ﻭﺭﻗﺪﻧﺎ ﻭﺗﺎﻧﻲ ﻳﻮﻡ ﻭﻋﻴﻨﺎ ﻋﻠﻲ ﺻﻮﺕ ﺍﻳﻤﺎﻥ ﻣﻦ ﺍﻟﻔﺮﺣﻪ ﻣﺎﺭﻗﺪﺗﺶ ﺑﻜﻞ
ﻧﺎ ؛؛ ﺻﺒﺢ ﺻﺒﺢ ﻛﻨﻚ ﺍﻧﺘﻲ
ﺍﻳﻤﺎﻥ؛؛ ﻧﺎ ﻣﺎﺭﻗﺪﺗﺶ ﺑﻜﻞ ﻧﻴﻦ ﻧﻌﺮﻑ ﺍﻟﺼﺒﺢ ﻣﻦ ﺍﻟﻠﻴﻞ
ﻧﺎ ؛؛ ﻛﻨﻚ ﻟﻴﺶ ﺷﻦ ﻓﻲ
ﺍﻳﻤﺎﻥ ؛؛ ﺍﻭﻋﻲ ﻋﻨﺪﻱ ﺧﺒﺮ ﺣﻠﻮﻭﻭﻭﻭﻭﻭﻭﻭ 99 ﻭﻭﻭﻭ 9 ﻭﻭ 9 ﻭﻭ 9 ﻭ 9 ﻭﻭﻭﻭﻩ ﺑﻜﻞ
ﻧﺎ ؛؛ ﻳﻴﻴﻴﻴﻴﻴﻲ ﻋﻠﻴﺎ ﻫﻴﺎ ﺍﺣﻜﻲ ﺑﻼ ﺣﺮﻕ ﺍﻟﺪﻡ ﻋﻠﻲ ﻫﺎﻟﺼﺒﺢ
ﺍﻳﻤﺎﻥ ؛؛ ﺍﻳﻪ ﺍﺣﻤﺪ ﻗﻠﻠﻲ ﻫﻠﻪ ﺍﻟﻴﻮﻡ ﻳﺒﻮ ﺍﻳﺠﻮ ﺑﻴﺶ ﻳﺎﺧﺬﻭ ﻣﻘﺎﺱ ﺍﺻﺒﻌﻲ ﻭﻗﺎﻟﻲ ﺗﻮ ﻧﻌﻄﻴﻚ
ﺍﻓﻠﻮﺱ ﺑﻴﺶ ﺗﺸﺮﻱ ﺍﻟﺪﺑﺶ
ﻧﺎ ؛؛ ﺍﻭﻭﻭﻭﻭﻭﻭ ﻋﻠﻴﻚ ﺧﺒﺮ ﺣﻠﻮ ﺍﻟﺤﻖ ﻗﺼﺪﻙ ﻳﺒﻮ ﺑﻴﺎﻥ ﻛﺒﻴﺮ ﻭﺣﻠﻮ
ﺍﻳﻤﺎﻥ؛؛ ﻭﻳﻪ ﻫﻴﺎ ﺣﺒﻴﺒﺘﻲ ﺻﺒﻲ ﺑﻴﺶ ﺍﻧﺪﻳﺮﻭ ﻣﻮﺍﻟﺢ ﻋﻴﺐ ﻋﺎﺩ ﺍﻳﺠﻮ ﻫﻜﻲ ﻣﺎ ﻧﻌﻄﻬﻢ ﺷﻲﺀ
ﻧﺎ ؛؛ ﺑﻪ ﺗﻮ ﺍﻧﺼﺒﻲ ﺧﻼﺹ ﺣﻮﻟﻲ ﻣﻦ ﻗﺪﺍﻣﻲ
ﻭﺑﺤﺘﺖ ﻓﻲ ﺳﺮﻳﺮ ﻣﺎﻣﺎ ﺍﻟﻘﻴﺘﻬﺎ ﻣﺶ ﻗﺎﻋﺪﻩ
ﻧﺎ ؛؛ ﻭﻳﻦ ﻣﺎﻣﺎ
ﺍﻳﻤﺎﻥ؛؛ ﻗﺎﻋﺪﻩ ﺑﺮﻩ ﻓﻲ ﺍﻟﺠﻨﺎﻥ ﺍﺗﻜﻨﺲ ﻓﻴﻪ ﻫﻴﺎ ﻳﺎ ﻭﻳﻪ ﺻﺒﻲ ﻳﻴﺶ ﺍﺗﻘﻮﻟﻲ ﻣﺎﻣﺎ ﻋﻠﻲ ﻫﻞ ﺍﺣﻤﺪ
ﺍﻧﺤﺲ ﻓﻲ ﺭﻭﺣﻲ ﻣﺘﺤﺸﻤﻪ ﻣﻨﻬﺎ
ﻧﺎ ؛؛ ﻫﻬﻬﻬﻬﻬﻬﻪ ﺑﻪ ﺣﺎﺿﺮ ﺗﻮ ﺍﻧﺼﺒﻲ ﺑﺲ ﺻﺒﻲ ﻭﻋﻲ ﺭﺟﺎﺀ ﻭﺍﻣﻴﺮﻩ ﺑﻴﺶ ﺍﻧﺪﻳﺮﻭ ﺍﻟﺤﺎﺟﺎﺕ ﻣﻊ
ﺑﻌﻀﻨﺎ
ﺍﻳﻤﺎﻥ؛؛ ﺑﻪ
ﻭﻃﻠﻌﺖ ﺍﻳﻤﺎﻥ ﻭﻧﺎ ﺻﺒﻴﺖ ﻭﺧﺸﻴﺖ ﻟﺤﻤﺎﻡ ﻭﺗﻮﺿﻴﺖ ﻭﺻﻠﻴﺖ ﺍﻟﺼﺒﺢ ﻭﻃﻠﻌﺖ ﻟﺠﻨﺎﻥ ﺍﻟﻘﻴﺖ
ﻣﺎﻣﺎ ﺍﻣﻘﻌﻤﺰﻩ ﻋﻠﻲ ﺍﻟﻜﺮﺳﻲ
ﺟﻴﺘﻬﺎ
ﻧﺎ ؛ ﺻﺒﺎﺡ ﺍﻟﺨﻴﺮ
ﻣﺎﻣﺎ ؛؛ ﺻﺒﺎﺡ ﺍﻟﻨﻮﺭ ﻫﺬﻩ ﺍﻟﻮﻋﻴﻪ ﻛﻴﻒ ﺍﻣﻼ ﺳﻬﺮﺍﻧﻪ ﺍﻣﺲ
ﻧﺎ ؛؛ ﺍﻫﺎ ﺍﻣﺲ ﻃﻮﻟﺖ ﻃﻮﻝ ﺍﻟﻠﻴﻞ ﻭﻧﺎ ﺍﻧﻔﻜﺮ
ﻣﺎﻣﺎ ؛؛ ﻓﻲ ﺷﻦ
ﻧﺎ ؛؛ ﻓﻲ ﻗﺼﺔ ﻣﺮﺍﺩ ﻫﺬﺍ ﻣﻦ ﻭﻳﻦ ﻃﻠﻌﻠﻲ ﻳﺎﻣﺎﻣﺎ ﺍﻧﺎ ﺍﻣﺲ ﺗﺤﺸﻤﺖ ﻣﻦ ﺧﺎﻟﺘﻲ ﺑﺲ ﺭﺍﻩ ﻧﺎ ﻣﺶ
ﻣﻮﺍﻓﻘﻪ ﻋﻠﻴﻪ
ﻣﺎﻣﺎ ؛؛ ﻭﻟﻴﺶ ﺭﺍﻓﻀﺘﻴﻪ ﻫﻜﻲ ﺑﺪﻭﻥ ﺣﺘﻲ ﻣﺎﺗﻌﻄﻴﻪ ﻭﺗﻌﻄﻲ ﻟﺮﻭﺣﻚ ﻓﺮﺻﻪ
ﻧﺎ ؛؛ ﻻﻥ ﻧﺎ ﺭﺍﻓﻀﻪ ﺍﻧﻲ ﻧﻨﺨﻄﺐ ﻟﻼﻧﺴﺎﻥ ﺍﻣﻄﻠﻖ ﻭﻋﻨﺪﻩ ﺍﻋﻴﺎﻝ ﻭﺑﻌﺪﻳﻦ ﺣﺘﻲ ﺑﻌﺪ ﻣﺎ ﻳﺴﻤﻌﻮﻫﺎ
ﺍﻋﻤﺎﻣﻲ ﻭﻋﻤﺎﺗﻲ ﻭﺍﻟﻠﻪ ﻳﻀﺤﻜﻮ ﻋﻠﻴﺎ ﺍﻳﻘﻮﻟﻮ ﻣﺎ ﻟﻘﺖ ﻣﻦ ﻳﺎﺧﺬﻫﺎ ﺧﺬﺕ ﻭﺍﺣﺪ ﻣﻄﻠﻖ ﻭﻛﺒﻴﺮ
ﻋﻠﻴﻬﺎ
ﻣﺎﻣﺎ ؛؛ ﺍﻧﺘﻲ ﻗﺼﺪﻙ ﻣﺶ ﺍﻋﻤﺎﻣﻚ ﻭﻋﻤﺎﺗﻚ ﺑﺲ ﺍﻧﺘﻲ ﻗﺼﺪﻙ ﺣﺘﻲ ﻫﻴﺜﻢ ﻳﺴﻤﻌﻚ ﺍﻧﺨﻄﺒﺘﻲ
ﻟﻤﻄﻠﻖ ﻳﻀﺤﻚ ﺻﺢ
ﻧﺎ ؛ ﺑﺤﺘﺖ ﻟﻮﻃﻪ ﺣﺴﻴﺖ ﻛﻠﻤﺔ ﻣﺎﻣﺎ ﺟﺖ ﻋﻠﻲ ﺍﻟﻔﺎﻫﻖ
ﻣﺎﻣﺎ ؛؛ ﻭﻳﻪ ﻫﻴﺜﻢ ﻫﺬﺍ ﺧﻼﺹ ﻓﻮﺗﻴﻪ ﻣﻦ ﻫﻮ ﻧﻴﻦ ﺍﺩﻭﺭﻱ ﻓﻲ ﺍﺧﺒﺎﺭﻩ ﺭﺍﻩ ﻓﻲ ﻧﻬﺎﻳﻪ ﺑﻜﻞ ﺣﺘﻲ
ﺩﻭﻩ ﻣﺎ ﻣﺎ ﺩﻭﻳﺘﻲ ﻣﻌﻪ ﻋﻠﻲ ﻓﻮﻥ ﻓﻘﻂ ﻻ ﺍﻛﺘﺮ ﺍﻭﻋﻴﺖ ﻓﻲ ﺍﻟﺪﻧﻴﺎ ﺍﻟﻘﻴﺘﻲ ﺭﻭﺣﻚ ﻣﺤﺠﻮﺯﻩ ﻟﻠﻮﻟﺪ
ﻋﻤﻚ ﻫﺬﺍ ﺑﺪﻭﻥ ﺣﺘﻲ ﻣﺎﺍﺗﺤﺒﻴﻪ ﻳﻌﻨﻲ ﻣﺎﻋﻄﻴﺘﻴﺶ ﻟﺮﻭﺣﻚ ﺍﺗﺤﺒﻴﻪ ﺍﻭ ﺍﺗﺸﻮﻓﻲ ﺷﺨﺺ ﺗﺎﻧﻲ
ﻧﻴﻦ ﺍﺗﺤﺒﻲ ﻭﺗﻌﺮﻓﻲ ﻗﻴﻤﺔ ﺍﻟﺤﺐ ﻫﻴﺜﻢ ﻛﺎﻧﺖ ﺣﺎﺟﻪ ﻣﻔﺮﻭﺿﻪ ﻋﻠﻴﻜﻲ ﻭﻧﺎ ﻣﺎﻛﺘﺘﺶ ﻧﺒﻴﻚ ﺗﺎﺧﺬﻳﻪ
ﻻﻧﻲ ﻋﺎﺭﻓﺘﻪ ﻭﻋﺎﺭﻓﻪ ﺍﻣﻪ ﻣﺶ ﺭﺍﺡ ﺍﻳﺮﺣﻮﻙ ﺑﺲ ﺯﻣﺎﻥ ﻟﻤﺎ ﺟﺎ ﻫﻮ ﻭﺑﻌﺪﻫﺎ ﺟﻴﺘﻲ ﺍﻧﺘﻲ ﻛﻠﻬﻢ ﻗﺎﻟﻮ
ﻫﻴﺜﻢ ﻝ ﺍﻳﻪ ﻭ ﺍﻳﻪ ﻝ ﻫﻴﺜﻢ ﺑﺪﻭﻥ ﻣﺎﺍﻳﻔﻜﺮﻭ ﻳﻌﻨﻲ ﺩﺍﺭﻭ ﻟﻘﻄﻪ ﺟﻬﻞ ﻭﺑﻌﺪﻳﻦ ﺍﻧﺘﻲ ﺑﺎ ﺍﻳﻪ
ﻣﺎﻋﺸﺘﻴﺶ ﻣﻌﻪ ﺷﻮﻓﻲ ﺍﻧﺘﻲ ﻣﻦ ﺳﻨﻪ 1 ﺛﺎﻧﻮﻱ ﺍﻧﻔﺴﺨﺖ ﺧﻄﺒﺘﻜﻢ ﺑﺪﻭﻥ ﻣﺎﺗﺤﻜﻲ ﻣﻌﻪ ﻭﻻ ﻫﻮ
ﻳﺤﻜﻲ ﻣﻌﺎﻙ ﺍﻧﺘﻮ ﻗﺒﻞ ﻗﻌﺪﺗﻮ ﺿﺤﺎﻳﺎ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﻭﺷﻮﻓﻲ ﺭﺑﻲ ﻣﺎﺧﻠﻜﺶ ﻣﻦ ﻧﺼﻴﺒﻪ
