ماجد : جنت كاعد بمكتبي اللي بالبيت واتفرج من شباك المكتب ع بنات شلون كاعدات ويسولفن ... جنت اتأمل اشكالهن الححلوه ... جنت افكر لمستقبلهن ... جنت افكر شوكت حيصيرون عندي احفاد ويكومون يصيحولي جدو ... اني كبرت ولازم البنات ازوجهم واحسن نصيب الكالهم ان شاءالله .... بهالاثناء سمعت زوجتي دتصيح ....
نهله : ترف
ترف : عيوني عمه
نهله : كومي كافي تمضحك سوي غده لعمج جوعان
ترف: من عيوني عمه صار
ماجد : اني اباوع على زوجتي واكول الله يهديها شوكت تحن على هالبنيه اليتيمه
ــــــــــــــــــــــــــــــــــــــــــــــــــــــــــــــــــــــــــــــــــ
بعد مرور اسبوع ...
صديق ماجد : نعيم
العمر: 55 سنه
العمل : زميل ماجد بالعمل بنفس الشركه نشتغل
ـــــــــــــــــــــــــــــــــــــــــــــــــــــــــــــــــــــــــــــــــــــ
نعيم : اخوووي الغالي ابو نور
ماجد : هلا بالغالي هلا شلونك مشتاقين ليش ماتمر علينه شعجب مذكرنه اليووم
نعيم : لاولله يخوي اريد اجي بس الدنيا شاغلتنه وانته تعرف ضروفي بعد
ماجد : اي ولله اعرف بيك بس اليحب يعتب
نعيم : ع راسي من فوووك .....هسه شنو حنظل بلباب واكفين ماكو تفضلل
ماجد : البيت بيتك ابو ورده
...........
نعيم : عاشت ايدج اخيتي ام نور على هذا الجاي
نهله : الف عافيه اخوي ابو ورده ليش ماتجيب ورده وام ورده
نعيم : ولله يختي هاي جيتي من الدوام كلت امر اشوف ابو نور صار هواي مشايفه
نهله: كل الهلا بيك اخوي
......................
نعيم :اي ابو نور شخبار البنات شلونهن بلدراسه
ماجد : الحمدلله ماشيه
نعيم : اني جايك بشغله كلفني بيها رجال خيير مثل وجهك واتمنى ماترده
ماجد : كول اخوي عيوني الكم
نعيم : تتذكر المدير مالتنه القديم استاذ احسان ؟؟؟
ماجد : اي اتذكره شبي خوما بي شي
نعيم: يريد يخطب لابنه بنت اخوك ترف
ماجد : ترف ؟؟؟ وين شافهااا شلون عرفهاا
نعيم : اني سولفتله عليهه وكتله هيه خوش بنيه وتدرس وحبابه وخوش تربيه متربايه
ماجد : زين اني ماتذكر عنده ولد بس واحد ومتزوج
نعيم : عنده بعد واحد جان يدرس برا بروسيا وهسه رجع ويريد يزوجه
ماجد : ولله مادري بعد ياخويه الله كريم
نعيم : فكر وردلي خبر
..........
