ﺍﻟﺤﻠﻘﺔ : 68
ﺍﻟﻴﻒ ﺗﺤﻜﻲ :
ﺍﻟﻴﻮﻡ ﻓﺎﺕ ﺷﻬﺮ ﺑﺎﻟﻀﺒﻂ .... ﻋﻠﻰ ﺁﺧﺮ ﻟﻴﻠﺔ ﺻﺮﺍ ﻓﻴﻬﺎ ﺍﻛﺎ ﺍﻟﺸﻲ ... ﺍﺭﺗﺤﺖ ﺑﺮﺷﺎ ... ﻧﺠﻤﺖ ﻧﻌﺎﻭﺩ ﺃﻭﻟﻮﻳﺎﺗﻲ ... ﻭ ﻧﺒﺪﺍ ﻣﻦ ﺟﺪﻳﺪ .... ﺧﺮﺟﺖ ﺍﻟﺒﺮﺍ ﻧﺸﺮﻱ .... ﺃﺣﺴﻦ ﺷﻲ ﺃﻧﻮ ﻓﻤﺎ ﻗﺮﻳﺔ ﻗﺮﻳﺒﺔ ﻫﻮﻧﻲ ... ﺑﻼ ﻣﺎ ﻧﺒﻌﺪ ﺑﺮﺷﺎ ...
ﺃﻭﺱ ﻳﺤﻜﻲ :
ﺗﻌﺪﺍ ﺷﻬﺮ ﺑﺮﺷﺎ ﺣﻮﺍﻳﺞ ﺻﺮﺍﻭ .... ﺃﻭﻟﻬﻢ ﻣﻮﺕ ﺭﺍﺋﺪ ... ﻓﺄﻛﺎ ﺍﻟﻤﻮﺍﺟﻬﺔ ﻣﺘﺎﻉ ﺁﺧﺮ ﻣﺮﺓ ﻣﻊ ﺍﻟﻜﻮﺯﺍ ﻧﻮﺳﻄﺮﺍ ... ﻣﺮﺍﺩ ﻓﺎﻟﻐﻴﺒﻮﺑﺔ ﺧﺎﻃﺮﻫﻢ ﻫﺠﻤﻮﺍ ﻋﻠﻰ ﻋﻤﻠﻴﺔ ﺍﻟﺴﻼﺡ ﻣﺘﺎﻉ ﻟﻴﻔﺎﻥ ﺧﻮﻩ ﻣﺘﺎﻉ ﺍﺩﻭﺍﺭﺩﻭ ... ﻭ ﻋﻤﻠﻮﺍ ﺍﻛﺎ ﺑﻼ ﻣﺎ ﻳﻌﺮﻑ ﺍﻟﺴﻴﻨﻴﻮﺭ ﻟﻜﺒﻴﺮ ... ﺃﻣﺎ ﺑﺎﻏﺘﻮﻫﻢ ... ﻛﺎﻧﻮﺍ ﻣﻦ ﻟﻮﻝ ﻧﺎﺻﺒﻴﻨﻠﻬﻢ ﻓﺦ ... ﺟﺎﺩ ﺟﺎ ﺯﻭﺯ ﻣﺮﺍﺕ .... ﻳﺤﺐ ﻳﻮﺻﻠﻠﻬﺎ ﺯﺍﺩﺓ ... ﺣﻄﻴﺖ ﺭﺍﺳﻲ ﻟﻠﺘﺎﻟﻲ ﻧﻐﺰﺭ ﻟﺪﺍﺭﻫﺎ ... ﻳﺎﺳﺮ ﻫﺎﺩﻳﺔ ... ﻣﺘﻮﻗﻌﺘﺶ ﺟﻤﻠﺔ ﺗﻜﻮﻥ ﻫﻮﻧﻲ .... ﺃﺻﻼ ﻟﻠﻲ ﺻﻌﺐ ﻋﻠﻴﺎ ﺃﻧﻮ ﺍﻟﻜﻞ ﻳﻌﺮﻓﻮﻫﺎ ﺑﺎﺳﻢ ﺁﻧﺠﻞ ... ﺣﺘﻰ ﺩﺧﻠﺖ ﺍﻝ FBI ﺩﻭﺏ ﻣﺎ ﺧﺒﺮﻧﻲ ﻛﻴﻢ .... ﻫﺰﻳﺖ ﺭﻭﺣﻲ ﻃﻮﻝ ﻭ ﺟﻴﺖ ﻫﻮﻧﻲ ... ﺍﻟﺒﺎﺏ ﻛﺎﻥ ﻣﻘﻔﻮﻝ ﺃﻣﺎ ﻧﺠﻤﺖ ﻧﺤﻠﻮﺍ ... ﻃﻠﻌﺖ ﻟﺒﻴﺘﻬﺎ ﻋﺪﻳﺖ ﻋﻴﻨﻲ ﻋﻠﻴﻬﺎ ﻣﻔﺮﻛﺴﺔ ﻋﻠﺨﺮ ... ﻗﺮﺑﺖ ﻫﺰﻳﺖ ﻣﺮﻳﻮﻟﻬﺎ ... ﻧﺸﻢ ﻓﻲ ﺭﻳﺤﺘﻬﺎ ﻗﺪﺍﺵ ﺗﻮﺣﺸﺘﻬﺎ ﺍﻟﻔﺮﺧﺔ .... ﻋﻘﺎﺏ ﻋﻤﺮﻱ ﻭﻟﻴﺖ ﻧﺠﺮﻱ ﻭﺭﺍ ﺍﻟﻔﺮﻭﺥ ... ﻧﺰﻟﺖ ﻗﻌﺪﺕ ﻋﺎﻟﻔﻮﺗﺎﻱ ﻧﺴﺘﻨﺎ ﻓﻼﻻ ﺗﺸﺮﻑ ...
ﺍﻟﻴﻒ ﺗﺤﻜﻲ :
ﺩﺧﻠﺖ ﻟﻠﺪﺍﺭ ﻧﺎﻛﻞ ﻓﺎﻟڨﻼﺹ ... ﺗﻠﻔﺘﺖ ﻧﻘﻔﻞ ﺍﻟﺒﺎﺏ ﺿﺮﺑﺖ ﻓﺨﺸﻤﻲ ﺭﻳﺤﺔ ﭘﺮﻓﺎﻧﺘﻮﺍ ... ﻏﻤﻀﺖ ﻋﻴﻨﻴﺎ ﺑﺎﻟﻘﺎﻭﻱ ﻭ ﻋﺎﻭﺩﺕ ﺣﻠﻴﺘﻬﻢ .... ﺗﻠﻔﺘﺖ ﺭﻳﺘﻮ ﻛﻴﻒ ﻗﺎﻋﺪ ﻋﺎﻟﻔﻮﺗﺎﻱ ... ﺭﺣﺖ ﻟﻠﻜﻮﺟﻴﻨﺔ ﺣﻄﻴﺖ ﺍﻟﻘﻀﻴﺔ ... ﻭ ﺧﺮﺟﺖ ﻧﻜﻤﻞ ﻓﺎﻟڨﻼﺱ ﻣﺘﺎﻋﻲ ...
ﺃﻭﺱ؛ ﺍﻟﻴﻴﻒ
ﺍﻟﻴﻒ؛ ﺁﻧﺠﻞ ﺃﻟﻜﺲ
ڨﻌﺪﺕ ﻓﺎﻟﻔﻮﺗﺎﻱ ﻟﻲ ﻣﻘﺎﺑﻠﻮﺍ ﻫﺰﻧﻲ ﻭ ﺣﻄﻨﻲ ... ﻣﺒﻴﻦ ﻣﺶ ﻋﺎﺟﺒﺘﻮﺍ ﺍﻟﺸﻮﺭﺕ ﻭ ﻧﺺ ﻣﺘﺎﻉ ﺍﻟﺨﻠﻌﺔ ﻟﻠﻲ ﺟﺎﻳﺔ ﻓﻮﻕ ﺍﻟﺴﺮﺓ ... ﻟﺤﺴﺖ ﺍﻟﻜﻮﺭﻧﻲ ﺑﺎﻟﻮﻗﺖ ... ﺑﺎﻗﻲ ﻳڨﺤﺮﻟﻲ ﺃﺻﻼ ﻣﻨﻌﺮﺵ ﻋﻼﺵ ﺟﺎ ﺗﻮﺍ ...
