ـــــــــــــــــــــــــــــــــــــــــــــــــــــــــــــــــــــــــ
بعد مرور اسبوع...
احسان : يلا ام احمد استعجلي الجماعه ينتضرونه
ام احمد : دقايق واكون جاهزه
راحو ابو احمد وام احمد لبيت ابو نور حتى يخطبون ترف وراحت وياهم ريام واحمد وجود ورواد......
رواد : حييل جنت خايف من هالخطوة المفاجئه اليي راح اخطيها شلون راحح اتزوج وحده مشايفها ولا حاجي ويااها ماعرف شنو تحب شنو متحب شسوي يربي .. ياربي كون تطلع حلوة وحبابه واخلاقها حلوة ياربيييي
.......
وصلوو العائله لبيت ابو نور واستقبلوهم احلى استقبال بلرغم من حالتهم الفقيره على كد حالهم بس الكل تعرف الكرم بيت ابو نور
ابو نور : ياهلا والله نورتونه اتفضلو اتفضلوو
ابو احمد : منور بأهله ابو نور
ابو نور: اتفضلوو
طبو كعدو وظلو يحجون بسوالف العرس ويتعرفون على رواد ورواد كوه يطلع الكلمه خايف من اللي راح يصير ...
ابو احمد : ايي ابو نور وين عروستنه نريد نشوفهه
ابو نور: ام نور روحي صيحي ترف خلتجي
ام نور : حااضر
رواد: (بقلبه) ياربي يااااربي ماريد انصدم ولا اريد اكسر كلمة ابويه يااربي سااعدني
ترف : (بخجل) السلام عليكم
الكل: وعليكم السلام
رواد : ولا رفعت عيوني ولا شفتها اصلاً لان جنت خايف خاف انصدم بس بصراحه مبينه حلوة ورزنه من صوتها الناعم الحلو قررت ارفع عيوني واباوع عليهه لانو هيه كبالي كاعده يم مرت اخويه وامي واني منصي ع الكاع فرفعت عيوني وشفت شي مجنت متوقعه ابد سبحان الخلقها مو بنيه صدك اسم على مسمى ترررف
ترف : كلش حبيت ريام وخاله ام احمد وهمه هم كلش حبوني بس ابد مشفت رواد بس حسيت ديباوعلي اني ارتبكت شويه بس مبينت هالشي ...
ابو احمد : بنتي انتي شنو تدرسين ؟؟
ترف : هندسه مرحله 3 عموو
رواد:( بينه وبين نفسه ) خرب باع النعوومه يالله
ابو احمد: حلوو بنيتي باين عليج شاطره وذكيه
ترف : امممم اي
ابو احمد : رواد تعال اكعد يم خطيبتك لازم تتعرفون ع بعض تسولفون شي
رواد : هاا ايي ايي بابا
ام احمد: لا هنا يستحون ميكدرون يسولفون كبالنه ابو نور ماعدكم مانع اذا كعدو وحدهم مو
ابو نور : لا طبعاً ماعندي مانع امشو كومو احنه نروح بلهول وهمه خلوهم بالاستقبال
راح الكل وبقو ترف ورواد كل واحد بمكانه كام رواد وكعد يم ترف .....
رواد : هـــلااو
ترف : هـــلا
رواد: شلونج ؟
ترف : ماشي الحال وانته ؟
رواد : بخير اذا انتي بخير
ترف : شكراً
رواد : عفواً
رواد : ولله ماعرف شنحجي اتحبين تقرين كتب ؟؟؟
ترف: هههههه اي بلي احب
رواد: شنو كلتي ؟؟ بلي
ترف : اي كلت بلي ليش ؟؟
رواد : عييديهاا مره لخ حبابه
ترف : بلي ؟؟؟
رواد : عيديهااا بعد ؟؟
ترف : بلي
رواد : شكد حلوة
ترف : (بخجل) شنيه الحلوة ؟
رواد: الـ بلي مالتجج
ترف : ههههههه اني عبالي هسه راح تعيب عليه
رواد : لا بلعكس حبيتهاا
ترف : امممممم
رواد: اييي شتحبين تقريت كتب ؟؟
ترف : كوومه اقره كتب احمد شوقي .. نازك الملائكه ..ز نزار قباني .. علي نجم .. انشتاين .. الخ
رواد : حلووو حلوو ( من كالت هييج عرفتها مثقفه )
ترف : اييي ... تحب تشرب شي ؟
رواد : عصير اذا امكن ؟
ترف : من عيوني
رواد: سالمات عييونج
........
كملو سوالف وراحو يم العائلتين وهمه مبتسمين كعد رواد يم ريام مرت اخو طبعاً علاقته كلش قويه بيها
ريام: هااا عيني بشرر حمامه غراب
رواد : حمامه حمامه حمامه ههههههههه
ريام: ايي هاي الاخبار الحلوة وغمزت لابو احمد يعني موافق
........
قرو الفاتححه واتفقو ع الخطووبه وصارت هلاهل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
