ﻧﺎ ؛؛ ﺗﺼﺒﺢ ﻋﻠﻲ ﺧﻴﺮ
ﻭﺑﺮﻣﺖ ﻭﺟﻲ ﻭﻋﻄﻴﺘﻪ ﻇﻬﺮﻱ ﻭﺭﻗﺪﺕ ﺑﺲ ﻛﺎﻧﺖ ﺣﺎﺟﻪ ﺧﻨﻘﺘﻨﻲ ﻓﻲ ﺻﺪﺭﻱ
ﻭﺳﻤﻌﺖ ﻣﺮﺍﺩ ﻭﻟﻊ ﺍﻟﺪﺧﺎﻥ ﻭﻛﻤﻠﻪ ﻭﺭﻗﺪ ﻭﻧﺎ ﺑﺮﻣﺖ ﻭﺟﻲ ﻭﻗﻌﺪﺕ ﺍﻧﺤﺒﺖ ﻓﻴﻪ ﻃﻮﻝ ﺍﻟﻠﻴﻞ
ﺍﻧﺸﻮﻑ ﻓﻴﻪ ﻛﻴﻒ ﺷﻜﻠﻪ ﺣﻠﻮ ﻭﻟﺤﻴﺘﻪ ﺯﺍﻳﺪﺗﻪ ﺣﻠﻮﻩ
ﻭﺟﻌﺘﻨﻲ ﻳﻮﻡ ﺍﻟﻠﻲ ﺍﺯﻭﺟﺖ ﺍﺯﻭﺟﺖ ﻭﺍﺣﺪ ﺍﻳﺤﺐ ﺍﻧﺴﺎﻧﻪ ﺗﺎﻧﻴﻪ ﻭﻣﺶ ﻧﺎﺳﻴﻪ ﻭﻟﻤﺎ ﺳﺎﻟﺘﻬﺎ ﻋﻠﻴﻬﺎ
ﺣﻜﻠﻲ ﻋﻠﻴﻬﺎ ﻭﻛﺄﻧﻪ ﻣﺎﺯﺍﻝ ﺍﻳﺤﺒﻪ ﻣﻮﺕ ﻭﻧﺎ ﻛﺎﻧﻲ ﺻﺪﻳﻘﺘﻪ ﻻ ﻣﺮﺍﺕ ﻭﻻ ﺷﻲﺀ
ﺑﻜﻴﺖ ﻧﻴﻦ ﺩﺧﺖ
ﻭﻭﻋﻴﺖ ﺗﺎﻧﻲ ﻳﻮﻡ ﻋﻠﻲ ﺻﻮﺕ ﻣﺮﺍﺩ ﻭﻫﻮ ﻳﺤﻜﻲ ﻋﻠﻲ ﻓﻮﻥ ﻓﻲ ﺍﻟﺼﺎﻟﻪ
ﻣﺮﺍﺩ ؛؛ ﺍﻟﻮ ﺍﻳﻮﻩ ﺗﺴﻤﻌﻲ ﻓﻴﺎ
ﻫﺎ ﺷﻦ ﺻﺎﺭ ﻋﻨﺪﻙ
ﺍﻧﺎ ﺍﻧﺼﺪﻣﺖ ﻭﺻﺒﻴﺖ ﺍﺑﺴﺮﻋﻪ ﻭﻃﻠﻌﺖ ﻭﺍﻟﻘﻴﺖ ﻣﺮﺍﺩ ﻗﺎﻋﺪ ﻓﻲ ﺍﻟﺼﺎﻟﻪ ﻳﺤﻜﻲ
ﻣﺮﺍﺩ ؛؛ ﺑﺤﺖ ﻓﻴﺎ ﺑﺎﻻﺳﺘﻐﺮﺍﺏ
ﺑﺎﻫﻲ ﺩﻳﺮﻱ ﺗﺤﺎﻟﻴﻞ ﻳﻮﻡ ﻳﻄﻠﻊ ﻓﻲ ﺍﻭ ﻣﺎ ﻓﻴﺶ ﺗﻌﺎﻟﻲ ﺍﻟﻴﻮﻡ ﻓﻲ ﺍﻟﻌﻴﺎﺩﻩ ﺑﺲ ﺗﻌﺎﻟﻲ ﺑﺪﺭﻱ ﻻﻧﻲ
ﺡ ﻧﻄﻠﻊ ﺑﺪﺭﻱ ﺍﻟﻴﻮﻡ
ﻭﺍﻥ ﺷﺎﺀ ﺍﻟﻠﻪ ﻻﺑﺎﺱ ﻋﻠﻴﻚ ﺳﻼﻡ
ﻭﺻﻜﺮ ﻣﺮﺍﺩ ﻭﺑﺤﺖ ﻓﻴﺎ ﻣﻦ ﻓﻮﻕ ﻟﺘﺤﺖ
ﻣﺮﺍﺩ ؛؛ ﺻﺒﺎﺡ ﺍﻟﺨﻴﺮ
ﻧﺎ ؛؛ ﻣﻦ ﻣﻊ ﺗﺤﻜﻲ
ﻣﺮﺍﺩ ؛؛ ﺻﺒﺎﺡ ﺍﻟﺨﻴﺮ ﻧﺎ ﻗﺎﻟﺖ
ﻧﺎ ؛؛ ﺻﺒﺎﺡ ﺍﻟﻨﻮﺭ
ﻣﺮﺍﺩ ؛؛ ﺟﺎ ﻭﻗﺮﺏ ﻣﻨﻲ
ﺍﻳﻪ ﻧﺎ ﻧﺤﺒﺶ ﺣﺪ ﻳﺴﺎﻟﻨﻲ ﻣﻊ ﻣﻦ ﺗﺤﻜﻲ ﺍﻭ ﻭﻳﻦ ﻃﺎﻟﻊ ﺍﻭ ﻣﻊ ﻣﻦ
ﻧﺎ ؛ ﺍﻧﺤﺮﺟﺖ ﻣﻨﻪ
ﻭﻣﺸﻴﺖ ﻭﺳﻴﺒﺘﻪ ﻭﺧﺸﻴﺖ ﻟﺪﺍﺭ ﻭﻋﺰﻗﺖ ﺭﻭﺣﻲ ﻋﻠﻲ ﺍﻟﺴﺮﻳﺮ
ﺗﻤﻴﺖ ﻧﺒﻜﻲ ﺑﺪﻭﻥ ﺻﻮﺕ ﺧﻔﺖ ﺍﻳﻜﻮﻥ ﻳﺤﻜﻲ ﻣﻊ ﻃﺎﻟﻘﻴﺘﻪ ﺍﻭ ﻣﻊ ﻭﺣﺪﻩ ﺗﺎﻧﻴﻪ
ﺣﺴﻴﺖ ﺑﺤﺎﺟﻪ ﺧﻨﻘﺘﻨﻲ ﻭﺣﺴﻴﺖ ﺑﺨﻮﻑ
ﻭﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛؛ ﺍﻳﻪ ﻟﻤﺎ ﻧﺤﻜﻲ ﻣﻌﺎﻙ ﻣﻌﺶ ﺍﺗﺴﻴﺒﻴﻨﻲ ﻭﺍﺗﻌﺪﻱ
ﻧﺎ ؛؛ ﻣﺎ ﺑﻴﺘﺶ ﺍﻧﻌﺒﺮﻩ ﻭﻗﻌﺪﺕ ﻏﺎﻣﻪ ﺭﺍﺳﻲ ﺍﺧﺮ
ﻣﺮﺍﺩ ؛؛ ﺍﻳﻪ ﻧﺎ ﻧﺤﻜﻲ ﻣﻌﺎﻙ
ﻭﻣﺎ ﺑﻴﺘﺶ ﺍﻧﺮﺩ ﻋﻠﻴﻪ ﺧﻔﺖ ﺍﻧﺮﺩ ﻭﻳﻼﺣﻆ ﺍﻥ ﻧﺎ ﻧﺒﻜﻲ
ﻣﺮﺍﺩ ؛؛ ﺑﺼﻮﺕ ﻋﺎﻟﻲ
ﺍﺍﺍﺍﺍﻳﻪ ﺭﺩﻱ ﻧﺎ ﻣﺶ ﻛﻠﺐ ﺭﺩﻱ ﻋﻠﻴﺎ
ﻧﺎ ؛؛ ﺳﺎﻛﺘﻪ ﻭﻣﺴﺤﺖ ﺩﻣﻮﻋﻲ ﻣﻦ ﺗﺤﺖ ﺍﻟﺒﻄﻨﻴﻪ ﻭﺻﺒﻴﺖ ﻭﺍﻣﻨﺰﻟﻪ ﺭﺍﺳﻲ ﻣﺎﻧﺒﻴﺶ ﺍﻳﺸﻮﻓﻨﻲ
ﻭﻧﺎ ﻧﻤﺸﻲ ﻣﺴﻜﻨﻲ ﻣﺮﺍﺩ ﻣﻦ ﻳﺪﻱ
ﻣﺮﺍﺩ ؛ ﺭﺍﻗﻴﻠﻪ
ﻛﻨﻚ ﻣﺎﺍﺗﺮﺩﻱ ﻋﻠﻴﺎ
ﻧﺎ ؛؛ ﺳﺎﻛﺘﻪ ﻭﻣﺎﺑﻴﺘﺶ ﺍﻧﻌﺒﺮﻩ
ﻣﺮﺍﺩ ؛؛ ﻛﻨﻚ ﺍﻧﺘﻲ ﻋﺎﻳﺸﻪ ﺑﻤﺰﺍﺟﻚ ﻳﻮﻡ ﺗﺤﻜﻲ ﻣﻌﻲ ﻳﻮﻡ ﻣﺎ ﺗﺤﻜﻴﺶ ﻳﻮﻡ ﺗﺒﻴﻨﻲ ﻭﻳﻮﻡ ﻣﺎ
ﺗﺒﻨﻴﺶ ﻧﺎ ﻣﺶ ﺑﻤﺰﺍﺟﻚ ﻳﺎ ﺍﺑﻠﻪ ﺍﻓﻄﻨﻲ ﻟﺮﻭﺣﻚ ﺭﺍﻩ ﻧﺎ ﺻﺎﺑﺮ ﻋﻠﻴﻚ ﻭﺍﺟﺪ ﻭﺍﻧﺖ ﺷﻲﺀ ﻣﺶ
ﺍﻣﺪﻭﺭﻩ ﻭﻣﺶ ﺍﻣﻌﺪﻟﻪ ﻭﻛﺄﻧﻪ ﻣﺎﻋﻨﺪﻛﺶ ﺭﺍﺟﻞ ﺑﻜﻞ
ﻧﺎ ؛؛ ﻗﻌﺪﺕ ﻧﺒﻜﻲ ﻭﻣﻨﻬﺎﺭﻩ
ﻣﺮﺍﺩ ؛؛ ﻋﺰﻗﻨﻲ ﻋﻠﻲ ﺍﻟﺴﺮﻳﺮ
ﺍﻗﻌﺪﻱ ﻫﻨﺎ ﻣﺎﻧﺒﻴﺶ ﻣﻨﻚ ﺣﺎﺟﻪ ﺧﻠﻴﻚ ﻫﻨﺎ ﻧﻴﻦ ﺗﺸﻮﻓﻲ ﺍﻟﻤﻌﺎﻣﻠﻪ ﺍﻟﺴﻤﺤﻪ ﺷﻦ ﺷﻜﻠﻬﺎ ﻗﺎﻋﺪ
ﺑﻤﺰﺍﺟﻚ ﻧﺎ ﻳﻮﻡ ﺗﺒﻲ ﻭﻳﻮﻡ ﻣﺎﺗﺒﻴﺶ ﺻﺎﺡ
ﻭﻃﻠﻊ ﻭﺧﺒﻂ ﺍﻟﺒﺎﺏ ﺑﻘﻮﻩ ﻭﺳﻤﻌﺘﻪ ﺻﻜﺮ ﺍﻟﺒﺎﺏ ﺑﺎﻟﻤﻔﺘﺎﺡ
ﻭﻧﺎ ﻗﻌﺪﺕ ﻧﺒﻜﻲ ﻭﺧﺎﻳﻔﻪ ﻭﺍﻟﻠﻪ ﺣﺴﻴﺖ ﺑﻨﺎﺭ ﻣﻦ ﺍﻣﺲ ﻣﻦ ﻟﻤﺎ ﺣﻜﻠﻲ ﻋﻠﻲ ﻃﺎﻟﻘﻴﺘﻪ ﻭﺍﻟﻴﻮﻡ ﻣﻦ
ﺍﻟﺼﺒﺢ ﻧﻮﻋﻲ ﻧﺴﻤﻌﻪ ﻳﺤﻜﻲ ﻣﻊ ﻣﺮﺍﻩ ﻭﻳﺒﻨﻲ ﻋﺎﺩﻱ ﺍﻧﻜﻮﻥ ﻭﺍﻟﻠﻪ ﺣﺴﻴﺖ ﺑﻨﺎﺭ ﻓﻴﺎ ﺭﺍﻩ ﻓﻲ ﻧﻬﺎﻳﻪ
ﻫﻮ ﺭﺍﺟﻠﻲ ###
ﻭﻓﻴﻪ ﺣﺎﺟﻪ ﺷﺪﺗﻨﻲ ﺷﻮﺭﻩ
ﺑﻜﻴﺖ ﻭﺑﻌﺪﻫﺎ ﺻﺒﻴﺖ ﺍﺩﻭﺷﺖ ﻭﺗﻮﺿﻴﺖ ﻭﻻﺑﺴﺖ ﺍﺳﺮﺗﺶ ﺭﺻﺎﺻﻲ ﻭﻋﻠﻴﻪ ﺑﺪﻱ ﺍﺻﻔﺮ ﻭﻻﺑﺴﺖ
ﻣﺤﺮﻣﺔ ﺍﻟﺼﻼﻩ ﻭﺻﻠﻴﺖ ﺍﻟﺼﺒﺢ
ﻭﻟﻤﻴﺖ ﺍﻟﺪﺍﺭ ﻭﻃﻠﻌﺖ ﻟﻠﻤﻄﺒﺦ ﻭﻃﻠﻌﺖ ﺍﻟﺤﻢ ﻭﺣﻄﻴﺘﻪ ﻓﻲ ﻣﻴﺔ ﺳﺎﺧﻨﻪ
ﻭﺑﺮﻣﺖ ﻋﻠﻲ ﺍﻟﻤﻄﺒﺦ ﻭﺍﻟﺸﻘﻪ ﻭﺑﻌﺪﻫﺎ ﺑﺪﻳﺖ ﺍﻧﺪﻳﺮ ﻓﻲ ﺍﻟﻐﺪﺍﺀ
ﻭﺣﻄﻴﺖ ﺍﻟﺤﻢ ﻋﻠﻲ ﺍﻟﻨﺎﺭ
ﻭﻗﺎﻟﺖ ﺍﻧﺪﻳﺮ ﺑﺴﺒﻮﺳﻪ
ﻭﺩﺭﺗﻬﺎ ﻭﻛﻤﻠﺖ ﺍﻟﻐﺪﺍﺀ ﻭﺻﻜﺮﺕ ﺍﻟﺸﻘﻪ ﻭﻓﺘﺤﺖ ﺍﻟﻤﻜﻴﻒ ﻭﺑﺨﺮﺕ ﻭﻗﻌﺪﺕ ﻣﻘﻌﻤﺰﻩ ﻋﻠﻲ ﺭﻭﺗﺎﻧﺎ
ﺳﻴﻨﻤﺎ
ﻭﻋﻠﻲ ﺳﺎﻋﻪ 2 ﺳﻤﻌﺖ ﺻﻮﺕ ﻣﻔﺘﺎﺡ ﺑﺎﺏ ﺍﻟﺸﻘﻪ
ﻭﺧﺶ ﻣﺮﺍﺩ ﻭﻟﻘﻨﻲ ﻗﺎﻋﺪﻩ ﻓﻲ ﺍﻟﻤﻤﺮ ﻭﺍﻧﺒﺤﺖ ﻓﻴﻪ
ﻣﺎﺑﺎﺵ ﺍﻳﻌﺒﺮﻧﻲ ﻭﻣﺸﻲ ﻭﺧﺶ ﻟﺪﺍﺭ ﻭﺳﻜﺮ ﻋﻠﻲ ﺭﻭﺣﻪ ﺑﻴﺶ ﻣﺎ ﺍﻧﺨﺸﺶ ﻋﻠﻴﻪ