ﻧﺎ ؛؛ ﺑﺲ ﻳﺎ ﻣﺎﻣﺎ ﻧﺎ ﻧﺒﻴﺶ ﻧﻨﺨﻄﺐ
ﻣﺎﻣﺎ ؛؛ ﻋﺎﺭﻓﻪ ﺍﻧﺎ ﺷﺎﻳﻔﺘﻪ ﻣﺮﺍﺩ ﻫﺬﺍ ﻫﻮ ﺣﻠﻮ ﺑﻜﻞ ﻭﺷﺨﺼﻴﺔ ﻗﻮﻳﻪ ﻭﻳﻨﺤﺐ ﻭﺍﻳﺨﺶ ﻟﻘﻠﺐ ﻃﻮﻝ
ﺍﻧﺘﻲ ﺷﻮﻓﻴﻪ ﻗﺒﻞ
ﻭﻗﻌﺪﻧﺎ ﺍﻧﻬﺪﺭﺯﻭ ﻧﺎ ﻭﻣﺎﻣﺎ ﺍﻗﺮﻳﺐ ﻧﺺ ﺳﺎﻋﻪ ﻭﻫﻲ ﺗﻘﻨﻊ ﻓﻴﺎ ﻋﻠﻲ ﻣﺮﺍﺩ
ﻧﺎ ؛؛ ﻫﻴﻴﻴﻴﻴﻴﻴﻲ ﺍﻧﺴﻴﺖ ﺑﻜﻞ
ﻣﺎﻣﺎ ؛؛ ﻛﻨﻚ
ﻧﺎ ؛؛ ﺍﺳﺎﺱ ﻧﺎ ﺟﺎﻳﺘﻚ ﻧﺒﻲ ﺍﻧﻘﻮﻟﻚ ﺭﺍﻩ ﻫﻞ ﺍﺣﻤﺪ ﺡ ﺍﻳﺠﻮ ﺍﻟﻴﻮﻡ ﺑﻴﺶ ﻧﺘﻔﻘﻮ ﻋﻠﻲ ﺍﻟﺒﻴﺎﻥ ﻭﻳﺒﻮ
ﺍﻳﺠﺒﻮ ﺍﻟﻔﻠﻮﺱ ﺑﻴﺶ ﻧﺸﺮﻭ ﺩﺑﺶ ﻟﺒﻴﺎﻥ
ﻣﺎﻣﺎ ؛؛ ﺍﻫﺎ ﺑﻪ ﺑﺲ ﻭﺧﺬﺕ ﺍﻟﻔﻠﻮﺱ ﻫﺬﻳﻦ ﺻﻌﺒﻪ ﺍﺷﻮﻳﻪ ﻧﺴﺎﻝ ﺧﻮﺗﻚ ﻗﺒﻞ
ﻧﺎ ؛؛ ﺑﺲ ﻳﺎ ﻣﺎﻣﺎ ﻫﺬﺍ ﻣﻦ ﺣﻘﻪ ﺍﻳﻤﺎﻥ ﺗﺸﺮﻱ ﺩﺑﺸﻬﺎ ﺍﻭﺣﺪﻫﺎ
ﻣﺎﻣﺎ ؛؛ ﺍﻳﻪ ﺍﻧﺎ ﻣﺎ ﻧﺒﻴﺶ ﻣﺸﺎﻛﻞ ﻣﻊ ﺧﻮﺗﻚ ﻫﻢ ﺷﻜﻠﻬﻢ ﺫﻭﻗﻬﻢ ﺣﻠﻮ ﻭﺗﻮ ﻳﺸﺮﻭﻟﻬﺎ ﺩﺑﺶ ﻋﻠﻲ
ﺫﻭﻗﻬﻢ
ﻧﺎ ؛ ﺑﻪ ﻧﺎ ﻧﺒﻲ ﻧﺪﻳﺮ ﺣﺎﺟﺎﺕ ﻋﻠﻲ ﺟﻴﺖ ﺍﻟﻌﺮﺏ
ﻣﺎﻣﺎ ؛ ﺑﺎﻫﻲ ﻭ ﻣﺎﺍﺩﺭﻳﺶ ﻏﺪﺍﺀ ﺍﻟﻴﻮﻡ ﺣﻤﻮ ﻭﻣﺎﺧﻄﺮﻧﺶ ﻓﻲ ﺣﺎﺟﻪ ﺳﺎﺧﻨﻪ ﺳﺎﻫﻠﻪ ﺗﻮ ﺳﺎﻋﻪ 2 ﺗﻮ
ﺍﻧﺪﻳﺮﻭ ﺷﺮﻭﻣﻠﻪ ﻭﺑﻄﺎﻃﻪ
ﻧﺎ ؛؛ ﺑﻪ ﻭﻧﺎ ﺗﻮ ﺍﻧﺪﻳﺮ ﺑﻴﺘﺰﺍ ﻭ ﺍﻧﺪﻳﺮ ﻃﺎﺟﻴﻦ ﻟﻠﻐﺪﺍﺀ
ﻣﺎﻣﺎ ؛ ﺑﻪ
ﻭﺧﺸﻴﺖ ﻭﺍﻟﻘﻴﺖ ﺍﻳﻤﺎﻥ ﻭ ﺭﺟﺎﺀ ﺍﻳﻀﻤﻦ ﻓﻲ ﺍﻟﺤﻮﺵ ﻭﺍﻟﻘﻴﺖ ﺍﻣﻴﺮﻩ ﻓﻲ ﺍﻟﻤﻄﺒﺦ ﺍﺩﻳﺮ ﻓﻲ ﺑﻄﺎﻃﻪ
ﺍﻣﺒﻄﻨﻪ
ﻧﺎ ؛؛ ﺍﻭﻭﻭﻭﻭﻭ ﻣﺎﺷﺎﺀﺍﻟﻠﻪ ﺑﺎﺩﻳﻪ ﺑﺪﺭﻱ
ﺍﻣﻴﺮﻩ ؛؛ ﺍﺳﻜﻨﺖ ﺍﺧﺘﻚ ﻗﺎﻟﺖ ﺧﻠﻴﻨﻲ ﺍﻧﺼﺒﻲ ﺍﻧﺪﻳﺮ ﻭﻧﻔﺘﻚ ﻣﻦ ﻭﺟﻴﺠﻬﺎ ﻭﻳﻪ ﺩﻳﺮﻱ ﻋﺠﻴﻨﺖ
ﺍﻟﺒﻮﺭﻳﻚ
ﻧﺎ ؛؛ ﺣﺎﺿﺮ ﺗﻮ ﺍﻧﺪﻳﺮ ﺑﺲ ﻧﺒﻲ ﻧﻌﺠﻦ ﺑﻴﺘﺰﺍ ﺣﺘﻲ
ﺍﻣﻴﺮﻩ ؛؛ ﺑﺎﻫﻲ ﻭﺭﺍﻩ ﻃﻠﻌﺖ ﻛﻴﺲ ﻟﺤﻢ ﺑﻴﺶ ﺍﻧﺪﻳﺮﻭ ﺑﻪ ﺍﻟﻐﺪﺍﺀ
ﻧﺎ ؛؛ ﻻﻻ ﻣﺎﻣﺎ ﻗﺎﻟﺖ ﺩﻳﺮﻥ ﺍﻟﻐﺪﺍﺀ ﺧﻔﻴﻒ
ﺍﻣﺒﺮﻩ ؛؛ ﺍﺣﺴﻦ ﺍﺭﺣﻢ
ﻧﺎ ؛؛ ﻫﻬﻬﻬﻬﻬﻬﻪ ﻫﻴﺎ ﺑﺎﻫﻲ
ﻭﺑﺪﻳﻨﺎ ﻧﺎ ﻭﺍﻣﻴﺮﻩ
ﻭﺑﻌﺪ ﺳﺎﻋﻪ ﺗﻘﺮﻳﺒﺎ ﺍﺗﺨﺶ ﻋﻠﻴﻨﺎ ﻣﺎﻣﺎ
ﻣﺎﻣﺎ ؛؛ ﻫﺎ ﺷﻦ ﺍﺩﻳﺮﻥ ﻛﻤﻠﺘﻦ
ﺍﻣﻴﺮﻩ ؛؛ ﺷﺒﻪ ﻛﻤﻠﻨﺎ ﺍﻥ ﺷﺎﺀﺍﻟﻠﻪ
ﻣﺎﻣﺎ ؛؛ ﺑﺎﻫﻲ ﺭﺑﻲ ﻳﻌﻄﻴﻜﻦ ﺍﻟﺼﺤﻪ ﻭﻳﻦ ﺍﻳﻤﺎﻥ
ﻧﺎ ؛ ﺟﻮ ﻓﻲ ﺍﻟﺪﺍﺭ ﺗﻠﻘﻴﻬﺎ
ﻣﺎﻣﺎ ؛؛ ﺑﺎﻫﻲ
ﻭﻣﺸﺖ ﻣﺎﻣﺎ ﻝ ﺍﻳﻤﺎﻥ ﻓﻲ ﺍﻟﺪﺍﺭ
ﻣﺎﻣﺎ؛ ﺍﻳﻤﺎﻥ ﻓﻴﺶ ﺍﺩﻳﺮﻱ
ﺍﻳﻤﺎﻥ ؛؛ ﺷﻲﺀ ﻗﺎﻋﺪﻩ ﺍﻧﻔﻜﺮ ﺷﻦ ﻧﻼﺑﺲ
ﻣﺎﻣﺎ ؛؛ ﺍﻳﻤﺎﻥ ﺣﻜﻴﺖ ﺗﻮ ﻣﻊ ﺧﻮﻙ ﻋﺎﺩﻝ ﻭﻗﺎﻟﺘﻠﻪ ﻋﻠﻲ ﺍﻓﻠﻮﺱ ﻭﻗﺎﻟﻲ ﻻﻻ ﺧﻠﻴﻬﻢ ﺍﻟﻠﻲ ﺍﻳﺠﺒﻮ
ﺩﺑﺸﻬﻢ ﺑﺮﻭﺍﺣﻬﻢ ﻗﺎﻟﻲ ﻧﺎ ﻣﺶ ﻓﺎﺿﻲ ﻧﻄﻠﻊ ﻟﺴﻮﻕ
ﺍﻳﻤﺎﻥ ؛؛ ﻻﻻ ﻟﻴﺶ ﻳﺎ ﻣﺎﻣﺎ
ﻣﺎﻣﺎ ؛؛ ﻭﺍﻟﻠﻪ ﻳﺎ ﺍﺑﻨﻴﺘﻲ ﺧﻴﺮﻟﻚ ﺧﻴﺮ ﻣﺎﺗﻄﻠﻌﻲ ﻭﺗﻤﺸﻲ ﻣﻌﺎﻙ ﻧﻌﻴﻤﻪ ﻭﺗﻘﻌﺪ ﺗﻔﺮﺽ ﻓﻲ ﺭﻭﺣﻬﺎ
ﻋﻠﻲ ﺩﺑﺸﻜﻦ ﻭﺍﺗﺮﻭﺣﻦ ﺯﻋﻼﻧﺎﺕ
ﺍﻳﻤﺎﻥ ؛؛ ﺣﺎﺿﺮ ﻳﺎ ﻣﺎﻣﺎ ﺍﻟﻠﻲ ﺗﺒﻴﻬﺎ
ﻣﺎﻣﺎ ؛؛ ﺗﺴﻠﻤﻲ ﺣﺒﻴﺒﺘﻲ ﻭﺑﻴﺶ ﺍﺗﻜﻠﻤﻲ ﻋﻴﺖ ﺧﺎﻟﻚ ﻋﻴﺴﻲ ﻭﺧﺎﻟﺘﻚ ﺳﺎﻟﻤﻪ ﺑﻴﺶ ﺍﻳﺠﻮ
ﺍﻳﻤﺎﻥ ؛ ﺣﺎﺿﺮ ﺗﻮ ﺍﻧﺮﻥ ﻋﻠﻴﻪ
ﻭﻃﻠﻌﺖ ﻣﺎﻣﺎ
ﻭﻧﺤﻦ ﻛﻤﻠﻨﺎ ﻭﺣﻄﻴﻦ ﺍﻟﻐﺪﺍﺀ
ﻣﺎﻣﺎ ؛؛ ﻫﺎ ﺷﻦ ﺩﺭﺗﻦ
ﺍﻣﻴﺮﻩ ؛؛ ﺍﻟﻘﻴﺖ ﻣﻔﺮﻭﻡ ﻓﻲ ﺍﻟﺜﻼﺟﻪ ﺩﺭﺕ ﺑﻄﺎﻃﻪ ﺍﻣﺒﻄﻨﻪ ﻭﺑﻮﺭﻳﻚ ﺑﺠﺒﻨﻪ ﻭﺑﻴﺘﺰﺍ
ﻣﺎﻣﺎ؛ ؛ ﺑﺎﻫﻲ ﺍﻛﻮﻳﺲ
ﺍﻳﻤﺎﻥ ؛؛ ﺍﻳﻪ ﺩﺭﺗﻲ ﻛﻴﻜﺔ ﺍﻟﺸﻜﻮﻻﻃﻪ
ﻧﺎ ؛؛ ﺩﺭﺗﻬﺎ ﺑﺲ ﻣﺎﺯﺍﻝ ﻣﺎﺣﻄﻴﺖ ﺍﻟﺸﻜﻮﻻﻃﻪ
ﺍﻳﻤﺎﻥ ؛؛ ﻧﺠﻚ ﺭﺑﻲ ﻳﺤﻔﻀﻚ
ﻣﺎﻣﺎ؛ ؛ ﺍﻛﻴﺪﻩ ﺧﺎﻻﺗﻜﻦ ﺡ ﺍﺗﺠﻲ