ﺃﻭﺱ؛ ﻧﻮﺭﻣﺎﻝ ﺍﻧﺘﻲ ﻓﻲ ﻣﺨﻚ ﺍﻧﺘﻲ ﺗﺮﻭﺡ ﻫﻜﺎ ﻭ ﺗﺨﻠﻴﻨﻲ ﻧﻔﺮﻛﺲ ﻋﻠﻴﻚ !!!
ﺍﻟﻴﻒ؛ ﻫﺎﻙ ﻟﻘﻴﺘﻨﻲ
ﺃﻭﺱ؛ ﻓﺎﺵ ﻗﺎﻡ ﺗﻤﺸﻲ ... ﻋﻼﺵ ﻣﺎ ﻭﺍﺟﻬﺘﺶ ﻭﻗﺖ ﻛﻨﺖ ﻧﺤﻜﻲ ﺍﻛﺎﻛﺎ ... ﺗﻬﺮﺏ ﻣﻨﻲ ﺍﻟﻴﻒ !
ﺍﻟﻴﻒ؛ ﺁﻧﺠﻞ
ﺃﻭﺱ؛ ﺍﻟﻴﻴﻴﻴﻒ ﻣﻮﺵ ﻭﻗﺖ ﺗﺘﻤﻘﺼﺺ ﺗﻮﺍ
ﺍﻟﻴﻒ؛ ﻣﻦ ﻭﻛﺘﺎﻩ ﻧﺘﻤﻘﺼﺼﻮﺍ ﻋﻠﻰ ﺑﻌﺾ ﺃﻟﻜﺲ ... ﺷﻲ ﺁﺧﺮ ﻣﻬﺮﺑﺘﺶ ﻛﻨﺖ ﻧﻨﺠﻢ ﻧﻔﺴﺮ ﺃﻣﺎ ﻻ ﻣﻨﺘﻌﺒﺶ ﺭﻭﺣﻲ
ﺃﻭﺱ؛ *** ﺷﺒﻲ ﺳﻤﺎﻙ ﺗﺤﻜﻲ ﻫﻜﺎ !!!
ﺍﻟﻴﻒ؛ ﻧﻘﺺ ﺣﺴﻚ ﻣﻴﺠﻴﺶ ﺭﺍﻫﻮ ...
ﻛﻤﻠﺖ ﺍﻟڨﻼﺹ ... ﻭﻗﻔﺖ .. ﻣﺸﻴﺖ ﺧﻄﻮﺓ ﻭ ﺗﻠﻔﺘﻠﻮﺍ ...
ﺍﻟﻴﻒ؛ ﻣﻤﻤﻢ ﺯﺍﺩﺓ ﺑﺎﺵ ﻧﺮﺟﻌﻮﺍ ﻟﻠﺨﺪﻣﺔ ﺧﺎﻃﺮﻧﻲ ﻫﺪﻳﺖ ... ﺗﻲ ﻧﺴﻴﺖ ﻣﺎ ﺳﺄﻟﺘﻜﺶ ﻛﻴﻒ ﻋﺮﻓﺖ ﺑﻼﺻﺘﻲ
ﺿﻴﻖ ﻋﻴﻨﻴﻪ ﻭ ڨﺤﺮﻟﻲ .... ﻣﺒﻴﻦ ﻃﻠﻌﻠﻮﺍ ﺍﻟﻌﺼﺐ ...
ﺍﻟﻴﻒ؛ ﻣﻴﻬﻤﺶ ﺑﺮﺷﺎ
ﻣﺸﻴﺖ ﻟﻠﻜﻮﺟﻴﻨﺔ ﺭﻣﻴﺖ ﺍﻟﻜﻮﺭﻧﻲ ... ﻭ ﺭﺣﺖ ﻏﺴﻠﺖ ﻳﺪﻳﺎ ...