ﻧﺎ ﻭﺟﻌﺘﻨﻲ ﺍﻟﻤﻌﺎﻣﻠﻪ ﺧﻨﻘﺘﻨﻲ ﺍﻟﻌﺒﺮﻩ ﻭﻣﺸﻴﺖ ﻟﻠﻤﻄﺒﺦ ﻭﻭﻟﻌﺖ ﻋﻠﻲ ﺍﻟﻐﺪﺍﺀ ﺍﻧﺴﺨﻦ ﻓﻴﻪ ﻭﻗﻌﺪﺕ
ﺍﻧﻮﺗﻲ ﻓﻲ ﺍﻟﺴﻔﺮﻩ ﻭﺩﻣﻌﺘﻲ ﻋﻠﻲ ﺧﺪﻱ
ﻭﻛﻤﻠﺖ ﺣﻄﺖ ﺍﻟﻐﺪﺍﺀ ﻭﺳﻤﻌﺖ ﺑﺎﺏ ﺍﻟﺤﻤﺎﻡ ﻭﻫﻮ ﻃﺎﻟﻊ ﻣﺮﺍﺩ ﻣﻨﻪ ﻋﺮﻓﺘﻪ ﻛﻤﻞ ﻭﻣﺸﻴﺖ ﻭﺷﺎﻟﺖ
ﺍﻟﺴﻔﺮﻩ ﻓﻲ ﺍﻟﺼﺎﻟﻪ
ﻭﺟﺎ ﻣﺮﺍﺩ ﻟﻠﺼﺎﻟﻪ ﻭﺷﺎﻓﻨﻲ ﺍﻧﺤﻂ ﻓﻲ ﺍﻟﺴﻔﺮﻩ
ﻣﺮﺍﺩ ؛؛ ﻳﺤﻜﻲ ﻣﻌﻲ ﻭﻫﻮ ﻏﻤﺘﻠﻪ ﻭﺍﻣﺮﻓﻊ ﺣﺎﺟﺒﻪ
ﺷﻴﻠﻲ ﺍﻟﺴﻔﺮﻩ ﻟﻠﻤﻄﺒﺦ ﻭﺧﺸﻲ ﻟﺪﺍﺭ ﻣﺎ ﻧﺒﻴﺶ ﺍﻧﺸﻮﻓﻚ
ﻧﺎ ؛ ﺑﺤﺘﺖ ﻓﻴﻪ ﻭﻣﻨﺼﺪﻣﻪ ﻭﺍﻋﻴﻮﻧﻲ ﻣﻠﻴﻨﺎﺕ ﺍﺩﻣﻮﻉ
ﻫﺬﺍ ﻏﺪﺍﺀ ﺗﻐﺪﺍﺀ
ﻣﺮﺍﺩ ؛؛ ﻧﺎ ﻣﻦ ﺍﻟﺼﺒﺢ ﻗﺎﻟﺘﻠﻚ ﻣﺎﻧﺒﻴﺶ ﺣﺎﺟﻪ ﻣﻨﻚ ﻧﺎ ﻣﺶ ﻗﺎﻋﺪ ﻋﻠﻲ ﻣﺰﺍﺟﻚ ﺍﻣﺲ ﺟﻴﺘﻨﻲ
ﻭﻣﺘﻘﺮﺏ ﻣﻨﻲ ﻭﻓﺠﺎﺀ ﺑﺮﻣﺘﻲ ﺧﻠﻘﺘﻚ ﻭﺭﻗﺪﺗﻲ ﻭﺧﻠﻴﺘﻨﻲ ﻭﺍﻟﻴﻮﻡ ﻓﻲ ﺍﻟﺼﺒﺢ ﺣﺘﻲ ﺻﺒﺎﺡ ﺍﻟﺨﻴﺮ
ﻣﺎ ﺍﺗﺮﺩﻱ ﻋﻠﻴﺎ ﻭﻧﺤﻜﻲ ﻣﻌﺎﻙ ﻣﺎ ﺗﺒﻴﺶ ﺍﺗﺮﺩﻱ ﻭﺗﻮ ﺩﺍﻳﺮﻩ ﻏﺪﺍﺀ ﻭﺗﺒﻴﻨﻲ ﺍﻧﺘﻐﺪﺍﺀ ﻻ ﻻ ﻳﺎ ﺍﺑﻠﻪ
ﺻﺒﻲ ﺷﻴﻠﻲ ﺳﻔﺮﺗﻚ ﻭﻣﺎﻧﺒﻴﺶ ﺍﻧﺤﻖ ﺧﻠﻘﺘﻚ ﻗﺪﺍﻣﻲ ﺧﺸﻴﻴﻴﻴﻴﻴﻴﻴﻴﻴﻴﻴﻲﻳﻴﻲ
ﻧﺎ ؛؛ ﻣﺮﺍﺩ ﺍﻧﺖ ﺍﺳﻤﻌﻨﻲ ﺑﺲ
ﻣﺮﺍﺩ ؛؛ ﺑﺼﻮﺕ ﻋﺎﻟﻲ
ﻧﺎ ﻗﺎﻟﺖ ﺧﺸﻴﻴﻴﻴﻴﻴﻴﻴﻲ ﺭﺍﻩ ﻣﺎﺯﺍﻟﺖ ﻣﺎ ﺷﻔﺘﻲ ﻭﺟﻲ ﺍﻟﺘﺎﻧﻲ
ﻭﺧﺬﻳﺖ ﺍﻟﺴﻔﺮﻩ ﻭﻣﺸﻴﺖ ﺷﻠﺘﻬﺎ ﻟﻠﻤﻄﺒﺦ ﻭﺭﺩﻳﺖ ﺍﻟﺤﺎﺟﺎﺕ ﻭﻃﻠﻌﺖ ﻭﻟﻠﻘﻴﺘﻪ ﺍﻳﺼﻠﻲ ﻭﻣﺸﻴﺖ
ﺍﺑﺴﺮﻋﻪ ﺷﻮﺭ ﺍﻟﺪﺍﺭ ﻭﺗﻤﻴﺖ ﻧﺒﻜﻲ ﻭﻣﻨﻬﺎﺭﻩ
ﻭﻫﻮ ﺳﻤﻌﺖ ﻭﻟﻊ Tv ﻭﺑﻌﺪ ﺑﻨﺺ ﺳﺎﻋﻪ ﻃﻠﻌﺖ ﻭﺍﻟﻘﻴﺘﻪ ﺭﺍﻗﺪ ﺟﺒﺘﻠﻪ ﻓﻮﻃﻪ ﻭﺣﻄﻴﺘﻬﺎ ﻋﻠﻴﻪ ﻭ
ﻭﻃﻴﺖ ﺻﻮﺕ ﻭﻣﺸﻴﺖ ﻟﺪﺍﺭ ﻭﻗﻌﺪﺕ ﻧﻴﻦ ﺍﺫﻥ ﺍﻟﻌﺼﺮ ﺻﺒﻴﺎ ﺗﻮﺿﻴﺖ ﻭﺻﻠﻴﺖ ﺍﻟﻌﺼﺮ ﻭﺑﻌﺪﻫﺎ
ﺳﻤﻌﺖ ﺻﻮﺕ ﻓﻮﻥ ﻣﺮﺍﺩ ﺍﻳﺮﻥ
ﻣﺮﺍﺩ ؛؛ ﺍﻳﻮﻩ ﻫﺎ ﺍﻣﻲ
ﻋﻤﺘﻲ ؛؛ ﺧﻴﺮ ﻳﺎ ﻣﺮﺍﺩ ﻛﻴﻒ ﺣﺎﻟﻚ
ﻣﺮﺍﺩ ؛؛ ﺍﻛﻮﻳﺲ ﺍﻟﺤﻤﺪﺍﻟﻠﻪ ﻫﺎ ﺷﻦ ﺍﺧﺒﺎﺭ ﺍﻟﺒﺤﺮ ﻋﻨﺪﻛﻢ ﻭﺷﻦ ﺟﻮ ﻟﻤﺎﺭ ﻭﺣﻤﺎﺩﻱ
ﻋﻤﺘﻲ ؛ ﻗﺎﻋﺪﻳﻦ ﻳﻠﻌﺒﻮ ﻣﺮﺍﺩ ﺗﻌﺎﻝ ﺍﻟﻴﻮﻡ ﺧﻤﻴﺲ ﻭﺑﻜﺮﻩ ﺟﻤﻌﻪ ﺗﻌﺎﻝ ﻭﺑﺎﺕ ﺗﻌﺎﻝ ﻏﻴﺮ ﺟﻮﻙ ﻭﺍﻧﺖ
ﺩﻳﻤﻪ ﻣﻦ ﻋﻴﺎﺩﻩ ﻟﻌﻴﺎﺩﻩ
ﻣﺮﺍﺩ ؛؛ ﻣﺶ ﻓﺎﺿﻲ ﻳﺎﺍﻣﻲ
ﻋﻤﺘﻲ ؛؛ ﺑﻜﺮﻩ ﺟﻤﻌﻪ ﺗﻌﺎﻝ ﺣﺘﻲ ﻋﻠﻲ ﺍﻟﻤﻐﺮﺏ ﻭﺑﺎﺕ ﺍﻟﺠﻤﻌﻪ ﺭﺍﺣﻪ ﻋﺎﺩ
ﻣﺮﺍﺩ ؛؛ ﺑﺎﻫﻲ ﺗﻮ ﺍﻧﺸﻮﻑ
ﻋﻤﺘﻲ ؛؛ ﺍﺻﻼ ﻧﺎ ﻗﺎﻟﺖ ﻧﺒﻲ ﻣﺸﻴﺖ ﺑﺤﺮ ﻭﻣﺎ ﻧﺒﻴﺶ ﺣﺪ ﻓﻴﻜﻢ ﺍﻳﻐﻴﺐ ﺑﺲ ﺍﻧﺖ ﺩﻳﻤﻪ ﻫﻜﻲ
ﻣﺮﺍﺩ ؛؛ ﺧﻼﺹ ﻳﺎﺍﻣﻲ ﺗﻮ ﺍﻧﺸﻮﻑ ﻣﻤﻜﻦ ﺑﻌﺪ ﺍﻟﻌﻴﺎﺩﻩ ﺗﻮ ﺍﻧﺠﻲ
ﻋﻤﺘﻲ ؛؛ ﺭﺍﻩ ﺍﺗﺒﺎﺕ ﻧﺮﺟﺎ ﻓﻴﻚ
ﻣﺮﺍﺩ ؛؛ ﺣﺎﺿﺮ
ﻭﺻﻜﺮ ﻣﺮﺍﺩ ﻭﺧﺶ ﻟﺤﻤﺎﻡ ﻭﺗﻮﺿﺎ ﻭﺻﻠﻲ ﺍﻟﻌﺼﺮ ﻭﺧﺶ ﻋﻠﻴﺎ ﻓﻲ ﺍﻟﺪﺍﺭ ﻭﻣﺎ ﺑﺶ ﺍﻳﺒﺤﺖ ﻓﻴﺎ
ﻭﻓﺘﺢ ﺍﻟﺪﻭﻻﺏ ﻭﻃﻠﻊ ﺩﺑﺸﻪ
ﻭﻃﻠﻊ ﻭﻏﻴﺮ ﺩﺑﺸﻪ ﻭﺑﻌﺪﻫﺎ ﺧﺶ ﻋﻠﻴﺎ ﻭﺣﻂ ﺍﺩﺑﺸﻪ ﻋﻠﻲ ﺍﻟﺴﺮﻳﺮ
ﻣﺮﺍﺩ ؛؛ ﺑﻴﺶ ﺍﺗﻮﺗﻲ ﺭﻭﺣﻚ ﺑﻌﺪ ﻣﺎ ﺍﻧﺮﻭﺡ ﺗﻮ ﻧﻤﺸﻮ ﻟﻠﺒﺤﺮ ﺭﺍﻩ ﺑﺎﻳﺘﻦ ﺑﻴﺶ ﺍﺗﻮﺗﻲ ﺩﺑﺶ ﻟﻠﻴﻞ
ﻧﺎ ؛؛ﺑﺎﻻﺳﺘﻐﺮﺍﺏ
ﺑﺤﺮ
ﻣﺮﺍﺩ ؛؛ ﺍﻫﺎ ﺑﺤﺮ ﻛﻴﻒ ﻣﺎﺗﺒﻴﺶ
ﻧﺎ ؛؛ ﺑﻪ ﺣﺎﺿﺮ ﺗﻮ ﺍﻧﻮﺗﻲ ﺭﻭﺣﻲ
ﻭﺗﻤﻴﺖ ﺍﻧﺒﺤﺖ ﻓﻴﻪ ﻭﻫﻮ ﻳﻤﺸﻂ ﻓﻲ ﺷﻌﺮﻩ ﻭﺍﻳﻤﺸﻲ ﻓﻴﻪ ﻻﻭﺭﺍﻩ
ﻭﻛﻤﻞ ﻭﺣﻂ ﻋﻄﺮ ﻭﻃﻠﻊ ﺑﺪﻭﻥ ﻣﺎ ﻳﺤﻜﻲ ﻣﻌﻲ ﻭﻻ ﻛﻠﻤﻪ
ﻭﻧﺎ ﺻﺒﻴﺖ ﻭﺗﻴﺖ ﺷﻨﻄﻪ ﺣﻄﻴﺖ ﺗﻮﺗﻪ ﻟﺮﻭﺣﻲ ﻭﻻﺑﺴﻪ ﻭﻣﻨﺸﻒ ﻭﻣﻨﻈﺎﻓﺎﺗﻲ ﻭﺣﻄﻴﺘﻠﻪ ﺣﺘﻲ ﻫﻮ
ﺣﻄﻴﺘﻠﻪ ﺗﻮﺗﻪ ﻭﻣﻨﺸﻒ ﻭﻣﻨﻈﺎﻓﺎﺗﻪ ﻭﺷﻔﺖ ﻓﻲ ﺍﻟﺪﻭﻻﺏ ﻭﺍﻟﻘﻴﺖ ﻋﻨﺪﻩ ﺷﺮﺕ ﺑﺤﺮ ﻭﺷﺮﺕ ﻋﻨﺪ
ﺍﻟﺮﻛﺒﻪ ﺍﻣﺮﻳﻜﻲ ﻭﺣﻄﻴﺘﻠﻪ ﻋﻠﻴﻬﺎ ﺗﻴﺸﺮﺕ ﺍﺑﻴﺾ
ﻭﻣﺸﻴﺖ ﻭﺷﻔﺖ ﺍﻟﻤﻄﺒﺦ ﻃﻠﻌﺖ ﻃﺎﺟﻴﻦ ﺑﺴﺒﻮﺳﻪ ﻭﺗﻴﺘﻪ
ﻭﻣﺸﻴﺖ ﻭﺗﻴﺖ ﺭﻭﺣﻲ ﺑﺸﻮﻳﻪ ﺑﺸﻮﻳﻪ ﻭﻻﺑﺴﺖ ﺟﻨﻴﺰ ﺑﻴﺞ ﻭﺍﺑﻠﻮﺯﻩ ﻛﺤﻠﻲ ﻓﻴﻬﺎ ﺩﻭﺍﺋﺮ ﺑﻴﺞ
ﻭﻃﻠﻌﺖ ﻛﻨﺪﺭﻩ
ﺍﻣﺨﻄﻄﻪ ﻭﺭﺩﻱ ﻋﻠﻲ ﺑﻴﺞ ﻋﻠﻲ ﺍﺯﺭﻕ ﻭﻃﻠﻌﺖ ﻭﺷﺎﺡ ﻭﺭﺩﻱ ﻭﺷﻨﻄﻪ ﺑﻴﺞ
ﻭﺩﺭﺕ ﻛﻴﻚ ﺧﻔﻴﻒ ﺭﺳﻢ ﻋﻴﻦ ﻣﻦ ﻓﻮﻕ ﺑﺲ ﻭﺩﺭﺕ ﻗﻠﻢ ﺍﺯﺭﻕ ﻭﺭﻭﺝ ﺑﺴﻴﻂ ﻭﺭﺩﻱ ﻭﺣﻄﻴﺖ
ﻋﻄﺮ ﻭﻗﻌﻤﺰﺕ ﻭﺑﻌﺪ ﻧﺺ ﺳﺎﻋﻪ ﺧﺶ ﻋﻠﻴﺎ ﻣﺮﺍﺩ
ﻣﺮﺍﺩ ؛؛ ﻫﺎ ﻭﺗﻴﺘﻲ ﺭﻭﺣﻚ
ﻧﺎ ؛ ﺍﻫﺎ ﻭﺗﻴﺖ
ﻣﺮﺍﺩ ؛؛ ﻋﻨﺪﻱ ﺷﺮﺕ ﺑﺤﺮ ﺍﺯﺭﻕ ﻃﻠﻌﺘﻴﻪ ﻟﻴﺎ