ﺍﻳﻤﺎﻥ؛؛ ﻋﻴﺖ ﺧﺎﻟﻲ ﻋﻴﺴﻲ ﻗﺎﻟﻮ ﺗﻮ ﺍﻧﺠﻮ ﻭﺧﺎﻟﺘﻲ ﺳﺎﻟﻤﻪ ﻣﺶ ﻗﺎﻋﺪﻳﻦ ﻓﻲ ﺍﻟﺤﻮﺵ ﻃﺎﻟﻌﻴﻦ
ﺍﻟﻴﻮﻡ
ﻣﺎﻣﺎ ؛؛ ﺑﻪ
ﻭﻛﻤﻠﻨﺎ ﺍﻟﻐﺪﺍﺀ ﻭﺷﺎﻟﻦ ﺍﻟﺴﻔﺮﻩ ﻭﻟﻤﻴﻨﺎ ﺍﻟﻤﻄﺒﺦ ﻭﻃﻮﻝ ﺟﺮﻱ ﻋﻠﻲ ﺍﻟﺤﻤﺎﻣﺎﺕ
ﻭﺑﻌﺪﻫﺎ ﻏﻴﺮﻧﺎ ﺩﺑﺸﻨﺎ ﻭﺍﺳﺘﺸﻮﺭﻧﺎ
ﺍﻳﻤﺎﻥ؛ ؛ ﻭﻳﻪ ﻭﺭﺍﺱ ﻭﻳﻪ ﺩﻳﺮﻟﻲ ﺷﻌﺮﻱ ﻭﻧﺒﻴﻚ ﺍﺩﻳﺮﻟﻲ ﺭﺳﻤﺔ ﺍﻟﻌﻴﻦ ﺍﻟﻠﻲ ﻣﻦ ﻓﻮﻕ ﺑﺲ
ﻧﺎ ؛؛ ﺗﻮ ﺟﻴﺘﻨﻲ
ﺍﻳﻤﺎﻥ ؛؛ ﺗﻲ ﻣﺎﺯﺍﻟﻮ ﻣﺶ ﺟﻴﻦ ﺗﻮ
ﻧﺎ ؛؛ ﺑﻪ ﺗﻌﺎﻟﻲ
ﻟﻔﻴﺖ ﺷﻌﺮﻱ ﻓﻮﻕ ﻭﻗﻌﻤﺰﺕ ﻋﻠﻲ ﺍﻟﺴﺮﻳﺮ ﻭﺧﻠﻴﺖ ﺍﻳﻤﺎﻥ ﺍﺗﻘﻌﻤﺰ ﻟﻮﻃﻪ ﻋﻠﻲ ﺍﻟﻮﻃﺎ ﻭﺑﺪﻳﺖ ﻓﻴﻬﺎ
ﺍﺳﺘﺸﻮﺍﺭ
ﻧﺎ ؛؛ ﺍﻳﻤﺎﻥ ﺧﻼﺹ ﻛﻤﻠﺖ ﻫﻴﺎ ﺻﺒﻲ ﻭﺗﻌﺎﻟﻲ ﺑﺮﻩ ﻓﻲ ﺻﺎﻟﻪ ﺑﻴﺶ ﺍﻧﺪﻳﺮﻟﻚ ﻣﻴﻚ ﺍﺏ ﺑﺮﻩ ﻋﻠﻲ
ﺍﻟﻤﻜﻴﻒ ﺧﻴﺮ
ﺍﻳﻤﺎﻥ ؛؛ ﺑﺎﻫﻲ ﺑﺲ ﺭﺍﻩ ﻧﺒﻲ ﻧﻼﺑﺲ ﺍﻟﻘﻔﻄﺎﻥ ﺍﻻﺳﻮﺩ
ﻧﺎ ؛؛ ﻫﻴﻴﻴﻴﻲ ﺍﺳﻮﺩ ﻣﻦ ﺟﺪﻙ ﺍﻧﺘﻲ
ﺍﻳﻤﺎﻥ ؛؛ ﻫﺎ ﺑﺎﻫﻲ
ﻧﺎ ؛؛ ﻣﺶ ﻋﻨﺪﻙ ﺗﻨﻮﺭﻩ ﺍﻟﺒﻴﺞ ﺍﻟﻠﻲ ﺍﻣﺮﻛﺒﻪ ﻋﻠﻴﻬﺎ ﺑﺪﻱ ﺍﻟﻔﺼﺪﻗﻲ
ﺍﻳﻤﺎﻥ ؛؛ ﺍﺣﻼ ﻗﺼﺪﻙ
ﻧﺎ ؛؛ ﺍﻫﺎ ﺍﺣﻠﻲ ﻫﻴﺎ ﺗﻌﺎﻟﻲ ﺗﻮ ﺍﻧﺪﻳﺮﻟﻚ ﻣﻴﻚ ﺍﺏ ﺣﻠﻮ ﻭﻟﻄﻴﻒ
ﺍﻳﻤﺎﻥ ؛؛ ﻫﻴﺎ ﺗﻌﺎﻟﻲ
ﻭﻃﻠﻌﻨﺎ ﻟﺼﺎﻟﻪ ﻭﺩﺭﺗﻠﻬﺎ ﻣﻴﻚ ﺍﺏ ﺣﻠﻮ ﻭﺧﻔﻴﻒ ﺩﺭﺗﻠﻬﺎ ﺭﺳﻤﺖ ﺍﻟﻌﻴﻦ ﺍﻟﻠﻲ ﻣﻦ ﻓﻮﻕ ﺑﺲ ﻭﻣﻦ
ﺗﺤﺖ ﺩﺭﺗﻠﻬﺎ ﻗﻠﻢ ﺧﻔﻴﻒ ﺍﺧﻀﺮ ﻭﺭﻭﺝ ﻭﺭﺩﻱ ﻭﺍﺧﻤﺮ ﺧﺪﻭﺩ ﺧﻔﻴﻒ
ﻭﻛﻤﻠﻨﺎ ﻭﻧﺎ ﺻﺒﻴﺖ ﻭﻏﻴﺮﺕ ﺩﺑﺸﻲ ﻭﻻﺑﺴﺖ ﺟﻴﻨﺰ ﻭﻋﻠﻴﻪ ﺍﺑﻠﻮﺯﻩ
ﻭﻭﺗﻴﻨﺎ ﺍﺭﻭﺣﻨﺎ ﻭﺟﺖ ﺧﺎﻟﺘﻲ ﻓﺎﻃﻤﻪ
ﻭﻗﻌﻤﺰﻧﺎ ﻭﻗﻌﺪﻧﺎ ﺍﻧﻬﺪﺭﺯﻭ
ﻭﺟﻮ ﺍﻟﻌﺮﺏ ﻭﻣﺸﻲ ﺟﻮ ﺣﻠﻮ ﻃﺒﻌﺎ ﺧﺬﻭ ﻣﻦ ﺍﻳﻤﺎﻥ ﺧﺎﺗﻢ ﺑﻴﺶ ﺍﻳﺠﻴﺒﻮ ﻋﻠﻲ ﻛﺒﺮﻩ ﺩﺑﻠﻪ ﻭﺧﺬﻭ
ﺭﻗﻢ ﻛﻨﺪﺭﺗﻬﺎ ﻭﺗﻨﻮﺭﺗﻬﺎ ﻭﻫﺪﺭﺯﻭ ﻭ ﺭﻭﺣﻮ ﻭﺍﺣﻤﺪ ﻛﺎﻥ ﺟﺎﻳﺐ ﻓﻮﻥ ﻝ ﺍﻳﻤﺎﻥ ﺑﺲ ﺳﺮﻱ
ﻭﺍﺗﻔﻘﻨﺎ ﻋﻠﻲ ﺍﻥ ﻳﻮﻡ ﺍﻟﺨﻤﻴﺲ ﺍﻟﺠﺎﻱ ﺍﻟﺒﻴﺎﻥ
ﻭﻣﺸﻦ ﺍﻻﻳﺎﻡ ﻭﺟﻦ ﺍﻻﻳﺎﻡ ﻭﺗﻤﻴﻨﺎ ﺍﻧﻮﺗﻮ ﻓﻲ ﺍﻟﺒﻴﺎﻥ
ﻭﻳﻮﻡ ﺍﻻﺣﺪ
ﻣﺎﻣﺎ ؛؛ ﻋﺎﺩﻝ ﺍﻟﻠﻪ ﺍﻳﺮﺑﺤﻚ ﺍﻟﻴﻮﻡ ﻓﻲ ﺍﻟﻌﺸﻴﻪ ﺍﻃﻠﻊ ﺑﺎﺧﺘﻚ ﺑﻴﺶ ﺗﺸﺮﻱ ﻗﻔﻄﺎﻥ ﺧﻼﺹ ﻭﻗﺖ
ﻋﻠﻴﻬﺎ ﻭﺑﻌﺪﻳﻦ ﺭﺍﻩ ﺗﺒﻲ ﻛﻮﺍﻓﻴﺮ ﺑﻴﺶ ﺗﺤﺠﺰ
ﻋﺎﺩﻝ ؛؛ ﻭﺍﻧﺘﻦ ﻛﻨﻜﻦ ﺍﻣﻜﺒﺮﺍﺕ ﺍﻟﺸﻄﺤﻪ ﺍﻟﻴﻮﻡ ﺗﻮ ﺍﻧﺸﻴﻠﻬﺎ ﺗﺸﺮﻱ ﺑﺲ ﺍﻟﻜﻮﺍﻓﻴﺮ ﻓﻜﻴﻨﺎ ﻣﻨﻬﺎ ﺍﻫﻮ
ﺍﻳﻪ ﻭﺍﻣﻴﺮﻩ ﺗﻮ ﺍﺩﻳﺮﻟﻬﺎ
ﻣﺎﻣﺎ ؛؛ ﻋﺎﺩﻝ ﺣﺮﺍﻡ ﻋﻠﻴﻚ ﻓﺮﺣﺖ ﺍﺧﺘﻚ ﻣﺎﺗﻨﻘﺼﻬﺎ
ﻋﺎﺩﻝ ؛؛ ﻳﺎ ﺍﻣﻲ ﻭﺍﻟﻠﻪ ﻫﺎﻟﻜﻮﺍﻓﻴﺮ ﻓﻜﻴﻨﺎ ﻣﻨﺎ
ﻣﺎﻣﺎ ؛؛ ﺑﺎﻫﻲ ﺳﺎﻫﻠﻪ ﺗﻮ ﻓﻲ ﺍﻟﻌﺸﻴﻪ ﺑﻴﺶ ﺍﻃﻠﻌﻪ
ﻋﺎﺩﻝ ؛؛ ﺣﺎﺿﺮ
ﻭﺟﺘﻨﺎ ﻣﺎﻣﺎ ﻭﻗﺎﻟﺘﻬﺎ ﻟﻨﺎ
ﺍﻳﻤﺎﻥ ؛؛ ﻋﻠﻴﻚ ﻗﺼﻪ ﺗﻲ ﺍﻛﻴﺪﻩ ﻧﻌﻴﻤﻪ ﺡ ﺗﻤﺸﻲ ﻭﺗﺸﺮﻁ ﻭﺍﺟﺪ ﻋﻠﻴﻨﺎ
ﻣﺎﻣﺎ ؛؛ ﺍﻳﻤﺎﻥ ﺗﺒﻲ ﺍﻟﻜﻮﺍﻓﻴﺮ ﺍﻧﺘﻲ ﻭﺍﻟﻠﻪ ﻛﺎﻥ ﺍﺩﻳﺮﻟﻚ ﺍﻳﻪ ﺧﻴﺮﻟﻚ
ﺍﻳﻤﺎﻥ ؛؛ ﻻﻻ ﺣﺘﻲ ﺍﻣﻴﺮﻩ ﺍﻗﻨﻌﺘﻨﻲ ﻗﺎﻟﺖ ﺍﻳﻪ ﺧﻴﺮ ﻻﻥ ﻧﺎ ﻧﺒﻲ ﻣﻴﻚ ﺍﺏ ﺧﻔﻴﻒ ﺟﺪﺍ
ﻣﺎﻣﺎ ؛؛ ﺍﻟﻠﻪ ﺍﻳﺮﺑﺤﻚ ﺧﻼﺹ ﺗﻮ ﺍﻧﻜﻠﻢ ﺧﺎﻟﺘﻚ ﻓﺎﻃﻤﻪ ﺍﺗﺠﻴﺐ ﺍﻟﺤﻨﻪ ﻭﺍﻟﺼﻘﻪ ﻭﺍﺗﺤﻨﻴﻚ ﻫﻨﺎ
ﺍﻳﻤﺎﻥ ؛؛ ﺣﺎﺿﺮ ﺍﻟﺤﻤﺪﺍﻟﻠﻪ ﺍﻥ ﻋﻨﺪﻧﺎ ﻭﺣﺪﻩ ﺷﺎﻃﺮﻩ ﺑﻴﺶ ﻧﻌﺒﻮ ﻋﻠﻴﻬﺎ
ﻧﺎ ؛؛ ﻫﻬﻬﻬﻬﻬﻬﻪ ﺷﻦ ﺗﺸﺤﻨﻲ ﻓﻴﺎ ﺍﻧﺘﻲ
ﻭﺣﻄﻴﻨﺎ ﺍﻟﻐﺪﺍﺀ ﻭﺗﻐﺪﻳﻨﺎ ﻭﺑﺪﻳﻨﺎ ﻧﺎ ﻭﺍﻟﺒﻨﺎﺕ ﺍﻧﻜﺘﻮ ﻓﻲ ﺍﻟﺤﻮﺵ ﻭﺍﺫﻥ ﺍﻟﻌﺼﺮ ﻭﺧﺸﺖ ﺍﻳﻤﺎﻥ ﺩﺍﺭﺕ
ﺩﻭﺵ
ﻋﺎﺩﻝ ؛؛ ﺍﻳﻤﺎﻥ ﻳﺎ ﺍﻳﻤﺎﻥ ﻫﻴﺎ