ﺃﻭﺱ ﻳﺤﻜﻲ :
ﻗﺪﺍﺵ ﺗﻮﺣﺸﺘﻬﺎ ... ﺩﺧﻠﺖ ﺗﻠﺤﺲ ﻓﺎﻟڨﻼﺹ ... ﺗﻠﻔﺘﺖ ﻏﺰﺭﺗﻠﻲ ﺟﺎﺕ ﻋﻴﻨﻲ ﻓﻌﻴﻨﻬﺎ ... ﺣﻼﺕ ﻣﻮﺵ ﻧﻮﺭﻣﺎﻝ ... ﺭﺍﺣﺖ ﻟﻠﻜﻮﺟﻴﻨﺔ ﻭﻭﻻﺕ ﺗﺤﻜﻲ ﺑﺎﻟﺒﺎﺭﺩ ﻋﺎﻟﻠﺨﺮ ﻓﺪﺩﺗﻨﻲ ... ﻫﺪﻳﺖ ﻋﻠﻴﻬﺎ ﻭﻗﺖ ﺭﺍﺣﺖ ... ﺩﻭﺏ ﻣﺎﺟﺎﺕ ﺗﺨﺮﺝ ... ﺣﻜﻤﺘﻬﺎ ﻣﻦ ﻳﺪﻳﻬﺎ .. ﺟﺎﺕ ﻓﺎﻟﺤﻴﻂ ... ڨﺤﺮﺗﻠﻲ ...
ﺍﻟﻴﻒ؛ ﻓﻔﺎﺍﺍﺍﺵ ﺗﻌﻤﻞ ... ﻫﺒﻠﺖ ﻳﺎﺧﻲ
ﺃﻭﺱ؛ *** ﺍﺭﻛﺢ ﺗﻮﺍ ﻣﻨﻴﺶ ﻧﻠﻌﺐ ﻣﻌﺎﻙ
ﺍﻟﻴﻒ؛ ﺍﺑﻌﺪ ﻓﻴﺴﻊ ... ﻳﺰﻱ ﺗﻮﺍ ..
ﻛﺒﺴﺖ ﻋﻠﻴﻬﺎ ﻛﺜﺮ ﻣﻦ ﻛﺘﺎﻓﻬﺎ ﻟﻴﻦ ﺗﻮﺟﻌﺖ ... ﺭﺧﻔﺖ ﺷﻮﻱ ﺑﺎﻗﻲ ﺩﺯ ﻓﻴﺎ ﻣﻦ ﺻﺪﺭﻱ ... ﻣﺘﺠﻴﺶ ﺑﺎﻟﻘﻮﺓ ﻧﻌﺮﻑ ﻛﻴﻒ ﻧﺮﻛﺤﻬﺎ ﺗﻮﺍ ... ﻟﺰﻳﺖ ﻟﻴﻬﺎ ﻛﺜﺮ
ﺍﻟﻴﻒ؛ ﺑﻌﺪﺩﺩ ﻓﺎﺵ ﻗﺎﻡ ﺗﺤﺼﺮﻧﻲ ﺍﻛﺎ ... ﺍﺣﻜﻲ ﺍﻟﻠﻲ ﺗﺤﺐ ﺍﻣﺎ ﺍﺑﻌﺪ
ﻟﺰﻳﺖ ﻟﻴﻬﺎ ﻛﺜﺮ ... ﻣﻔﻤﺎﺵ ﻣﺴﺎﻓﺔ ﺗﻮﺍ ... ﺣﻄﻴﺖ ﺟﺒﻬﺘﻲ ﻋﻠﻰ . ﺟﺒﻬﺘﻬﺎ ... ﺑﻠﻌﺖ ﺭﻳﻘﻬﺎ ... ﺑﺎﻗﻲ ﺗﺤﺐ ﺗﺠﺒﺪ ﺍﻣﺎ ﻫﺪﺍﺕ ﺷﻮﻱ ...