ﻧﺎ ؛ ﺍﻫﻮ ﺗﻌﺎﻝ ﺷﻮﻑ ﺍﻟﻘﻴﺖ ﻭﺍﺣﺪ ﺍﺧﻀﺮ
ﻣﺮﺍﺩ ؛؛ ﻭﻳﻨﻪ
ﻭﺧﺶ ﻭﺭﺍﻱ ﻭﻃﻠﻌﺘﻪ ﻟﻪ ﻣﻦ ﺍﻟﺸﻨﻄﻪ
ﻣﺮﺍﺩ ؛؛ ﻻﻻ ﻫﺬﺍ ﺍﻗﺼﻴﺮ ﻭﺍﺟﺪ ﺳﺎﻣﻂ
ﻓﻲ ﻭﺍﺣﺪ ﺍﺯﺭﻕ ﻃﻮﻳﻞ ﺍﺷﻮﻳﻪ ﻋﻨﺪ ﺍﻟﺮﻛﺒﻪ
ﻧﺎ ؛؛ ﻭﻳﻦ ﻗﺎﻋﺪ
ﻣﺮﺍﺩ ؛؛ ﺷﻮﻓﻴﻪ ﻓﻲ ﺍﻟﺪﺭﺝ ﺍﻻﺧﻴﺮ ﻛﺬﺍ
ﻭﻓﺘﺤﺖ ﺍﻟﺪﺭﺡ ﻭﺍﻟﻘﻴﺖ ﺷﻮﺭﺗﻴﻦ ﺍﺯﺭﻕ ﻭ ﺑﻴﺞ ﻃﻠﻌﺘﻬﻦ ﻭﺣﻄﻴﺘﻠﻪ ﻏﻴﺮﺍﺕ
ﻣﺮﺍﺩ ؛؛ ﻫﺎﺗﻲ ﺍﻟﺒﻴﺞ ﻧﺒﻲ ﻧﻼﺑﺲ ﺗﻮ
ﻭﻣﺪﻳﺘﻪ ﻟﻪ ﻭﺧﺬﻳﺖ ﺍﻟﺸﻨﻄﻪ ﻭﻃﻠﻌﺖ
ﻭﺑﻌﺪﻫﺎ ﻫﻮ ﻃﻠﻊ ﻋﻠﻴﺎ
ﻣﺮﺍﺩ ؛؛ ﻫﻴﺎ ﺍﻣﻲ ﺍﻣﺒﺪﺭﻱ ﻭﺍﺗﺮﻥ
ﻧﺎ ؛ ﻫﻴﺎ ﻫﻴﺎ
ﻭﺧﺸﻴﺖ ﻟﻠﺪﺍﺭ ﻭﻻﺑﺴﺖ ﺍﻟﻌﺒﺎﻳﻪ ﻭﺍﻟﺨﻤﺎﺭ ﻭﻣﺮﺍﺩ ﺍﻣﺼﺒﻲ ﻋﻠﻲ ﺍﻟﺒﺎﺏ ﻭ ﺍﻳﺒﺤﺖ ﻓﻴﺎ
ﻣﺮﺍﺩ ؛؛ ﺗﻮ ﺍﻟﺨﻤﺎﺭ ﺗﺒﻲ ﺗﻘﻌﺪﻱ ﺑﻪ ﻋﻠﻲ ﺍﻟﺒﺤﺮ
ﻧﺎ ؛ ﺑﺤﺘﺖ ﻓﻴﻪ
ﻋﻠﻴﻚ ﺍﻧﺖ ﺗﺒﻴﻨﻲ ﺍﻧﺤﻮﻟﻪ ﻋﻠﻲ ﺍﻟﺒﺤﺮ ﺍﻧﺤﻮﻟﻪ ﺑﺮﺍﺣﺘﻚ
ﻣﺮﺍﺩ ؛؛ ﻻﻻ ﺣﻮﻟﻴﻪ ﻣﻦ ﺗﻮ ﻣﺎ ﺷﻮﺭ ﺷﻲﺀ ﻻﺑﺴﺘﻪ
ﻧﺎ ؛؛ ﺑﻪ ﺣﺎﺿﺮ
ﻭﺣﻮﻟﺖ ﺍﻟﺨﻤﺎﺭ ﻭﺑﺤﺘﺖ ﻓﻴﻪ
ﻣﺮﺍﺩ ﺍﻧﺤﻮﻝ ﺍﻟﻌﺒﺎﻳﻪ ﺑﺎﻟﻤﺮﻩ ﻻﻥ ﻭﺍﻟﻠﻪ ﻻﺑﺴﺘﻲ ﻣﺴﺘﻮﺭﻩ ﺷﻮﻓﻪ ﻫﻪ ﻋﻨﺪ ﺍﻟﺮﻛﺒﻪ
ﻣﺮﺍﺩ ؛؛ ﻛﺬﺍ
ﻭﺑﺤﺖ ﻓﻴﺎ
ﺑﻪ ﺣﻮﻟﻴﻬﺎ ﻭﻫﻴﺎ ﺍﻃﻠﻌﻲ ﺍﺑﺴﺮﻋﻪ
ﻭﻧﺎ ﻓﺮﺣﺖ ﻭﺣﻮﻟﺖ ﺍﻟﻌﺒﺎﻳﻪ ﻭﻃﻠﻌﺖ ﻭﺧﺬﻳﺖ ﻃﺎﺟﻴﻦ ﺍﻟﺒﺴﺒﻮﺳﻪ
ﻭﻧﺰﻟﺖ ﻭﺭﺍﺀ ﻣﺮﺍﺩ
ﻭﺭﻛﺒﺖ ﻣﻌﻪ ﻓﻲ ﺍﻟﺴﻴﺎﺭﻩ
ﻭﻫﻮ ﻻﺑﺲ ﻧﻈﺎﺭﺗﻪ ﻭﺑﺤﺘﺖ ﻓﻴﻪ ﻭﻛﺎﻥ ﻃﺎﻟﻊ ﺍﻳﺠﻦ ﻻﻥ ﺍﻭﻝ ﻣﺮﻩ ﺍﻧﺸﻮﻑ ﻫﻜﻲ ﻻﺑﺲ ﻛﺠﻮﻝ
ﻭﻃﺎﻟﻊ ﻭﻛﺄﻧﻪ ﺷﺎﺏ ﺍﺻﻐﻴﺮ
ﻭﻫﻮ ﻭﻟﻊ ﺍﻟﺪﺧﺎﻥ
ﻣﺮﺍﺩ ؛؛ ﺗﺒﻲ ﺣﺎﺟﻪ ﻧﺒﻲ ﺍﻧﺘﻜﻲ ﻋﻠﻲ ﺍﻟﻤﺤﻞ
ﻧﺎ ؛ ﻻ ﺳﻼﻣﺘﻚ
ﻣﺮﺍﺩ ؛؛ ﻧﺒﻲ ﻧﺎﺧﺬ ﻣﻜﺴﺮﺍﺕ ﻭﺷﻜﻮﻻﻃﺎﺕ ﻭﻋﺼﻴﺮ
ﻧﺎ ؛؛ ﺑﻪ ﺗﻤﺎﻡ ﻫﻜﻲ
ﻭﻧﺰﻝ ﻣﺮﺍﺩ ﻟﻤﺤﻞ ﻭﺧﺬﺍ ﺍﻛﻴﺎﺱ ﺍﻛﻴﺎﺱ ﻣﻦ ﻟﻴﺰﺍ ﻭﻣﻜﺴﺮﺍﺕ ﻭﺷﻜﻮﻻﻃﺎﺕ ﻭﻋﺼﺎﺋﺮ ﻭﻓﻮﺍﻛﻪ
ﻭﺣﻄﻨﻪ ﻭﺭﻛﺐ
ﻭﻣﺸﻴﻨﺎ ﻭﻛﺎﻥ ﻃﻮﻝ ﺍﻟﻄﺮﻳﻖ ﻭﻫﻮ ﺳﺎﻛﺖ ﻭﻧﺎ ﺍﻧﺒﺤﺖ ﻓﻴﻪ ﻛﺎﻥ ﺍﻧﻪ ﻃﺎﻟﻊ ﺍﻳﺠﻨﻦ ﻭﺍﻳﻬﺒﻞ
ﻣﺮﺍﺩ ؛؛ ﺑﺮﻡ ﻭﺟﻪ ﻭﺑﺤﺖ ﻓﻴﺎ
ﻭﻟﻘﻨﻲ ﻣﺒﺘﺴﻤﻪ
ﻭﺭﺩ ﺑﺤﺖ ﻓﻲ ﺍﻟﻄﺮﻳﻖ ﻭﻫﻮ ﺳﺎﻛﺖ
ﻭﻭﺻﻠﻨﺎ ﻟﻠﻤﻜﺎﻥ ﻭﻧﺰﻝ ﻣﺮﺍﺩ ﻭﻧﺰﻟﺖ ﻧﺎ ﻣﻌﻪ ﻭﻫﻮ ﺗﻢ ﺍﻳﻨﺰﻝ ﻓﻲ ﺍﻻﻛﻴﺎﺱ ﻭﺟﻴﺘﻪ ﻧﺎ ﺑﻴﺶ ﺍﻧﺴﺎﻋﺪﻩ
ﻣﺮﺍﺩ ؛؛ ﺍﻧﺘﻲ ﺧﻮﺫﻱ ﺷﻨﻄﺘﻚ ﺑﺲ
ﻧﺎ ؛؛ ﺑﻪ
ﻭﺧﺬﻳﺖ ﺷﻨﻄﺘﻲ ﻭﻫﻮ ﺷﺎﻝ ﺍﻻﻛﻴﺎﺱ
ﻣﺮﺍﺩ ؛؛ ﺍﻭﻭﻭﻭﻭ ﻧﺴﻴﺖ ﺑﻜﻞ
ﺍﻳﻪ ﺗﻌﺎﻟﻲ ﻃﻠﻌﻲ ﻣﻔﺘﺎﺡ ﺍﻟﺴﻴﺎﺭﻩ ﻣﻦ ﺟﻴﺒﻲ ﻭﺳﻜﺮﻳﻬﺎ
ﻧﺎ ؛ ﺑﻪ
ﻭﺟﻴﺘﻪ ﻭﻗﺮﺑﺖ ﻣﻨﻪ ﻭﺍﻧﺤﺲ ﻓﻲ ﺭﻋﺸﻪ ﻓﻲ ﻳﺪﻱ ﻭﻣﺎﺣﻮﺗﻨﻲ ﺧﺸﺸﺖ ﻳﺪﻱ ﻓﻲ ﺟﻴﺒﻪ ﻭﻃﻠﻌﺖ
ﺍﻟﻤﻔﺘﺎﺡ
ﻣﺮﺍﺩ ؛؛ ﺯﺭﻱ ﺍﻟﺒﻄﻤﻪ ﺍﻟﺘﺎﻧﻴﻪ
ﻧﺎ ؛ ﻫﺬﻩ ﺑﻪ
ﻭﺯﺭﻳﺘﻬﺎ ﻭﺳﻜﺮﺗﻬﺎ
ﻭﻗﺮﺑﺖ ﻣﻨﻪ ﺑﻴﺶ ﺍﻧﺮﺩ ﺍﻟﻤﻔﺘﺎﺡ ﻓﻲ ﺟﻴﺒﻪ
ﻣﺮﺍﺩ ؛؛ ﺧﻠﻴﻬﻦ ﻓﻲ ﺷﻨﻄﺘﻚ ﻭﻫﻴﺎ
ﻭﻣﺸﻲ ﻭﻧﺎ ﻣﺸﻴﺖ ﻭﺭﺍﻩ
ﻭﺟﻴﻨﺎ ﻋﻠﻲ ﺍﻟﺸﻂ ﻭﺗﻤﻴﻨﺎ ﺍﻧﺒﺤﺘﻮ ﻭﺍﻧﺪﻭﺭﻭ ﻓﻴﻬﻢ
ﻭﻣﺮﺍﺩ ﻳﻤﺸﻲ ﻗﺪﺍﻣﻲ ﺑﻤﺴﺎﻓﻪ ﺑﻌﻴﺪ ﺍﺷﻮﻳﻪ
ﻭﻧﺎ ﻧﻤﺸﻲ ﻭﺍﻧﺒﺤﺖ ﻓﻲ ﺍﻟﺒﺤﺮ ﻻﻥ ﻟﻴﺎ ﺯﻣﺎﻥ ﻋﻠﻴﻪ ﺑﻜﻞ
ﻧﻤﺸﻲ ﻭﺍﻧﺒﺤﺖ ﻓﻲ ﺍﻟﺸﻂ ﻭﺑﺪﻭﻥ ﻣﺎ ﺍﻧﺤﺲ ﺑﺮﻭﺣﻲ ﺧﺒﻄﺖ ﻓﻲ ﻭﺍﺣﺪ
ﻧﺎ ؛؛ ﺍﺭﺗﺒﻜﺖ ﻭﺑﺤﺘﺖ ﻓﻴﻪ
ﻭﻧﺰﻟﺖ ﺭﺍﺳﻲ
ﺍﺳﻔﻪ ﺍﺳﻔﻪ
ﺍﻟﺸﺎﺏ؛ ﺧﻮﺫﻱ ﺭﺍﺣﺘﻚ ﻛﺎﻥ ﺗﺒﻲ ﺗﺨﺒﻄﻲ ﺍﺧﺮ ﻣﺎ ﻳﻬﻤﻚ ﺷﻲﺀ
ﻭﺑﺮﻡ ﻣﺮﺍﺩ ﻭﺷﺎﻓﻨﻲ ﻛﻴﻒ ﺍﻣﺼﺒﻴﻪ ﻭﺍﻣﻨﺰﻟﻪ ﺭﺍﺳﻲ ﻭﺍﻧﺤﺎﻭﻝ ﺍﻧﺴﻴﺐ ﺍﻟﺸﺎﺏ ﻭﻫﻮ ﻗﺎﻋﺪ ﻗﺪﺍﻣﻲ
ﻭﺍﻭﻝ ﻣﺎ ﺟﺖ ﻋﻴﻨﻲ ﻓﻲ ﻋﻴﻨﻪ
ﻧﺎ ؛ ﻣﺮﺍﺩ ﺍﺻﺒﺮ
ﻭﺟﺎ ﻣﺮﺍﺩ ؛؛ ﻧﻌﻢ ﻓﻲ ﺣﺎﺟﻪ
ﺍﻟﺸﺎﺏ ؛ ﺍﺳﻔﻴﻦ ﻳﺎ ﺍﺳﺘﺎﺫ
ﻣﺮﺍﺩ ؛؛ ﺍﻗﻠﺐ ﺧﻠﻘﺘﻚ ﺍﺣﺴﻨﻠﻚ
ﺍﻟﺸﺎﺏ ؛ ﻣﺎﺣﺪ ﺟﺎ ﺷﻮﺭﻙ ﻭﺳﻊ ﺑﺎﻟﻚ
ﻣﺮﺍﺩ ؛؛ ﺑﺎﻫﻲ ﻫﻴﺎ ﺗﺤﺮﻙ ﻣﻦ ﻗﺪﺍﻣﻲ
ﻭﺟﻴﺘﻪ ﺍﺑﺴﺮﻋﻪ ﻭﻣﺴﻜﺖ ﻓﻲ ﻳﺪﻩ ﻭﺷﺎﺏ ﺑﺤﺖ ﻓﻴﻨﺎ ﻭﻋﺪﺍ
ﻣﺮﺍﺩ ،؛ ﻫﺬﻩ ﻣﻦ ﺍﻻﺑﺘﺴﺎﻣﺎﺕ ﺍﻟﻠﻲ ﻣﻦ ﺍﻣﺒﺪﺭﻱ ﺍﺗﻮﺯﻋﻲ ﻓﻴﻬﻦ ﻭﺣﺮﻙ ﻳﺪﻩ ﺑﻘﻮﻩ ﻭﺣﻮﻟﻬﺎ ﻣﻦ ﻳﺪﻱ
ﺍﻣﺸﻲ ﻗﺪﺍﻣﻲ
ﻧﺎ ﺍﺑﺘﻌﺪﺕ ﻣﻨﻪ ﻭﻣﺸﻴﺖ ﻗﺪﺍﻣﻪ
ﻭﺟﺎﻧﺎ ﻃﺎﺭﻕ ﻳﺠﺮﻱ
ﻃﺎﺭﻕ ؛؛ ﻛﻨﻚ ﻳﺎ ﻣﺮﺍﺩ ﺷﻔﺘﻚ ﺗﺤﻜﻲ ﻣﻊ ﺍﻟﺸﺎﺏ ﻫﺬﺍ ﺷﻦ ﺍﻳﻨﺎﺑﺶ
ﻣﺮﺍﺩ ؛ ﻻ ﺧﻼﺹ ﻓﻮﺗﻪ ﻭﻣﺪﻟﻪ ﺍﻻﻛﻴﺎﺱ ﻭﺷﺎﻟﻬﻦ ﻣﻌﻪ