ﻣﺎﻣﺎ ؛؛ ﺍﻫﻲ ﻃﺎﻟﻌﻪ ﻗﺎﻋﺪﻩ ﺗﻼﺑﺲ ﺑﺲ
ﻋﺎﺩﻝ ؛؛ ﺷﻦ ﺗﻼﺑﺲ ﺧﻠﻴﻬﺎ ﺗﻼﺑﺲ ﻋﺒﺎﻳﻪ ﻭﺧﻤﺎﺭ ﺍﻧﻲ ﻗﺎﻟﺖ ﺍﺗﺤﻂ ﺍﻟﺨﻤﺎﺭ ﺧﻼﺹ ﺗﻮ
ﻣﺎﻣﺎ ؛؛ ﺑﺎﻫﻲ
ﻭﺧﺸﺖ ﻣﺎﻣﺎ ﻋﻠﻲ ﺍﻳﻤﺎﻥ
ﻣﺎﻣﺎ ؛؛ ﺍﻟﻠﻪ ﺍﻳﺮﺑﺤﻚ ﺍﻻﺑﺴﻲ ﺍﻟﺨﻤﺎﺭ ﻭﻓﻜﻴﻨﺎ ﻣﻦ ﺣﺲ ﺧﻮﻙ
ﺍﻳﻤﺎﻥ ؛؛ ﺣﺎﺿﺮ ﻳﺎ ﻣﺎﻣﺎ ﺍﺳﺎﺱ ﺣﺘﻲ ﺍﺣﻤﺪ ﻗﺎﻟﻲ ﺍﻻﺑﺴﻲ ﺍﻟﺨﻤﺎﺭ
ﻣﺎﻣﺎ ؛؛ ﺑﺎﻫﻲ ﺍﻟﻠﻪ ﻳﺮﺑﺤﻚ
ﻭﺣﻄﺖ ﺍﻳﻤﺎﻥ ﺍﻟﻌﺒﺎﻳﻪ ﻭ ﺍﻟﺨﻤﺎﺭ ﻭﺍﻃﻠﻌﺖ ﻃﻮﻝ
ﻭﺑﻌﺪ ﺳﺎﻋﺘﻴﻦ ﺍﺗﺨﺶ ﻋﻠﻴﻨﺎ ﺗﻌﺒﺎﻧﻪ ﻭﺗﻼﻓﻨﺎ
ﻧﺤﻦ ؛؛ ﺍﻭﻭﻭﻭﻭﻭﻭ ﺷﺮﻳﺘﻲ
ﺍﻳﻤﺎﻥ؛ ؛ ﺍﻫﺎ ﺷﺮﻳﺖ ﺍﻫﻮ ﺷﻮﻓﻨﺎ ﻭﻗﻮﻟﻨﻲ ﺭﺍﻳﻜﻦ
ﻭﻃﻠﻌﺖ ﻧﺎ ﻣﻦ ﺍﻟﻜﻴﺲ ﻭﺍﻟﻘﻴﺘﻪ ﺍﻳﺠﻨﻨﻨﻨﻦ ﻓﻮﺷﻲ ﻭﺷﻜﻠﻪ ﺍﻳﻬﺒﻞ ﻭﻛﻴﻒ ﺍﻟﺤﻮﺗﻪ
ﺭﺟﺎﺀ ؛؛ ﺍﻳﺠﻨﻨﻨﻨﻨﻨﻨﻨﻨﻨﻨﻦ ﺑﻜﻞ
ﺍﻣﻴﺮﻩ ؛؛ ﺫﻭﻗﻚ ﺻﺢ
ﺍﻳﻤﺎﻥ ؛؛ ﺍﻫﺎ ﺑﺲ ﺍﻟﺤﻖ ﺣﺘﻲ ﻧﻌﻴﻤﻪ ﺳﺎﻋﺪﺗﻨﻲ ﻓﻴﻪ ﻧﺎ ﺍﺣﺘﺮﺕ ﺑﻴﻦ ﺍﺛﻨﻴﻦ ﻭﻫﻲ ﺍﻟﻠﻲ ﺷﺠﻌﺘﻨﻲ
ﻋﻠﻲ ﻫﺬﺍ ﺍﻟﺤﻖ
ﺭﺟﺎﺀ ؛؛ ﺍﻛﻴﺪﻩ ﺍﻟﺘﺎﻧﻲ ﺍﺟﻤﻞ ﺻﺢ
ﺍﻳﻤﺎﻥ ؛؛ ﻫﻬﻬﻬﻬﻬﻬﻬﻪ ﻫﺬﺍﻛﻲ ﻟﻮﻧﻪ ﺷﻴﻦ ﻣﺎﺟﺶ ﻋﻠﻴﺎ ﺣﻠﻮ ﺑﺲ ﻙ ﺍﻟﻮﻥ ﻫﺬﺍ ﺍﺣﻠﻲ ﻭﻫﻲ ﻗﺎﻟﺖ
ﺩﻳﻤﻪ ﻟﻮﻥ ﻗﻔﻄﺎﻥ ﺍﻟﺒﻴﺎﻥ ﻓﻮﺷﻲ
ﻧﺎ ؛؛ ﺑﺲ ﺍﻟﺤﻖ ﺍﻟﺤﻖ ﺍﻳﺠﻨﻨﻨﻨﻨﻨﻨﻦ ﻧﺒﻲ ﺍﻧﻌﺪﻱ ﺍﻧﻘﻴﺴﻪ
ﺍﻳﻤﺎﻥ ؛؛ ﻋﺪﻱ ﻳﺎﺣﻨﻪ
ﻭﺧﺬﻳﺘﻪ ﻭﺧﺸﻴﺖ ﺑﻪ ﻟﺪﺍﺭ ﻭﻻﺑﺴﺘﻪ ﻭﺍﻭﻝ ﻣﺎﻻﺑﺴﺘﻪ ﻭﺷﻔﺖ ﺭﻭﺣﻲ ﺍﻟﺤﻖ ﻋﺠﺒﻨﻲ ﺍﻛﺘﺮ ﻭﺣﺘﻲ
ﺍﻥ ﺗﻤﻴﺖ ﺍﻧﺘﺨﺎﻳﻞ ﻓﻲ ﺭﻭﺣﻲ ﻭﻧﺎ ﻋﺮﻭﺱ ﻣﺎﺻﺪﻗﺘﺶ ﻧﻔﺴﻲ ﻭﻃﻠﻌﺖ ﻃﻮﻝ ﻋﻠﻴﻬﻢ
ﺍﻣﻴﺮﻩ ؛؛ ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ ﻟﻮﻭﻭﻭﻭﻭﻭﻭﻭﻭﻭﻭﻭﻭ
ﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ
ﻧﺎ ؛؛ ﺳﻤﺢ ﺻﺎﺡ
ﺍﻳﻤﺎﻥ ؛؛ ﺍﺗﺼﺪﻗﻲ ﺟﺎﻱ ﻋﻠﻴﻚ ﺍﺣﻠﻲ ﻣﻨﻲ
ﻧﺎ ؛؛ ﻫﻬﻬﻬﻬﻬﻬﻪ ﻛﻨﻚ ﺍﻣﻐﻴﺮ ﺗﺴﻠﻤﻲ
ﺧﻄﺮﻫﺎ ﻳﺎ ﺍﻳﻤﺎﻥ ﺟﺒﺘﻲ ﺍﻟﻤﻴﻚ ﺍﻟﻠﻲ ﻗﺎﻟﺘﻠﻚ ﻋﻠﻴﻬﻦ
ﺍﻳﻤﺎﻥ ؛؛ ﺍﻫﺎ ﺟﺒﺖ ﺍﻛﺮﻳﻢ ﺍﺳﺎﺱ ﻭﻋﺒﻠﻪ ﺭﻳﻤﺎﻝ ﻭﻟﻤﺎ ﺍﺧﺘﺮﺕ ﺍﻟﻘﻔﻄﺎﻥ ﺟﺒﺖ ﺭﻭﺝ ﻓﻮﺷﻲ
ﻧﺎ ؛؛ ﻭﺍﻟﻌﺪﺳﺎﺕ
ﺍﻳﻤﺎﻥ ؛؛ ﺍﻫﺎ ﺟﺒﺘﻬﻦ ﻫﻨﻦ
ﻧﺎ ؛؛ ﺍﻟﺨﺮﺵ ﺻﺢ
ﺍﻳﻤﺎﻥ ؛؛ ﻧﻘﺎﻧﻲ ﺟﺒﺘﻬﻦ ﻛﻴﻒ ﺍﻟﺮﺻﺎﺻﻲ ﻋﺠﺒﻨﻲ ﺍﻛﺘﺮ
ﻧﺎ ؛؛ ﻛﺬﺍ ﻭﺭﻳﻨﻲ
ﺍﻭﻭﻭﻭﻭﻭﻭﻭ ﺍﻳﻬﺒﻼﻥ ﻫﺬﻳﻦ ﺗﻮ ﺍﻧﻼﺑﺴﻬﻦ ﻟﻜﻲ ﺑﺎﻫﻲ ﻭﺍﻟﺮﻣﻮﺵ
ﺍﻳﻤﺎﻥ ؛؛ ﺍﻫﺎ ﺟﺒﺘﻬﻦ ﻭﻫﻪ ﺷﻮﻓﻲ ﺍﻟﻜﻴﺲ ﻭﺍﻟﻠﻲ ﻧﺎﻗﺼﻪ ﻗﻮﻟﻴﻬﺎ ﻟﺨﺎﻟﺘﻲ ﻓﺎﻃﻤﻪ
ﺭﺟﺎﺀ ؛؛ ﺍﻳﻪ ﺍﻧﺘﻲ ﻛﺎﻥ ﺗﻔﺘﺤﻲ ﻛﻮﺍﻓﻴﺮ ﺧﻴﺮﻟﻚ
ﻧﺎ ؛؛ ﻫﻬﻬﻬﻬﻬﻬﻪ ﺗﺨﻴﻼﻥ
ﺍﻣﻴﺮﻩ ؛؛ ﻛﻮﺍﻓﻴﺮﻩ ﻣﺮﺍﺕ ﺩﻛﺘﻮﺭ ﻛﺒﻴﺮ ﻫﻬﻬﻬﻬﻬﻬﻬﻬﻬﻬﻬﻬﻪ
ﻧﺎ ؛؛ ﻫﻬﻬﻬﻬﻪ ﻋﻠﻲ ﺍﺳﺎﺱ ﻳﻌﻨﻲ
ﻭﻣﺸﺖ ﺍﻻﻳﺎﻡ
ﻭﺟﺎ ﻳﻮﻡ ﺍﻟﺜﻼﺛﺎﺀ ﻭﺟﺖ ﺧﺎﻟﺘﻲ ﻓﺎﻃﻤﻪ ﻭﺣﻨﻴﻨﺎ ﺍﻳﻤﺎﻥ ﻭﻳﻮﻡ ﺍﻷﺭﺑﻌﺎﺀ ﺍﻭﻋﻴﻨﺎ ﻣﻦ ﺩﺭﺕ ﻓﺘﻠﻪ
ﻭﺣﻮﺍﺟﺐ ﻝ ﺍﻳﻤﺎﻥ ﻭﺣﻄﻴﺘﻠﻬﺎ ﺍﻟﺨﻴﺎﺭ ﻭ ﺩﺭﻧﺎ ﻣﻮﺍﻟﺢ
ﻭﻃﻮﻝ ﺍﻟﻴﻮﻡ ﺧﻠﻴﺖ ﺍﻳﻤﺎﻥ ﺩﺍﻳﺮﻩ ﺯﻳﺖ ﻟﺸﻌﺮ ﻭﺍﻣﻐﻄﻴﻪ ﺭﻭﺣﻬﺎ ﺑﻴﺶ ﺍﺗﻜﻮﻥ ﺍﻟﺤﻨﻪ ﺻﺎﺑﻐﻪ
ﻭﺟﻦ ﺑﻨﺎﺕ ﺧﺎﻟﺘﻲ ﻓﻲ ﺍﻟﻠﻴﻞ ﻭﻗﻌﺪﻥ ﺍﻧﺪﺭﺑﻜﻮ ﻭﺩﺭﻥ ﺟﻮ ﻭﺑﺎﺗﻦ
ﻭﻃﻮﻝ ﺍﻟﻠﻴﻞ ﻭﻧﺤﻦ ﻧﻬﺪﺭﺯﻭ ﻭﺍﻧﺎﺑﺸﻮ ﻓﻲ ﺍﻳﻤﺎﻥ ﻻﻥ ﺧﻼﺹ ﺑﻜﺮﻩ ﺡ ﺍﺩﻳﺮ ﺟﻮ ﺑﺮﺳﺘﻴﺞ ﻭﻋﻠﻲ
ﺍﺳﺎﺱ ﻋﺮﻭﺳﻪ
ﺍﻳﻤﺎﻥ ؛؛ ﻫﻬﻬﻬﻬﻬﻪ ﺷﻦ ﺗﻀﺤﻜﻦ ﻋﻠﻴﺎ ﺍﻧﺘﻦ ﻣﺎ ﺣﺘﻲ ﺍﻧﺘﻦ ﺗﺒﻲ ﺗﻘﻌﺪﻥ ﻋﺮﻭﺳﺎﺕ ﻭﺍﻧﺘﻲ ﺑﺬﺍﺕ ﻳﺎ
