبن براسي ضجت حيل يعني ميصير هنه كاعدات يسولفن واني مشعوله شعل بالمواعين ضجت حيل بس ما حجيت كملت وصعدت واني واكفه ع الدرج جان عمتي تصيح علي