ﻭﻳﻨﻬﻢ ﻫﻠﻚ
ﻃﺎﺭﻕ ؛؛ ﺍﻫﻮ ﺍﻗﺮﻳﺐ
ﺷﻦ ﺍﻻﺧﺒﺎﺭ ﻳﺎ ﺍﻳﻪ
ﻧﺎ ؛؛ ﺑﺤﺘﺖ ﻓﻴﻪ
ﺗﻤﺎﻡ ﺍﻟﺤﻤﺪﺍﻟﻠﻪ ﺷﻦ ﺍﺧﺒﺎﺭﻙ ﺍﻧﺖ
ﻃﺎﺭﻕ ؛؛ ﺍﻫﻮ ﺣﺎﻝ ﺍﻟﺒﺤﺮ
ﻭﻭﺻﻠﻨﻬﻢ ﻭﺟﺘﻨﺎ ﻟﻤﺎﺭ ﺗﺠﺮﻱ
ﻟﻤﺎﺭ ؛ ﺑﺎﺑﺎ ﻭﺟﺎﺗﻪ ﺗﺠﺮﻱ ﻭﺍﺿﺒﻄﺎﺗﻪ ﻭﻫﻮ ﺷﺎﻟﻪ
ﻣﺮﺍﺩ ؛؛ ﻧﻌﻢ ﻳﺎﺍﻋﻴﻮﻥ ﺑﺎﺑﺎ ﺍﻧﺘﻲ ﺷﻦ ﺍﺗﻌﻮﻣﻲ ﻗﺎﻋﺪﻩ
ﻟﻤﺎﺭ ؛؛ ﻣﻦ ﺍﻣﺲ ﻳﺎ ﺑﺎﺑﺎ
ﻭﺳﻠﻤﻨﺎ ﻋﻠﻴﻬﻢ
ﻭﺣﻤﺎﺩﻱ ﺗﻢ ﺍﻳﺼﻔﻖ ﻭﺍﻳﻘﻮﻝ ﺍﻳﻴﻴﻲ
ﻓﺮﺡ ﻋﻠﺸﺎﻥ ﺷﺎﻑ ﻣﺮﺍﺩ
ﻭﺟﺎﻩ ﻣﺮﺍﺩ ﻭﻧﺰﻝ ﻟﻤﺎﺭ ﻭﻣﺴﻚ ﺣﻤﺎﺩﻱ
ﻋﻤﺘﻲ ؛؛ ﺳﺒﺤﺎﻥ ﺍﻟﻠﻪ ﻣﻦ ﺍﻣﺲ ﻣﻌﺎﻧﺎ ﻣﺎ ﺷﻔﻨﺎ ﻓﺮﺣﺘﻬﻢ ﺍﻻ ﺗﻮ ﻟﻤﺎ ﺟﺎ ﺑﺎﺗﻬﻢ
ﻫﺪﻱ ؛؛ ﺣﺘﻲ ﻫﻮ ﺑﺎﺗﻬﻢ ﺗﻌﺎﻟﻲ ﻳﺎ ﺍﻳﻪ ﻗﻌﻤﺰﻱ
ﻭﺟﻴﺖ ﻭﻗﻌﻤﺰﺕ ﻭﺍﻧﺒﺤﺖ ﻓﻲ ﻣﺮﺍﺩ ﻭﺣﻤﺎﺩﻱ
ﺣﻤﺎﺩﻱ ﻛﺮ ﻧﻈﺎﺭﺕ ﻣﺮﺍﺩ
ﻣﺮﺍﺩ ؛ ﻻﻻ ﺧﻠﻴﻬﻢ ﻳﺎ ﺑﺎﺑﺎ ﻧﺒﻴﻬﻦ
ﻭﺟﺎ ﻋﻤﻲ
ﻋﻤﻲ ؛؛ ﺍﻫﻼ ﻭﺳﻬﻼ
ﻭﺻﺒﺎ ﻣﺮﺍﺩ ﻭﺳﻠﻢ ﻋﻠﻲ ﻋﻤﻲ ﻭﻧﺎ ﺟﻴﺘﻪ ﻭﺳﻠﻤﺖ ﻋﻠﻴﻪ
ﻋﻤﻲ ؛؛ ﻋﺎﺭﻑ ﻛﺎﻥ ﻣﺎ ﺟﻴﺘﺶ ﺍﻟﻴﻮﻡ ﻛﻨﺖ ﻋﺎﺑﻲ ﺍﻧﺠﻴﺒﻜﻢ ﺑﻘﻮﻩ ﺷﻦ ﻟﻌﻨﺪ ﺍﻣﺘﻲ ﻭﺍﻧﺖ ﻣﻦ ﻋﻴﺎﺩﻩ
ﻟﻌﻴﺎﺩﻩ ﺭﺍﻩ ﻣﺶ ﻫﻜﻲ ﺍﻟﺤﻴﺎﻩ
ﻣﺮﺍﺩ ؛؛ ﻭﺍﻟﻠﻪ ﻳﺎ ﺑﺎﺗﻲ ﻫﺬﺍ ﻭﻳﻦ ﺑﺪﻳﺖ ﻛﻨﺖ ﻭﺍﺧﺬ ﺍﺟﺎﺯﻩ ﺍﻻﺳﺒﻮﻉ ﺍﻟﻠﻲ ﻓﺎﺕ
ﻋﻤﻲ ؛ ﻭﺷﻦ ﺩﺭﺕ ﺑﻬﺎ ﺍﻻﺟﺎﺯﻩ ﻛﻨﺖ ﻣﺤﺒﻮﺱ ﻓﻲ ﺍﻟﺸﻘﻪ
ﻣﺮﺍﺩ ؛؛ ﺍﻫﻮ ﺟﻴﺖ
ﺍﻟﻬﺎﻡ ؛؛ ﻣﺮﺍﺩ ﺍﻧﺼﺒﻠﻚ ﻗﻬﻮﻩ
ﻣﺮﺍﺩ ؛؛ ﻳﺎﺭﻳﺖ ﻭﺍﻟﻠﻪ
ﻛﻴﻒ ﻭﻳﻦ ﻋﻴﺖ ﻣﻨﺘﺼﺮ
ﻋﻤﺘﻲ ؛؛ ﺍﻣﺒﺪﺭﻱ ﻭﻫﻢ ﻓﻲ ﺍﻟﺒﺤﺮ
ﻭﻣﺪﺗﻠﻪ ﺍﻟﻬﺎﻡ ﺍﻟﻘﻬﻮﻩ ﻭﻣﺪﺗﻠﻲ ﺣﺘﻲ ﻧﺎ
ﺍﻟﻬﺎﻡ ؛؛ ﺩﺍﻳﺮﻩ ﺑﺴﺒﻮﺳﻪ
ﻧﺎ؛ ؛ ﺍﻫﺎ ﺩﺭﺗﻬﺎ ﺍﻣﺒﺪﺭﻱ ﻋﻠﻲ ﺍﻟﻐﺪﺍﺀ
ﻫﺪﻱ ؛؛ ﻣﺪﻳﻠﻲ ﻃﺮﻑ ﺑﻌﺪﻙ ﺍﺗﺠﻨﻦ ﺑﺴﺒﻮﺳﺘﻬﺎ
ﺍﻟﻬﺎﻡ ؛؛ ﺧﻮﺫﻱ ﻳﺎ ﺣﻨﻪ
ﺍﻧﻤﺪﻟﻚ ﻃﺮﻑ ﻳﺎ ﻣﺮﺍﺩ
ﻭﺑﺤﺘﺖ ﻓﻴﻪ ﻭﻧﺮﺟﺎ ﻓﻲ ﺍﻟﺮﺩ ﺍﻣﺘﻌﻪ ﻭﻫﻮ ﺑﺤﺖ ﻓﻴﺎ
ﻣﺮﺍﺩ ؛؛ ﻻﻻ ﺷﻜﺮﺍ
ﺍﻭﻭﻭﻭ ﺩﻳﻤﻪ ﻗﻬﻮﺗﻚ ﻣﺰﺑﻮﻃﻪ ﻳﺎ ﺍﻟﻬﺎﻡ
ﺍﻟﻬﺎﻡ ؛؛ ﻫﻬﻬﻬﻪ ﻋﺎﺭﻑ ﻫﺬﺍ ﺍﻟﻤﻄﻠﻮﺏ
ﻭﺟﺘﻨﺎ ﻫﺎﺟﺮ ﺗﺠﺮﻱ ﻭﺭﺍﻫﺎ ﺣﺎﺗﻢ ﻭﻃﺎﺭﻕ
ﻭﺟﺖ ﻭﺭﺍﺀ ﻋﻤﻲ
ﻫﺎﺟﺮ ؛؛ ﺑﺎﺑﺎ ﻳﺎ ﺑﺎﺑﺎ ﻗﻮﻟﻠﻬﻢ ﻳﺒﻮ ﺍﻳﻐﺮﻗﻮﻧﻲ
ﻃﺎﺭﻕ ؛؛ ﺍﺯﻱ ﺗﺘﻔﻖ ﻋﻠﻴﺎ ﻫﻲ ﻭﺣﺎﺗﻢ ﻭﻳﻤﺴﻜﻮﻧﻲ ﺟﻮﺍ ﻭﺍﻟﻠﻪ ﺗﻮ ﺍﻧﺮﺩﻫﺎ
ﺣﺎﺗﻢ ؛؛ ﺗﺤﺸﻢ ﻟﻤﺎ ﺷﺎﻓﻨﻲ
ﻣﺮﺍﺩ ﺷﻦ ﺍﻻﺧﺒﺎﺭ ﺍﻣﺘﻲ ﺟﻴﺖ
ﻣﺮﺍﺩ ؛؛ ﺗﻮ ﺟﻴﺖ
ﺍﻟﻬﺎﻡ ؛؛ ﺣﺎﺗﻢ ﺑﺤﺖ ﻓﻲ ﺭﺗﺎﺝ ﺷﻮﻓﻬﺎ
ﺣﺎﺗﻢ ؛؛ ﺑﺮﻡ ﻭﺟﻪ ﻭﻟﻘﻬﺎ ﻣﺎﺳﻜﻪ ﻓﻲ ﻟﻤﺎﺭ ﻭﺍﺗﻜﺮ ﻓﻴﻬﺎ
ﺭﺗﺎﺝ ﺑﻄﻠﻲ ﺳﻴﺒﻲ ﻟﻤﺎﺭ
ﺭﺗﺎﺝ ؛؛ ﻳﺎ ﺑﺎﺑﺎ ﺍﻣﺒﺪﺭﻱ ﻭﻫﻲ ﺍﺩﻑ ﻓﻴﺎ ﻓﻲ ﺍﻟﺒﺤﺮ
ﺣﺎﺗﻢ ؛؛ ﻭﺍﻧﺘﻲ ﺑﺨﺘﻚ ﺑﺎﻟﻬﻮﻥ ﺩﻳﻤﻪ ﻛﺒﺴﻴﻨﻚ ﺍﻧﺘﻲ
ﺍﻟﻬﺎﻡ ؛؛ ﻫﻬﻬﻬﻬﻬﻬﻬﻬﻪ ﻣﺎ ﻣﻦ ﺍﻫﺒﺎﻟﻬﺎ
ﻋﻤﺘﻲ ؛؛ ﻟﻤﺎﺭ ﺩﻳﻤﻪ ﻫﻜﻲ ﻣﻦ ﺗﺤﺖ ﻟﺘﺤﺖ
ﻋﻤﻲ ؛؛ ﻫﻬﻬﻬﻬﻬﻬﻬﻬﻪ ﻛﻴﻒ ﺑﺎﺗﻬﺎ ﺩﻳﻤﻪ ﺍﻳﺪﻳﺮ ﺍﻟﻠﻲ ﻳﺒﻴﻬﺎ ﻭﺑﺪﻭﻥ ﻣﺎ ﺣﺪ ﺍﻳﺤﻘﻪ ﻭﺑﻌﺪﻳﻦ ﻧﻜﺘﺸﻔﻮ ﺍﻥ
ﻫﻮ ﺍﻟﻠﻲ ﻏﺎﻟﻂ
ﺣﺎﺗﻢ ؛ ﺍﻭﻭﻭﻭ ﻣﺼﺎﻳﺐ ﻣﺮﺍﺩ ﺯﻣﺎﻥ ﺩﻳﻤﻪ ﻧﺰﺭﻁ ﻓﻴﻬﻦ ﻧﺎ ﺗﺬﻛﺮﻫﻦ ﻳﺎ ﻣﺮﺍﺩ
ﻣﺮﺍﺩ ؛؛ ﻫﻬﻬﻬﻬﻬﻬﻬﻬﻪ ﻭﺍﻫﻮ ﺑﻨﺘﻚ ﻃﺎﻟﻌﺘﻠﻚ
ﻋﻤﺘﻲ ؛؛ ﺳﺒﺤﺎﻥ ﺍﻟﻠﻪ ﺷﻴﻄﺎﻧﺘﻚ ﺯﻣﺎﻥ ﻛﻴﻒ ﺍﻧﻘﻠﺒﺖ ﻟﻤﺎ ﺍﻛﺒﺮﺕ
ﻧﺎ ؛؛ ﺍﺑﺘﺴﻤﺖ ﻭﺑﺤﺘﺖ ﻓﻴﻪ ﻭﺍﻟﻘﻴﺘﻪ ﻳﻀﺤﻚ
ﺣﺎﺗﻢ ؛؛ ﻫﻴﺎ ﺍﻧﺨﺸﻮ ﻳﺎ ﻣﺮﺍﺩ
ﻣﺮﺍﺩ ؛؛ ﻫﻴﺎ
ﻭﺻﺒﺎ ﻣﺮﺍﺩ ﻭﻫﻮ ﺣﻮﻝ ﺍﻟﻨﻈﺎﺭﻩ ﻭﺑﺤﺖ ﻓﻴﺎ ﺑﻴﺶ ﺍﻧﺼﺒﻴﻠﻪ
ﺻﺒﻴﺖ ﻭﺟﻴﺘﻪ ﻭﻫﻮ ﺍﺑﺘﻌﺪ ﻣﻨﻬﻢ ﺍﺷﻮﻳﻪ ﻭﻣﺪﻟﻲ ﻧﻈﺎﺭﺗﻪ ﻭﺩﺧﺎﻧﻪ ﻭ ﻓﻮﻧﻪ ﻭﻓﺘﺢ ﺳﻮﺭﻳﺘﻪ
ﻭﻣﺪﻫﻦ ﻟﻴﺎ
ﻣﺮﺍﺩ ؛؛ ﺣﻄﻴﻨﻪ ﻓﻲ ﺍﻟﺸﻨﻄﻪ
ﻧﺎ ؛؛ ﺑﻪ ﺣﺎﺿﺮ
ﻭﺧﺬﻳﺘﻬﻦ ﻣﻨﻪ ﻭﺣﻄﻴﺘﻬﻦ ﻓﻲ ﺷﻨﻄﺘﻲ ﻭﻫﻮ ﺧﺶ ﻟﻠﺒﺤﺮ ﻭﺟﺎﺗﻪ ﻟﻤﺎﺭ ﺗﺠﺮﻱ ﻭﺭﺍﻩ
ﻣﺮﺍﺩ ؛؛ ﻟﻤﺎﺭ ﺧﻠﻴﻜﻲ ﻫﻨﺎ ﻋﻠﻲ ﺍﻟﺸﻂ ﻧﺎ ﻧﺒﻲ ﺍﻧﺨﺶ ﺟﻮﺍ
ﻟﻤﺎﺭ ؛؛ ﻻ ﻳﺎ ﺑﺎﺑﺎ ﻧﺒﻲ ﺍﻧﺨﺶ ﻭﺭﺍﻙ
ﻭﺧﺸﻮ ﺣﺎﺗﻢ ﻭﻣﺮﺍﺩ ﺟﻮ
ﻫﺪﻱ ؛؛ ﻣﺎﺷﺎﺀ ﺍﻟﻠﻪ ﻋﻴﺖ ﻣﻨﺘﺼﺮ ﺍﻣﺒﺪﺭﻱ ﻭﻫﻢ ﺍﻳﻌﻤﻮ
ﻋﻤﻲ ؛؛ ﻧﻘﺎﻧﻲ ﻧﺎ ﻧﺒﻲ ﺍﻧﺨﺶ ﺍﻧﺸﻮﻑ ﺍﻻﺧﺒﺎﺭ ﺗﻮ ﺍﻧﺠﻴﻜﻢ
ﻫﺎﺟﺮ ؛؛ ﻫﻴﺎ ﻫﺪﻱ ﺍﻧﺨﺸﻮ