ﺍﻳﻪ ﺍﻗﺮﻳﺐ ﺍﻧﺖ ﻓﺮﺣﻚ
ﺩﻋﺎﺀ ؛؛ ﺧﻄﺮﻫﺎ ﻳﺎ ﺍﻳﻪ ﺷﻦ ﺻﺎﺭ ﻓﻴﻚ
ﻧﺎ ؛؛ ﻣﺎﺻﺎﺭ ﺷﻲﺀ ﺷﻜﻠﻬﻢ ﻏﻴﺮﻭ ﺭﺍﻳﻬﻢ ﻫﻬﻬﻬﻬﻬﻬﻬﻬﻬﻪ ﺟﺖ ﻣﻨﻚ ﻳﺎ ﺟﺎﻣﻊ
ﺍﻣﻞ ؛؛ ﻫﻬﻬﻬﻬﻬﻬﻬﻪ ﺣﺮﺍﻡ ﻋﻠﻴﻚ
ﻭﻧﺤﻦ ﺍﻧﻬﺪﺭﺯﻭ ﻓﻲ ﺍﻟﺪﺍﺭ ﺳﻤﻌﻨﺎ ﺻﻮﺕ ﺧﺎﻟﺪ ﻭﻫﻮ ﺧﺎﺵ ﻟﻠﺤﻮﺵ
ﺍﻣﻞ ؛؛ ﻫﻴﻴﻴﻴﻴﻲ ﺍﻛﻴﺪﻩ ﺧﺎﻟﺪ ﺻﺢ
ﻧﺎ ؛؛ ﻫﻬﻬﻬﻪ ﻻﻻ ﺍﻛﻴﺪﻩ ﺳﺮﺍﻕ ﻫﺎ ﻣﻦ ﺍﻣﻼﻩ ﻳﺎ ﻫﻤﻲ
ﺍﻣﻞ ؛ ﻧﻘﺎﻧﻲ ﻧﺒﻲ ﻧﻄﻠﻊ ﺍﻧﺪﻳﺮ ﺭﻭﺣﻲ ﻧﺸﺮﺏ ﻓﻲ ﻣﻴﻪ
ﺭﺟﺎﺀ ؛؛ ﺍﻓﻄﻨﻲ ﺭﺍﻩ ﺍﺗﺸﻮﻓﻚ ﺍﻣﻚ ﻭﻻ ﻣﺎﻣﺎ
ﺍﻣﻞ ؛؛ ﻫﻬﻬﻪ ﻻﻻ ﺍﻃﻤﻨﻲ
ﻭﺻﺒﺖ ﺍﻣﻞ ﻭﺑﺤﺘﺖ ﻓﻲ ﺭﻭﺣﻬﺎ ﻋﻠﻲ ﺍﻟﻤﺮﺍﻳﻪ ﻭﺩﺍﺭﺕ ﺟﻮ ﻟﺸﻌﺮﻫﺎ ﻭﺭﻓﻌﺖ ﻭﺍﺣﺪ ﻣﻦ ﺳﺮﻭﺍﻳﻠﻬﺎ
ﻋﻠﻲ ﺍﺳﺎﺱ ﻛﺎﻧﺖ ﺭﺍﻗﺪﻩ
ﻭﺍﻃﻠﻌﺖ
ﺭﺟﺎﺀ ؛؛ ﻫﻴﺎ ﻳﺎ ﺣﻨﺎﺗﻲ ﺍﻧﺘﺸﺮﻥ ﻧﺒﻮ ﻧﺤﻜﻮ ﻋﻠﻲ ﺍﻟﻔﻮﻥ ﻫﻲ ﻛﻞ ﻭﺣﺪﻩ ﺍﺗﺸﻮﻑ ﻣﺴﺘﻘﺒﻠﻬﺎ
ﻧﺎ ؛؛ ﻫﻬﻬﻬﻬﻬﻪ ﺷﻜﻠﻚ ﺣﻘﻴﺮﻩ ﺑﻜﻞ ﺍﻧﺘﻲ
ﺭﺟﺎﺀ ؛؛ ﺷﻦ ﺣﻘﻴﺮﻩ ﺣﻘﻴﺮﻩ ﻋﻠﺸﺎﻥ ﻧﺒﻲ ﻧﻀﻤﻦ ﻣﺴﺘﻘﺒﻠﻲ ﻳﺎ ﺣﻨﻪ ﻣﺶ ﻛﺎﻥ ﺟﺎﻙ ﺍﻧﺘﻲ ﻣﺘﺮﻳﺤﻪ
ﺩﻛﺘﻮﺭ ﻣﻌﻨﺎﺗﻬﺎ ﻛﻠﻨﺎ ﻫﻜﻲ
ﺍﻣﻴﺮﻩ ؛؛ ﻫﻬﻬﻬﻬﻬﻬﻪ ﻧﻘﻲ ﻋﻠﻴﻬﺎ ﺍﻧﺘﻲ
ﺩﻋﺎﺀ؛؛ ﻫﻬﻬﻬﻬﻪ ﻫﻴﺎ ﻳﺎﺍﻣﻴﺮﻩ ﺍﻃﻠﻌﻲ ﻻﻧﻲ ﻧﺎ ﻧﺒﻲ ﻧﺤﻜﻲ ﻭﻭﺍﻧﺘﻲ ﻛﺎﻥ ﻗﻌﺪﺗﻲ ﻫﻨﺎ ﺗﻮ ﻭﻟﻴﺪ ﻳﺴﻤﻊ
ﺻﻮﺗﻲ
ﺍﻣﻴﺮﻩ ؛؛ ﻻﻻﻻ ﺗﺮﻳﺤﻲ ﻳﺎ ﺣﻨﻪ ﻧﺎ ﻭ ﻭﻟﻴﺪ ﺗﻜﻴﻨﻬﺎ ﻣﺎﻧﺤﻜﻴﺶ ﻣﻌﻪ
ﺩﻋﺎﺀ ؛؛ ﻋﻠﻴﺶ
ﺍﻣﻴﺮﻩ؛؛ ﺍﻣﻮﺭ ﺧﺼﻮﺻﻴﻪ ﺍﻧﺘﻲ ﺷﻦ ﺩﺧﻠﻚ
ﻭﺭﻥ ﻓﻮﻥ ﺍﻳﻤﺎﻥ
ﻭﺧﺸﺖ ﺍﻳﻤﺎﻥ ﺗﺤﺖ ﺍﻟﻔﻮﻃﻪ ﻭﺑﺪﺕ ﺗﺤﻜﻲ ﻣﻊ ﺍﺣﻤﺪ
ﻭﺭﺟﺎﺀ ﺑﺪﺕ ﺗﺤﻜﻲ ﻣﻊ ﺳﺮﺍﺝ
ﻭﺩﻋﺎﺀ ﻛﺬﻟﻚ ﺑﺲ ﻫﻲ ﻣﻊ ﻣﺠﻬﻮﻝ
ﻭﻧﺎ ﻭﺍﻣﻴﺮﻩ ﺣﻄﻴﻦ ﺭﺍﺳﻦ ﻋﻠﻲ ﺍﻟﻤﺨﺪﻩ ﻭﺍﻗﻌﺪﺕ ﻛﻞ ﻭﺣﺪﻩ ﻓﻴﻨﺎ ﺍﺗﻔﻜﺮ ﻓﻲ ﻣﺴﺘﻘﺒﻠﻬﺎ ﻧﺎ ﺍﻧﻔﻜﺮ ﻓﻲ
ﻣﺮﺍﺩ ﺍﻟﻠﻲ ﻧﺒﻲ ﻧﺰﻭﺟﻪ ﺑﺪﻭﻥ ﻣﺎﻧﻌﺮﻓﻪ ﻭﻻ ﻧﻌﺮﻑ ﺣﺘﻲ ﺷﺨﺼﻴﺘﻪ
ﻭﺍﻣﻴﺮﻩ ﺍﺗﻔﻜﺮ ﻓﻲ ﻭﻟﻴﺪ ﺍﻟﻠﻲ ﻣﻌﺶ ﺧﺬ ﻣﻮﺿﻮﻋﻬﻢ ﺭﺳﻤﻲ ﻭﺣﺴﺖ ﺭﻭﺣﻬﺎ ﻃﻮﻟﺖ ﻣﻌﻪ ﻭﺍﺟﺪ
ﻭﻫﻮ ﻣﺎﺩﺭﺵ ﺍﻱ ﺧﻄﻮﻩ ﺭﺳﻤﻴﻪ ﻫﻮ ﺻﺢ ﻇﺮﻭﻓﻪ ﻣﺎﻳﺴﻤﺤﻨﺶ ﺍﻥ ﻳﺨﻄﺒﻬﺎ ﺑﺮﺳﻤﻲ ﺑﺲ ﻫﻲ ﺗﺒﻲ
ﺗﻄﻤﻦ ﺗﺒﻲ ﺣﺘﻲ ﻛﻠﻤﻪ ﺑﻴﺶ ﻳﻄﻤﻦ ﻗﻠﺒﻬﺎ
ﻭﺍﻣﻞ ﺧﺸﺖ ﻟﻤﻄﺒﺦ ﻋﻠﻲ ﺍﺳﺎﺱ ﻋﻄﺸﺎﻧﻪ ﻭﺗﺒﻲ ﺗﺸﺮﺏ ﺗﻠﻘﻲ ﻗﺪﺍﻣﻬﺎ ﺧﺎﻟﺪ ﻳﺎﻛﻞ
ﺧﺎﻟﺪ ؛؛ ﺍﻭﻭﻭﻭ ﺍﻣﻮﻟﻪ ﺍﻧﺘﻲ ﻫﻨﺎ
ﺍﻣﻞ ؛ ﺍﻫﻼ ﺧﺎﻟﺪ ﻣﻦ ﺍﻣﺘﻲ ﻫﻨﺎ
ﺧﺎﻟﺪ؛ ؛ ﻣﺎﻟﻴﺎ ﺷﻲﺀ ﻣﺮﻭﺡ ﺟﻌﺎﻥ ﺑﻜﻞ
ﺍﻣﻞ ؛ ﻭﻓﻴﺶ ﺗﺎﻛﻞ
ﺧﺎﻟﺪ؛؛ ﻧﺎﻛﻞ ﻓﻲ ﺍﻟﻄﺒﻴﺨﻪ
ﺍﻣﻞ ؛؛ ﺍﻥ ﺷﺎﺀﺍﻟﻠﻪ ﻣﺶ ﺳﺎﺧﻨﻪ
ﺍﻋﻌﻌﻌﻌﻌﻌﻌﻊ ﻛﻴﻒ ﺗﺎﻛﻞ ﻓﻴﻬﺎ ﻫﻜﻲ
ﺧﺎﻟﺪ ؛؛؛ﺍﻟﻠﻪ ﻏﺎﻟﺐ ﻋﻨﺪﻳﺶ ﻣﻦ ﻳﺸﻘﻲ ﺑﻴﺎ ﻭﻳﺮﺟﻨﻲ ﻭﺍﻳﺴﺨﻨﻲ ﺍﻟﻌﺸﺎﺀ
ﺍﻣﻞ : ؛ ﻫﻬﻬﻬﻪ ﻫﺎﺕ ﻫﺎﺕ ﺍﻟﻄﻨﺠﺮﻩ ﻭ ﺗﻮ ﺍﻧﻮﻋﻞ ﻋﻠﻴﻬﺎ ﺍﻧﺖ ﺣﺘﻲ ﻓﻲ ﺻﻮﻧﻴﻪ ﻣﺎﻧﻚ ﺣﺎﻃﻪ ﻣﻦ
ﺍﻟﺠﻮﻉ ﺗﺎﻛﻞ ﻛﻦ ﺍﻟﻄﻨﺠﺮﻩ
ﺧﺎﻟﺪ؛؛ ﻫﻬﻬﻬﻬﻬﻬﻪ ﺗﺴﻠﻤﻲ ﺣﺒﻴﺒﺘﻲ
ﺍﻣﻞ ؛؛ ﺍﺳﻤﻌﺖ ﺍﻟﻜﻠﻤﻪ ﻭﺍﻧﺼﺪﻣﺖ ﻭﺩﺍﺭﺕ ﺭﻭﺣﻬﺎ ﻣﺎﺳﻤﻌﺘﻬﺶ ﻣﻊ ﺍﻥ ﺍﺭﺗﺒﻜﺖ ﻭﺑﺮﻣﺖ ﻭﺟﻬﺎ ﺷﻮﺭ
ﺍﻟﻐﺎﺯ ﻭﺍﺗﻮﻟﻊ ﻓﻲ ﺍﻟﻐﺎﺯ
#######
ﺧﺎﻟﺪ ؛؛ ﺍﻧﺤﺒﻚ ﻳﺎ ﺳﻤﻮﺣﻲ ﺍﻧﺘﻲ ﻛﻨﻚ ﺗﺴﻜﺪﺭﻱ ﻓﻴﺎ ﻭﺣﺘﻲ ﺭﻗﻤﻚ ﻣﺎﻋﻄﻴﺘﻪ ﻟﻴﺎ
ﺍﻣﻞ ؛؛ ﻻﻧﻲ ﺧﺎﻳﻔﻪ ﻣﻨﻚ ﻳﺎ ﺧﺎﻟﺪ ﺧﺎﻳﻔﻪ ﺗﻠﻌﺐ ﺑﻴﺎ
ﺧﺎﻟﺪ؛؛ ﻟﻴﺶ ﺍﻧﺘﻲ ﻋﻨﺪﻙ ﻣﻌﻠﻮﻣﻪ ﻋﻠﻴﺎ ﺍﻧﻲ ﻧﻠﻌﺐ ﺑﺎﻟﺒﻨﺎﺕ ﺍﻟﻨﺎﺱ ﻭﻻ ﺷﻨﻮ
