شلون خلصت الليالي احچيلي؟
بدونك انه الثانية تهد حيلي.
-------------------
وگطعوا السچة التودينة عليهم
واحنة ياحيرتنة حيرة
لانسينة ولاكدرنة نعود ليهم !
-----------------------------------
سعد: شنو ماتعرفين اني متزوج وعدي اطفال؟
نيران:لحضه اني كلشي مجاي افهم
اسعد:مو كلولج اهلج ونتي وافقتي دزولنا موافقتج
نيران:منو دزلك الموافقه
اسعد:ام ليث
نيران:صفنت عزه العزاج نيران هاهيه كملت سالفتج يبووووو معناتها اهلي يدرون متزوج ونطوني عمي لعد صباح المره معليها اذا اهلي شمروني هلشمره
صديت عليه وبلعت الحسره وسكتت
....زين اذا متزوج ليش دتتزوج مره ثانيه
اسعد:هاي الاشياء خاصه بيه رجاءاً وماحب اذكر ليش وليش
نيران:كلت بكلبي فوكاها مراضي
شفته ماحجه شي وره شويه سلمو وراحو
دخلت لغرفتي بدون كلام
اخخ شوكت ارتاح
لحد مصارت ب12 بليل اني منايمه افكر بمصيري شنو حيصير
حسيت ع رنه مال رساله
فتحت تليفوني وشفت النقيب محمود هم داز مرحبا ممكن احاجيج
ياااارربي شراح ايفضها ويا اني ناقصه مشاكل صخام
عفته مجاوبته وره شويه هم دك
توترت ارد لولا...يووو هسه اني ليش دافكر بي
بس بعدين كلت لاا لازم اسويله حد رديت
توني كلت بعصبيه الوو
محمود:قبل متعصبين وسدي بوجهي اني اسف ع الازعاج
نيران:تره مصارت هاي كم مره حضرتك وترجع ادك
مخمود:بس كوليلي انتي صح من كلتيلي مخطوبه
نيران:وانته شعليك ليش جاي تتدخل ؟؟
تره والله....بعدني ممكمله وحسيت باب الغرفه اندفر
قائد بصياح:وووووياامن دتخااابررين؟؟؟
نيران:ها ءءء رقم غرريب دك عليه...حسيت الدم نشف بيه بسرعه سديته وهوه تف الموبايل مني وركعه بلحايط
قائد:لج اااننتي ماتوبين
نيران:وووالله العظيم رقم غريب والله
لزمني ملخني تملخ ع صوتنا اجا ابويه وياسمين
يردون يفكونه مني ماكو
بقيت اعيط واصيح لحدما شالو مني
اجيت يم رججل ابويه كعدت وابوس بيده
ياابه فدوه ساعدني لانخليهم يكتلووني والله رقم غريب ماعرفه هوه يرادله حجه عليه والله
كام ابويه وعافني ضليت ابجي وانوح اعرف الحجي ميفيد
رجعت لغرفتي واني كل امل انو انسعد بلحياة ماكو
--------------------------------------------------
مر اسبوع اني ابيت اهلي يوميه مشكله وكتله
لحد ما اجه يوم عقد المحكمه
رحنه عقدنه بلمحكمه
ورجعنه للبيت بوقتها ابويه عزمه علغده
وتفقو فقط زفه بعد يومين
لاهوسه ولا طربكه كال اذا تريدون خليها ابيت العريس اذا راد يسوي حفله او لا
جنت ادك ادك ع ليث كله مغلق
اخر شي ايست وعفته
بذيج الفتره جهزت واشترالي ذهب وبدله
يمكن اني اول عروس تختار بدلتها وهيه موسعيده ومامتمنيتها
صار موعد عرسي رحت للصالون مكياج كلش خفيف وشعري ع طوله فقط رفعته جانت اختي وامه واخته ويايه
اجه قائد بلسياره اخذنا شافني حسيته عيونه دمعت
شكد حاولت مابجي بس مكدرت
وصلت للبيت لكيت عمامي جايين وصباح تلكتني بلجكليت وهلاهل لتفت ع مرت عمي الثانيه مريم وحجيت بصوت مسموع
نيران:ياعيني عممه صباح شلون فرحانتلي
عمه مريم:هههه اي خطيه
صباح:يااا شلون مافرحلج انتي بحسبة ايناس
نيران:اي حبي والدليل فتت بيتج وره شهر طلعت منه مخطوبه واليوم زفتي
صباح:ههه اي خير عتبة بابي
نيران:سكتت محجيت بعد المهم الجانن بكلبي طلعتهن
ماكو لااغاني ولا شي بس بيناتنه وجانو اخوتي كاعدين وابويه هم الموجودين بس بيت عمامي اربعه وهاهيه
وره شويه صاحو الجهال اجه العريس
حسيت كلبي نخمش كلت هاهيه اجت نهايتي
شكد خفت بوقتهه ونقهرت لان كل العرايس امهاتهم وياهن اله اني معندي ام 💔
سلمو عليه وصارت عيني بعين ابويه احسه يكابر تقدمت عليه واني ارفع بدلتي. نصيت صوتي وحجيت
نيران:شكرا يابه ع كلشي توقعتك توكف وياي وموذنبي اتحملت نتائج عن غلطه اني مالي ذنب بيها
سكت ماحجه ويايه بس حضنته حته اسلم عليه واروح كتله هاي بس كدام الناس و اله اني ماريد شي منك وحته وجهي ماشوفكيا
طب العريس وسلم واخذني لقيت نظره عليهم كلهم ع ابويه الشمرني وع اخوتي الماوكفو وياي وع صباح البهذلتني وكلهم
وطلعت والدمعه بعيوني
اخذنه صور واخذنا فره ورجعنا لبيت اسعد جان البيت جبير وقريب ع عمه صباح لان جيرانهم
كعدنا وهمه جانو مسوين عرس بيناتنهم وره ساعه
اجني خواته ثنين ساره وخديجه كومني
صعدني فوك
وصلت للغرفه طبيت
اخشابها عاديه حلوه
كعدت وعافوني وطلعو بقت بس ياسمين بقيت ادعي ربي يعدي الليله ع خير تذكرت تلفوني اخذته من ياسمين
فتحته لكيت مكالمات من ليث...فزيت واحس توني تنفست بعد عدي امل انو هوه موجود وينقذني
فجئه صار عياط وصياح وهوسه
رحت ركضت واشوف الزلم مكلوبه ومن بينهم شفت اخوتي تخبلت
كلت بس لاصار شي اسمالله
ضليت الوب اروح منا واجي منا
ياسمين:ياستار شصار خرب حضج نيران
نيران:اوف شوكت ارتاح مادري
ياسمين:شكد فگر ولج بعدها الليله ماعدت
نيران:هههه يعني بعز المشاكل ونضحك
وكفت علشباك اباوع عليهم بسكوت
لمحت ليث بيناتهم قربت نضري اكثر واسمعه يصيح نييران طلعوها
ولزمو اخوتي بعدو عن اسعد والزلم لطمت ع خدي
وماحسيت غير بس فاتت....وللحكايه بقيه❤
لا عِندة جفن وينآم
ولا باب وأگول المغرب نسِدة،
تعالوا احچولي هذا الليل محَد يكدر يرِدة؟
--------------------
أنت تقرأ
لم يكن لي ذنب🔞
ChickLitوخخرر عنهااا المووت بيد الله لتذب الذنب بيها وخرر من رخصتك عمي...وحق الله الي يلمسها اكسرها لأيده وشتردون تسوون سوو واني نيران اخذها وياي عمي مابقيها هنا واني احاسبها واندمها لحد يدخل