ﻫﺪﻱ ؛ ﺍﻧﺨﺸﻮ ﺑﺲ ﻃﺎﺭﻕ ﻫﺬﺍ ﻓﻜﻴﻨﺎ ﻣﻨﻪ
ﺍﻟﻬﺎﻡ ؛؛ ﻧﻘﺎﻧﻲ ﺣﺘﻲ ﻧﺎ ﻧﺒﻲ ﺍﻧﺨﺶ ﺑﺪﺍﻝ ﺣﺎﺗﻢ ﺟﻮ ﺗﻮ ﻳﻄﻠﻊ ﻭﻣﻌﺶ ﺍﻳﺨﺶ ﻣﻌﺎﻳﺎ ﺑﻌﺪﻳﻦ
ﻫﺎﺟﺮ ؛؛ ﻫﻴﺎ ﺍﻳﻪ ﻣﻌﺎﻧﺎ
ﻧﺎ ؛ ﻻﻻ ﻓﻜﻴﻨﺎ ﻧﺒﻴﺶ ﺍﻧﺨﺶ
ﻋﻤﺘﻲ ؛؛ ﺧﻼﺹ ﺧﻠﻮﻫﺎ ﺍﻭﺣﺪﻫﺎ ﻋﺪﻥ ﺧﺸﻦ ﺍﻧﺘﻦ
ﻭﺻﺒﻨﺎ ﻫﻨﺎ ﻭﺧﺸﻦ ﻟﻠﺒﺤﺮ ﻭﻧﺎ ﻗﻌﺪﺕ ﺍﻧﺒﺤﺖ ﻓﻴﻬﻦ ﻭﺑﻌﺪﻫﺎ ﺷﻔﺖ ﺣﻤﺎﺩﻱ ﻛﻴﻒ ﻳﻠﻌﺐ ﻋﻠﻲ ﺍﻟﺒﺤﺮ
ﻭﻛﻞ ﻣﺎﻳﺸﻮﻑ ﺍﻟﻤﻴﺔ ﺟﺎﻳﺘﻪ ﻳﻤﺸﻲ ﻳﻬﺮﺏ ﻣﻨﻬﺎ
ﺻﺒﻴﺘﻠﻪ ﻭﺣﻮﻟﺖ ﻛﻨﺪﺭﺗﻲ ﻭﺟﻴﺖ ﺷﻮﺭﻩ ﻭﻗﻌﺪﺕ ﺍﻧﻠﻌﺐ ﻓﻴﻪ ﻋﻠﻲ ﺍﻟﺸﻂ ﻭﺍﻧﺸﻮﻑ ﻓﻲ ﻣﺮﺍﺩ ﻛﻴﻒ
ﺍﻳﻌﻮﻡ ﻭﺑﻌﺪﻫﺎ ﺷﻔﺖ ﻏﺎﺩﻩ ﻭﻣﻨﺘﺼﺮ ﻛﻴﻒ ﻋﺎﻳﺸﻴﻦ ﺣﻴﺎﺗﻬﻢ ﻭﺑﻌﺪﻫﺎ ﺣﺎﺗﻢ ﻣﺸﻲ ﺷﻮﺭ ﺍﻟﻬﺎﻡ ﻭﻗﻌﺪ
ﻣﻌﻬﺎ
ﻭﺍﻧﺒﺤﺖ ﻓﻴﻬﻢ ﻭﺳﺮﺣﺎﻧﻪ ﻓﻴﻬﻢ
ﻭﺑﺪﻭﻥ ﻣﺎﻧﺤﺲ ﺍﻟﻘﻴﺖ ﻫﺎﺟﺮ ﺍﺗﻜﺮ ﻓﻴﺎ ﻭﻃﺎﺭﻕ ﺍﻳﺪﻑ ﻓﻴﺎ
ﻧﺎ ؛؛ ﻻﻻﻻﻻ ﻭﻭﻭﻭﻭﻭ ﻻﻻﻻ ﺣﺮﺍﻡ ﻋﻠﻴﻜﻢ ﻧﻌﺮﻓﺶ ﻭﺍﻟﻠﻪ ﻧﻌﺮﻓﺶ
ﻃﺎﺭﻕ ؛؛ ﺗﻮ ﺧﺸﻲ ﻗﺪﺍﻣﻲ
ﻧﺎ ؛؛ ﺍﻧﻌﻴﻂ ﺑﺼﻮﺕ ﻋﺎﻟﻲ
ﻣﺮﺍﺍﺍﺍﺍﺩ
ﻭﻛﺮﺗﻨﻲ ﻫﺎﺟﺮ ﺟﻮ ﻧﻴﻦ ﺟﺖ ﻣﻮﺟﻪ ﻗﻮﻳﻪ ﺑﻜﻞ
ﻭﻃﺎﺭﻕ ﺯﻗﺒﻨﻲ ﺑﻘﻮﻩ ﻭﺍﻧﺎ ﻃﺤﺖ ﺟﻮ ﻓﻲ ﻣﻮﺟﻪ ﻗﻮﻳﻪ ﻭﻣﻌﺶ ﻋﺮﻓﺖ ﻣﺎﺍﻧﺪﻳﺮ ﻗﻌﺪﺕ ﺍﻧﻌﻴﻂ
ﻣﺮﺍﺍﺍﺍﺩ
ﻃﺎﺭﻕ ؛؛ ﻫﻬﻬﻬﻬﻪ ﺧﻮﺍﻓﻪ ﺍﻧﻲ ﻣﺎﺳﻜﻚ ﻧﺎ ﺧﻼﺹ
ﻧﺎ ؛ ﻧﺎ ﻗﻌﺪﺕ ﻧﺒﻜﻲ
ﻭﺟﺘﻨﻲ ﻫﺎﺟﺮ ﻣﻦ ﻟﻮﻃﻪ ﻣﻦ ﻋﻨﺪ ﺍﻛﺮﻋﻲ ﻭﻛﺮﺗﻨﻲ ﻭﻧﺎ ﺧﺸﻴﺖ ﻟﻮﻃﻪ
ﺣﺎﺗﻢ ؛؛ ﻣﺮﺍﺩ ﻣﺮﺍﺩ ﺷﻮﻑ ﺍﻳﻪ ﺍﻣﻜﺴﺪﻳﻦ ﻋﻠﻴﻬﺎ ﻃﺎﺭﻕ ﻭﻫﺎﺟﺮ
ﻣﺮﺍﺩ ؛ ﺑﺮﻡ ﻭﺟﻪ ﻭﻻﻗﻬﻢ ﺍﻳﻜﺮﻭ ﻓﻴﺎ
ﻭﻧﺎ ﺍﻧﻌﻴﻂ ﻭﺍﻧﺎﺩﻳﻠﻪ
ﻭﺟﺎﻧﻲ ﺍﺑﺴﺮﻋﻪ
ﻣﺮﺍﺩ ؛ ﻃﺎﺭﻕ ﺳﻴﺒﻬﺎ ﺧﻼﺹ
ﻭﻟﻤﺎ ﻗﺮﺏ ﻣﻨﻲ ﻣﺮﺍﺩ ﻣﺴﻜﺖ ﻓﻲ ﺍﺭﻗﺒﺘﻪ ﻭﺗﻤﻴﺖ ﻧﺒﻜﻲ
ﻣﺮﺍﺩ ؛ ﻣﻌﻘﻮﻟﻪ ﻫﻜﻲ ﻳﺎ ﻃﺎﺭﻕ ﺗﻮ ﺍﺗﺸﻮﻑ ﻫﺎﻟﺤﺮﻛﻪ ﺍﻟﺴﺎﻣﻄﻪ ﺍﻟﻠﻲ ﺩﻳﻤﻪ ﺍﺩﻳﺮ ﻓﻴﻬﺎ
ﻭﺑﺤﺖ ﻓﻴﺎ ﻭﻻﻗﻨﻲ ﺍﻣﺸﻌﺒﻄﻪ ﻓﻲ ﺍﺭﻗﺒﺘﻪ ﺑﻘﻮﻩ ﻭﻧﺒﻜﻲ
ﻣﺮﺍﺩ ؛؛ ﺍﺱ ﺧﻼﺱ ﺑﻼ ﺧﻮﻑ ﻗﺎﻋﺪ ﻣﺎﺳﻚ ﻓﻴﻚ ﻧﺎ
ﻧﺎ ؛ ﻃﻠﻌﻨﻲ ﻧﺒﻴﺶ ﻧﻘﻌﺪ ﻫﻨﺎ ﺍﻣﺒﺪﺭﻱ ﻭﻧﺎ ﺍﻧﻌﻴﻄﻠﻚ
ﻣﺮﺍﺩ ؛ ﻭﺍﻟﻠﻪ ﻣﺎ ﺳﻤﻌﺘﻚ ﺧﻼﺹ ﻳﺒﺤﺘﻮ ﻓﻴﻚ ﺍﻟﻨﺎﺱ ﻭﺍﻧﺘﻲ ﺍﺗﻌﻴﻄﻲ ﻭﺍﻣﺸﻌﺒﻂ ﻓﻴﺎ ﻫﻜﻲ
ﻧﺎ ؛ ﻃﻠﻌﻨﻲ ﺗﻮ ﺍﻧﺤﻮﻝ
ﻭﺟﺘﻨﺎ ﻣﻮﺟﻪ ﻛﺒﻴﺮﻩ ﻭﺧﺶ ﺑﻴﺎ ﻣﺮﺍﺩ ﻟﻮﻃﻪ ﺗﺤﺖ
ﻭﻧﺎ ﻣﺴﻜﺖ ﻓﻴﻪ ﺑﻘﻮﻩ
ﻃﻠﻌﻨﻲ ﻃﻠﻌﻨﻲ ﺗﻮ ﺧﻼﺹ
ﻣﺮﺍﺩ ؛؛ ﺑﻪ ﻫﻴﺎ ﻭﻃﻠﻌﻨﻲ ﻭﺣﻄﻨﻲ ﻋﻠﻲ ﺍﻟﺸﻂ
ﻭﻧﺎ ﻣﺸﻴﺖ ﺷﻮﺭ ﺍﻟﻜﺮﺳﻲ ﻭﻗﻌﻤﺰﺕ ﻭﻫﻮ ﺧﺶ ﺍﺧﺮ ﻭﻧﺎ ﺗﻤﻴﺖ ﻧﺒﻜﻲ ﻭﺑﺤﺘﺖ ﻓﻲ ﺍﻳﺪﻳﺎ
ﻭﻣﺎﻟﻘﻴﺘﺶ ﺩﺑﻠﺘﻲ
ﺍﻧﻔﺠﻌﺖ ﻭﻣﻌﺶ ﻋﺮﻓﺘﻪ ﻣﺎ ﻧﺤﻜﻲ ﻭﺧﻔﺖ ﻣﻦ ﻋﻤﺘﻲ ﺳﻜﺘﺖ ﻭﻋﺮﻓﺘﻬﺎ ﺭﺍﺣﺖ ﻣﻨﻲ ﻓﻲ ﺍﻟﺒﺤﺮ
ﻻﻧﻲ ﻛﻨﺖ ﻻﺑﺴﺘﻬﺎ ﻟﻤﺎ ﺧﺸﻴﺖ
ﻋﻤﺘﻲ ؛؛ ﻛﻨﻚ ﺍﻧﺘﻲ ﻣﺎ ﺗﻌﺮﻓﻴﺶ ﺍﺗﻌﻮﻣﻲ
ﻧﺎ ؛؛ ﻻﻻ ﻧﻌﺮﻓﺶ
ﻭﺟﺘﻨﺎ ﻏﺎﺩﻩ ﻭﻣﻨﺘﺼﺮ
ﻏﺎﺩﻩ ؛ ﺧﻴﺮ ﻳﺎﺍﻳﻪ
ﻧﺎ ؛ ﺧﻴﺮﺍﺕ ﻭﺻﺒﻴﺖ ﻭﺳﻠﻤﺖ ﻋﻠﻴﻬﺎ ﻭﺳﻠﻤﺖ ﻋﻠﻲ ﻣﻨﺘﺼﺮ
ﻏﺎﺩﻩ ؛؛ ﻧﺒﻲ ﻧﻤﺸﻲ ﻧﺪﻭﺵ ﺧﻼﺹ ﻇﻠﻤﺖ ﺍﻟﺪﻧﻴﺎ
ﻭﻃﻠﻌﺖ ﻫﺪﻱ ﻭﻣﻌﻬﺎ ﻟﻤﺎﺭ
ﻫﺪﻱ ؛؛ ﺗﻮ ﻧﻤﺸﻲ ﺍﻧﺪﻳﺮﻟﻬﺎ ﺣﻤﺎﻡ ﻫﻲ ﻭﺣﻤﺎﺩﻱ
ﻣﺎﻣﺎ ؛ ﺧﻠﻴﻬﻢ ﺗﻮ ﺍﺩﻳﺮﻟﻬﻢ ﺍﻳﻪ
ﻧﺎ ؛؛ ﺻﺒﻴﺖ ﺧﻠﻴﻬﻢ ﺗﻮ ﻧﺎﺧﺬﻫﻢ
ﻫﺪﻱ ؛ ﻻﻻ ﺗﻮ ﺍﻧﺪﻳﺮﻟﻬﻢ ﻋﻠﻲ ﺍﻟﺴﺮﻳﻊ ﺍﻧﺘﻲ ﺧﻠﻴﻜﻲ ﻫﻨﺎ ﺭﺍﻩ ﻣﺮﺍﺩ ﺍﻳﻄﻮﻝ ﻓﻲ ﺍﻟﻠﻴﻞ ﺍﻳﻌﻮﻡ
ﻭﻛﻠﻬﻢ ﺍﻃﻠﻌﻮ ﻋﺪﻭ ﻟﻠﺸﺎﻟﻴﻪ ﻭﺍﻳﺪﺭﻭ ﻓﻲ ﺍﻟﺤﻤﺎﻣﺎﺕ ﻭﻧﺎ ﻗﻌﺪﺕ ﻧﺮﺟﺎ ﻓﻲ ﻣﺮﺍﺩ ﻳﻄﻠﻊ ﻭﻗﻌﺪﺕ ﻧﺒﻜﻲ
ﻋﻠﻲ ﺩﺑﻠﺘﻲ ﺍﻟﻠﻲ ﺭﺍﺣﺖ
ﻭﺑﻌﺪ ﻣﺎ ﺍﻟﺪﻧﻴﺎ ﻇﻠﻤﺖ ﺑﺮﺳﻤﻲ
ﻃﻠﻊ ﻣﺮﺍﺩ ﻭﻻﻗﻨﻲ ﺍﻣﻘﻌﻤﺰﻩ ﻋﻠﻲ ﺍﻟﻜﺮﺳﻲ
ﻣﺮﺍﺩ ؛؛ ﻛﻨﻚ ﻫﻨﺎ ﺍﻭﺣﺪﻙ
ﻧﺎ ؛ ﺭﻓﻌﺖ ﺭﺍﺳﻲ
ﻧﺮﺟﺎ ﻓﻴﻚ
ﻣﺮﺍﺩ ؛؛ ﺍﻛﻴﺪﻩ ﺍﺩﻋﺎﻙ ﻋﻠﻲ ﺍﻟﺤﻤﺎﻣﺎﺕ ﺧﻠﻴﻬﻢ ﺍﻳﺪﻳﺮﻭ ﻋﻠﻲ ﺭﺣﺘﻬﻢ ﻭﻗﻌﻤﺰ ﻋﻠﻲ ﻛﺮﺳﻲ
ﻭﻧﺎ ﻃﻠﻌﺘﻠﻪ ﻣﻨﺸﻒ ﺑﻴﺶ ﻳﻤﺴﺢ ﻓﻴﻪ
ﻣﺮﺍﺩ؛؛ ﻣﺪﻳﻠﻲ ﺩﺧﺎﻧﻲ
ﻧﺎ ؛؛ ﻓﻲ ﺷﻨﻄﺘﻲ ﺍﻟﻲ ﺍﺣﺬﺍﻙ
ﻭﺑﺮﻡ ﻣﺮﺍﺩ ﺷﻮﺭ ﺍﻟﺸﻨﻄﻪ ﻭﻓﺘﺤﻬﺎ ﻭﻃﻠﻊ ﺍﻟﺪﺧﺎﻥ ﻣﻨﻬﺎ ﻭﺑﺪﺍ ﺍﻳﺪﺧﻦ ﻭ ﺑﺤﺖ ﻓﻴﺎ
ﻭﻻﻗﻨﻲ ﻧﺒﻜﻲ
ﻣﺮﺍﺩ ؛؛ ﻛﻨﻚ ﺷﻦ ﻓﻲ
ﻧﺎ ؛ ﻻ ﺷﻲﺀ
ﻣﺮﺍﺩ ؛؛ ﻛﻴﻒ ﺗﻮ ﺟﺎﻳﺘﻚ ﺣﺎﻟﺔ ﺍﻟﺒﻜﺎﺀ ﻭﻻ ﺷﻨﻮ