ﺍﻣﻞ ؛؛ ﺧﺎﻟﺪ ﺍﻟﺤﻖ ﺍﻧﺘﻲ ﻋﺠﺒﻨﻲ ﻣﻦ ﺍﻧﺎ ﺍﺻﻐﻴﺮ ﺍﻱ ﺑﻨﺖ ﻟﻬﺎ ﻓﺎﺭﺱ ﺍﺣﻼﻣﻬﺎ ﻭﻫﻲ ﺍﺻﻐﻴﺮﻩ ﻭﺍﻧﺖ
ﺍﻟﻠﻲ ﻛﻨﺖ ﻓﺎﺭﺱ ﺍﺣﻼﻣﻲ ﻭﺑﻌﺪ ﻣﺎﺧﻄﺒﺖ ﻗﺎﻟﺖ ﻋﺎﺩﻱ ﺍﺻﻼ ﻧﺎ ﻣﺎﺯﺍﻟﺖ ﺍﺻﻐﻴﺮﻩ ﻭﻳﺎﻣﺎ ﺡ ﺍﻧﺸﻮﻑ
ﻭﻫﻮ ﻋﺎﺩﻱ ﺣﺐ ﺍﻟﻄﻔﻮﻟﻪ
ﺧﺎﻟﺪ؛؛ ﻭﺑﻪ ﻳﻌﻨﻲ ﺗﻮ ﻣﺶ ﺣﺒﻚ
ﺍﻣﻞ ؛؛ ﺍﻧﺖ ﺗﻮ ﺣﺒﻲ ﺍﻟﻠﻲ ﺧﺎﻳﻔﻪ ﻣﻨﻪ
ﻭﺣﻮﻟﺖ ﺍﻣﻞ ﻭﻃﻠﻌﺖ ﺻﻮﻧﻴﻪ ﻭﺣﻄﺖ ﺍﻟﻌﺸﺎﺀ ﻋﻠﻲ ﺍﻟﻄﺎﻭﻟﻪ ﻭﺑﺪ ﺧﺎﻟﺪ ﺍﻳﺘﻌﺸﺎﺀ ﻭﻫﻲ ﺟﺎﻳﻪ ﺗﺒﻲ
ﺗﻄﻠﻊ
ﺧﺎﻟﺪ؛؛ ﺍﻣﻞ
ﺍﻣﻞ ؛؛ ﺑﺮﻣﺖ ﻭﺟﻬﺎ
ﻧﻌﻢ
ﺧﺎﻟﺪ ؛؛ ﺧﻠﻴﻚ ﻛﺴﺪﻱ ﻣﻌﻲ
ﺍﻣﻞ ؛؛ ﻛﻨﻚ ﺍﻧﺖ ﺗﺒﻲ ﺣﺪ ﺍﻳﺸﻮﻓﻨﺎ ﻋﻘﺎﺏ ﻫﺎﻟﻠﻴﻞ
ﺧﺎﻟﺪ ؛ ﻋﺎﺩﻱ ﺍﺻﻼ ﻧﺤﻦ ﻓﻲ ﻣﻄﺒﺦ ﻳﻌﻨﻲ ﻣﻜﺎﻥ ﻋﺎﻡ ﻣﺶ ﻗﺎﻋﺪﻳﻦ ﻓﻲ ﺍﻟﺪﺍﺭ ﻭﺑﻌﺪﻫﺎ ﻣﻦ ﻳﺒﻲ
ﺍﻳﺸﻮﻓﻨﺎ ﺍﺻﻼ ﺍﻣﻲ ﻭﻻ ﺍﻣﻚ ﻋﺎﺩﻱ
ﺍﻣﻞ ؛؛ ﻫﻬﻬﻬﻪ ﻻ ﻣﺶ ﻋﺎﺩﻱ ﺍﻧﺖ ﻣﺎﺗﺎﺧﺬﺵ ﻋﻠﻲ ﺟﻮ ﻣﺎﻣﺎ ﻫﻨﺎ ﻋﻨﺪﻛﻢ ﺳﻤﺢ ﺭﺍﻩ ﻟﻤﺎ ﺍﻧﺮﻭﺣﻮ
ﺍﺗﺤﻂ ﻓﻴﻪ ﻟﻴﺎ ﻛﻠﻪ ﻭﺗﻘﻌﺪ ﺍﺗﻬﺰﺏ
ﺧﺎﻟﺪ ؛؛ ﺑﺎﻫﻲ ﺗﻌﺎﻟﻲ ﻗﻌﻤﺰﻱ
ﻭﻗﻌﻤﺰﺕ ﺍﻣﻞ ﻭﻫﻢ ﺗﻤﻮ ﺍﻳﻬﺪﺭﺯﻭ ﻣﻊ ﺑﻌﻀﻬﻢ ﻭﻳﺘﺒﺎﺩﻟﻮ ﻓﻲ ﺍﻟﻐﺮﺍﻣﻴﺎﺕ ﺑﻴﻨﺘﻬﻢ
ﻭﺧﺬ ﺧﺎﻟﺪ ﺭﻗﻢ ﺍﻣﻞ ﻭ ﻓﺘﺶ ﻓﻮﻧﻬﺎ ﺑﺪﻗﻪ
ﻭﻗﺒﻞ ﺍﻟﻔﺠﺮ ﻛﻞ ﻭﺍﺣﺪ ﻓﻴﻬﻢ ﺧﺶ ﻟﺪﺍﺭ ﻭﺭﻗﺪ
ﻭﺍﻭﻋﻴﻨﺎ ﺗﺎﻧﻲ ﻳﻮﻡ ﻃﻮﻝ ﻋﻠﻲ ﺍﻟﺤﻮﺱ
ﻭﺧﺸﺖ ﺍﻳﻤﺎﻥ ﺩﺍﺭﺕ ﺩﻭﺵ ﺣﻠﻮ
ﻭﻧﺤﻦ ﻛﻤﻠﻨﺎ ﺍﺣﻮﺳﺔ ﺍﻟﺤﻮﺵ ﻭﺩﺍﺭﺕ ﻣﺎﻣﺎ ﺍﻟﻐﺪﺍﺀ ﺭﺯ ﺑﺎﻟﺨﻠﻄﻪ ﺑﻴﺶ ﺍﺗﻌﻘﺐ ﻟﺒﻌﺪﻳﻦ ﻣﻊ ﺍﻟﻤﻮﺍﻟﺢ
ﻭﻧﺤﻦ ﺳﻜﺮﻧﺎ ﺍﻟﺤﻮﺵ ﻭﻭﻟﻌﻨﺎ ﺍﻟﻤﻜﻴﻒ ﻭﺟﻮ ﻋﻴﺖ ﻋﻠﻲ
ﻭﻧﺎ ﺩﺭﺕ ﺣﻤﺎﻡ ﻭﺍﺳﺘﺸﻮﺭﺕ ﺷﻌﺮﻱ ﻭﺷﻌﺮ ﺭﺟﺎﺀ ﻭ ﺍﻣﻞ
ﻭﺣﻄﻴﻨﺎ ﺍﻟﻐﺪﺍﺀ ﻭﺗﻐﺪﻳﻨﺎ ﻭﻟﻤﻴﻨﺎ ﺍﻟﻤﻄﺒﺦ ﻭﺑﺨﺮﻧﺎ
ﻭﻗﻌﻤﺰﺕ ﺍﻣﻴﺮﻩ ﺩﺍﺭﺕ ﺍﺳﺘﺸﻮﺭﻫﺎ ﻭﺩﻋﺎﺀ ﻛﺬﻟﻚ
ﻭﻧﺎ ﺧﺬﻳﺖ ﻓﺮﺍﺭﻩ ﺍﺻﻐﻴﺮﻩ ﻭﺧﺸﻴﺖ ﻟﺪﺍﺭ ﻭﺻﻜﺮﺕ ﻋﻠﻲ ﻧﺎ ﻭﺍﻳﻤﺎﻥ ﻭ ﺑﺪﻳﺖ ﻓﻲ ﺍﻳﻤﺎﻥ ﺩﺭﺗﻠﻬﺎ
ﺍﺳﺘﺸﻮﺍﺭ ﻭﺑﺪﻳﺖ ﺍﻧﺤﻄﻠﻬﺎ ﻓﻲ ﺍﻟﻤﻴﻚ ﺍﺏ ﻭﺩﺭﺕ ﺷﻌﺮﻫﺎ ﺍﻓﻠﻮﺭ ﻭﺭﻓﻌﺘﻬﺎ ﻟﻬﺎ ﻓﻮﻕ ﻳﻌﻨﻲ ﺗﺴﺮﻳﺤﻪ
ﺧﻔﻴﻔﻪ ﻭﺭﻛﺒﺘﻠﻬﺎ ﺍﻟﻌﺪﺳﺎﺕ ﻓﻲ ﺍﻟﺒﺪﺍﻳﻪ ﺩﻣﻌﺖ ﺑﺲ ﺑﻌﺪﻫﺎ ﺗﺮﻳﺤﺖ ﻭﺧﺬﺕ ﻋﻠﻴﻬﻦ
ﻭﻗﻌﻤﺰﺕ ﻭﺧﻠﻴﺘﻬﺎ ﺍﺗﺮﻳﺢ ﻭﻧﺎ ﺑﺪﻳﺖ ﺩﺭﺕ ﻣﻴﻚ ﺍﺏ ﻟﺮﻭﺣﻲ ﻭﻻﺑﺴﺖ ﻭﺑﻌﺪﻫﺎ ﺭﻛﺒﺘﻠﻬﺎ ﺍﻟﺮﻣﻮﺵ
ﻭﻃﻠﻌﺖ ﻭﺑﺮﻣﺖ ﻋﻠﻲ ﺍﻟﺤﻮﺵ
ﻭﺍﻟﻘﻴﺖ ﺍﻟﻜﻞ ﺍﻣﻮﺗﻲ ﺭﻭﺣﻪ ﻭﺍﻟﻨﺎﺱ ﺑﺪﺕ ﺍﺗﺠﻲ ﻭﻛﻠﻬﻢ ﺧﺎﻃﺮﻫﻢ ﺍﻳﺸﻮﻓﻮ ﺍﻳﻤﺎﻥ ﺑﺲ ﻧﺎ ﺭﻓﻀﺖ
ﻗﻠﺖ ﻧﻴﻦ ﺍﻧﻼﺑﺴﻬﺎ
ﻭﻟﻤﺎ ﺍﻟﻨﺎﺱ ﻛﺘﺮﺕ ﺧﺸﻴﺖ ﻧﺎ ﻋﻠﻴﻬﺎ ﻭﺩﺭﺗﻠﻬﺎ ﻣﺮﻃﺐ ﻭﻟﻤﻌﻪ ﺧﻔﻴﻔﻪ ﻟﺠﺴﻤﻬﺎ ﻭﻻﺑﺴﺘﻬﺎ ﺍﻟﻘﻔﻄﺎﻥ
ﻭﺍﻟﻜﺴﻮﺭﺍﺕ ﻭﺍﻟﻜﻨﺪﺭﻩ ﻭﺍﻣﺴﻜﺖ ﺷﻨﻄﻪ ﺍﺻﻐﻴﺮﻩ ﻭﻃﻠﻌﺖ ﻭﺧﻠﻴﺘﻬﻢ ﺑﺰﻏﺮﻃﻮ
ﻭﻫﻲ ﺍﻃﻠﻌﺖ ﺗﻤﺸﻲ ﺑﺸﻮﻳﻪ ﺑﺸﻮﻳﻪ ﻭﻫﻲ ﻣﺮﺗﺒﻜﻪ
ﻭﻗﻌﻤﺰﺗﻬﺎ ﻋﻠﻲ ﺍﻟﺼﺎﻟﻮﻥ
ﻭﺍﻟﻨﺎﺱ ﻛﻠﻬﺎ ﺍﺗﺒﺤﺖ ﻓﻴﻬﺎ ﻭﺍﻳﻘﻮﻝ ﺍﻟﻠﻪ ﺍﻛﺒﺮ ﻛﺎﻧﻮ ﻣﺶ ﺍﻣﺼﺪﻗﻴﻦ ﺍﻥ ﺍﻧﺎ ﺍﻟﻠﻲ ﺩﺭﺗﻠﻬﺎ ﻣﻴﻚ ﺍﺏ
ﻭﺟﻮ ﻋﺮﺑﻬﺎ ﻭﺧﺸﻮ ﻭﻫﻢ ﻳﺰﻏﺮﻃﻮ ﻭﺑﻴﺒﺎﺕ ﻭﺧﻂ ﻟﻮﺡ ﻭﺍﻟﺪﻧﻴﺎ ﺷﺎﻳﻠﻪ
ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭ
ﻭﻭﻭﻭﻭﻟﻴﺎ
ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ
ﻟﻮﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻭﻟﻴﺎ
ﻭﺧﺸﻮ ﻭﺩﺍﺭﻭ ﺟﻮ ﺍﻳﺠﻨﻨﻨﻨﻨﻨﻨﻨﻨﻨﻨﻦ ﺍﻏﺎﻧﻲ ﻋﻠﻲ ﺭﻗﺺ ﻋﻠﻲ ﺟﻮ ﺍﻳﻬﺒﻞ ﻭﺟﺖ ﺍﻡ ﺍﺣﻤﺪ ﻭﻻﺑﺴﺘﻬﺎ