ﺃﻭﺱ؛ ﺍﺭﻛﻜﺤﺢ
ﺍﻟﻴﻒ؛ ﺃﻭﺱ ﻳﺰﻱ
ﺃﻭﺱ؛ ﻣﻤﻢ ﺗﻮﺍ ﻭﻟﻴﺖ ﺃﻭﺱ ﻣﺎﻻ
ﻧﺰﻟﺖ ﺑﺨﺸﻤﻲ ﻋﻠﻰ ﺧﺸﻤﻬﺎ ... ﻧﺎﺧﻮﺍ ﻓﺎﻟﻨﻔﺲ ﻣﻦ ﻋﻨﺪﻫﺎ ...
ﺃﻭﺱ؛ ﺳﺎﻣﺤﻨﻲ ﻏﻠﻄﺖ ﻋﻴﺶ ﺣﺒﻲ ﻣﻜﻨﺘﺶ ﻧﻘﺼﺪ ... ﺗﻌﺮﻓﻨﻲ ﻣﻨﺘﺤﻜﻤﺶ ﻓﻲ ﻟﺴﺎﻧﻲ ... ﻛﻨﺖ ﻏﺎﻳﺮ ﺑﺮﺷﺎ ﺗﻲ ﻣﻨﺤﺒﺶ ﺣﺪ ﻳﺸﻮﻓﻚ ﻏﻴﺮﻱ ﺍﻓﻬﻤﻬﺎ ﻫﺎﺫﻱ ... ﻣﺎﻭ ﺗﻌﺮﻑ ﻏﺸﻲ ﺧﺎﻳﺐ ... ﺷﻬﺮ ﺍﻟﻜﻞ ﻧﻔﺮﻛﺲ ﻋﻠﻴﻚ ... ﻛﻴﻒ ﻧﺠﻤﺖ ﺗﺒﻌﺪ ﺃﻩ ... ﻭﻗﺖ ﻧﺒﺪﺍ ﺃﻧﺎ ﻣﻘﻠﻖ ﻋﻠﻴﻚ ﻛﺎﻧﻚ ﺑﺨﻴﺮ ... ﺍﻧﺘﻲ ﻛﻨﺖ ﻣﺮﻳﺤﺔ ﻭ ﻋﺎﻣﻠﺔ ﺟﻮﻙ ﻋﻠﺨﺮ ..
ﻧﺰﻟﺖ ﻳﺪ ﻭﺣﺪﺓ ﺣﻄﻴﺘﻬﺎ ﺟﻴﻬﺔ ﻗﻠﺒﻬﺎ ...
- ﻫﺬﺍ ﻣﺎ ﺗﻮﺣﺸﻨﻴﺶ ﻳﺎﺧﻲ ! ﺍﺣﻜﻲ ﺍﻟﻴﻒ
ﺑﺎﻗﻲ ﺳﺎﻛﺘﺔ .... ﻧﺰﻟﺖ ﻋﻠﻴﻬﺎ .. ﺩﻭﺏ ﻣﺎ ﻭﺻﻠﺖ ﻟﺸﻔﺎﻓﻬﺎ ....
▶▶▶▶▶▶▶▶▶▶▶▶▶▶▶▶▶▶▶
# ﺧﻄﻮﺓ _ ﻧﺤﻮ _ ﺍﻟﺠﺤﻴﻢ
# ﻳﺴﺮﻯ _ ﺃﻣﺠﻮﺝ
أنت تقرأ
خطوة نحو الجحيم 2 (باللهجة التونسية )
Actionاكـــــــــــــسترا من الجزء الثاني 🔥🔊🔉🔉 : -شنوة قطوس في بالك لي باش تنجم تطيحني كيف ما عملت معاهم -سيييييبننني -هههههه لا عاد منتفاهموش اكا ....انتي ليلة باش تكون عروستي -في أحلامك مؤيد -اممم باش نحكو في شي مهم توا توا نزار جاد وائل مراد...