ﻧﺎ ؛؛ ﺑﺤﺘﺖ ﻓﻴﻪ ﻭﻣﺴﻜﺖ ﻳﺪﻱ
ﺩﺑﻠﺘﻲ ﺭﺍﺣﺖ ﻓﻲ ﺍﻟﺒﺤﺮ ﺍﻣﺒﺪﺭﻱ ﻻﻧﻬﺎ ﻭﺍﺳﻌﻪ ﻭﺟﺖ ﻣﻮﺟﻪ ﻗﻮﻳﻪ
ﻣﺮﺍﺩ ؛؛ ﺷﻦ ﻫﻲ ﻣﻬﻤﻪ ﻋﻨﺪﻙ ﻛﻴﻒ ﻭﺟﺪﻫﺎ ﻛﻴﻒ ﻗﻠﺘﻬﺎ
ﻧﺎ؛ ؛ ﺑﺤﺘﺖ ﻓﻴﻪ
ﻫﻲ ﻏﺎﻟﻴﻪ ﻭﻛﺒﻴﺮﻩ ﻭﻣﺎ ﻋﻨﺪﻳﺶ ﻏﻴﺮﻫﺎ ﻭﻗﻌﺪﺕ ﻧﺒﻜﻲ
ﻭﺟﺘﻨﺎ ﻫﺪﻱ ﻭﻓﻲ ﻳﺪﻫﺎ ﺣﻤﺎﺩﻱ
ﻫﺪﻱ ؛؛ ﻣﺮﺍﺩ ﺭﺍﻩ ﺍﻟﺤﻤﺎﻡ ﻓﺎﺿﻲ ﻛﺎﻥ ﺗﺒﻲ ﺍﻟﺤﻤﺎﻡ ﻭﻗﺎﻟﻜﻢ ﺑﺎﺑﺎ ﺗﻌﺎﻟﻮ ﻻﻥ ﺑﺪﺍ ﻓﻲ ﺍﻟﺸﻮﻳﺎﺕ
ﻣﺮﺍﺩ ؛؛ ﻫﻴﺎ ﺍﻧﻲ ﺟﻴﺖ
ﻭﺻﺐ ﻣﺮﺍﺩ ﻭﻧﺎ ﺻﺒﻴﺖ ﻭﺭﺍﻩ ﻭﺧﺬﻳﺖ ﺷﻨﻄﺘﻲ
ﻭﻣﺸﻴﻨﺎ ﺷﻮﺭ ﻟﻠﺸﺎﻟﻴﻪ
ﻫﻮ ﻛﺎﻥ ﺣﻮﺵ ﻛﺒﻴﺮ ﻭﺣﻠﻮ ﺑﺎﻧﻴﻪ ﻭﺍﺣﺪ ﻭﺍﻳﺠﺎﺭ ﻓﻴﻪ ﻣﺶ ﺷﺎﺑﻴﻪ ﺑﺴﻴﻂ ﻭﻋﻴﺖ ﻋﻤﻲ ﺩﻳﻤﻪ
ﺍﻳﺠﺎﺭﻭ ﻓﻴﻪ
ﻣﺮﺍﺩ ؛؛ ﺍﻳﻪ ﺧﺸﻲ ﺩﻳﺮﻱ ﺣﻤﺎﻡ ﺍﻧﺘﻲ ﻗﺒﻞ ﺑﻴﺶ ﺍﺗﻮﻳﺘﻠﻲ ﺩﺑﺸﻲ ﻟﻤﺎ ﻧﻄﻠﻊ
ﻧﺎ ؛؛ ﺑﻪ ﺣﺎﺿﺮ
ﻭﺧﺬﻳﺖ ﺩﺑﺸﻲ ﻭﺧﺸﻴﺖ ﻟﺤﻤﺎﻡ ﻭﺩﺭﺕ ﺩﻭﺵ ﻭﻻﺑﺴﺖ ﺗﻴﺸﺮﺕ ﻭﺟﻴﻨﺰ
ﻭﺧﺸﻴﺖ ﻋﻠﻴﻪ ﺍﺑﺴﺮﻋﻪ ﻓﻲ ﺍﻟﺪﺍﺭ
ﻣﺮﺍﺩ ؛ ﻛﻨﻚ ﺗﺠﺮﻱ
ﻧﺎ ؛؛ ﻻﺑﺴﺘﻲ ﺍﻗﺼﻴﺮﻩ ﺧﻔﺖ ﺣﺪ ﺍﻳﺸﻮﻓﻨﻲ
ﻭﻗﻌﻤﺰﺕ ﻭﺑﺪﻳﺖ ﻧﻤﺸﻂ ﻓﻲ ﺷﻌﺮﻱ
ﻣﺮﺍﺩ ؛؛ ﻭﺗﻴﻠﻲ ﺩﺑﺸﻲ ﻫﻨﺎ ﻧﺎ ﻣﺎﺍﻧﺤﺒﺶ ﻧﻼﺑﺲ ﻓﻲ ﺍﻟﺤﻤﺎﻡ ﻭﺧﻠﻴﻜﻲ ﻫﻨﺎ ﺑﻴﺶ ﻟﻤﺎ ﺍﻧﺎﺩﻳﻠﻚ ﺍﺗﺮﺩﻱ
ﻋﻠﻴﺎ
ﻧﺎ ؛؛ ﺑﻪ ﻧﺮﺟﺎ ﻓﻴﻚ
ﻭﺧﺶ ﻣﺮﺍﺩ ﻭﻧﺎ ﻛﻤﻠﺖ ﻣﺸﻄﺖ ﺷﻌﺮﻱ ﻭﺧﻠﻴﺘﻪ ﻣﻄﻠﻮﻕ ﻭﻃﻠﻌﺘﻠﻪ ﺩﺑﺸﻪ
ﻭﺑﺤﺘﺖ ﻓﻲ ﺍﻟﺘﻴﺸﺮﺕ ﻭﺑﺪﻳﺖ ﺍﻧﺤﻮﻝ ﻓﻴﻪ ﺑﻴﺶ ﻧﻼﺑﺲ ﺍﺑﻠﻮﺯﻩ
ﻭﻧﺎ ﺣﻮﻟﺘﻪ ﻭﺍﻳﺨﺶ ﻋﻠﻴﺎ ﻣﺮﺍﺩ ﻭﻫﻮ ﻻﺑﺲ ﺩﻳﺸﻨﺒﺮ ﻭﺷﺎﻓﻨﻲ
ﻭﻧﺰﻝ ﺭﺍﺳﻪ ﻟﻮﻃﻪ ﻭﻧﺎ ﻻﺑﺴﺖ ﺍﺑﻠﻮﺯ ﺍﺑﺴﺮﻋﻪ ﻭﻃﻠﻌﺖ ﺍﺑﺴﺮﻋﻪ ﻭﻗﻌﺪﺕ ﻗﺪﺍﻡ ﺍﻟﺒﺎﺏ ﻧﻴﻦ ﻫﻮ ﻛﻤﻞ
ﻻﺑﺴﻪ ﻭﻓﺘﺢ ﺍﻟﺒﺎﺏ
ﻣﺮﺍﺩ ؛ ﻛﻨﻚ ﻫﻨﺎ
ﻧﺎ ؛؛ ﻧﺒﻲ ﺍﻧﺤﻂ ﻭﺷﺎﺡ ﻋﻠﻲ ﺭﺍﺳﻲ
ﻣﺮﺍﺩ ؛؛ ﺧﺸﻲ ﻫﻴﺎ
ﻭﺧﺸﻴﺖ ﻭﺧﺬﻳﺖ ﻣﺴﺎﻛﻪ ﻭﻟﻤﻴﺖ ﺑﻬﺎ ﺷﻌﺮﻱ ﻭﺣﻄﻴﺖ ﻭﺷﺎﺡ
ﻭﻃﻠﻌﺖ ﻭﺍﻟﻘﻴﺘﻬﻢ ﻛﻠﻬﻢ ﺍﻣﻘﻌﻤﺰﻳﻦ ﻭﻋﻤﻲ ﻭ ﺣﺎﺗﻢ ﻗﺎﻋﺪﻳﻦ ﻋﻠﻲ ﻛﺎﻧﻮﻥ
ﻃﺎﺭﻕ ؛ ﺍﻭﻭﻭﻭ ﺍﻟﺨﻮﺍﻓﻪ ﺟﺖ
ﻏﺎﺩﻩ ؛؛ ﻫﻬﻬﻬﻬﻬﻬﻌﻬﻪ ﻣﻦ ﺷﻦ ﺧﺎﻳﻔﻪ
ﻃﺎﺭﻕ ؛؛ ﺍﻣﺒﺪﺭﻱ ﺧﺸﺖ ﻟﻠﺒﺤﺮ ﺍﻗﻌﺪﺕ ﺗﺒﻜﻲ
ﻏﺎﺩﻩ ؛؛ ﺑﺎﻟﻜﻲ ﻣﺶ ﻣﺘﻌﻮﺩ ﻋﻠﻴﻪ ﻣﺸﻲ ﺍﻟﺒﺤﺮ
ﻫﺪﻱ ؛؛ ﺍﺗﺨﺎﻑ ﻣﻨﻪ ﺑﺲ
ﻭﻗﻌﻤﺰﺕ ﺟﻨﺐ ﻫﺪﻱ
ﻧﺎ ؛ ﻫﺪﻱ ﻭﻳﻦ ﺣﻤﺎﺩﻱ
ﻫﺪﻱ ؛؛ ﺭﻗﺪ ﻭﺣﻄﻴﺘﻪ ﺟﻮ ﺧﻼﺹ ﺍﻟﻤﺴﻜﻴﻦ ﺗﺎﻋﺐ ﻣﻦ ﺍﻟﺼﺒﺢ ﻭﻫﻮ ﻳﻠﻌﺐ
ﻭﺑﺤﺘﺖ ﻓﻲ ﻣﺮﺍﺩ ﻭﺍﻟﻘﻴﺘﻪ ﺍﻣﻘﻌﻤﺰ ﻟﻤﺎﺭ ﻋﻠﻲ ﺍﻛﺮﺍﻋﻪ ﻭﻳﺤﻜﻲ ﻓﻲ ﻭﺫﻧﻬﺎ
ﻟﻤﺎﺭ ؛؛ ﺑﺎﺑﺎ ﻧﺒﻲ ﺷﻜﻮﻻﻃﻪ
ﻣﺮﺍﺩ ؛؛ ﻓﻲ ﺟﻮ ﺗﻠﻘﻲ ﺟﻴﺒﻲ ﻟﺮﻭﺣﻚ ﻭ ﺭﺗﺎﺝ
ﻟﻤﺎﺭ ؛؛ ﻻﻻ ﺭﺗﺎﺝ ﻻﻻﻻﻻ
ﻣﺮﺍﺩ ؛ ﻫﻬﻬﻪ ﻋﻴﺐ ﻳﺎ ﺑﺎﺑﺎ ﺍﻟﻤﻜﺮ ﻋﺪﻱ ﺟﻴﺒﻲ ﻟﺮﻭﺣﻚ ﻭ ﺭﺗﺎﺝ ﻣﻌﺎﻙ
ﻭﺻﺒﺖ ﻟﻤﺎﺭ ﻭﺟﺎﺑﺖ ﺷﻜﻮﻻﻃﺎﺕ
ﻭﻫﻢ ﺣﻄﻮ ﺍﻟﻌﺸﺎﺀ ﺳﻔﺮﺗﻴﻦ ﻟﻠﺮﺟﺎﻟﻪ ﻭﻟﻨﺎ
ﻭﻛﺎﻥ ﺍﺷﻮﻳﺎﺕ ﻭﺷﺮﻣﻮﻟﻪ ﻣﺸﻮﻳﻪ
ﺍﻟﻬﺎﻡ ؛؛ ﻛﻮﻟﻲ ﻳﺎ ﺍﻳﻪ ﻋﻠﻴﺶ ﺍﻟﺤﺸﻢ
ﻧﺎ ؛؛ ﺍﻫﻮ ﻗﺎﻋﺪﻩ ﻧﺎﻛﻞ
ﻭﺑﺮﻡ ﻣﺮﺍﺩ ﺷﻮﺭﻱ ﻭﻻﻗﻲ ﻗﺪﺍﻣﻲ ﻟﺤﻢ
ﻭﻧﺎ ﻣﺎﻧﺎﻛﻠﺶ ﻓﻴﻪ ﻭﻻﺣﻆ ﺍﻥ ﻧﺎ ﻧﺎﻛﻞ ﻓﻲ ﺍﻟﺸﺮﻣﻮﻟﻪ
ﻭﻫﻮ ﺻﺐ ﻭﺟﺎﺑﻠﻲ ﺩﺟﺎﺟﻪ ﻭﺣﻮﻝ ﻣﻦ ﻗﺪﺍﻣﻲ ﺍﻟﺤﻢ
ﻋﻤﺘﻲ ؛؛ ﻣﺮﺍﺩ ﺧﻠﻲ ﺍﻟﻤﺮﺍﻩ ﺗﺎﻛﻞ ﺍﻟﺤﻢ ﻛﻨﻚ ﺧﺬﻳﺘﻪ
ﻣﺮﺍﺩ ؛؛ ﻣﺎﺗﺎﻛﻠﺶ ﻓﻲ ﺍﻟﺤﻢ ﻧﺎ ﻋﺎﺭﻓﻬﺎ
ﻋﻤﺘﻲ ؛؛ ﺑﺤﺘﺖ ﻓﻴﺎ ﻭﺍﺗﻔﻨﺺ
ﻧﺎ ؛؛ ﺍﻫﺎ ﺍﻋﻤﻴﻤﻪ ﻣﺎ ﻧﺎﻛﻠﺶ ﻓﻴﻪ
ﻃﺎﺭﻕ ؛؛ ﻭﺍﻟﻠﻪ ﻋﻠﻴﻚ ﻣﻜﺴﺐ ﻳﺎ ﻣﺮﺍﺩ ﺟﺎﻳﺐ ﻭﺣﺪﻩ ﺍﻟﻠﺤﻢ ﻣﺎﺗﺎﻛﻞ ﻓﻴﻪ ﻳﻌﻨﻲ ﺗﺒﻴﺶ ﺻﺮﻑ ﻭﺍﺟﺪ
ﻣﺮﺍﺩ ؛؛ ﻫﻬﻬﻬﻬﻬﻬﻬﻬﻬﻪ
ﻃﺎﺭﻕ ؛؛ ﻗﺎﻟﻚ ﺍﻻﺧﺮﺍﺕ ﻳﺎﻛﻠﻦ ﻓﻲ ﺍﻟﺨﻀﺮ ﻭﺍﻟﻴﺒﺎﺱ
ﻏﺎﺩﻩ ؛؛ ﻗﻮﻝ ﺍﺻﺤﻴﺤﻪ ﻳﺎ ﻃﺎﺭﻕ
ﻃﺎﺭﻕ ؛؛ ﻧﺎ ﻛﺎﻥ ﺍﺗﺠﻴﻨﻲ ﻣﺮﺍﻩ ﻻ ﺗﺎﻛﻞ ﻓﻲ ﺍﻟﻠﺤﻢ ﻭﺍﻟﺪﺟﺎﺡ ﺑﻜﻞ ﺍﺣﺴﻨﻠﻲ
ﻣﺮﺍﺩ ؛؛ ﻫﻬﻬﻪ ﺗﻲ ﺍﺗﺠﻴﻚ ﺗﺸﺮﻁ
ﻋﻤﺘﻲ ؛؛ ﻛﻴﻒ ﺗﺎﻛﻠﺶ ﻓﻲ ﺍﻟﺤﻢ ﻭﻫﺬﺍﻙ ﺍﻟﻴﻮﻡ ﻛﻼﻳﺘﻲ ﻋﻨﺪﻧﺎ ﺍﻟﺤﻢ
ﻧﺎ ؛؛ ﻧﺎﻛﻞ ﻓﻴﻪ ﻋﻠﻲ ﺍﻣﺒﻮﺥ ﺑﺲ ﻟﻜﻦ ﻣﺸﻮﻱ ﻣﺎﻧﺤﺒﺶ ﺍﻧﺤﺲ ﻓﻴﻪ ﺳﺎﻣﻂ ﻭ ﻭﺍﻋﺮ ﻭﻗﻮﻱ
ﻋﻤﺘﻲ ؛؛ ﺍﻫﺎ ﺑﻨﺎﺕ ﺍﺧﺮ ﺯﻣﻦ
ﻭﻛﻤﻠﻨﺎ ﺍﻟﻌﺸﺎﺀ ﻭﺻﺒﻴﻨﺎ ﻭﻟﻤﻴﻨﺎ ﺍﻟﺤﻮﺳﻪ