ﻭﺟﺖ ﻭﺣﺪﻩ ﻣﻦ ﺻﺒﻴﺘﻬﺎ
ﻣﺎﺷﺎﺀﺍﻟﻠﻪ ﺍﻟﻤﻴﻚ ﺍﺏ ﺍﻣﺘﺎﻋﻚ ﺍﻳﻬﺒﻞ ﺣﻠﻮ ﻭﺧﻔﻴﻒ ﻣﻦ ﺍﻟﻜﻮﺍﻓﻴﺮﻩ
ﺍﻳﻤﺎﻥ ؛؛ ﺍﺧﺘﻲ ﺩﺭﺗﻠﻲ
ﺻﺒﻴﺘﻬﺎ ؛ ﻗﺼﺪﻙ ﻣﻴﻚ ﺍﺏ ﺍﻟﺤﻮﺵ ﻫﺬﺍ
ﺍﻳﻤﺎﻥ ؛؛ ﺍﻫﺎ ﺍﻣﺘﻊ ﺍﺧﺘﻲ ﻫﻲ ﺍﻟﻠﻲ ﺗﺮﻗﺺ
ﺻﺒﻴﺘﻬﺎ ؛ ﻣﺎﺷﺎﺀﺍﻟﻠﻪ ﺍﻳﺪﻫﺎ ﺍﻳﻬﺒﻠﻦ ﺍﻟﺤﻖ ﻫﺬﻩ ﺍﻟﻠﻲ ﻣﺨﻄﻮﺑﻪ ﺻﺢ
ﺍﻳﻤﺎﻥ ؛ ﺍﻫﺎ ﻫﻲ ﺍﻟﻠﻲ ﺟﻴﻨﻬﺎ ﺍﻟﻌﺮﺏ ﺑﺲ ﻣﺎﺯﺍﻝ ﻣﺶ ﺧﻄﺒﻪ ﺭﺳﻤﻲ ﺭﺳﻤﻲ
ﻭﺧﺸﺖ ﺍﻳﻤﺎﻥ ﻭﻏﻴﺮﺕ ﻻﺑﺴﺘﻬﺎ ﻭﺍﻻﺑﺴﺖ ﺍﻟﺒﺪﺍﻟﻪ ﺍﻟﻠﻲ ﺟﺎﺑﻮﻫﺎ ﻟﻬﺎ ﻭﻃﻠﻌﺖ ﻋﻠﻴﻬﻢ ﻭﻧﺤﻦ ﻛﻤﻠﻨﺎ
ﺍﻟﻀﻴﺎﻓﻪ ﻭﻫﻢ ﺳﻠﻤﻮ ﻭﺍﻃﻠﻌﻮ ﻭﺍﻟﻨﺎﺱ ﺭﻭﺣﺖ
ﻭﻗﻌﺪﻥ ﻧﺤﻦ ﺑﺮﻭﺣﻦ ﺑﺲ
ﻣﻦ ﺍﻟﺘﻌﺐ ﻃﺤﻨﺎ ﻋﻠﻲ ﺍﻟﺴﺮﻳﺮ ﻃﻮﻝ ﻧﻮﻡ
ﻭﻣﺸﻲ ﻳﻮﻡ ﻭﺭﺍﺀ ﻳﻮﻡ
ﻭﺧﺎﻟﻲ ﺣﻜﻲ ﻟﻠﺨﻮﺗﻲ ﻋﻠﻲ ﻣﺮﺍﺩ ﻭﺧﻮﺗﻲ ﻃﻮﻝ ﻭﺍﻓﻘﻮ ﻭﻗﺎﻟﻮ ﻟﻠﺨﺎﻟﻲ ﻣﺶ ﺡ ﻧﺮﻓﻀﻮ ﻭﺍﺣﺪ ﺟﺎﻱ
ﻣﻦ ﻃﺮﻓﻚ ﻭﻧﺤﻦ ﻋﺎﺭﻓﻴﻨﻚ ﻳﺎ ﺧﺎﻟﻲ ﻭﻋﺎﺭﻓﻴﻦ ﺧﺎﻟﺘﻲ ﻓﺎﻃﻤﻪ
ﺧﺎﻟﻲ؛؛ ﺭﺑﻲ ﺍﻳﻜﺒﺮ ﻣﻦ ﻣﻘﺪﺍﺭﻛﻢ ﻭﻧﺎ ﻣﺘﺎﻛﺪ ﺍﻥ ﺭﺍﺡ ﻳﻌﺠﺒﻜﻢ ﻻﻥ ﺭﺍﺟﻞ ﻭ ﺍﻛﻮﻳﺲ
ﻋﻠﻲ ؛ ﻳﺎ ﺧﺎﻟﻲ ﻧﺤﻦ ﻣﻮﺍﻓﻘﻴﻦ ﻋﻠﻴﻪ ﺑﺪﻭﻥ ﻣﺎﺗﺤﻜﻲ ﻋﻠﻴﻪ ﻻﻥ ﻫﻮ ﻣﻦ ﻃﺮﻓﻚ
ﺧﺎﻟﻲ ؛ ﺧﻼﺹ ﺗﻮ ﺍﻧﻜﻠﻤﻬﻢ ﺑﻴﺶ ﺍﻳﺠﻮ ﻳﺨﻄﺒﻮ ﺭﺳﻤﻲ ﻣﻌﻨﺎﻫﺎ
ﻋﻠﻲ ؛؛ ﺧﻠﻴﻬﻢ ﺍﻳﺘﻔﻀﻠﻮ ﻓﻲ ﺍﻱ ﻭﻗﺖ
ﺧﺎﻟﻲ ؛ ﺧﻼﺹ ﺗﻮ ﺍﻧﻜﻠﻤﻬﻢ
ﻭﺟﺖ ﺍﻳﻤﺎﻥ ﻭﻗﺎﻟﺘﻠﻲ ﺭﺍﻩ ﺧﺎﻟﺘﻲ ﻗﺎﻟﺖ ﺭﺍﻩ ﺍﻟﻌﺮﺏ ﻳﺒﻮ ﺍﻳﺠﻮ ﻳﺨﻄﺒﻮ ﺭﺳﻤﻲ ﻭ ﻳﺒﻮ ﻳﻘﺮﻭ ﺍﻟﻔﺎﺗﺤﻪ
ﺑﻜﺮﻩ
ﻭﺭﺍﻫﻢ ﻣﺴﺘﻌﺠﻠﻴﻦ ﻻﻥ ﻫﻮ ﻳﺒﻲ ﺍﻳﻄﻠﻊ ﻓﺮﺣﻪ ﻣﻊ ﺧﻮﻩ
ﻧﺎ ؛؛ ﺷﻦ ﺷﻦ ﺗﺤﻜﻲ ﺍﻧﺘﻲ
ﺍﻳﻤﺎﻥ ؛؛ ﻭﺍﻟﻠﻪ ﻫﺬﺍ ﺍﻟﻠﻲ ﺻﺎﺭ ﺗﻮ ﺧﺎﻟﺘﻲ ﻛﻠﻤﺘﻨﻲ ﻭﻗﺎﻟﺘﻬﺎ ﻟﻴﺎ
ﻧﺎ ؛؛ ﻛﻴﻒ ﺧﺎﻟﺘﻲ ﺍﺩﻳﺮ ﻫﻜﻲ ﻧﺎ ﻣﺶ ﻃﺎﻟﺒﻪ ﺍﻧﺸﻮﻓﻪ ﻗﺒﻞ ﻣﺎ ﻳﻌﺮﻑ ﻋﺎﺩﻝ ﺗﻮ ﻫﻜﻲ ﻋﺎﺩﻝ ﺍﻳﻮﺍﻓﻖ
ﻃﻮﻝ ﺑﺪﻭﻥ ﻣﺎ ﺍﻳﻘﻮﻝ ﺍﻳﺸﻮﻓﻮ ﺑﻌﻀﻬﻢ
ﺭﻧﻲ ﺭﻧﻲ ﻋﻠﻲ ﺧﺎﻟﺘﻲ ﻭﻗﻮﻟﻴﻬﺎ ﺗﺒﻴﻚ ﺍﻳﻪ
ﺍﻳﻤﺎﻥ ؛؛ ﺑﻪ ﺣﺎﺿﺮ
ﻭﺭﻧﺖ ﺍﻳﻤﺎﻥ ﻋﻠﻴﻬﺎ ﻭﻋﻄﺘﻬﺎ ﻟﻴﺎ
ﻧﺎ ؛؛ ﺍﻟﻮ ﺧﺎﻟﺘﻲ
ﺧﺎﻟﺘﻲ ﻓﺎﻃﻤﻪ؛؛ ﻋﺎﺭﻓﺘﻚ ﻣﺘﻌﻘﺪﻩ ﻣﻨﻲ ﺑﺲ ﻭﺍﻟﻠﻪ ﺭﺍﻩ ﺟﺖ ﻫﻜﻲ ﻻﻥ ﻫﻮ ﻣﺮﺍﺩ ﻗﺎﻝ ﻟﻮ ﻫﻲ ﺗﺒﻲ
ﺍﺗﺸﻮﻓﻨﻲ ﻋﺎﺩﻱ ﺍﺗﺸﻮﻓﻨﻲ ﺑﺲ ﻗﺪﺍﻡ ﻫﻠﻬﺎ ﻭﻧﺎ ﻗﺎﻟﺖ ﺿﺮﻭﺭﻱ ﻣﺎﻧﺤﻜﻮﻫﺎ ﻟﻠﻌﺎﺩﻝ ﻭﺧﺎﻟﻚ ﻛﻠﻢ ﻋﺎﺩﻝ
ﻭﻫﻮ ﺭﻓﺾ ﻗﺎﻝ ﻻﻻ ﺍﻳﺸﻮﻓﻬﺎ ﺑﻌﺪ ﻳﻘﺮﺍ ﻓﺎﺗﺤﺘﻬﺎ ﻣﺶ ﺍﻳﺸﻮﻓﻬﺎ ﻗﺒﻞ ﻗﺎﻝ ﻫﻮ ﻣﺶ ﺳﻮﻕ ﺳﻴﺎﺭﺍﺕ
ﻭﺍﻧﺘﻲ ﻏﺎﺑﻴﻪ ﻓﻲ ﻃﺒﻊ ﻋﺎﺩﻝ ﺳﺎﻣﻂ ﻭﺗﺒﻲ ﺍﻟﺤﻖ ﻧﺎ ﻧﺒﻴﺶ ﻧﺤﺮﺝ ﻣﺮﺍﺩ ﻣﻊ ﻫﻠﻚ ﻭﻗﺎﻟﺘﻠﻪ ﺍﻥ
ﺧﻮﺗﻚ ﺻﻌﺒﻴﻦ ﺍﺷﻮﻳﻪ
ﻧﺎ ؛؛ ﺑﻪ ﻳﺎﺧﺎﻟﺘﻲ ﺗﻢ ﺧﻼﺹ ﻧﺎ ﻣﻌﺶ ﻧﺒﻲ ﺍﻧﺸﻮﻓﻪ
ﻭﺧﺸﻴﺖ ﻟﺪﺍﺭ ﻭﺗﻤﻴﺖ ﻧﺒﻜﻲ ﻭﻣﻨﻬﺎﺭﻩ ﻭﻧﺒﻜﻲ ﻭﻭﺟﻌﺘﻨﻲ ﺭﻭﺣﻲ ﻛﻴﻒ ﺭﺍﺿﻴﺖ ﻳﺎﺧﺬﻧﻲ ﻭﺍﺣﺪ ﻻ
ﻧﻌﺮﻓﻪ ﻭﻻ ﻳﻌﺮﻓﻨﻲ ﻻ ﻭﺍﺧﺮ ﻣﻄﻠﻖ ﻭﻋﻨﺪﻩ ﺍﻋﻴﺎﻝ
ﻭﻧﺎ ﻧﺒﻜﻲ ﺗﺴﻤﻌﻨﻲ ﺭﺟﺎﺀ ﻭﺍﺗﺠﻴﻨﻲ
ﺭﺟﺎﺀ ؛؛ ﻭﻳﻪ ﻛﻨﻚ ﻳﺎﻋﻤﺮﻱ ﻋﻠﻴﺶ ﺍﺑﻜﺎﺀ ﻫﺬﺍ ﻛﻠﻪ ﺑﺪﺍﻝ ﻣﺎ ﺗﻔﺮﺣﻲ ﺍﻧﻚ ﺡ ﺗﺰﻭﺟﻲ ﺍﻗﺮﻳﺐ ﻭﻣﻦ
ﺷﺨﺺ ﺍﻛﻮﻳﺲ ﻭﻣﺤﺘﺮﻡ
ﻧﺎ ؛؛ ﻧﺤﻜﻲ ﻭﺧﻨﻘﺘﻨﻲ ﺍﻟﻌﺒﺮﻩ
ﻧﺒﻴﺶ ﻳﺎ ﺭﺟﺎﺀ ﻧﺒﻴﺶ ﺍﻧﺎ ﻗﺒﻞ ﺩﺍﻳﺮﻩ ﺳﺒﻠﺔ ﺍﻟﺸﻮﻓﻪ ﻭﻧﺒﻲ ﺍﻧﻘﻮﻝ ﺍﻥ ﻣﺎﻋﺠﺒﻨﻴﺶ ﻭﻧﺒﻲ ﺍﻧﺤﻂ ﻓﻴﻪ
ﻋﻴﻮﺏ ﺑﻴﺶ ﻣﺎﻧﺎﺧﺬﺵ ﺑﺲ ﺷﻮﻓﻲ ﺣﻄﻮﻧﻲ ﺗﺤﺖ ﺍﻻﻣﺮ ﺍﻟﻮﺍﻗﻊ ﻭﺡ ﻧﺰﻭﺟﻪ ﺑﻐﺼﺐ
ﺭﺟﺎﺀ ؛؛ ﺑﻪ ﺍﻧﺘﻲ ﻟﻴﺶ ﺍﻣﺴﻜﺮﻩ ﺭﺍﺳﻚ ﺭﺍﻩ ﻭﺍﻟﻠﻪ ﻳﺸﻜﺮﻭ ﻓﻴﻪ ﺣﺘﻲ ﻟﻤﺎ ﺣﻜﻴﺖ ﺳﺮﺍﺝ ﻋﻠﻴﻪ ﻗﺎﻟﻲ
