شوق وتصآوير وعَتب
سومر حلمنه مِن التعب.
فزيت ع صوته وهوه يكلي
ليث:ليش منايمه لهسه؟
نيران:يممه جفلتني
حلمت حلم موزين وكعدت عطشانه
ليث:اشربي وروحي نامي موزين تسهرين بعد شويه افوت للغرفه ماريد اشوفج كاعده اخاف عليج من السهر
نيران:ماشي ليث هسه انام ...جان ديدخن وفاتح شباك المطبخ والشعر منثور التفت وحاجاني
ليث:لتديرين بال انشالله باجر الصبح تروحين فوك بلغرفه البيهه غراضي مال حديد جنت اصعد بيها العب حديد ف مراح يضروج هنه معزولات
ونشالله ماكون قصرت وياج بت عمي
نيران :حشاك من التقصير ابن عمي كفيت ووفيت بس اريد اسألك سؤال وجاوبني بصراحه
ليث:اسألي نيران
نيران:اهلي ماسئلو علي اباوع عليه جر حسره وصد بجهة الشباك
ليث:اااه نيران كالو لتردها النا مالنا دخل بيها بعد وابوج حيل مريض واخوتج من شافو هيج كال لا بتنه والا نعرفها خاف ترد للبيت وتموت ابويه واني ماردت اكلج بس لازم تعرفين
نيران:نزل دمعي من حجه هيج
لعد ليث وين اروح
ليث:افا عليج نيران واني وين
نيران:وامك ليث
ليث:مالج دخل بأمي اني يمج
وغرفتج حتصير فوك مالج علاقه بحد
نيران:جان اكو ميز طعام وكراسي جريت كرسي وكعدت وحطيت ايدي وابجي
ابجي ع امي الراحت بدون متسامحني وابجي ع اهلي التبرو مني بسبب غلطه
وابجي ع حالي من ذلتني عمه صباح ربي رحمني وعوضني بالاحسن
حسيت ايد نمدت ع جتفي وطبطب عليه
ليث:ليش تبجين
نيران:ابجي ع كلشي ديصير
ليث:الله كريم نيران صيري قويه لتضعفين ابد
نيران:ماكدر مااكدر مداتحمل
ليث:اشش لتكولين ماكدر الانسان يمر بضروف صعبه وهذا كله اختبار للصبر من رب العالمين
اصبري و الله يعوضج بالاحسن
نيران:الله كريم
مسحت دموعي وكتله تصبح ع خير اني حنام
ليث:وانتي بخير
........
ثاني يوم كعدت الصبح من وكت
لكيت ليث توه نازل من الدرج لابس برموده وفانيله وهوه جتفه عريض وبارز وشعره نازل ع وجهه ستحيت نزلت عيني
ليث:هاا صباح الخير
نيران:صباح النور
ليث:يلا تريكي وجيبي ملابسج عزلتلج الغرفه الفوك بس اكو اغارضي مال حديد انشالله ميزعجوج
نيران:لا عادي قابل شريد منهن
ليث:ديلا يلا بسرعه سوي اكل ميت جوع ودنصعد اسويلج ياهه
نيران:ماشي هسه ...جنت اباوعله مخبوص ويريد بس يشوفني الغرفه ويرتاح حسيته صدك يريد يذب حيله علمود راحتي
رغم انكسار داخلي بس بقيت فرحانه لان شفت اهتمامه بيه..نفضت راسي من الافكار وطرت اغسل ورحت للمطبخ
فتت اني وانشف وجهي
شفته فاتح الشباك ويدخن
سويت ريوك علسريع وكعدنه جنت اشوفه شلون يسوي حركات يتلذذ بالاكل هههه
أنت تقرأ
لم يكن لي ذنب🔞
ChickLitوخخرر عنهااا المووت بيد الله لتذب الذنب بيها وخرر من رخصتك عمي...وحق الله الي يلمسها اكسرها لأيده وشتردون تسوون سوو واني نيران اخذها وياي عمي مابقيها هنا واني احاسبها واندمها لحد يدخل