ﻧﺎ ﻭﻫﺪﻱ ﻭﻫﺎﺟﺮ
ﻭﻏﺎﺩﻩ ﻭﻣﻨﺘﺼﺮ ﻋﺪﻭ ﺍﺩﻫﻮﺭ ﻣﻊ ﺑﻌﻀﻬﻢ ﻭﻋﺪﺕ ﺍﻟﻬﺎﻡ ﻭﺣﺎﺗﻢ ﻭﻋﻤﺐ ﺧﺶ ﺭﻗﺪ ﻭﻃﺘﺮﻕ ﺣﺘﻲ ﻫﻮ
ﻋﺪﺍ ﺍﺩﻫﻮﺭ ﻭﺑﺪﺍ ﺍﻳﺸﻠﻂ ﻋﻠﻲ ﺍﻟﻔﻮﻥ
ﻫﺪﻱ ؛؛ ﺧﻼﺹ ﻭﻳﻪ ﺍﻃﻠﻌﻲ ﻛﻤﻠﻨﺎ
ﻧﺎ ؛؛ ﺑﻪ ﺭﺑﻲ ﻳﻌﻄﻴﻜﻦ ﺍﻟﺼﺤﻪ
ﻫﺪﻱ؛ ؛ ﺳﻠﻤﻚ
ﻭﻃﻠﻌﺖ ﻭﺟﻴﺖ ﻋﻨﺪ ﺍﻟﺒﺎﺏ ﺳﻤﻌﺖ ﻋﻤﺘﻲ
ﻋﻤﺘﻲ ؛؛ ﻣﺮﺍﺩ ﺑﻼ ﺗﺪﻟﻴﻊ ﺍﻟﻤﺮﺍﻩ ﻭﺍﺟﺪ ﺭﺍﻉ ﺍﺩﻟﻌﻬﺎ ﻭﺑﻌﺪﻫﺎ ﺍﺗﺠﻲ ﻋﻠﻲ ﺭﺍﺳﻚ
ﻛﻴﻒ ﺍﻟﻤﺮﺍﻩ ﺍﻟﻠﻲ ﻓﺎﺗﺖ ﺩﻟﻌﺘﻬﺎ ﻧﻴﻦ ﺍﺭﻛﺒﺖ ﻓﻴﻚ ﺑﺎﻟﻄﺎﻟﺒﺎﺕ ﻭﺑﺎﺭﻳﺖ ﺍﺗﺨﺎﺭ ﻣﻮﺿﻮﻉ ﺍﻟﺤﻤﻞ ﺍﺷﻮﻳﻪ
ﻭﺧﻠﻴﻬﺎ ﺑﻴﺶ ﺗﻤﺴﻜﻠﻚ ﻋﻮﻳﻠﻚ ﻭﺍﺗﺮﺑﻴﻬﻢ ﺭﺍﻩ ﻛﺎﻥ ﺣﻄﺖ ﻋﻴﻞ ﻓﻲ ﺑﻄﻨﻬﺎ ﺗﻨﺴﺎﻫﻢ ﺑﻜﻞ ﻋﻮﻳﻠﻚ
ﻭﺗﻘﻌﺪ ﺍﺗﻌﺎﻧﻲ ﻓﻲ ﻣﺸﻜﻠﻪ ﻫﺬﻩ ﺭﺍﻩ ﻣﺮﺍﺓ ﺍﻻﺏ ﻣﺎ ﻋﻤﺮﻫﺎ ﺍﻗﻌﺪﺕ ﺣﻨﻮﻥ ﺭﺍﻩ ﺍﻟﻠﻲ ﺍﺩﻳﺮ ﻓﻴﻪ ﻛﻠﻪ
ﺗﺰﻳﻒ ﺑﻴﺶ ﺍﺗﻮﺛﻖ ﺭﻭﺣﻬﺎ ﺭﺍﻩ ﺍﻃﺮﻭﺡ ﺍﻟﺼﺒﺎﻳﺎ ﻧﻌﺮﻓﻬﻦ
ﻭﺷﻔﺘﻨﻲ ﻫﺪﻱ ﻭﻧﺎ ﻧﺴﻤﻊ ﻓﻲ ﺍﻟﻜﻼﻡ ﻭﺧﻨﻘﺘﻨﻲ ﺍﻟﻌﺒﺮﻩ ﻻﻥ ﻛﻼﻡ ﻋﻤﺘﻲ ﻭﺍﻋﺮ ﻭﺍﻟﻠﻲ ﻗﻬﺮﻧﻲ ﺍﻥ
ﻣﺮﺍﺩ ﺳﺎﻛﺖ ﻭﻳﺴﻤﻊ ﻓﻴﻬﺎ ﻭﻛﺄﻧﻪ ﻣﻮﺍﻓﻖ
ﻫﺪﻱ ؛؛ ﻫﻴﺎ ﻭﻳﻪ ﻛﻨﻚ ﺍﻣﺼﺒﻴﻪ ﻫﻨﺎ
ﻧﺎ ؛؛ ﻻ ﺍﻃﻠﻌﻲ ﺍﻧﺘﻲ ﻧﺎ ﺗﻮ ﻧﻘﻌﺪ ﻫﻨﺎ
ﻫﺪﻱ ؛؛ ﺍﻣﻐﻴﺮ ﻫﻴﺎ ﺑﻴﺶ ﺗﻄﻠﻌﻲ ﺗﺪﻫﻮﺭﻱ ﻣﻊ ﺭﺍﺟﻠﻚ
ﻭﻃﻠﻌﺖ ﻭﻃﻠﻌﺘﻨﻲ ﻭﺟﺖ ﻋﻴﻨﻲ ﻓﻲ ﻋﻴﻦ ﻣﺮﺍﺩ
ﻫﺪﻱ ؛؛ ﻫﻴﺎ ﻟﻤﺎﺭ ﺍﺗﺨﺶ ﺗﺮﻗﺪﻱ ﺟﻮﺍ
ﻟﻤﺎﺭ ؛؛ ﻻﻻ ﻧﺒﻲ ﻧﺮﻗﺪ ﻣﻊ ﺑﺎﺑﺎ
ﻫﺪﻱ ؛؛ ﻫﻴﺎ ﺑﺎﺑﺎ ﻳﺒﻲ ﻳﺴﻬﺮ
ﻟﻤﺎﺭ ؛؛ ﻧﺎ ﻭﺑﺎﺑﺎ ﻧﺮﻗﺪﻭ ﻫﻨﺎ ﻓﻲ ﺍﻟﺪﺍﺭ ﻫﺬﻩ
ﻫﺪﻱ ؛؛ ﻭﺍﻳﻪ ﻭﺣﻤﺎﺩﻱ ﻭﻳﻦ ﺍﻳﺮﻗﺪﻭ
ﻟﻤﺎﺭ ؛؛ ﺍﻋﻤﻴﻤﻪ ﺗﺮﻗﺪ ﺑﺮﻭﺣﻪ ﺍﺻﻼ ﻫﻲ ﺩﻳﻤﻪ ﺗﺮﻗﺪ ﻓﻲ ﺍﻟﺪﺍﺭ ﺍﻭﺣﺪﻫﺎ
ﻋﻤﺘﻲ ؛؛ ﻫﻴﻴﻴﻴﻴﻲ ﻭﺣﻄﺖ ﻳﺪﻫﺎ ﻋﻠﻰ ﻓﻤﻬﺎ
ﻧﺎ ؛؛ ﺍﻧﺤﺮﺟﺖ ﻭﻣﺸﻴﺖ ﺍﺑﺴﺮﻋﻪ ﻣﻦ ﻗﺪﺍﻣﻬﻢ
ﻭﻣﺮﺍﺩ ﺿﺮﺏ ﻟﻤﺎﺭ ﻛﻒ ﻭﺧﺸﺸﻬﺎ ﺑﻘﻮﻩ ﻟﺪﺍﺭ ﻭﺧﻠﻬﺎ ﺗﺮﻗﺪ ﻭﻫﻮ ﺧﺶ ﻭﻗﻌﺪ ﻓﻲ ﺍﻟﺪﺍﺭ
ﻫﺪﻱ ﻟﺤﻘﺘﻨﻲ ﻭﻟﻘﺘﻨﻲ ﻧﺒﻜﻲ ﻭﺭﺍﺀ ﺍﻟﺸﺎﻟﻴﻪ
ﻫﺪﻱ ؛؛ ﺍﻳﻪ ﺣﺒﻴﺒﺘﻲ ﻋﻠﻴﺶ ﺍﻟﺒﻜﺎﺀ ﻋﺎﺩﻱ ﻧﺎﺱ ﻭﺍﺟﺪ ﻫﻜﻲ ﻃﻮﻟﻮ ﺑﺤﻜﻢ ﺍﻧﻬﻢ ﻳﺒﻮ ﺍﻳﺘﻌﺮﻓﻮ ﻋﻠﻲ
ﺑﻌﻀﻬﻢ ﻧﺎ ﻧﻌﺮﻑ ﻧﺎﺱ ﺍﻗﻌﺪﻭ ﺷﻬﺮ ﻧﻴﻦ ﻫﻲ ﻋﺮﻓﺎﺗﻪ ﺍﻛﻮﻳﺲ
ﻣﺮﺍﺩ ﻗﺎﻋﺪ ﻓﻲ ﺍﻟﺪﺍﺭ ﻭﻳﺴﻤﻊ ﻓﻴﻨﺎ
ﻧﺎ ؛؛ ﻻ ﻣﺶ ﻫﻜﻲ ﺑﺲ ﺍﻧﺤﺮﺟﺖ ﻣﻦ ﺍﻋﻤﻴﻤﻪ ﺑﺲ
ﻭﺑﻌﺪﻫﺎ ﻧﺎ ﻭﻣﺮﺍﺩ ﻧﺮﻗﺪﻭ ﻋﺎﺩﻱ ﻣﻊ ﺑﻌﻀﻨﺎ ﺑﺲ ﻧﺤﻦ ﻣﺎﻧﺒﻮﺵ ﻫﻲ ﺍﺗﺤﺴﺲ ﻣﻦ ﺍﻟﻤﻮﺿﻮﻉ ﻭﺗﻔﺎﺟﺎ
ﻭﺗﻠﻘﻲ ﻣﺮﺍﻩ ﺗﺎﻧﻴﻪ ﺗﺮﻗﺪ ﻣﻊ ﺑﻮﻫﺎ ﺧﺎﻃﻲ ﺍﻣﻬﺎ ﻧﺎ ﻣﺎﻧﺒﻴﻬﺶ ﺗﻜﺮﻫﻨﻲ ﻭﺗﺤﺴﺒﻨﻲ ﻭﺍﺧﺬﻩ ﻣﻜﺎﻥ ﺍﻣﻬﺎ
ﺑﺲ ﻧﺮﻗﺪﻭ ﻟﻤﺎ ﻫﻲ ﺗﺮﻗﺪ ﻓﻲ ﺩﺍﺭﻫﺎ
ﻫﺪﻱ ؛؛ ﻭﺍﻟﻠﻪ ﻋﻘﻠﻚ ﻛﺒﻴﺮ ﻳﺎ ﺍﻳﻪ ﻭﺭﺑﻲ ﺍﻳﻮﻓﻘﻚ ﺍﻥ ﺷﺎﺀﺍﻟﻠﻪ
ﻧﺎ ؛؛ ﺍﻥ ﺷﺎﺀﺍﻟﻠﻪ
ﻣﺮﺍﺩ ؛؛ ﻗﻌﺪ ﻳﺴﻤﻊ ﻓﻴﻨﺎ ﻭﻓﺮﺣﺎﻥ ﻻﻧﻲ ﻣﺎﺑﻴﺘﺶ ﺍﻧﻮﺿﺢ ﻟﻠﻨﺎﺱ ﺍﻥ ﻧﺤﻦ ﻣﺶ ﻣﺘﻔﻬﻤﻴﻦ ﻣﻊ ﺑﻌﻀﻨﺎ
ﻭﻣﺎ ﻧﺮﻗﺪﻭﺵ ﻣﻊ ﺑﻌﻀﻨﺎ
ﻭﻗﻌﺪﻧﺎ ﺍﻧﻬﺪﺭﺯﻭ ﻧﺎ ﻭﻫﺪﻱ ﻧﻴﻦ ﺟﺎﻧﺎ ﻃﺎﺭﻕ ﻭﻫﻮ ﻛﺎﻥ ﻳﺤﻜﻲ ﻋﻠﻲ ﻓﻮﻥ
ﻫﺪﻱ ؛؛ ﻫﺎ ﺗﺤﻜﻲ ﻣﻊ ﻣﻦ
ﻃﺎﺭﻕ ؛؛ ﻭﺍﻧﺘﻲ ﺷﻦ ﺩﺧﻠﻚ ﻓﻴﺶ ﺍﺩﻳﺮﻥ ﻫﻨﺎ
ﻫﺪﻱ ؛؛ ﺍﻫﻮ ﺟﻮ ﺍﻧﻬﺪﺭﺯﻭ
ﻃﺎﺭﻕ ؛؛ ﺍﻳﻪ ﺷﻦ ﺟﻮ ﻳﺎﺧﻮﺍﻓﻪ
ﻧﺎ ؛؛ ﻫﻬﻬﻪ ﻧﻘﺎﻧﻲ ﺍﻧﺨﺎﻑ ﻣﻨﻪ ﺍﻟﺒﺤﺮ
ﻫﺪﻱ؛ ؛ ﺑﻜﺮﻩ ﻋﻴﺖ ﻋﻤﻲ ﺟﺎﻳﻦ
ﻃﺎﺭﻕ ؛؛ ﺍﻭﻭﻭﻭ ﺻﺎﺡ
ﻫﺪﻱ ؛؛ ﻫﻬﻌﻌﻬﻬﻬﻬﻬﻬﻬﻪ ﻳﺎ ﻋﻴﻨﻲ ﻋﻠﻲ ﺍﺳﺎﺱ ﻣﺶ ﻋﺎﺭﻑ
ﻭﻃﻠﻊ ﻋﻠﻴﻨﺎ ﻣﺮﺍﺩ ﻭﺑﺤﺖ ﻓﻴﻨﺎ
ﻣﺮﺍﺩ ؛؛ ﻛﻨﻜﻢ ﻫﻨﺎ
ﻃﺎﺭﻕ؛ ؛ ﺍﺳﺎﻟﻬﻦ ﻫﻦ ﻛﻨﻬﻦ ﻗﻌﺪﺍﺕ ﻫﻨﺎ
ﻫﺪﻱ ؛؛ ﺍﻧﻬﺪﺭﺯﻭ ﺍﺷﻮﻳﻪ ﻻﻥ ﺑﺎﻗﻲ ﺍﻟﻌﺎﺋﻠﻪ ﻛﻠﻬﻢ ﻳﺪﻫﻮﺭ ﻛﻞ 2 ﻣﻊ ﺑﻌﻀﻬﻢ
ﻃﺎﺭﻕ ؛؛ ﻏﺎﺩﻩ ﻭﻣﻨﺘﺼﺮ ﺍﻣﺒﺪﺭﻱ ﻭﻫﻢ ﻳﻤﺸﻮ
ﻭﻣﺸﻲ ﻣﺮﺍﺩ ﺑﺪﻭﻥ ﻣﺎ ﻳﺤﻜﻲ ﻣﻌﻲ ﻭﻻ ﻛﻠﻤﻪ ﻭﻣﺸﻲ ﺷﻮﺭ ﺍﻟﺸﻂ ﻭﻭﻟﻊ ﺩﺧﺎﻧﻪ
ﻫﺪﻱ ؛؛ ﺍﻳﻪ ﻋﺪﻱ ﺷﻮﻓﻲ ﻣﺮﺍﺩ ﺍﻛﻴﺪﻩ ﻳﺒﻴﻚ
ﻧﺎ؛ ؛ ﻻ ﻛﺎﻥ ﻳﺒﻨﻲ ﺭﺍﻩ ﻗﺎﻟﻬﺎ ﻟﻴﺎ ﻋﺎﺩﻱ
ﻭﻧﻐﺰﺗﻨﻲ ﻫﺪﻱ ﻓﻲ ﺟﻨﺒﻲ ﻭﻓﻨﺼﺖ ﻓﻴﺎ ﻧﻴﻦ ﺍﻧﺎ ﺻﺒﻴﺖ
ﻃﺎﺭﻕ ؛؛ ﻭﻳﻨﻬﺎ ﻫﺎﺟﺮ
ﻫﺪﻱ ؛؛ ﺍﺭﻗﺪﺕ ﺍﻣﺒﺪﺭﻱ
ﻃﺎﺭﻕ ؛ ﻫﻴﺎ ﺧﺸﻲ ﺣﺘﻲ ﺍﻧﺘﻲ ﺍﺭﻗﺪﻱ