ﺍﺧﺘﻚ ﺍﻣﻬﺎ ﺩﻋﻴﺘﻠﻬﺎ ﺍﻟﻠﻲ ﺡ ﻳﺎﺧﺬﻫﺎ ﺩﻛﺘﻮﺭ ﻣﺮﺍﺩ ﺭﺍﻩ ﻣﺶ ﺩﻛﺘﻮﺭ ﻋﺎﺩﻱ ﻭﺭﺍﻩ ﺷﺨﺼﺒﻪ ﻭﻗﺎﻟﻲ
ﻛﻠﻤﺔ ﻣﻌﺮﻭﻓﻪ ﻋﻨﺪ ﺍﻟﻨﺎﺱ ﻣﺎﺗﻨﺰﻟﺶ ﻻﻭﻃﺎ ﻭﻗﺎﻝ ﺍﻥ ﺍﻛﻮﻳﺲ ﺑﻜﻞ
ﻧﺎ ؛؛ ﺍﺻﻼ ﻧﺎ ﻛﻨﺖ ﺩﺍﻳﺮﻩ ﺍﻟﺸﻜﻞ ﺳﺒﻠﻪ ﻻﻥ ﻧﺒﻴﺶ ﻳﺎ ﺭﺟﺎﺀ ﻻﻥ ﻫﻮ ﻛﺒﻴﺮ ﺭﺍﻩ ﺍﻛﺒﺮ ﻣﻨﻲ ﺏ 13
ﺳﻨﻪ ﺷﻮﻓﻲ ﺍﻧﺘﻲ ﺧﻠﻴﻚ ﻣﻜﺎﻧﻲ
ﻗﺎﻟﺘﻬﻢ ﻛﺒﻴﺮ ﻗﺎﻟﻮ ﻋﺎﺩﻱ ﻗﺎﻟﺖ ﻣﻄﻠﻖ ﻗﺎﻟﻮ ﻧﺼﻴﺐ ﻭﻗﺎﻟﺖ ﻋﻨﺪﻩ ﺍﻋﻴﺎﻝ ﻗﺎﻟﻮ ﺧﻴﺮ ﻣﻦ ﺍﻧﻚ ﺍﺗﺮﺑﻲ
ﺍﻋﻴﺎﻝ ﺧﻮﻙ ﺑﻼ ﻗﺪﺭ ﻭﻻ ﺍﺣﺘﺮﺍﻡ ﺷﻦ ﺗﺒﻲ ﺍﺧﺮ
ﺭﺟﺎﺀ؛؛ ﺑﻪ ﻳﺎﺍﻳﻪ ﺍﻧﺘﻲ ﻋﺎﺟﺒﻚ ﺍﻣﻌﻴﺸﺘﻨﺎ ﻫﻨﺎ ﻗﻌﺪﻳﻦ ﺗﺤﺖ ﺭﺣﻤﺔ ﺧﻮﺗﻚ ﻭﺻﺒﺎﻳﺎ ﺧﻮﺗﻚ ﺑﺎﻟﻠﻪ
ﻋﻠﻴﻚ ﻟﻨﺎ ﻛﻢ ﺗﻮ ﻧﺒﻮ ﺍﻟﺴﻮﻕ ﻭﻣﺎﺣﺪ ﻃﻠﻌﻨﺎ ﺑﺎﻟﻠﻪ ﻋﻠﻴﻚ ﻟﻨﺎ ﻛﻢ ﻣﺎﻃﻠﻌﻨﺎ
ﻫﻪ ﺷﻮﻓﻲ ﺣﺘﻲ ﻟﻤﺎ ﺍﻳﻤﺎﻥ ﺍﻧﺨﻄﺒﺖ ﻣﺎﺧﻠﻮﻫﺎ ﺗﻤﺸﻲ ﺗﺎﺧﺬ ﺩﺑﺸﻬﺎ ﺍﻭﺣﺠﻬﺎ ﻗﺎﻟﻮ ﻟﻌﺮﺑﻬﺎ ﺍﻧﺘﻮ
ﺍﺷﺮﻭﻟﻬﺎ ﻭﺣﺘﻲ ﻟﻜﻮﺍﻓﻴﺮ ﻣﺎﺧﻠﻮﻫﺎ ﺗﻤﺸﻲ ﻭﺷﻮﻓﻲ ﺍﻫﻮ ﻣﻦ ﺍﻣﺘﻲ ﻭﻫﻲ ﺗﺒﻲ ﺳﻮﻕ ﺫﻫﺐ ﻣﺎ ﻭﺍﺣﺪ
ﺷﺎﻟﻬﺎ ﻭﻟﻤﺎ ﺗﻤﺸﻲ ﺗﻤﺸﻲ ﻣﻌﻬﺎ ﻧﻌﻴﻤﻪ ﻭﺗﻔﺮﺽ ﺷﺨﺼﻴﺘﻬﺎ ﻭﺭﺍﻳﻬﺎ ﻋﻠﻴﻬﺎ ﺭﺍﻩ ﻳﺎ ﻭﻳﻪ ﺍﻣﻌﻴﺸﺘﻨﺎ
ﺳﻮﺩﻩ ﻭﻧﺎﻗﺼﻪ ﻣﺶ ﻛﻴﻒ ﺍﻟﺒﻨﺎﺕ ﺷﺔﻓﻲ ﻛﺎﻥ ﻣﺎﺍﻧﺘﻲ ﺷﺎﻃﺮﻩ ﺭﺍﻩ ﺍﻗﻌﺪﺕ ﺍﻳﻤﺎﻥ ﻓﻲ ﺑﻴﺎﻧﻬﺎ
ﺷﻔﺸﻪ ﺷﻮﻓﻲ ﻫﻢ ﺍﻣﻲ ﻣﺎﺍﻳﺪﻭﺭ ﻓﻴﻬﺎ ﺍﻻ ﺑﻌﺪ ﺍﻳﺶ ﻭﺍﻳﺶ ﻭﻧﺤﻦ ﺍﻟﻠﻲ ﻗﺎﻋﺪﻳﻦ ﻣﻌﻬﺎ ﺍﻧﺎﻱ ﺍﻟﻠﻲ
ﺍﺗﻌﺎﻧﻲ ﻓﻴﻬﺎ ﻳﺎﺍﻳﻪ ﻭﻟﻤﺎ ﺍﺑﺠﻲ ﻭﻗﺖ ﺍﻟﺴﻔﺮ ﻭﺍﻟﻄﻠﻌﻪ ﺑﺮﻩ ﺍﻳﺠﺮﻭ ﺍﺭﻭﺣﻬﻢ ﺭﺟﺎﻟﻪ ﻭﻳﺎﺧﺬﻭﻫﺎ ﻭﻳﻄﻠﻌﻮ
ﻫﻢ ﻳﻌﻨﻲ ﻳﻌﺮﻓﻮ ﺍﻣﻬﻢ ﺍﻣﻐﻴﺮ ﻓﻲ ﺍﻟﺴﻔﺮﻩ ﺑﺲ ﺑﺎﻟﻠﻪ ﻋﻠﻴﻚ ﻭﺍﻓﻘﻲ ﻋﻠﻴﻪ ﻭﺍﺭﺿﻲ ﻭﺭﺍﻩ ﺧﺎﻟﺘﻲ
ﻓﺎﻃﻤﻪ ﻣﺴﺘﺤﻴﻞ ﺍﺗﺠﻴﺒﻠﻚ ﻭﺍﺣﺪ ﻣﺶ ﺗﻤﺎﻡ ﻭﺍﻓﻄﻨﻲ ﻳﺎ ﺍﻳﻪ ﻟﺤﻴﺎﺗﻨﺎ ﺭﺍﻩ ﻻ ﺗﻄﺎﻕ ﺭﺍﻩ ﺍﻧﺘﻲ ﻳﺎ
ﺍﻳﻪ ﺍﻣﻌﻴﺸﻪ ﺭﻭﺣﻚ ﻓﻲ ﻭﻫﻢ ﺍﻟﺴﻌﺎﺩﻩ ﺍﻟﻜﺎﺫﺑﻪ ﺷﻮﻓﻲ ﺍﻟﺤﻴﺎﻩ ﻛﻴﻒ ﻣﺎﺷﻴﻪ ﺍﻟﻨﺎﺱ ﺍﺗﻘﺪﻡ ﻭﻧﺤﻦ
ﺍﻧﻮﺧﺮﻭ ﺑﺴﺒﺐ ﺗﺨﻠﻒ ﺧﻮﺗﻚ ﻫﺬﻭﻡ
ﻭﺍﻃﻠﻌﺖ ﺭﺟﺎﺀ ﻭﻫﻲ ﺧﻨﻘﺘﻬﺎ ﺍﻟﻌﺒﺮﻩ ﻭﺍﺩﻣﻮﻋﻬﺎ ﻓﻲ ﺍﻋﻴﻮﻧﻬﺎ
ﻧﺎ ﺍﻟﺤﻖ ﺗﺮﻳﺤﺖ ﻭﺍﺟﺪ ﻣﻦ ﻣﻼﻡ ﺭﺣﺎﺀ ﺣﺴﻴﺘﻬﺎ ﻭﻋﺘﻨﻲ ﻋﻠﻲ ﺣﺎﺟﺎﺕ ﻭﺍﺟﺪﻩ
ﻭﻗﻌﺪﺕ ﺍﻧﻔﻜﺮ ﻭﺍﻟﻘﻴﺖ ﺻﺢ ﻛﻼﻣﻬﺎ ﻛﻠﻪ ﺻﺎﺡ
ﻭﻭﺍﻓﻘﺖ ﻋﻠﻴﻬﻢ ﻭﺗﺎﻧﻲ ﻳﻮﻡ ﻛﺎﻥ ﻳﻮﻡ ﺍﺗﻔﺎﻕ ﺍﻟﺮﺟﺎﻟﻪ ﻭﺣﺘﻲ ﻫﻮ ﺡ ﺍﻳﺠﻲ ﻭﻧﺎ ﻫﺬﺍﻙ ﺍﻟﻴﻮﻡ
ﺻﺎﺭﻳﻠﻲ ﺧﻨﺎﻕ ﻋﺮﺍﻳﺲ ﻻ ﻭﻛﺎﻝ ﻭﻻ ﺷﺮﺏ ﻭﻻ ﻧﻮﻡ ﺍﻣﻐﻴﺮ ﻗﺎﻋﺠﻊ ﺧﺎﻳﻔﻪ ﻻﻥ ﺡ ﺗﻨﻘﺮﺍ ﻓﺎﺗﺤﺘﻲ
ﻋﻠﻲ ﻭﺍﺣﺪ ﻻ ﻧﻌﺮﻓﻪ ﻭﻻ ﻳﻌﺮﻓﻨﻲ ﻫﻜﻲ ﻗﻄﻮﺱ ﻓﻲ ﺍﺷﻜﺎﺭﻩ
ﻭﺟﺖ ﺍﻟﻌﺸﻴﻪ ﻭﺣﻮﺷﻨﺎ ﺍﻣﻌﺒﻲ ﺭﺟﺎﻟﻪ ﻓﻲ ﺍﻟﻤﺮﺑﻮﻋﻪ ﻭﺑﻌﺪﻫﺎ ﺳﻤﻌﻨﺎ ﺻﻮﺕ ﺍﻟﻌﺮﺏ ﺟﻮ
ﺧﺎﻟﺘﻲ ﻓﺎﻃﻤﻪ ؛؛ ﺍﻳﻪ ﺍﻳﻪ ﺗﻌﺎﻟﻲ ﺗﻌﺎﻟﻲ ﺍﻫﻢ ﺍﻟﻌﺮﺏ ﺟﻮ ﺗﻌﺎﻟﻲ ﺑﻴﺶ ﺍﺗﺸﻮﻓﻲ ﻣﺮﺍﺩ
ﻧﺎ ﺻﺒﻴﺖ ﻭﻧﻤﺸﻲ ﺷﻮﺭ ﺍﻟﺮﻭﺷﻦ ﺩﻗﻪ ﺩﻗﻪ ﺍﻧﺤﺲ ﻓﻲ ﺍﻟﻤﺴﺎﻓﻪ ﺑﻌﻴﺪﻩ ﺑﻜﻞ ﻭﻣﻌﺶ ﺗﺒﻲ ﺗﻜﻤﻞ
ﻧﻤﺸﻲ ﻭﺍﻧﺤﺲ ﻓﻲ ﻗﻠﺒﻲ ﻟﻮﻃﻪ ﻓﻲ ﺍﻻﺭﺽ ﻧﻤﺸﻲ ﻭﻗﻠﺒﻲ ﺍﻳﺪﻕ ﺍﻗﺮﻳﺐ ﻳﻄﻠﻊ ﻣﻦ ﻣﻜﺎﻥ ﻃﻖ
ﻃﻘﻄﻘﻄﻖ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ ﺩﻟﻲ ﺩﻭﻑ
ﻭﺟﻴﺖ ﻭﺻﺒﻴﺖ ﻋﻠﻲ ﺭﻭﺷﻦ ﻭﻧﺎ ﺍﻧﺒﺤﺖ
ﺧﺎﻟﺘﻲ ؛ ﺍﻫﻮ ﻳﺎ ﺍﻳﻪ ﺍﻫﻮ
ﻭﺍﻧﺎ ﺍﻧﺸﻮﻑ .......................
ﻳﺘﺒﻊ