ﻭﺧﺸﻮ ﻫﺪﻱ ﻭﻃﺎﺭﻕ
ﻭﻧﺎ ﻧﻤﺸﻲ ﺷﻮﺭ ﺍﻟﺸﻂ ﻭﺭﺍﺀ ﻣﺮﺍﺩ
ﻭﻗﻌﻤﺰ ﻣﺮﺍﺩ ﻭﺟﻴﺘﻪ ﻧﺎ
ﻧﺎ ؛؛ ﻋﺎﺩﻱ ﺍﻧﻘﻌﻤﺰ
ﻣﺮﺍﺩ ؛؛ ﺭﻓﻊ ﺭﺍﺳﻪ ﻭﺷﺎﻓﻨﻲ
ﺍﺑﺮﺍﺣﺘﻚ
ﻭﻗﻌﻤﺰﺕ ﺟﻨﺒﻪ ﻭﺗﻤﻴﺖ ﺍﻧﺒﺤﺖ ﻓﻲ ﻏﺎﺩﻩ ﻭﻣﻨﺘﺼﺮ ﻭﻫﻢ ﺍﻣﻘﻌﻤﺰﻳﻦ ﻭﺧﺸﻴﻦ ﻓﻲ ﺑﻌﻀﻬﻢ ﻭﻛﺎﻧﻬﻢ
ﻣﺴﻠﺴﻞ ﺗﺮﻛﻲ
ﺍﻧﺒﺤﺖ ﻓﻴﻬﻢ ﻭﻣﻨﺴﺠﻤﻪ ﻭﺳﺎﺭﺣﻪ ﻓﻴﻬﻢ
ﻣﺮﺍﺩ ؛ ﺑﺤﺖ ﻓﻴﺎ
ﺷﻦ ﺗﺒﻲ ﺗﻘﻌﺪﻱ ﺳﺎﻛﺘﻪ
ﻧﺎ ؛؛ﻣﻨﻈﺮ ﺍﻟﺒﺤﺮ ﺍﻳﺠﻨﻨﻨﻨﻦ ﻭﻫﺎﺩﻱ
ﺗﻌﺮﻑ ﻟﻴﺎ ﺯﻣﺎﻥ ﻣﺎ ﺟﻴﺘﻪ ﻣﻊ ﺍﻥ ﻏﺎﻟﺐ ﻋﻠﻴﺎ
ﻣﺮﺍﺩ ﻓﻮﻧﻚ ﻣﻌﻚ
ﻣﺮﺍﺩ ؛؛ ﺍﻫﻮ ﻓﻲ ﺟﻴﺒﻲ ﻋﻠﻴﺶ
ﻧﺎ ؛؛ ﻧﺒﻴﻪ ﺍﺷﻮﻳﻪ
ﻭﻃﻠﻌﻪ ﻣﺮﺍﺩ ﻣﻦ ﺟﻴﺒﻪ ﻭﻣﺪﻩ ﻟﻴﺎ
ﻧﺎ ؛؛ ﺷﻜﺮﺍ
ﻭﺑﺤﺘﺖ ﻓﻲ ﺍﻟﺒﺤﺮ ﻭﺻﻮﺭﺗﻪ ﻭﻛﺎﻥ ﻣﻨﻈﺮﻩ ﺍﻳﺠﻨﻦ
ﻭﺧﺸﻴﺖ ﻋﻠﻲ ﺍﻏﺎﻧﻲ ﻋﻨﺪﻩ
ﻭﺍﻟﻘﻴﺘﻬﻦ ﺍﻏﻨﻴﻪ ﻣﺤﻤﺪ ﻓﻮﺍﺋﺪ
ﺍﺣﻀﻨﻲ
ﻭﻟﻌﺘﻬﺎ ﻭﺗﻤﻴﺖ ﺍﻧﻐﻨﻲ ﻣﻌﻬﺎ ﺑﺼﻮﺕ ﻭﺍﻃﻲ
ﺍﺣﻀﻨﻰ ﻧﻔﺴﻰ ﺍﺿﻤﻚ
ﻧﻔﺴﻰ ﺍﻛﻤﻞ ﻋﻤﺮﻯ ﺟﻤﺒﻚ
ﻗﻠﺒﻰ ﺳﺎﻣﻊ ﻧﺒﺾ ﻗﻠﺒﻚ ﻫﻤﻮﺕ ﻋﻠﻴﻚ
ﻳﺎﻟﻠﻰ ﺣﺒﻚ ﺻﺤﺎ ﻓﻴﺎ ﻛﻞ ﺣﺎﺟﺔ ﺣﻠﻮﺓ ﻓﻴﺎ
ﻗﻠﺒﻰ ﺭﻭﺣﻰ ﻳﺎﻧﻮﺭ ﻋﻨﻴﺎ ﺍﻧﺎ ﻛﻠﻰ ﻟﻴﻚ
ﻧﻔﺴﻰ ﺍﻏﻤﺾ ﻋﻴﻨﻰ ﻭﺍﺣﻠﻢ ﺍﻥ ﺍﻳﺪﻯ ﺑﻴﻦ ﺍﺩﻳﻚ
ﻭﺍﻣﺎ ﺍﻓﺘﺢ ﻋﻴﻨﻰ ﺍﻟﻘﻰ ﺍﺣﻠﻰ ﻧﻈﺮﺓ ﻣﻦ ﻋﻨﻴﻚ
ﻳﺎﻟﻠﻰ ﻭﺻﻔﻚ ﻣﺴﺘﺤﻴﻞ ﻛﻞ ﺣﺎﺟﺔ ﻟﻘﺘﻬﺎ ﻓﻴﻚ
ﻗﻠﺒﻰ ﻗﺎﻟﻚ ﺍﻧﻚ ﺍﻧﺖ ﺣﺘﻪ ﻣﻨﻪ ﻭﺭﻭﺣﻮﺍ ﻓﻴﻚ
ﻟﻮ ﺗﻐﻴﺐ ﻋﻦ ﻋﻴﻨﻪ ﺛﺎﻧﻴﻪ ﻫﻮ ﺑﺲ ﻳﺤﺲ ﺑﻴﻚ
ﺣﺘﻰ ﻭﺍﻧﺖ ﺟﻨﺐ ﻣﻨﻰ ﻳﺤﻀﻨﻚ ﻣﻦ ﺍﻟﺨﻮﻑ ﻋﻠﻴﻚ
ﻭﺑﺤﺖ ﻓﻴﺎ ﻣﺮﺍﺩ ﻭﻫﻮ ﻣﺒﺘﺴﻢ
ﻣﺮﺍﺩ ؛؛ ﻛﻴﻒ ﺗﻌﺮﻓﻲ ﺍﺗﻐﻨﻲ ﺍﻣﺎﻻﻩ
ﻧﺎ ؛؛ ﺍﺗﻬﺒﻞ ﺍﻻﻏﻨﻴﻪ ﻫﺬﻩ
ﻣﺮﺍﺩ ﺍﻣﺘﻲ ﺗﺒﻲ ﺗﺸﻴﺮﻟﻲ ﻓﻮﻥ
ﻣﺮﺍﺩ ؛؛ ﻋﻠﻴﺶ
ﻧﺎ ؛؛ ﺧﺎﻃﺮﻱ ﺍﻧﺼﻮﺭ ﻓﻴﻪ
ﻣﺮﺍﺩ ؛؛ ﺻﻮﺭﻱ ﻓﻲ ﻓﻮﻧﻲ ﺗﻮ
ﻧﺎ ؛؛ ﻋﺎﺩﻱ
ﻣﺮﺍﺩ؛؛ ﺍﻫﺎ ﻋﺎﺩﻱ ﺷﻦ ﻓﻴﻬﺎ
ﻭﺻﺒﻴﺖ ﻭﺻﻮﺭﺗﻪ ﻫﻮ
ﻧﺎ ؛؛ ﻣﺮﺍﺩ ﺣﻮﻝ ﺍﻟﺪﺧﺎﻥ ﺍﺷﻮﻳﻪ ﺑﺲ
ﻣﺮﺍﺩ ؛؛ ﻫﻪ ﻭﺣﻮﻟﻪ ﻭﺻﻮﺭﺗﻪ ﻭﻗﻌﻤﺰﺕ ﺟﻨﺒﻪ
ﻧﺎ ؛؛ ﻣﺮﺍﺩ ﻣﺎﺯﺍﻟﺖ ﺯﻋﻼﻥ ﻣﻨﻲ
ﻣﺮﺍﺩ ؛؛ ﺍﻳﻪ ﺍﻧﺘﻲ ﻣﺰﺍﺟﻴﻪ ﻭﺍﺟﺪ ﻭﻧﺎ ﻣﺎﻧﺤﺒﺶ ﺍﻻﻧﺴﺎﻥ ﺍﻟﻤﺰﺟﻲ
ﻭﺑﺴﺒﺒﻚ ﺷﻔﺘﻲ ﺷﻦ ﺻﺎﺭ ﺷﻔﺘﻲ ﻟﻤﺎﺭ ﺷﻦ ﻗﺎﻟﺖ ﺑﺲ ﻧﺎ ﺧﺬﻳﺖ ﻗﺮﺍﺭﻱ ﻟﻤﺎ ﺍﻧﺮﻭﺣﻮ ﻋﻨﺪﻱ
ﻣﻮﺿﻮﻉ ﺿﺮﻭﺭﻱ ﺍﻧﺪﻳﺮﻩ ﻣﺶ ﺡ ﺍﻧﺨﻠﻴﻚ ﺑﻤﺰﺍﺟﻚ ﺧﻼﺹ ﺧﻠﻴﺘﻚ ﻭﺍﺟﺪ ﻫﻜﻲ
ﻧﺎ ؛؛ ﻗﻌﺪﺕ ﻧﺒﻜﻲ ﻭﺻﺒﻴﺖ ﻭﺧﻠﻴﺘﻪ ﻭﺧﺸﻴﺖ ﺟﻮ ﻣﻊ ﻫﺪﻱ ﻭﻗﻌﺪﺕ ﺍﻧﻬﺪﺭﺯﻭ
ﻧﻴﻦ ﺳﻤﻌﻨﺎ ﺑﺎﻗﻲ ﺍﻟﻌﺎﺋﻠﻪ ﺧﺸﻮ
ﻫﺪﻱ ؛؛ ﺻﺒﻲ ﻳﺎ ﺣﻨﻪ ﻭﻋﺪﻱ ﻟﺮﺍﺟﻠﻚ
ﻧﺎ ؛؛ ﺗﺼﺒﺤﻲ ﻋﻠﻲ ﺍﻟﺨﻴﺮ
ﻫﺪﻱ ؛؛ ﻭﺍﻧﺘﻲ ﻣﻦ ﺍﻫﻠﻪ
ﻭﻣﺸﻴﺖ ﺷﻮﺭ ﺩﺍﺭ ﻭﻓﺘﺤﺘﻬﺎ ﺑﺸﻮﻳﻪ ﻭﺍﻟﻘﻴﺖ ﻣﺮﺍﺩ ﺭﺍﻗﺪ
ﻃﻠﻌﺖ ﻭﺳﻴﺒﺘﻪ ﻭﻣﺸﻴﺖ ﺗﻮﺿﻴﺖ ﻭﺻﻠﻴﺖ ﺍﻟﻔﺠﺮ
ﻭﺷﻔﺖ ﻣﻨﻈﺮ ﺍﻟﺒﺤﺮ ﺍﻳﺠﻨﻦ
ﻃﻠﻌﺖ ﻭﻣﺸﻴﺖ ﺷﻮﺭ ﺍﻟﺸﻂ ﻭﻗﻌﺪﺕ ﻧﺒﻜﻲ
ﻭﺟﻌﺘﻨﻲ ﺍﻥ ﻛﻞ ﻣﺮﻩ ﺍﻳﺼﻴﺮ ﺑﻴﻨﻲ ﻭﺑﻴﻨﻪ ﺣﺎﺟﺰ ﻭﺍﻣﺒﺪﺭﻱ ﺳﻤﻌﺖ ﻛﻼﻡ ﻋﻤﺘﻲ ﻭﻭﺟﻌﻨﻲ
ﻭﺑﺤﺘﺖ ﻓﻲ ﺻﺒﻌﻲ ﻭﺍﻟﻘﻴﺘﻪ ﻓﺎﺿﻲ ﻣﺎﻓﻴﺶ ﺩﺑﻠﻪ ﻗﻌﺪﺕ ﻣﺎﺳﻜﻪ ﺍﺻﺒﻌﻲ ﻭﻧﺒﻜﻲ ﻭﺟﻌﺘﻨﻲ ﺍﻥ
ﺣﺘﻲ ﺍﺑﺴﻂ ﺣﺎﺟﻪ ﻛﺎﻧﺖ ﺩﻟﻴﻞ ﺍﻥ ﻧﺎ ﻣﺮﺍﺕ ﻣﺮﺍﺩ ﺭﺍﺣﺖ ﺣﺴﻴﺖ ﻭﻛﺎﻧﻬﺎ ﺍﺷﺎﺭﻩ ﺍﻥ ﻧﺎ ﻭﻣﺮﺍﺩ
ﻣﺸﺮﻭﻉ ﺯﻭﺟﻨﺎ ﻓﺎﺷﻞ ﻭﺍﺫﻛﺮﺕ ﻣﻦ ﻟﻤﺎ ﻛﻨﺎ ﺍﺻﻐﺎﺭ ﻣﻌﺶ ﺟﻴﻨﺎ ﻟﻠﺒﺤﺮ ﻣﻦ ﻗﺒﻞ ﻣﺎ ﻧﺠﺎﺡ ﺗﺰﻭﺝ
ﺍﺫﻛﺮﺗﻬﺎ ﻭﺣﺴﻴﺖ ﺭﻭﺣﻲ ﺍﻣﺮﺍﻳﻔﻪ ﻋﻠﻴﻬﺎ ﻭ ﺧﺎﻃﺮﻱ ﺍﺗﻜﻮﻥ ﻫﻨﺎ ﺟﻨﺒﻲ ﺑﺤﻜﻢ ﺍﻧﻬﺎ ﻣﺘﺰﻭﺟﻪ ﻭﺍﺧﺘﻲ
ﺍﻟﻜﺒﻴﺮﻩ ﺗﻨﺼﺤﻨﻲ ﻭﺍﺗﻘﻮﻟﻲ ﺷﻦ ﺍﻧﺪﻳﺮ ﻣﻊ ﻣﺮﺍﺩ ﺍﻟﻠﻲ ﺑﺪﻳﺖ ﺍﻧﺤﺒﻪ ﻭﺍﻧﺘﻌﻠﻖ ﺑﻪ ﻭﺍﻧﺤﺲ ﻓﻴﻪ ﺭﺍﺟﻞ
ﺑﻤﻌﻨﻲ ﻛﻠﻤﻪ ﺍﻳﻐﺎﺭ ﻋﻠﻴﺎ ﻭﻟﻤﺎ ﻧﺒﻜﻲ ﻧﻠﻘﻲ ﺣﻀﻨﻪ ﻣﻜﺎﻥ ﺩﻓﻲ ﻭﻣﻔﺘﻮﺣﻠﻲ ﻓﻲ ﺍﻱ ﻭﻗﺖ ﺻﺢ ﻫﻮ
ﻋﺼﺒﻲ ﺑﺲ ﺣﻨﻮﻥ ﺣﻨﻮﻧﻨﻨﻨﻦ ﺷﻔﺖ ﺍﻟﺤﻦ ﻓﻲ ﺍﻋﻴﻮﻧﻪ ﺍﻳﺨﺎﻑ ﻋﻠﻴﺎ ﻭﻳﺒﻨﻲ ﻗﺮﻳﺒﻪ ﻣﻨﻪ ﻛﺤﺒﻴﺒﻪ
ﻣﺶ ﻛﺰﻭﺟﻪ ﻭﺧﻼﺹ
ﻭﻧﺎ ﻧﺒﻜﻲ
ﺷﻤﻴﺖ ﺑﻨﻪ ﻧﻌﺮﻓﻬﺎ ﻭﻭﻭﻭﻭﻭﺍﺟﺪ ﻭﻏﺎﻟﻴﻪ ﻋﻠﻴﺎ ﻭﺩﻳﻤﻪ ﺍﻧﺤﺐ ﺍﻧﺸﻤﻬﺎ ﻏﻤﻀﺖ ﺍﻋﻴﻮﻧﻲ ﻭﺗﻤﻨﻴﺖ
ﺍﻟﺒﻨﻪ ﺗﻘﺮﺏ ﻣﻨﻲ ﺍﺧﺮ
ﻭﻗﺮﺑﺖ ﻣﻨﻲ ﺍﺧﺮ ﻭﻧﺎ ﺑﺮﻣﺖ ﻭﺟﻲ ﻭ ................
